ورنا ابداعاتك

[Huda]

السلام عليكم






كعادتي المعروفه دايما جوعانه :yuck:

فنزلت قبل شوي سويت لي اكله لذيذه وسريعه بما اني تقريبا قاطعت اكل المطاعم

وانا سامعه ان العيال فنانين بالطبخ :yuck:
واشوف هالشيء بأخوي الصغير يطبخ كل شيء

فهنا ياليت كل واحد يكشف عن ابداعاته واسراره بالطبخ :laugh:

بالنسبه لأكلتي الي سويتها هذي اكله اسويها من سنوات (يمكن عشره) والي علمني عليها ولد جيرانا :yuck:

المقادير:
جبن كرافت
خبز ابيض
زيت

طريقة العمل:
جيب الخبزه افتحها بحيث تصير قسمين خذ القسم العريض مو النحيف وحط فيه جبن كرافت بعدين اسفطها وادهن الخبز من بره بزيت
وحطه بتاوه لين ماتشوف الجبن يسيح (طبعا قلبه على الوجهين)


وبالهناء والعافيه :yuck:
صح انها سهله بس والله لذيذه بشكل اصلا في شيء يدخل في جبن كرافت ومايصير لذيذ !



اكله ثانيه روعه برضو

المقادير:
فلافل
طماطم
بصل
ملح
فلفل أخضر (للي يحبون الأكل الحار)
بطاطس مقلي (عند الرغبه)


الطريقة:

جيب تاوه قصص البصل والطماطم واحمسها فيه مع الملح والفلفل والبطاطس اذا تبغى (لازم يكون مقلي)
بعدين جيب الفلافل (خمس او 6 حبات على حسب الطماطم والبصل الي حاطه ) وفتته بيدك
واحمسه مع البصل والطماطم ... الخ
انتظر خمس دقايق وجرب اللذ اكله !


هالألكلتين تصلح لطلاب السكن الي طفشوا من اكل المطاعم :yuck:​

 

[Humam]

جبن كرافت صديقي وقت الأزمات, تقسم العيش الأبيض ( الشامي ) بالنص, و تدهن بالجبن و ترميه في الفرن لين يتقمر, ابدااااااع :cryy:

 

[SHABASH]

الاندومي وارفع يدك

 

[Sky Walker]

المشكلة اندومي ويخب عليّ لووووووووول :yuck:

اقولك شي سريع ورهيب حده

المقادير :

بيض
خبز صامولي
جبن تشيزدل قابلة للدهن
يفضل يكون موجود مايكرويف تسخين



اقلي البيضة ... وحاولي تخلينها مضبوطة " يعني مو مستوية محترقة 120% ولا نص مستوية 90% .. 98% افضل شي ... بعدها اخذي الخبز الصامولي وفتحيه بالسكين ودهني فيه شوية جبن تشيزدل وحطي عليها البيض المقلي ... بعدها حطي السندويش بالمايكرويف 20 \ 15 ثانية لمن تشوفين الجبن بدأ يصير سائل شوي ... وبعدها تذوقي المذاق الفريد يمي يمي

 

[pacino]

اول اكله عجيبه تصلح اذا كنت بالليل و الكل نايم لوول
بصراحه انا ما جربت اطبخ ولا ادخل المطبخ بعد السالفه إلي صارت لي: اتذكر مره كنت سهران وكنت ادرس فقلت بسوي لي حليب كاوكاو..حطيت الحليب على الطباخ ومسكت الكتاب ونسيت الحليب! إلين ما فار الحليب وطلع وطفا النار..وما تذكرت الحليب إلا على ريحة الغاز! ..كانت بتصير كارثة لووول بس الحمد لله

 

[king zell]

شعندها هدى مدهرة هاليومين مواضيع.. يمكن إجازة و لا شي.. أو يمكن النفسية مرتفعة

أنا صراحة حبيت الطبخ.. يمكن دراستي برا هي اللي فتحت لي المجال


عموما اللي يبي يجرب هذي الأكلة.. سهلة و بسيطة و لذيذة.. و أنا اللي ألفتها (لول الجوع و ما يسوي)

باستا زيت الزيتون بالتونة !

