يافرحة ما تمت ( الـ X 360 اخترب )

[BioMario]

السلام عليكم ورحمة الله وبركاتة ..

كنت احمل ديمو بروجكت 8 على الـ Xbox 360
المهم اتحمل وخلاص لكن خليت الجهاز شغال من الساعة 10 الصبح لين الساعة 8 باليل -__- ..
بس اعطيته راحة ساعة و نص وبعدين شغلتة اشوفة يوم يوصل عند شعار الـ X 360 يلي هو الـ X
يعلق عدت اللعبة 4 مرات و المرة الخامسة شغلت الجهاز يشتغل وكل شي و المروعة شغالة تمام ومافي اي صوت

بس الصورة ما تطلع و الليت حق الـ Power هم 4 لمبات منهم 3 شغالين بس بالون الأحمر و الرابعة موب شغالة -_________- ..

وبعدين طفيت الجهاز و طلعت الوايرات كلها و ركبتها مرثانية و حتى الـ HDD وكل شي
وغيرت وضعية الجهاز وكل شي سويته وبعدة نفس الحالة ..

شباب تعرفون شو ممكن يطلع الخراب ..؟؟!! :embarrassed:

 

[King Wario]

اظن الحل هو جهاز جديد ...

الالوان الحمر الثلاث وين طالعين ؟ ( وين الجهة اللي مب طالع فيها لون احمر ؟ )

 

[Nintendo]

لاحول ولاقوة الابالله ..

ان شاء الله يتصلح جهازك ماتريكس .. والله مشكلة يوم الاجهزة تخرب ومايكون عندنا ضمان او وكيل يصلحها ..

 

[NSider]

أي أحد يشتري 360 تاريخ إنتاجه قبل فبراير 2007 (تاريخ تغيير بروسسر أجهزة الـ360) فهو يخاطر بأنه يواجه الـRED LIGHTS OF DOOM.

 

[mario0o]

الله يعينك يا ماتريكس 🙁
لا تشغل الجهاز خله فتره يرتاح . وبعدين شغله . وان شا الله يشتغل
(ما تهنيت بالجهاز :/ )

أي أحد يشتري 360 تاريخ إنتاجه قبل فبراير 2007 (تاريخ تغيير بروسسر أجهزة الـ360) فهو يخاطر بأنه يواجه الـRED LIGHTS OF DOOM.

شو سالفة البروسيسير بعد :roll:

 

[king zell]

الله يعينك أخ ماتركس

أنا من الناس اللي جربوا "العين الحمراء" .. 3 من 4 لمبات = Death


أنا وقتها الحمد لله عندي ضمان من بيت الكمبيوتر و عطوني جهاز جديد

 

[ASWD]

الله يعينك وان شاء الله تلقى حل لمشكلتك

 

[NSider]

شو سالفة البروسيسير بعد :roll:

بروسسرات جديدة أصغر وتخرج حرارة أقل. نفس الأداء طبعاً.

 

[hussien-11]

لا حول و لا قوة إلا بالله

الله يعينك علي ، و ان شاء الله يتيسر أمرك​

 

[mario0o]

بروسسرات جديدة أصغر وتخرج حرارة أقل. نفس الأداء طبعاً.

اهاا

نفس الشي قالته سوني عن تصنيع اجهزة البلاي3 السنة الياية

 

[Aoks]

عندك ضمان؟

 

[BioMario]

لا واللهما عندي ضمان -__- ..
اخوي واريو يوم اتخلي الجهاز واقف اللمبه على اليمين من فوق هي إلي ما تشتغل ..

يارب الله يستر ..
وديتها المحل وقال كلمي يوم الجمعة -___- ..
الله يستر قال يمكن تتصلح ويمكن ما تتصلح -________________________________________-
لو ما اتصلحت بموت -__-

 

[Humam]

لا حول ولا قوة الا بالله .. الله يكون في عونك.. الله يستر بدأت أخاف على جهازي 🙁

 

[BioMario]

ان شاء الله يارب ان المحل يصلحها -__- ..

