hits counter

ويستمر مسلسل الغاء العاب الـPS3 .. الجزء الخامس من بطولة Coded Arms

Aoks قال:
والله شكلنا فتحنا system wars هنا
أنقر للتوسيع...

ما تدري ؟ هو مفتوح من زمان بس متخبي تحت اسم ترو جيمن لول .
 
وكم لعبة .. في المستقبل ممكن تجي للجهاز بعد ما كانت حصرية لجهاز اخر.وكم وكم وكم..الجولة لسا في بدايتها..وياليل مطولك
 
إنلغت لعبة؟ طيب وبعدين.
the war isn't over
 
المشكلة مافي لعبة قوية أو على الأقل الجمهور مأمل خير منها تم إلغائها.. والجهاز دوبه صار له شهر نازل.. الPS2 قعد سنة كاملة لين يستقر وتجيه الألعاب الحصرية..

خالد اذا تبغى تستفسر ليش الموضوع قلب او سار بهذا الاتجاه على حد تعبيرك, المفروض ما كنت تنزله من اساسه لأني قايلك ايش راح يكون مصيره لكن انت اصريت و قلت " بترمي لك كم حشة", والحمد لله ان كلامي طلع صحيح و جاك محمد نزل رد تحتاح معاجم وكتب فك شفرات حتى تفسره..

اذا أسلوب " الضرب تحت الحزام " أو أسلوب " ارفع لي و أنا أكبس " بيصير أسلوب ترو جيمنج, يا هلا واللللله, غايتي و منى عيني, ترى أنا الأب الروحي لكل هذي الأساليب, عندي دان 10 فيها 😉
 
والله همام انا ما احب نظام " شركتي الي احبها في خبر سئ لها ما انزله بالمنتدى " -- هذا كلامك لمن قلت لك بنزله .. هذا اول سبب خلاني انزل الموضوع .. ما يحتاج نفتح الموضوع هذا الي انفتح كثير بالمنتدى . انا اسلوبي واحد من بدايه ترو جيمنج .. اكتب رئيي بكل احترام .. الي ما تعجبه طريقتي .... ما يحتاج اكمل.
 
لالا خالد بالعكس أسلوبك عاجبني جدا.. استمر استمر.. ههههههههه.
 
المشكلة خالد انك جاي تتكلم عن لعبة والله مدري مين اللي كان مأمل منها خير..وفوق هذ اصحاب المشروع يقولو لك ان الالغاء اجا بسبب المحرك..وش دخل سوني هنا؟

Frame City Killer يوم اتلغت احد اجا وقال والله مايكرو مخبطة والخ؟..مع ان المشروعين الله بالخير ومحد عقد عليهم آمال ولو بنسبة 10%*والله كبيرة ذي النسبة*

وفوق هذ تقول كم لعبة تلغت للجهاز!!
 
GSenius قال:
لالا خالد بالعكس أسلوبك عاجبني جدا.. استمر استمر.. ههههههههه.
أنقر للتوسيع...

همام .. المشكله اني انا ما قلت شي خطا .. مو انت اول اعترفت في موضوع ان سوني وضعها الحالي سئ ؟؟ اساسا هذا شي واضح ... طيب البلاي ستيشن 3 حالياَ مافيه مشاكل كثيره .. يالكومبوننت يا البلو راي 720p ... مواضيعي الي نزلتها كلها عاديه .. انا مو قاعد االف شي من راسي ... وطريقتي في الكتابه مافيها اي تهجم او كلام استفزازي ..

هذا هو اسلوبي من بدايه TG عاجبك او مو عاجبك.

تعديل: اسود .. انت غبت فتره عن المنتدى وما تدري الالعاب الي انلغت والالعاب الي انفكت حصريتها .. سوني مالها دخل في الالغاء اذا جا من شركه طرف ثالث .. التخبت هو حاله سوني مع الجهاز حالياَ .. ما اعتقد كلامي خطا هنا ولا لا ؟؟

اما اللعبه مامل عليها ولا مو مامل .. والله اتذكر ايام البي اس بي كانوا يقولون هذي Killer app (في هذا المنتدى بالتحديد) واللعبه طلعت لها عروض كثيره بالمعارض ومؤتمرات سوني .. لعبه FPS حصريه من كونامي ما اعتقد انه شي هين.
 