المقادير:
- كيس باستا أي شكل
- علبة تونا
- زيت زيتون
- علبة صلصة باستا جاهزة



اغلي الباستا لمدة عشر دقايق و اضيف لها الزبدة عشان ما تلتصق.. ضع زيت الزيتون في مقلاة و اسكب فوقه التونا و قلبها بهدوء.. أضف قليل من الصلصة و بعدها نشف الباستا و أضفها لكافة المقادير عالمقلاة.. حركهم لفترة بسيطة.. بعدين اخرج المقلاة و ضع الباستا في صحن التقديم.. بووم !




بالهناء و الشفا

 

[Final Fantasy]

بالنسبه لأكلتي الي سويتها هذي اكله اسويها من سنوات (يمكن عشره) والي علمني عليها ولد جيرانا

المقادير:
جبن كرافت
خبز ابيض
زيت

نصيحة لوجه الله .. قطعي فص الثوم لقطع صغيره و انثريها عالجبن و شوفي شلون تطلع و ادعيلي

أنا دائما أسويها

 

[Huda]

انا قايله ان الشباب طباخين 100%


ـــــــــ
king zell
ههههه انا ارجح الأختيار الثاني لأن اختباراتي هذا الأسبوع :yuck:
بعدين الي يعرفني من المنتدى يعرف ان مواضيعي اكثر من ردودي هههههههههه​

ــــــــ

pacino
الي صار لك يصير لي بكل مره اسوي فيها حليب :laugh:​

 

[Huda]

نصيحة لوجه الله .. قطعي فص الثوم لقطع صغيره و انثريها عالجبن و شوفي شلون تطلع و ادعيلي

أنا دائما أسويها

للأسف الثوم ممنوع يدخل ببيتنا امي ماتحبه علشان الصلاه سامعه انه مايجوز تاكل ثوم وتصلي

انا احبه والله هو الي يحلي الأكل :cryy:​

 

[Saadawii]

همممممممم. ما أقدر أقول اني طباخ. اللي أحب اسويه وهو سهل طبخ الرز الأمريكي أو الصيني بالقدر الكهربائي حق الرز مع الزبدة أو السمن المنزلي(ماركة الوالدة يعني)، مع اضافة صلصة الصويا أو الخلطة المكسيكية من كنور، مع حمس وتحمير المكسرات بالمقلاة، واللحم طبعا لازم يطبخ ويحمس بالصويا حتى يتغير لونه ويتشربها، بس ما أسوي اللحم. أو الله يخلي شواية جورج فورمان أحلى ستيك من أحلى يدين (يديني).

أوه وفيه هوت شوكليت ينباع بالتميمي اسمه سويس ميس. الطريقة: أفرغ المظروف في كوب وصب عليه موية حارة واذا ما عجبك ترى حبيبات التذوق عندك فيها بلا.

وترى جبن كرافت مو حلو. أحس انه صناعي من يوم جربت الجبن الأوروبي في الفور سيزن، له ريحة قوية ذاك الجبن، وهي اللي تحسسك أنه طبيعي. رهيب من قلب.

 

[Colorization]

اعرف اطبخ وايد اشياء لأني late nighter لكن اهم شي:

 

[gaara 660]

التوست والجبن كرافت وامشي

ولا تنسى الطماط والخيار مع الشـاي

 

[BioMario]

الصور انا صورتها من يومين + من طبخي :yuck:
أكلة إيطالية بحته ( اموت على الأكل الإيطالي )

ARABIATA


المقادير :-

3 حبات طماطم
1 فص ثوم
نص او ربع بصلة
نص مكعب ماجي
ثلث ملعقة صغيرة ملح
ملعقة صغيرة زعتر
ملعقة صغيرة نعناع يابس
ملعقة صغيرة من معجون الصلصة
باستا على شكل أشرطة ( اللينجويني ) او اي شكل أخر
معلقة كبيرة زيت الزيتون


الطريقة :-

- نغلي الماء ونضع فيه القليل من الملح ونضع فيه الينجويني حتى تنضج ( 10 - 15 دقيقة )
- نهرس الطماطم مع الملعقة الصغيرة من الصلصة بالخلاط ورح يتكون لنا المزيج الرئيسي للأربياتا ( يستحن الخلاط اليدوي للسهوله )
- نضع زيت الزيتون في المقلاه ومن ثم البصل وثم الثوم و يقلب جيداً
- نضع المزيج الطماطم الرئيسي و يقلب جيداً ثم نظيف الملعقة الصغيرة من الزعتر و يقلب المزيج لمدة ربع ساعة على نار متوسطة
- نضع الباستا في صحن التقديم ومن ثم نسكب فوقها صلصة الأربياتا
- نضع النعناع على واجهه الصحن ليعطي منظر جميل + طعم فريد

وبالهنى و الشفى ..