 

[m7tram]

صارت برفيجي , وقالو ان الجهاز فيه عيب مصنعي ! وماكو أمل يتصلح حاليا .
الله يستر على أجهزتنا -_- .

 

[BioMario]

خلاص عيل لازم اشتري جهاز جديد ..
شكلي مارح اشتري ولا لعبة إلى جيرز افو رووز و بلو دراجون فقط -__- ..

عموماً شباب رح اشتري وحدة يوم الجمعة بأذن الله ..
بس شباب كيف اعرف تاريخ الصنع من الكرتون ..
لأن الرجال مستحيل يفتح لي الكرتون لأن من الشركة عليها ملصق
وإذا انفتح يدل على ان الجهاز مستعمل ..

عموماً كيف اعرف تاريخ الصنع من خارج الغلاف ..؟
و احسن تاريخ اخذة متى ..؟
وجزاكم الله خير

 

[NSider]

نصيحة .. انتظر واطلب جهاز جديد من أمريكا في فبراير الجاي (بعد 3 شهور وشوي). لو مستعد تدفع ومو مستعد تنتظر، شوف لك محل يقدم ضمان سنة على الأقل ولا تهتم لتاريخ التصنيع.

 

[mario0o]

جيرز اوف وور بعدها وبلو دراجون ما بتنزل هالسنة امريكية اصلا

عيل احسن لو تتريا الويي وتاخذها مع الالعاب وبعدين تاخذ النسخ اليديده من ال360 بعد شهر 2, الا اذا مستعيل

 

[ASWD]

همم مافي حل بالمرة يعني؟؟

مثلا مراسلة مايكرو الشرق الاوسط؟..مومعقولة تخسر الجهاز كذا والسلام

نصيحة تريث شوي وحاول تدور لك مخرج مني مناك على الله تلقى طريقة تقدر تبدل بيها الجهاز

ومفروض المحل هو اللي يتكفل بذي الشغلة حتى لو كان بدون ضمان لانه هو المسؤل عن السلعة وممكن يكون عنده ضمان عالجهاز من الجهة اللي شراها هو منها

 

[Naif]

لوول .. و انا ما اعرف عن هذي المشكلة الا الحين بعد ما اشتريت الجهاز ><

ان شاء الله يقدرون يصلحون جهازك 🙁

كم نسبة حصول هذي المشكلة في االـ360؟ و هل في احتياطات تمكنا من تفاديها؟

اذا اخترب و مافي امل يتصلح .. في امل يكون عندك صديق في امريكا مثلا يرسل الجهاز لمايكروسوفت و يرسلوله جهاز بديل او يصلحونه ؟

 

[NSider]

كم نسبة حصول هذي المشكلة في االـ360؟ و هل في احتياطات تمكنا من تفاديها؟

مايكروسوفت تقول أنها 0.02% من أجهزة اللنش، وأنا أقول 20% من كل الأجهزة، لول. الاحتياطات هي أنك تحط الجهاز في مكان مهوى تهوية ممتازة وبعيد عن الجدران بمسافة جيدة، وأنه ما يكون على موكيت أو سجاد (رخام أو خشب أحسن). ولو تشتري مروحة إضافية أحسن.

 

[BioMario]

مايكروسوفت تقول أنها 0.02% من أجهزة اللنش، وأنا أقول 20% من كل الأجهزة، لول. الاحتياطات هي أنك تحط الجهاز في مكان مهوى تهوية ممتازة وبعيد عن الجدران بمسافة جيدة، وأنه ما يكون على موكيت أو سجاد (رخام أو خشب أحسن). ولو تشتري مروحة إضافية أحسن.

صحيح كلامك اخوي انا غرفتي ما شاء الله 60 % من مساحة الغرفة تحتلها الألكترونيات
و محافظ عليها جداً ..
و التهوية ممتازة جداً جداً جداً برد ( ما شاء الله )
وكل جهاز عندي يبعد عن الجدار على الأقل متر إلى التلفزيون ..