التعديل الأخير:
وي خالد أنا قلت شي ؟! قلت لك استمر استمر !! يعني تشجيع و دعم ! لا تفهم غلط بارك الله فيك !
 
تعديل: اسود .. انت غبت فتره عن المنتدى وما تدري الالعاب الي انلغت والالعاب الي انفكت حصريتها .. سوني مالها دخل في الالغاء اذا جا من شركه طرف ثالث .. التخبت هو حاله سوني مع الجهاز حالياَ .. ما اعتقد كلامي خطا هنا ولا لا ؟؟ .
أنقر للتوسيع...

تخبط اوكي ماقلنا شي..حالة ما اظن يخلو منها اي جهاز جديد..حتى لو تفاوتت النسب..ولنا في 360 عبرة مشاكله ليومك هذ تقولك*الله بالخير*مع انه نازل من سنة..يعني جهاز يادوب كمل شهر على صدوره ياكل حش على كل صغيرة وكبيرة...مدري اذا هذ انصاف ولا *ضريبة الشهرة و النجاح*او لها مسمى ثاني عندكم الله اعلم

بالنسبة للألغاء..لعبة وحدة فقط اللي اشوفها تسوى اتلغت و انتقلت للـ360*عالاقل اللي اذكرهم* اللي هي الان ويك..الباقي اصبحو ملتي مثل بايو شوك حصريتها مؤقته*لسا صفحتها موجودة بقسم الجهاز في كل المواقع تقريبا*جراند ثيفيت اوتو4 اساسين كريد*مع انهم ماكانو حصريتين والسبب يعرفه الكل*فيرتشو فايتر5 هي اللي اقدر اقول عنها*اقوى لعبة* بالوقت الحالي كانت حصرية للجهاز واصبحت ملتي..

اما اللعبه مامل عليها ولا مو مامل .. والله اتذكر ايام البي اس بي كانوا يقولون هذي Killer app (في هذا المنتدى بالتحديد) واللعبه طلعت لها عروض كثيره بالمعارض ومؤتمرات سوني .. لعبه FPS حصريه من كونامي ما اعتقد انه شي هين
أنقر للتوسيع...

اما بخصوص كودد آرمز نسخة البي اس بي لحالها ونسخة لبلاي3 لحالها..الوضع مختلف من جهاز محمول الى كونسلز ماتقدر تقارن الوضع بينهم صراحا..مثل سيفون فيلتر وكيل زون..فرق بين نسخ المحمول والكونسلز..وهذي مشكلة اللي اعتبرها كيلر آب مو مشكلة سوني صراحا

وبالنسبة لظهور اللعبة في المعارض والمؤتمرات وعروض كثيرة..وحصرية..يعني الغائها مو هين..اجل نفس الحال مع Frame City Killer حصرية للـ360 ومن نامكو..وصور ألخ الغائها مو هين!
 
ASWD قال:
تخبط اوكي ماقلنا شي..حالة ما اظن يخلو منها اي جهاز جديد..حتى لو تفاوتت النسب..ولنا في 360 عبرة مشاكله ليومك هذ تقولك*الله بالخير*مع انه نازل من سنة..يعني جهاز يادوب كمل شهر على صدوره ياكل حش على كل صغيرة وكبيرة...مدري اذا هذ انصاف ولا *ضريبة الشهرة و النجاح*او لها مسمى ثاني عندكم الله اعلم

بالنسبة للألغاء..لعبة وحدة فقط اللي اشوفها تسوى اتلغت و انتقلت للـ360*عالاقل اللي اذكرهم* اللي هي الان ويك..الباقي اصبحو ملتي مثل بايو شوك حصريتها مؤقته*لسا صفحتها موجودة بقسم الجهاز في كل المواقع تقريبا*جراند ثيفيت اوتو4 اساسين كريد*مع انهم ماكانو حصريتين والسبب يعرفه الكل*فيرتشو فايتر5 هي اللي اقدر اقول عنها*اقوى لعبة* بالوقت الحالي كانت حصرية للجهاز واصبحت ملتي..



