وهذا نظامي الجديد..

[itachi]

Mac OS X 10.5

مدة التحميل الكامل للنظام : 30 إلى 40 دقيقه​

النظام من جد سريع ....طبعا أول ما يشتغل يسوي إنديكس حق كل الملفات ..مو بس كذا حتى الهارديسك الخارجي كان موصل وعمل له إندكس بشكل سريع ( الإندكس هذا حق البحث السريع spotlight )
والفايندر تصميمه سهل ورهيب ..وخاصية الكويك فيو ..بالضغط على مفتاح المسافه فقط ويعرض لك أي شئ بسرعه مثل ملفات الأكروبات وتتصفحها والصور والكليبات

خاصية الستيكي فيه طريقتين رهيبتين ،،،الأولى باختصار يطلع عمود مختصر لآخر الملفات ،،،والثاني مثل الصوره يطلع كل الملفات ( مناسب حق ملف البرامج كثير )

الفرونت رو ( = الميديا سنتر ) تطور للأفضل والأسرع والأنترفيس مثل الآبل تي في

الدوك مثل ما شفتون في الصور اللي فوق صاير ثري دي ...بس لما تخليه على جنب يتغير بهذا الشكل

السفاري من صج هذا شئ ثاني ...سرييييييييييع في العرض
والميل بعد زودر فيه خاصيه الرسائل الأخباريه والنوتات ...وكيف إنه مدموج على طول مع الكلاندر حق إضافه مواعيد ومن هذي الأمور جدا جدا مفيده وممتازه تخيل بريدك فيه عنوان أهوه يفهم ويأشر لك عليه وعن طريقة تقدر تحفظ العنوان أو تشوف العنوان في الجووجل ماب ::

أما التايم ماشين هذا شغله ثانيه وبعدني ما أستعملته ...لكن أقول لكم شئ
غير ضروري يكون الهارديسك خارجي ممكن تعمل بارتشن وتخليه باكاب للتايم ماشين وهذا اللي عملته أنا لكن هنيه شغلتين :

1- إذا كان داخلي ( بارتشن ) ..بيكون موجود على طول وسهل every where every time بيعمل الباك آب أتوماتيكا لكن المشكله اللي تحطها بعين الإعتبار ..ماذا لو صار شئ للهارديسك الداخلي ؟!! راح عليك كل شئ
2- الشغله الثانيه لو عملته على هارديسك خارجي ..ما بيكون موجود على طول وممكن أحيانا تنساه في بعض الأيام ما بيعمل لها باكآب وأحتمال شغلات تروح عليك ...لكن لاحظو هنيه هذا أكثر أمان لو صار شئ للهارديسك الداخلي more safety* :cooool:

هذي مراجعتي الحاليه وممكن آتيكم بالمزيد وأي أستفسار أنا حاضر ....::

 

[king zell]

مبروك عليك !

كم التقييم :yuck:

 

[Humam]

مبروووك.. أهم شي قلي الفاير فوكس كيف على الماك.. هذي من الأشياء الvital ومرة مافيها مزح..

edit: الشيء الثاني.. المسنجر على الMac.. هل مازال ما يدعم الفويس كليبس والهاند ريتن والفيديو تشات ؟

 

[Xeno]

ياخي الشكل مغري جدا...

لكن مش مستعد للتغير الآن, يوما ما.

 

[king zell]

مبروووك.. أهم شي قلي الفاير فوكس كيف على الماك.. هذي من الأشياء الvital ومرة مافيها مزح..

edit: الشيء الثاني.. المسنجر على الMac.. هل مازال ما يدعم الفويس كليبس والهاند ريتن والفيديو تشات ؟

ما أتوقع تغير عن النظام السابق .. لكن بإختصار

فاير فوكس مثل ما هو بالضبط.. لكن بيسبب لك مشكلة مع خط Tahoma العربي اللي يستخدمه أغلب المواقع.. يطلع لك حروف متشابكة و حوسة

المسنجر.. بكل إختصار.. زبالة مقارنة بحق ويندوز.. لازم تستخدم شي 3rd party لكن ما راح يكون بنفس الإستخدام السهل

 

[Ash Storm]

ممتاز, ان شاء الله انا ناوي على الجهاز بالنظام الجديد, ممكن في نهاية التيرم!

 

[Mista Koo]

ياخي الشكل مغري جدا...

لكن مش مستعد للتغير.

QFT (بعد التعديل)

 

[Khalid-S]

مبرووك. النظام فعلا رائع.

همام.

http://grapefruit.quickshareit.com/share/picture3f7851.png

 

[itachi]

الله يبارك في الجميع وعقبال اللي ناوي عليه
والتقييم 🙂 ...10/10
ومحمد جاوب على بعض الأسئله
الماسينجر الصراحه ما يهمني هذي الشغلات....برنامج الأوديم أفضل منه بمراحل ( بس صحيح مافيه الشغلات اللي ذكرتها)
أما الفايرفوكس ...ما جربته للآن لكن أتوقع بيكون أسرع في تشغيله ..بس السفاري رهييييييييييييييب بقعد عليه حاليا لمده
واللي مو مستعد يستعد من الحين أحسن 🙂

 

[iCon]

مبروك ... فعلا النظام رهيب و مميزاته الجديدة من جد عملية .. اليوم وصلني و بعدني يالس اكتشف الجديد فيه .. :laugh:

 

[Ginko]

تايم ماشين مالها فايده، على بلاطه.
تصدق توني اعرف ان Spaces موجوده في fedora الي نازل قبل اليبرد بكثير. ماعندي مشكله اذا ابل تبي تسرق افكار لان كل الناس يسوونها، لكن الي يقهر ان يوم يتكلمون عنها على بالهم هم اول ناس وانه شيء ريفلوشنري.