مشكورين شباب ..
بس انا مستعجل جداً لازم اخذة يوم الجمعة مابشترية إلى إذا معاة ضمان ..
بس احد يعرف مكان في ابوظبي اقدر اشتري الجهاز معاه ضمان ..؟

عموماً كيف اعرف تاريخ التصنيع من الكرتون ياشباب ..؟

 

[BioMario]

اخوي ماريو لا تخاف فلوس الـ Wii عندي من زمان يعني مخلي فلوسها على جنب ^^ ..
بعدين شو اسوي قضاء الله وقدرة ماحد يقدر يهرب منه كل شي مكتوب

 

[Gaara]

الله يعينك أخوي ماتريكس..

انا قد إشتغلت أربع لمبات حمراء..!! لأني حركت الجهاز بالغلط وهو يشتغل..وكان بداخله CoD2..بعد ما حركته طلع صوت قوي جدا جدا جدا..مخيــــــــــــــف !!!

الجهاز كان يحتضر قدامي..أطفيه..وأفك الأسلاك و HHD ..وركبتهم و شغلت الجهاز ..وبرضو اللمبات الاربعة كلهن حمراء..! خليت الجهاز على حاله..جيت بعد ساعة..أشغل الجهاز...وأسمع نبض قلبه..! والحمد لله إشتغل مرة ثانية..لكن الشريط اللي كان داخله أصيب إصابات بليغة و شديدة جدا...إضطريت أشتري شريط جديد !

 

[BioMario]

ايه انا صارت لي 4 لمبات حمراء لكن الحين 3

 

[53]

شباب بس للحين ما عرفنا شنو السبب ؟
أنا سمعت أن الجهاز لازم ما يحتر وإن يكون بمكان مكشوف عشان يبرد ..
وأبي أعرف بالمناسبه فوائد الInterCooler .. ؟؟

 

[NESTA]

مايكروسوفت تقول أنها 0.02% من أجهزة اللنش، وأنا أقول 20% من كل الأجهزة، لول. الاحتياطات هي أنك تحط الجهاز في مكان مهوى تهوية ممتازة وبعيد عن الجدران بمسافة جيدة، وأنه ما يكون على موكيت أو سجاد (رخام أو خشب أحسن). ولو تشتري مروحة إضافية أحسن.

مضبوط كلامك NSider .... وافضل شي تشتري المروحة الاضافية + الستاندر اللي فيه مروحة

نصيحة: اي واحد يفكر يشتري ال X 360 يفضل انه ياخذ الدرايف حق (سامسونج- توشيبا)

يقال انه مافيه مشاكل ... وهذي الصورة تبين انواع الدرايف في ال 360 .... ((معليش جت متأخرة))

انا و 3 من زملائي اخذنا الدرايف (سامسنج - توشيبا) والحمد لله الى الان ما فيه مشاكل.

 

[53]

انا و 3 من زملائي اخذنا الدرايف (سامسنج - توشيبا) والحمد لله الى الان ما فيه مشاكل.

شلون أعرف نوع الدرايف الي بجهازي ؟!
والإنتركولر ما يسبب أضرار للجهاز ؟

 

[Khalid-S]

انا ماخذ الجهاز على الانش والحمدلله الجهاز للحين مقاوم .. ما ابي احط فيك الروح والامل ميتركس .. لكن انا من فتره بسيطه طلع لي ثلاث انوار حمر .. اول ما شفتنا حسيت البرق ضرب فوق راسي .. فكيت الاسلاك منه ورجبت ركبتها .. شلت البطاريات من الكنترولر ورجعت ركبتهم وشغلت الجهاز .. رجع اشتغل تمام.

 

[NESTA]

شلون أعرف نوع الدرايف الي بجهازي ؟!
والإنتركولر ما يسبب أضرار للجهاز ؟

1- اضغط الزر اللي يطلع الاسطوانة يطلع لك الدرايف ... بيكون شكله واحد من الثلاثة اللي
بالصورة.


2- الانتركولر مايسبب اضرار للجهاز بالعكس .... يهوي الجهاز وهذا هو المطلوب.