اما بخصوص كودد آرمز نسخة البي اس بي لحالها ونسخة لبلاي3 لحالها..الوضع مختلف من جهاز محمول الى كونسلز ماتقدر تقارن الوضع بينهم صراحا..مثل سيفون فيلتر وكيل زون..فرق بين نسخ المحمول والكونسلز..وهذي مشكلة اللي اعتبرها كيلر آب مو مشكلة سوني صراحا

وبالنسبة لظهور اللعبة في المعارض والمؤتمرات وعروض كثيرة..وحصرية..يعني الغائها مو هين..اجل نفس الحال مع Frame City Killer حصرية للـ360 ومن نامكو..وصور ألخ الغائها مو هين!
أنقر للتوسيع...

عندكم ؟؟ لوول صيغه الجمع هذي تقصد مين فيها ؟؟

مشكله ال360 مافي اي مقارنه معها في مشاكل الPS3 .. هذاك في مشاكل تحدث لفئه معينه من الناس اما الثاني فهي مشاكل في النظام نفسه .. كل اسبوع سوني منزله ابديت حجمه يصحك 100 ميجا وبالنهايه بدون حل .. هذا ما تسميه تخبط ؟ اجل الي اخذوه عشان يشغلون عليه افلام بلو راي وش وما عندهم فتحته HDMI في التلفزيون وش يسوون ؟؟ ولا ننسى مشكلتي الي نزلت لها موضوع بالمنتدى .. حلها عبيط جدا وغير عملي .. الاعدادات يرجعها للديفلت (بمعنى اخر يرجعها لكومبوزت كيبل الي يجي مع الجهاز) طيب فرضآ الكومبوزت حقي خليته في مكان انا مو عنده ؟؟

لعبه وحده ؟ لول الالعاب الي تكنسلت كثيره .. والله اسود ما ودي ادور واجيب لك القائمه لكنها اكثر من 4 العاب انا متاكد .. اما الحصريه .. خخخ انت شايف الاحداث الحاليه .. ولا تنسى GTA وانها ما صارت حصريه (اعلان النسخه على جهازين مو على جهاز وبعدها بسنه يعلنون النسخه الثانيه) لا وبتنزل على الاكس بوكس 360 قبل البلاي بكم شهر حسب الي قراته سابقاَ.

اما كودد ارمز .. خخخ اسود اللعبه كانت واحده من الالعاب المنتظره في الانش وندو .. اذا هنا محد مهتم فيها ترى في كثير .. ومن الي شفناه في التريلرز اللعبه لا تقارن بلعبه كل صور لها ازفت من الثانيه (فريم ستي كيلر) .. وللمعلوميه ابحث عنها وشوف كيف نزلنا فيها حش وكم واحد نزل حش بالجهاز في الموضوع .. يعني الامر مو بس مقتصر على لعبه انلغت على الPS3.
 
Khalid-S قال:
عندكم ؟؟ لوول صيغه الجمع هذي تقصد مين فيها ؟؟

مشكله ال360 مافي اي مقارنه معها في مشاكل الPS3 .. هذاك في مشاكل تحدث لفئه معينه من الناس اما الثاني فهي مشاكل في النظام نفسه .. كل اسبوع سوني منزله ابديت حجمه يصحك 100 ميجا وبالنهايه بدون حل .. هذا ما تسميه تخبط ؟ اجل الي اخذوه عشان يشغلون عليه افلام بلو راي وش وما عندهم فتحته HDMI في التلفزيون وش يسوون ؟؟ ولا ننسى مشكلتي الي نزلت لها موضوع بالمنتدى .. حلها عبيط جدا وغير عملي .. الاعدادات يرجعها للديفلت (بمعنى اخر يرجعها لكومبوزت كيبل الي يجي مع الجهاز) طيب فرضآ الكومبوزت حقي خليته في مكان انا مو عنده ؟؟

لعبه وحده ؟ لول الالعاب الي تكنسلت كثيره .. والله اسود ما ودي ادور واجيب لك القائمه لكنها اكثر من 4 العاب انا متاكد .. اما الحصريه .. خخخ انت شايف الاحداث الحاليه .. ولا تنسى GTA وانها ما صارت حصريه (اعلان النسخه على جهازين مو على جهاز وبعدها بسنه يعلنون النسخه الثانيه) لا وبتنزل على الاكس بوكس 360 قبل البلاي بكم شهر حسب الي قراته سابقاَ.

