وش الحل بنظركم ؟!!

[Dante]

بصراحة دورت بالانترنت مالقيت حل جيد واتمنى المساعدة منكم

القصة انه صارت بيني وبين واحد من اخوياي مشكلة وانتهت بزعله مع انه هو غلطان مثل مانا غلطان , المهم صديقي هذا ماتكلمت معه من عدة اشهر بس سلام وكذا وتقريباً انا اشوفه بشكل شبه يومي وبصراحة اشتقت اني اسولف معه واكلمه وكذا هو كان من اعز اصدقائي واغليه بشكل كبير , بصراحة مدري كيف اصفي النية معه ,,, ساعدونا

يليت الحل :crying::crying:

 

[Revolver]

عطه هدية, بعدها بكم يوم تكلم معاه.

 

[Photon]

اللي يبعيك برخيص بعه بتراب مع الف سلامه بدال الواحد الف لوووووووووول

بس هذا مو حل و الرجال مايمزح :sarcastic: ، عموماً التدوير بالنت ماراح ينفع ، جرب تجيب وسيط بينك و بينه و تثق فيه و يحاول معاه ، أكتب له رسائل على الجوال .

هي كذا الصحبة ماتقوى إلا مع الأزمات و الخلافات ، و الله يوفقك :happy:

 

[HAL-9000]

أنا أشوف إنك تكلم شخص قريب منك ويكون في نفس الوقت قريب من الشخص اللي تزاعلت معاه. وتخليه يتوسط في المصالحة بينكم.



والله يصلح بينكم وبين جميع المسلمين 🙂

 

[Gon freeces]

اعتذر عن غلطتك انت , هذا أهم شي تسويه , لا تتوقعه هو بدوره يعتذر لك , أهم شي إنك انت سويت الصح .
إذا تبغى شي إنت دائمًأ سويه ولا تستنى أحد ثاني

محتوى مخفي

(شدخل هذا الشي لول)

و شي ثاني دائمًا يساعدني : خلك صريح , قل له اللي تبغاه و لا تضيع وقتك.

 

[Yaz3D]

بصراحة دورت بالانترنت مالقيت حل جيد

وش دوّرت بالضبط؟ >.>

 

[Dante]

طيب تتوقعون ترجع الصحبة بعد مرور اكثر من 4-5 شهور , وبانتظار باقي الحلول مع الشكر

 

[Photon]

طيب تتوقعون ترجع الصحبة بعد مرور اكثر من 4-5 شهور , وبانتظار باقي الحلول مع الشكر

مافي مانع ترجع ان شاء الله ليه لأ ؟ أتوقع حلول الشباب لو تجربها كلها بتكون كفاية 🙂

 

[Rockman]

اممم نصيحة مجرب
ابدي انت بالزينة
سلم عليه..حاول تكلمه كانه شيئ ما صار واعتذر عن خطأك وقول له انا اسف .. الخ
وحتى لو ما اعتذر تقبلها بصدر رحب
ونصيحة مجرب هامة
مهما كان لا تجيب طاري السالفة او مثلا تذكره بالماضي
تذكر ذاك اليوم يوم فعلت كذا .... حتى لو تصالحتوا وكان على سبيل المزاح
صدقني هالامور ممكن تعيد مشاعر سلبية في صاحبك

بشكل عام يعتمد على صاحبك
فيه ناس بسرعة ترجع العلاقة وبلمح البصر
بعضهم ياخذ مدة .. " لا تحاول تضغط عليه بصداقتك مرة اخرى " يعني لو تسامحتوا ولاحظت ان علاقتك ما رجعت زي اول انتظر شوي لا تضغط عليه او تقول له وين صداقتنا اول وشكلها السالفة لسة مأثرة فيك .. اتركه على راحته وانت استمر طبيعي جدا وراح تشوف انه مع الوقت رد معاك

بالاخير تعتمد على الانسان نفسه

 

[Dante]

وش دوّرت بالضبط؟ >.>

مايحتاج اقول بما اني ماطلعت من البحث بفائدة !

اتمنى منكم تفيدوني وخاصة الي مرو بتجارب مشابهه

 

[Sky Walker]

روح واعتذر مباشرة !!

اسئل مجرب ولا تسئل دختور (@)

 

[ZiZ]

إذا شفته من بعيد اركض له بأسرع ما عندك، وأول ما توصل حط يدك على كتفه وخذ نفس عميق وقل بصوت عالي "تصير صديقي؟!!!"

إذا رفض بعدها فإما أن اللي صار بينكم شي كارثي، أو أنه ما يستاهل الصداقة...