عموما ان شاء الله الجامعه توفره لنا ببلاش عشان احصل عليه نفس ماهو قاعد يصير من الفيستا. ويعطيك العافيه.

 

[Khalid-S]

عبدالله هم ما قالوا انهم اول ناس سوه؟ قالوه؟ وريني.

اذا انت تحس .. هذا يختلف عن اذا هم "قالوه" .. وفي فرق كبير.

بعدين ترى التايم مشين كان واضح من اول .. تركب هارد ديسك في البيت ولا الشقه .. مع جهاز الوايرلس الي عندك مثلا. ويتوزع على كل اجهزه البيت .. الميزه هذي موجوده في ليبورد لين البيلد الاخير من البيتا وانشالت من الاصداره النهائيه لان فيها مشاكل شوي. بترجع في ابديت قريب بعد ما تتحسن بشكل كبير.

هذي فكرته من اول. هارد ديسك خارجي موصل في شي داخل المنزل. تايم مشين يسوي باك اب اوتوماتيك من فتره للثانيه بدون ما انت تحس. لانك كنت شي طبيعي بتشبك بالوايرلس نتورك الي بالبيت وبالتالي بينشبك مع الهارديسك الخارجي المشبوك بالنتورك.

ما بيسوي باك اب "من ربي" بلحاله وبرجع لك ملفات مسحتها بلحاله .. الميزه الكبيره الي فيه انه يرجع لك كل الفايلات 100% مثل ما كانت بنفس شكلها بنفس محتواها الداخلي القديم حتى لو عدلت عليه (تيكست فايل .. عدلته وسويت Save قبل ما اطلع) لكن فجاه ابي القديم .. التايم مشين هنا مهمته.

انا الباك اب والاسترجاع عمره ما شي صح معي سواء في ويندوز او ماك سابقاَ .. الملفات مو كلها ترجع. اتذكر بالويندوز كان يطلع لي ملفات غريبه لمن اسوي استرجاع. يمكن المشكلة مني ما اعتقد.

الخلاصه ان تايم مشين خلى سالفة الباك اب "يوزر فريندلي" اكثر بكثير من ما كانت عليه زمان. وهذي خطوة مره جيدة. لان كلمه "باك اب" لليوزرز العادين "تخوف" ويحسونها شي معقد. ابل قاعده تحاول تسهل العملية قد ما تقدر.

سبيسس وفيدورا ما كنت ادري عنه. بقرا الحين. لكن زي ما قلت لك ابل ما قالت احنا اول من سويناها. انت اعتقدت هذا الشي.

خخخخ اشتريه وش منتظر. مع تخفيض الطلاب بيوصلك بسعر جيد. الا اذا مو مستعجل.

 

[Xeno]

موجوده في fedora الي نازل...

همام طلعت نصاب, هذا الـinspiration عيل...

 

[Ginko]

طبعا مو مستعجل لان بيوفرونه الجامعه ببلاش.

بخصوص التايم مشين فيوم تكلموا عنها من اول مره ويوم عرضوا الديمو في الويبسايت بعد اول اعلان ماقالوا شيء عن هاردديسك خارجي او مدري ايش. المفهوم كان ان الفايل سستم حقهم مصمم بطريقه ان يحافظ على الي تحذفه الى نقطه معينه من الزمن، وهالشيء ممكن نظريا لكن تطبيقيا مره صعب ومحدود، عشان كذا انا اعجبتني الفكره وحقدت على ابل يوم وضحوا ان لازم هارديسك خارجي في الديمو الاخير الي توفر في موقعهم.

بخصوص السبيسز فهم ماقالوا ان هم اول ناس سووها لكن سوقوا الفكره على انها فكرتهم وان شيء ماراح تلقاه الا في الماك، وهالشيء واضح في استعراضهم للافكار. ما يقدرون يقولون هذي فكرنا لانها مو فكرتهم، لكن يقدرون يخدعون المشاهد ويخلونه يحس انها فكرتهم وانه شيء خاص في الماك من طريقة عرضهم لهالفكره وتسويقها.

ابل ماشاء الله فنانه في التسويق والبهارات على غير سنع والفلسفه الزايده، وهذا الي يقهرني بسياستها، فهم يصرفون فلوس اكثر ومجهود اكبر للتلاعب بعقل ومنظور المستهلك بدل ما يصرفون هالفلوس والمجهود في تطوير شيء فعلا جديد ورفلوشنري.

مو لازم تسوي بحث عن الفيدورا، عندي انا في الجامعه واستخدمه يوميا، واكتشفت هالشيء فيه مؤخرا مع انه كان متوفر من زمان.