اما كودد ارمز .. خخخ اسود اللعبه كانت واحده من الالعاب المنتظره في الانش وندو .. اذا هنا محد مهتم فيها ترى في كثير .. ومن الي شفناه في التريلرز اللعبه لا تقارن بلعبه كل صور لها ازفت من الثانيه (فريم ستي كيلر) .. وللمعلوميه ابحث عنها وشوف كيف نزلنا فيها حش وكم واحد نزل حش بالجهاز في الموضوع .. يعني الامر مو بس مقتصر على لعبه انلغت على الPS3.
أنقر للتوسيع...

اتكلم بشكل عام خالد ما اقصد احد بالمرة..لهذ استخدمت صيغة الجمع لا اكثر..

اوكي مشاكل تحدث لفأة معينة مع 360..وهذ مع كل الناس..خل ناخذ التأثير الاكبر..مشاكل جزئية واغلبها تضر المستهلك بشكل مباشر..اكان بسبب اللمبات الحمرا ولا تلف الجهاز بسبب الحرارة ولا اتلاف الاقراص والبقية الباقية..ومشكلة عامة بتنحل عاجلا ام آجلا بدون خسارة فلوس..الحين اي افضل بالنسبة*للمستهلك*تخبط بينتهي طال الزمن او قصر مع التحديثات ولا مهزلة المشاكل التصنيعية اللي راح تكلف المستهلك مبالغ اضافية اكان لشراء جهاز ثاني ولا لشراء مراوح ومدري ايش..وهالمشاكل التصنيعية*الفادحة*ماهو تخبط..بسبب الاستعجال في اصدار الجهاز؟

سالفة الابديت ابو 100ميجا..وكل اسبوع ينزلو واحد جديد..كم ابديت نزل للجهاز حتى الحين؟

اما سالفة الناس اللي اخذته عشان يطالعو افلام البلو راي وماعندهم تلفزيون فيهHDMI مدري خالد..هل سوني جعلت مشاهدة الافلام او تشغيل الالعاب بواسطة ذي الفتحة اجباري؟..ماهو فيه كومبننت كيبل وفيه كومبوزت كيبل..يعني كل الخيارات بيد المستهلك وعنده حرية اختيار مايناسبه..ما ادري وش هي النقطة اللي تبغا توضحها بخصوص ذا الشي؟..اما مشكلتك..فهي لفأة*معينة*من الناس..مو كل الأشخاص راح تبدل التلفزيون لتشغيل الجهاز بين فترة وثانية ومو كلهم يشوفو حل ذي السالفة عبيط ومو عملي..

اما الالعاب الملغية او اللي كنسلوها مثل ماقلت لك ما اعرف العاب تشد الانتباه وتسوى اتلغت للجهاز غير الان ويك..اما العدد ماعندي اي احصائية..ياريت احد يفيدنا..فك الحصرية فجاوبت على ذي النقطة بردي السابق..ومسألة صدور GTA4 عالـ360 قبل لبلاي3 بعدة شهو هذي انا اول مرة اسمعها ومن الحين الين ما يتم تأكيد ذا الشي رسميا..ساعتها لكل حادث حديث..والاحداث الحالية تذكرني باحداث لبلاي2 حصرية رزدنت الى آخره..بالنهاية انت ادرى بالوضع..ما ابغا اقارن بين الماضي والحاضر..لان امور كثيرة بذا الجيل تغيرت..لكن بنفس الوقت ماهو مستحيل يتكرر نفس السيناريو..وحنا لسا في البداية

كودد آرمز اذا كان فيه احد ينتظرها وكانت مطلوبة هذ مومعناه انه الغائها يعتبر*فاجعة* وتخبط بسبب ان فيه كثير كان ناوي يشتريها..احنا نتكلم عن تأثيرها..هل كان احد متأمل منها شي كبير..عشان يكون الغائها مؤثر..ومافي فرق بين فريم ستي كيلر وهذي..لان السبب واحد في الغائهم وهو..محرك تطوير اللعبة..وردت فعل الناس على فريم سيتي كيلر..ابد ماكانت مثل ردت فعل الغاء ذي اللعبة..الاغلبية حشت في اللعبة ونامكو..بس ما اجا احد وحط اللوم على مايكرو او الاكس بوكس وقال هذ تخبط وغيره
 
اسود لا نطول السالفه وهي قصيره ...

