شلون مو تمهيد ؟ واضح انها جس نبض .. فيه سبب ما اعلنوا الا لعبتين فقط للسويتش 2 وحدة بسبعين ووحدة بثمانين يجسوا نبض الناس تقبلوا السعر خلاص بعدين كل لعبه بيعاملوها كانها ماريو كارت
البداية اللي يقدر يرفع فقط اللي عنده اسم قوي .. بعدين الكل بيشوف نفسه انه اللي عنده اسم قوي
يعني يمكن GTA يتجرؤوا ويرفعوا الى 100 لانهم روكستار ولانه GTA بس بعدين ما فيه شي يمنع ان سوني تقول العاب ناوتي دوج ما تقل عن روكستار
ولا فيه شي يمنع ان البقية يمشوا ورا هالمنهجية
ما أعتقد انهم أخذوا القرار نيابة عن أحد أو خدمة لأحد هنا الفكرة، هم عندهم رغبة في الرفع
لما باعوا زيلدا دموع المملكة ب70$، ما كان فيه أي باكلاش حقيقي ولا بأي شكل،
الظاهر الرسالة الي وصلتهم هنا أن الزبون ما هو price sensitive بالشكل الي كانوا يتوقعوه، ال80$ حتى ما حاولوا يبرروها مثل ما حاولوا يبرروا تسعيرة زيلدا
أعتقد كان فيه سوء تقدير وسوء قراءة
بدون شك عندنا أسعار ماريو كارت و أسعار دونكي كونغ بانانزا، الزبون راح يتجاوب مع سعر وحدة فيهم أكثر من الثانية وبناء عليها راح يبنوا استراتيجيتهم المستقبلية في التسعير.
حتى لو الغاية العنوان ينتشر .. بالنسبة للزبون هذي goodwill .. هذي incentive ادخل الجيل الجديد
انا هذي اول مرة اشوف شركة تسوي اللي تسويه نينتندو بجيل جديد تسوي كل ما تقدر عليه علشان (( تنفر )) الناس مو علشان تشجعهم يدخلوا للايكو سيستم تبعها
يعني حتى سوني اللي انا كنت انتقدهم وبعنف بداية الجيل .. اهون منهم !
أكيد، قصدي هذا العنوان يتم التمهيد له بطريقة ملحوظة حتى يكون ماسكوت سوني في ظل خسارة عنوان كراش بانديكوت في السابق
ننتندو بشكل واضح تستهدف الأشخاص الي اشتروا السويتش الأول بشكل رئيسي، الفكرة أكيد فيه 15 مليون شخص منهم يبغى يسوي أبجريد في أول سنة
مثل ما قلت فوق فيه سوء قراءة، قوة البراند مع ال150 مليون الي باعوها واضح انها حطت راسهم فوق الغيوم
هذا كان مفروض يكون أسهل انتقال من جيل إلى جيل في التاريخ، كان كافي جدا يعلنوا لاين Nintendo Selects و يعطوا حافز للاعبين جدد يدخلوا المنظومة (والي هو شيء كانوا يسووه تاريخيًا في كل جيل)
أنا كنت أعذرهم بعدم التخفيض خلال الجيل نفسه لأن الألعاب عناوين رئيسية بالنسبة لهم حتى لو قديمة
لكن لما تدخل جيل جديد، خلاص، انت مو محتاج تحافظ على سعر عناوينك القديمة لأنك جالس تستبدلها بإصدارات جديدة، عناوينك القديمة مع دعم الBC تصير حافز تجيب زبائن جدد
لكن نظرتهم كانت مختلفة بشكل غريب، وكأن ما في أحد في دائرة صنع القرار جالس يحاول يحاكي طريقة تفكير الزبون
أو كأنهم يقولوا لك.. اذا ما كان عندك استعداد تدفع فنحن لا نريدك، و هذا غير مقبول
حتما راح يكون فيه تأثير لهذه القرارات على الdemand، مع أن المحللين إلى الآن... مو متوقعين هالشي ويتكلموا عن 15 مليون في 2025 يعني خلال 6 شهور
إما احنا مو مقدرين رغبة اللاعبين الحقيقية في الدفع (لول)، أو ننتندو بالغت في تقدير قوة عناوينها
قريبا بنعرف كل شيء.
انت توضح بزيادة كذا تشويش الرسالة اللي تقدمها نينتندو.
