و الحرب تستمر الاعلان عن جهاز مايكروسوفت الثالث سيكون في 2012 !!

[hussien-11]

تبغى تقارن بين ميتل 4 و انشارتد 2 متأكد من اللي قاعد تسويه :confuse:

همممم وين المشكلة ؟ أنشارتد2 رسوميا أفضل ، و كل لعبة فيهم على كلام مطورها استخدمت كل قدرات الجهاز ، و أنشارتد3 بتكون أفضل منهم رسوميا أيضا

أتمنى انك قرأت المثال الي كتبت لك اياه بتمعن و اقتنعت فيه ، خذ الكلام الصحيح في النهاية و لا تعاند عالفاضي P:

بغض النظر عن الحجم الأصلي , أنا بحاول أوصل فكرة إن فرق المساحة مايدل على صعوبة التطوير

وهو كذلك .

 

[CODE-X]

ليش يضغطون الأصوات و الفيديوهات و هم عندهم مساحة كافية !

طيب يا طويل العمر فرضنا ان عندهم مساحة كافية و ما يبون يتعبو نفسهم ...
اشرحلي ليش ابديتات الألعاب على البلاي3 أكبر بكثير من أبديت نفس اللعبة على خويه الإكس بوكس :sarcastic:
فكر فيها:whistle: ...

 

[Classic Player]

طيب يا طويل العمر فرضنا ان عندهم مساحة كافية و ما يبون يتعبو نفسهم ...
اشرحلي ليش ابديتات الألعاب على البلاي3 أكبر بكثير من أبديتا خويه الإكس بوكس :sarcastic:
فكر فيها ...

لحستي مخي وش دخل ضغط ملفات النسخة الأساسية عشان تلائم الـDVDs بهذا الموضوع ؟

 

[I-NERO-I]

الله يستر شكل الحرب العالمية مطولة هل المرة :laugh::

 

[Al Pacino]

اعطيك ملف حجمه 1 كيلوبايت تفكه يطلعلك 1 جيجا(ببرنامجه طبعاً) ؟!
ترى الضغط حسابات أخرى !
انا ما قلتلك بتطلع 42 بالضبط قلتلك بتطلع اكبر من نسخة الاكس و هنا النقاش ...
انا شايفها على ما أذكر قبل سنتين و على ما اذكر انها كانت برينس اوف بيرزيا ...

نقاشي معك كان محصور على سطرك ذا:

كمثال لعبة برنس اوف بيرجيا نسخة البلاي حجمها 42.3 جيجا !

وصححت لك بالصورة انك غلطان وبعيد جدًا عن الحجم الفعلي للعبة عالبلاي .. ترد علي وتقولي هذي مضغوطة؟ بعدين ترد مره ثانية وتقول حجم الالعاب عالـ360 أقل من البلاي ؟ وترد مره ثالثة وتقول شفتها قبل سنتين !! ياخي تراها بسيطة قل "اوه معليش طلعت غلطان" وانتهى الموضوع ! حتى مع عبد المحسن يوم ضاقت بك رحت لسالفة الابديتات الي ماله اي دخل بنقاشكم الاساسي ..

هذا اخر رد لي بهالنقاش ..

 

[CODE-X]

لحستي مخي وش دخل ضغط ملفات النسخة الأساسية عشان تلائم الـDVDs بهذا الموضوع ؟

أنا قلت :

حجم أكبر = اكواد أكثر = تعقيد أكثر = صعوبة أكثر في التطوير

و انت قلت على البلايتيشن :

ليش يضغطون الأصوات و الفيديوهات و هم عندهم مساحة كافية !

و انا قلتلك

طيب يا طويل العمر فرضنا ان عندهم مساحة كافية و ما يبون يتعبو نفسهم ...
اشرحلي ليش ابديتات الألعاب على البلاي3 أكبر بكثير من أبديت نفس اللعبة على خويه الإكس بوكس

الأبديتات فيها أصوات و فيديوهات ؟!
لو تحللها فيها اكواد ... يعني نسخة الاكس حجم أصغر = أكواد أقل ,,, نسخة البلاي حجم أكبر = أكواد أكثر ... و أكواد أكثر = .... إيش ؟ :nerd:
فهمت ؟

 

[mario0o]

مع نجاح الاكس بوكس حاليا ما اتوقع تستعجل بالاعلان عن الجهاز اليديد

هالجيل له مجال انه يطول اكثر...