لو الاكس حقك خربان وديه لمايكرو وتعطيك واحد جديد بداله .. وحتى في دول الخليج تعطي بيت الكومبيوتر او مهما كان جهازك ويعطوك واحد جديد بدون دفع اي مبلغ زائد .. اما مع سوني الامر غير مثل ما قلت وما بيعرف المشاكل الي بالجهاز الا الي عنده الجهاز ويستخدمه .. ابحث بالانترنت عن مشاكل البلو راي مع الPS3 و 720p واقرا .. كلامي واضح حسبت ان انت عندك خبر بهذي المشكله لكن الي واضح من ردك ان توك تعرف.

المشكله اسود مافي شي اناقشك فيه .. لووووول كل الاشياء واضحه وعلامات الاستفهام المستقبل هو الي بيجاوبك عليها .. انا كلامي عن التخبط الحالي من لانش الجهاز الى مشاكله والى الغاء الالعاب وفك حصرياتها .. على الاقل ما شفنا هذا الشي مع X360 اذا حاب نقارنه (جهازي من الانش والحمدلله لا انوار حمر ولاشي والالعاب ولا اروع بكل امانه من الانش الى الان)

بصراحه كودد ارمز بالنسبه لي شخصياَ كنت انتظرها اكثر من فريم ستي كيلر .. والي يفرق بين هذي وهذيك من ناحيه فعل الناس حسب ما تقول لان هذيك طلعت بمناسبات كثيره وكودد طلع لها تريلر واحد حسب ما اذكر .. وماني عارف انت ليش لسه قاعد تحطها بالموضوع .. قلت لك ايام كنسلتها (وكنسلت TFLO ايام الاكس الاول) نزلوا فيها حش .. بعدين انا ما حطيت اللون على سوني عشان لعبه مو منهم تكنسلت .. انا لومي على سوني مثل ما وضحت عشرين مره عن الاسباب الاخرى ..
 
لا والله خالد انا ما ابغا اطولها ولا شي..مجرد نقاش لا اكثر

عندك خيار تبديل الجهاز اذا كنت في الدول اللي بيها وكالة معتمدة لمايكرو..هني وين الوكيل المعتمد مافيه..قلنا بيت الكمبيوتر بيحل مشاكل الاجهزة اللي تشتريها منه او خلنا نقول في السعودية بس باقي الدول؟ مافي..مشاكل الـ720p..اتذكر كان فيه مشكلة ببداية الصدور وكتبو عنها اغلب المواقع..تتمحور حول عدم امكانية اختيار 1080p واظن حلوها في احد التحديثات..

شهر واحد من صدور الجهاز.ابد مايعطي نظرة منطقية ولو بنسبة 20% اكان من ناحية تخبط ولا مشاكل الابديت الى اخره..خل ياخذ وضعه الطبيعي في السوق بعدها يصير خير..عالاقل خل يستقر بكل المناطق..بعدها نجي نعاتب على مشاكل الافلام وما الى ذلك اللي مفروض تنحل بالابديت..

وهذ احنا ننتظر ونشوف وش اللي بيصير في اول سنتين من وجود جميع الاجهزة بالسوق..
 
المستقبل بيجاوب جميع الاسئله

وعلى فكره .. المشكله ما تم حلها الى الدقيقه هذي. على فكره لا تنسى اليوم الساعه 8.30
 
الحمد الله مو فاهم اى حاجة :sealed:

الحين هو موضوع يتكلم عن فشل البلاىستيشن3 فى اللنش او عن مشاكله فى عرض ال 720P او عن اللعبة الى تكنسلت ؟؟!!:slant:


على العموم العنوان يتكلم عن اللعبة الى تكنسلت فانا راح ارد على هذى النقطة :

ما اتصور ان اللعبة لها اى اهمية او انتظار من جماهير البلاىستيشن3 فحتى لو كنسلوها راح يكون شىء ماله اى اهمية .

اضافة الى ان الفريق صرح وقال ان سبب التاجيل هو محرك اللعبة فهذى مشكلتهم هم

يعنى بيكون صح لو سونى ضغطت عليهم و خلتهم يطلعوا اللعبة فى موعدها وهى دون المستوى و وقتها الناس بتقول العاب البلاى3 سيئة



وشكرا:smile:
 
يجب تسجيل الدخول أو التسجيل كي تتمكن من الرد هنا.
عودة
أعلى