 

[Nintendo]

للامانه انا تعودت اني ماحكم على شئ بدون ماسمع للطرفين, انت تقول انه هو غلطان بقدرك ولكن نحنا مانعرف وش صار لانه يمكن واحد منكم (فقط) اللي غلطان وهو اللي المفروض يعتذر.

راجع نفسك وحاول تقيس الامور من كل جانب ويمكن وقتها تعرف اذا كنتم الاثنين غلطانين ولا واحد منكم فقط (حتى لو بدرجة اكبر), والمفروض الاعتذار يكون من الغلطان (هاذي طريقتي بحل الامور). وفيه نقطة مهمة ثانية, فيه ناس صدقني حتى لو غلط عليك تحاول بقدر الامكان ماتفقدهم لانهم جزء من حياتك وفيه ناس اذا غلط عليك تقدر ترمي بصحوبيته بأقرب زباله وانت بكرامة لانه التخلص منهم هاذي ميزة.

 

[The Blue King 9]

والله انا عندي نفس المشكلة من واحد له اكثر من سنتين او 3 🙁 وواحد ثاني 6 شهور :whistle:<< المشكلة انه هم الغلطانين علي :sadwalk:

و انا اشوف افضل حل انك تدور وسيط وهي قد صارت لي اكثر من مره .. خاصتا اذا كنت من الاشخاص الي صعبة عليك تقول آسف لواحد غلط عليك
اما اذا كنت انك انت الغلطان عليه فما فيه اي حل غير انك تروح تعتذر له بنفسك لأنه احتمال كبير ما يقبل بالوسيط لأنه طبيعي ماراح يرجع له حقه او كرامته وهذا الي اسويه دايم

طبعا لازم تشرح لأكثر من شخص المشكلة عشان تعرف من الغلطان لأن صعبة تحكم بحكم العاطفة


تم حفظ الموضوع في المفظلة للإستفادة من آراء الأعضاء

 

[Mute City]

قد حصلتلي هذي المشكله وكان الحل حقها سهل
واحد توسط بيننا وجمعنا وخلنا نحن للأيام الخوالي
وصدقني يالغالي إنه هو يفكر بنفس تفكيرك أنا بعد ما تصالحت مع صاحبي
قلتله إني كنت من زمان أعتذر منه بس كنت متخوف وتفاجأة بالرد نفسه :>
فإعقلها وتوكل

 

[Mansoury]

تقريبا حصلت لي نفس مشكلتك من فتره
واحد من اعز اصحابي بعد كان هو الغلطان ويمكن جلسنا خمس شهور ما نتكلم
هو موجود عندي في الماسنجر ولا سوا لي بلوك
فبعد خمس شهور قلت الولد من جده زعلان للحين
فقلت اني اكلمه على الاقل بس اسلم
اول مره ما كان يرد او يمكن ما كان يكون موجود على الجهاز
ثاني مره وثالث مره الى ان رد
السلام عليكم ... كيف الحال ... وش الاخبار ... جبت موضوع كنا دايم نتكلم عنه و دخلنا بنقاشتنا الاوله
ولا جبت له سيرة الزعل ولا كن شي صار
وهذاني الحين اكلمه و يكلمني

 

[Dante]

وفيه نقطة مهمة ثانية, فيه ناس صدقني حتى لو غلط عليك تحاول بقدر الامكان ماتفقدهم لانهم جزء من حياتك وفيه ناس اذا غلط عليك تقدر ترمي بصحوبيته بأقرب زباله وانت بكرامة لانه التخلص منهم هاذي ميزة.

هو من النوع الاول , المسألة تقريباً عادية وانا غلطت الغلط الاكبر بس الشغله ماكنت محتاجه هذا الزعل , انا اعترف اني وقت المشكلة ماهتميت بالامر ولكن بعد مدة اشتقت اكلمه واسولف معه

 

[Rare Games]

مادام الى الان بينكم سلام هذي سهله

انا صارلتي مرتين مرة زعل لمدة اربع سنوات بدون سلام وكانت نتيجة هوشة (طق) وجا سلم

علىي وتحسفنا ان كل واحد فينا مكبر السالفة والموضوع اخذ اربع سنوات وكل واحد كان خايف لو

جيت وسلمت عليك يمكن تردني

ثاني مرة هم كانت نهايتها طق وقعدت اربع سنوات بدون سلام لكن هالمرة انا الي سلمت عليه

للاسف ما تعلمت من تجربتي السابقة كان المفروض الامر ما ياخذ اكثر من شهر

والي كان مخوفني بالموضوع ان في حديث معناها ما يجوز تزعل اخاك المسلم اكثر من 3 ايام

وانا للاسف مرتين لمدة اربع سنوات

مادام للحين سلام عادي وانت تسلم عليه كلمه وحاول تسولف وياه لو دقيقه وبعدها اكثر

واكثر وان ردت العلاقة عادي اهم شي ان الي حصل مايتكرر مستقبلاً

 

[Futrus]

طنش !