 

[CODE-X]

نقاشي معك كان محصور على سطرك ذا:
وصححت لك بالصورة انك غلطان وبعيد جدًا عن الحجم الفعلي للعبة عالبلاي .. ترد علي وتقولي هذي مضغوطة؟ بعدين ترد مره ثانية وتقول حجم الالعاب عالـ360 أقل من البلاي ؟ وترد مره ثالثة وتقول شفتها قبل سنتين !! ياخي تراها بسيطة قل "اوه معليش طلعت غلطان" وانتهى الموضوع ! حتى مع عبد المحسن يوم ضاقت بك رحت لسالفة الابديتات الي ماله اي دخل بنقاشكم الاساسي ..

هذا اخر رد لي بهالنقاش ..

خلاص يا طويل العمر ولا تزعل :
أنـــــا غلطان
انتهينا من السالفة اتمنى ...

 

[Classic Player]

أنا قلت :
و انت قلت على البلايتيشن :

و انا قلتلك

الأبديتات فيها أصوات و فيديوهات ؟!
لو تحللها فيها اكواد ... يعني نسخة الاكس حجم أصغر = أكواد أقل ,,, نسخة البلاي حجم أكبر = أكواد أكثر ... و أكواد أكثر = .... إيش ؟ :nerd:
فهمت ؟

×_×

اول شيء إنت قلت : و الضغط اللي صار على الاكس غير ممكن على البلاي يا سلام عليك ...
وانا رديت عليك بـ : ليش يضغطون الأصوات و الفيديوهات و هم عندهم مساحة كافية !

وحتى لو على ردك حق اكواد اكبر و تعقيد اكثر , أتوقع حسين رد عليك و أنهى الجدال في هالنقطة وأنا رأيي من رأيه تماماً

الأبديتات فيها أصوات و فيديوهات ؟!

يا إلهي يعني في نسخة البلايستشن بينسون مقطع صوتي كامل و نسخة الاكس بوكس لا ؟

 

[CODE-X]

هو غير ممكن أصلاً (يعني انهم يضغطوها بنفس مستوى الاكس)...
إنت رديت : ليش يضغطون الأصوات و الفيديوهات و هم عندهم مساحة كافية !
و انا اعطيتك سالفت الابديت في الديت ليش حق هذا اكبر من الثاني ؟! على قولتك في اللعبة نفسها ما يحتاجو طيب في الهارد ليش حق الثاني أصغر:confuse: ...

يا إلهي يعني في نسخة البلايستشن بينسون مقطع صوتي كامل و نسخة الاكس بوكس لا ؟

شكلك ما فهمت على ما يبدو :confuse:
اللحين مثلاً لما تخش باد كومباني 2 و يطلعلك يقولك في باتش او ابديت جديد و تحمله ... و تروح للاكس و تسوي نفسي الشي انت تلاحظ وجود صوت جديد في اللعبة او CG جديد :what: (لا)
طيب علشان اوصلك المفهوم ليش اللي على الاكس أصغر من اللي على البلاي ؟!
خلاص على كذا ما احد بيفهم عالثاني السالفة ما لها داعي ....

 

[Brewmaster]

طيب يا طويل العمر فرضنا ان عندهم مساحة كافية و ما يبون يتعبو نفسهم ...
اشرحلي ليش ابديتات الألعاب على البلاي3 أكبر بكثير من أبديت نفس اللعبة على خويه الإكس بوكس :sarcastic:
فكر فيها:whistle: ...

حسب ما اعرف -ماني متأكد 100%- ميكروسوفت تفرض حد معيّن على المطور (اتمنى احد يأكد كلامي)

همممم وين المشكلة ؟ أنشارتد2 رسوميا أفضل ، و كل لعبة فيهم على كلام مطورها استخدمت كل قدرات الجهاز ، و أنشارتد3 بتكون أفضل منهم رسوميا أيضا

أتمنى انك قرأت المثال الي كتبت لك اياه بتمعن و اقتنعت فيه ، خذ الكلام الصحيح في النهاية و لا تعاند عالفاضي P:

و U3 بتدفع الجهاز لأقصى قدراته,وتطلع سوني في E3 تقول جهازنا ما أعطى كل الي عنده.