على فكرة شباب الأكلة مفيدة و صحية و جربوه و على مسؤليتي ::
​

 

[Xeno]

وقت الأزمات:

تونة بالزيتون + صلصة + ليمووووون + خبز

تقريبا نفس وجبة زيل, الباستا لازم نشوف شسالفتها.

 

[itachi]

1- فلافل باللبنه أو جبن كيري مع خبز وطماط وشطه حاره ::

2- هذي أسويها وقت الشده ومافيه شئ في بيتنا ( توست بالجبن المدبل - هههههه :laugh:الأسم من عندي )
حط لك بريد=خبز في التوسر ...وبعد ما تخلص أدهنا بجبن كيري أو فيلاديفيا المهم جبنه سائله بيضاء
وخذ لك بريده ثانيه وحط فوقها جبن سلايس وحطها في المياكرويف وخلها تذوب ..وما عليك من الخبزه أكيد بتصيير لينه ...وبعدين حط هذي الطبقه ما بين الخبزتين التوست اللي سويتهم فوق
ودمتم سالمين :yuck:

3- شغف على الطاير .. موز وتفاح وعصير منجا ومكسرات كاجو وعسل :yuck: ولو عندك آيس كريم فانيلا يكون تمام

 

[53]

عن نفسي ماعرف أطبخ ولا حتى أكلات بسيطه .. أنا زين أعرف أحط الحليب عالكورن فليكس لول! 😛

 

[Bounty]

لول انا ما اطبخ الا يوم الجمعه ..

- فاصوليا حمرا + معجون طمام + شرايح بصل ضعيفه حيل + ليمون + زيت زيتون

- تونا + ثاوزند آيلند + خس + زيت زيتون

- بيض عيون P=

 

[Suzuki Yu]

ماعندي Skills مع الاسف :cryy: وحتى لو عندي ما حيكون عندي فوقان اني اطبخ , الكسل ومايسوي :sealed:

 

[Mista Koo]

أعرف أطبخ دبس ورهش.. يفشل مرة من كل مرتين أسويه فيها :cooool:

 

[Bounty]

لول توني الاحظ .. شباب الله يهداكم ثوم مع لبنه -_- .. الله يديم النعمه

 

[hussien-11]

سلطة تونا بسيطة تنفع وقت الأزمات و للمغتربين P:

افتح علبة تونة صغيرة ، و قطع عليها بصلة صغيرة ، حط ملعقة مايونيز صغيرة على الخليط و اخلطه ، بعدين اعصر عليه شوية ليمون و بالنهاية ضيف شوية ذرة ( من الجاهزة الي تجي بالعلب ) ، و صحة و عافية P:

و في اكلة ثانية انا احبها كثيييير ، لو زبطتها تطلع شي لذيذ
المقادير : علبة نقانق جاهزة ، زيت ، ثوم ، ليمون ، خل

جيب المقلاة و ادهنها بطبقة من الزيت ( بس لا تكتر طبعا ، بس طبقة خفيفة ) ، قطع النقانق إلى قطع دائرية صغيرة و حطها في المقلاة ، بعدين حط فوقها الثوم المفروم و قلبها ، كل شوي قلبها و اسكب فوقها ليمون ، لا تسكب الليمون مرة وحدة ، كل شوي اسكب و خليك حركها و قلبها ، حط فوق الخليط ملعقة خل ، و ارجع قلّبها و اسكب الليمون لحد ما تحمرّ تماما شيلها و حطها بصحن ، لو زبطتها صح بيطلع طعمها رهيب :laugh:
​

 

[The Sinner]

والله جوعتوني ياشباب وماشاء الله فيه ناس طباخة عندنا

بالمناسبة احد يعرف يطبخ خلطبيطة بالصلصة ؟