 

[s3rorh]

:whistle:

 

[pacino]

:whistle:

"مالت عليها" وعلى برنامجها..الغبي..

 

[Dante]

اتمنى محد ياخذ المسألة استهبال , الموضوع جدي وانا انتظر اي رد بالموضوع ممكن يساعدني مو يحبطني

 

[Light]

طنش !

احسن شي :whistle:


طنش تنتعش:lebb:

 

[Light]

اتمنى محد ياخذ المسألة استهبال , الموضوع جدي وانا انتظر اي رد بالموضوع ممكن يساعدني مو يحبطني

اذا انت غلطان روح اعتذر منه (مثلا عطه هديه) و بتشوف كل شي يرجع طبيعي

اذا هو غلطان طنش.........و في النهاية بيجي لك و بيعتذر منك >>>>>>>>>اسال مجرب

 

[Dante]

اوكي انا غلطان

وقت المشكلة اعترف اني ماكنت مهتم اذا زعل او لا , لاني توقعته بيزعل كم يوم وبراضيه , بس مع الوقت صعبت علي اني اعتذر منه , والحين نادم اني طولت المسألة

وزي مايقولون ماتعرف قدر الشي الا اذا فقدته

 

[s3rorh]

ما ادري ليش كل هالردود ... و مكبرين الموضوع شباب ( سواء لكاتبه أو للردود )

ماني عارف وين المعجزه بالموضوع ... و بالسالفه بكبرها

يعني لو انتم اصحاب مثل ما قلت ... وحيل ويا بعد ... جان ما افترقتم وصار ألي صار ..

وبعدين دامك تقول إنه صاحبك الروح بالروح !!! وين المشكله اذا رحت له وقلت له الكلام ألي كتبته ببدايه الموضوع ؟؟؟ (( يعني بس تعرف تقول هالشي لناس عمرك ما شفت وجيهم ... أما صاحبك ما تقدر تقول هالكلمتين على بعض له ))

هل هو خوف ؟؟ أو هو شعور تنازل من مكانتك ؟؟ أو تحس فيه نوع من الذل لنفسك ؟؟

اذا كان ألي تتكلم عنه صحيح,,,, و صديقك من نوع الاصدقاء ألي ما تقدر تتخلى عنه ...
اتوقع الامور ألي ذكرتها توني ما راح تأثر بنفسيتك
أما اذا شفتهم وايد عليه وهو مو مستاهل .... شقول بعد


وبالتوفيق

 

[Bakloyd]

اتمنى محد ياخذ المسألة استهبال , الموضوع جدي وانا انتظر اي رد بالموضوع ممكن يساعدني مو يحبطني

فيه ردود كثيره هنا تساعدك! اختار واحد منها :sadwalk:

بالنسبه ليه انا من النوع اللي (اذا مايبغاني ما ابغاه) طبعاً بعد ما أتأكد تماماً انو مايبغى يصير صاحبي

فـ إذا كان صاحبك مره وماتقدر تفارقه دق عليه وكلمه قله مايصير طول هذي العشره نفترق على شي غبي ..واذا قللك حرك ماعد بشوفك قلله شكراً وقفل السماعه وانساه وانتهينا:whistle:

 

[Andrew X]

اخ دانتي ترى انا حررت ردي الأول لمن شفتك مضايق قلت ماودي اغثه وهو مغثوث بس ذا ليجند ماشاءالله اقتبس الرد الظاهر في نفس الوقت اللي حطيته فيه >.>"

على العموم والله مدري وش اقولك..بس هونها وتهون انت معطي الموضوع اكبر من حجمه فقط.

 

[Dante]

المشكلة مو بالحلول , المشكلة اني باراضيه بعد مدة طويلة ! بالنسبة لي والله نادم على اني ماراضيته من البداية

 

[Bakloyd]

انت كذا مكبر الهرجه مره.. كلنا نكون عنيدين في البدايه بعدين نكتشف اننا كنا غلطانين الهرجه بسيطه جداً دق عليه واتأسف والنتائج مرضيه بدرجه مضمونه اذا كان صاحبك عنده ذوق