 

[CODE-X]

حسب ما اعرف -ماني متأكد 100%- ميكروسوفت تفرض حد معيّن على المطور (اتمنى احد يأكد كلامي)

على حجم الإضافات و ألعاب الأركيد ...

 

[Classic Player]

والله إسمحلي خيو code-x مدري مافهمت عليك أبداً بخصوص سالفة الأبديت و علاقتها بموضوعنا

بس إلي أعرفه إن الأبديت لتعديل القلتشات البقز تهيء اللعبة لأي DLC جديد , يعني تقدر تلعب اللعبة أوف لاين ولاتسسوي اي ابديت ولا بتفرق معك

 

[nbnt]

كنت اتوقع نشوف الاعلان عنه في E3 الجاي.. لكن بعد اعلان هيلو4 ماتوقع نشوفه الا بعد سنتين او اكثر..

حسب ما اعرف -ماني متأكد 100%- ميكروسوفت تفرض حد معيّن على المطور (اتمنى احد يأكد كلامي)

نعم صحيح، الحد الاقصى المسموح لحجم تحديثات العاب الاكس بوكس صغير جدًا، بعض الالعاب ممكن تتعدى الحد اما لأنها من نشر مايكرو او لأنها "خاصه".. والمضحك لما نشوف ناس تشتكي من احجام تحديثات العاب البلاي ستيشن وهي اصلًا ايجابيه لأنها تعطي المطور حريّه اكبر. لول اذكر اني قريت خبر عن تحديث جوست بوسترز اللي مانزل لأنه بكل بساطه اكبر من الحد المسموح.

على حجم الإضافات و ألعاب الأركيد ...

الحد هذا ارتفع من فتره طويله.

 

[Brewmaster]

كنت اتوقع نشوف الاعلان عنه في E3 الجاي.. لكن بعد اعلان هيلو4 ماتوقع نشوفه الا بعد سنتين او اكثر..

للأمانة مع وضع الإكس بوكس الحالي ودفعة الكينكت وعدم وجود منافس (وي يو؟) استبعد يكون في جهاز جديد, وسوني من سنتين بس تقريبًا بدت تربح من البلايستيشن 3 والخسائر هالسنة أستبعد أيضًا. والوي يو مطول شكله.
أتوقع لسنتين قدام ماراح نشوف شيء -مازلت أعتقد ان أجهزة هالجيل ما قدمت كل الي عنده-, هل بيغير شيء الوي يو الله أعلم.

 

[Akilla]

:sarcastic:
مو مصدق طيب حملها و جرب حظك !

ترا امزح معك , لاتزعل

.

 

[ALONE]

فكره وجود جهاز اكس بوكس قمه الغباء

وباين انها اشاعه

يمكن يتكلمون شوي عن التقنيه المستخدمه فيه

لاكن الجهاز في عز وقته

هل السنه ثلاث من اقوى الحصريات مع العاب كنيكت من العيار الثقيل

السنه الجايه احتمال يسوون تخفيض للجهاز

الي اصلا ماراح يخسرون لانهم يربحون في كل جهاز ينباع

التخفيض راح يعطي دفعه كبيره في المبيعات

فيه العاب كنكيت قويه السنه الجايه فيه هيلو 4 يمكن فيه الون ويك جديده


اجل ليه مايكروسفت تنزل جهاز جديد ؟؟

لو كان وضع الـ 360 مثل وضع الـ wii

يمكن مايكروسفت تفكر في اصدار جهاز جديد

 

[AMG]

انا شخصيا ما اتوقع مايكروسوفت ( كذلك سوني ) بتركز بشكل كبير على احداث قفزة من ناحية الجرافيك بشكل اساسي اتوقع انهم كانو يشتغلو على فكرة معينة في الجهاز تفتح ابواب جديدة لطريقة لعب الفيديو جيمز خصوصا مع التوجه الجديد للسوق.

 

[Mesharey]

‏^‏

من وين طالع ؟ XD