hits counter

ورشة المعلمين حازم ونايف لتصليح الـ360 .... أرررررررب أرررررررررب إنتا وهوا !!

  • بادئ الموضوع بادئ الموضوع Isaac
  • تاريخ البدء تاريخ البدء
كل مااشوف هالورشه اتذكر ليما كنت بصلح البلي ستيشن1 ، جان اقص الواير البني بالغلط ..
 
وحد يفسرلي هالظاهره، دايماً ردودي تفتح صفحه جديده؟
 
persona قال:
وحد يفسرلي هالظاهره، دايماً ردودي تفتح صفحه جديده؟
أنقر للتوسيع...
أحسن من أنها تنهي صفحة قديمة.

مبروك نايف، وإن شاء الله ما تواجه مشاكل مع الجهاز مرة ثانية. عقبال حازم وباقي شباب اللمبات الحمرا.
 
هههههههه وحش يا معلم نايف الف مبروك !! XD
 
ههههههههههههههه والله وحش يا نايف ... بطللل ... بانتظار حازم 😉.
 
لوووول ..مبروك نايف ...بطل صحيح :cooool:

إلا تبيع جهازك الخارق المعدل اللي ما يسخن ....انشاء بس كسب مناعه من اللمبات الحمر ..وكون أجسام مضاده ضدها ..لوووول !!

بالبركة.. وعقبال حازم انشاء الله 🙂
 
بطل يامعلم نايف..خل تتعلم مايكرو وتوظفك في قسم الصيانة حقهم..عقبال حازم..اهم شي بعد ما تخلصو تنزلو موضوع مفصل بالصور يوريك خطوة خطوة في عملية الأستأصال*على قولة حازم*

لا خوف بعد اليوم
 
عالبركة عقبال حازم... وعقبال ما يصلحون المشكلة من أصلها ><"
 
شكرا للجميع..

امس خليته شغال ساعتين تقريبا على الداشبورد و ما صار شي (اول كان يعلق).. توني لعبت منطقة التدريب في جيرز اوف وورز و ما صار شي (حسيت انه شوي صوت الدي في دي درايف صاير اعلى في الجهاز).. الحين قاعد انزل الديموز و العاب الاركيد اللي فاتتني..

بعض النقاط اللي واجهتها اثناء التصليح ممكن تفيد حازم او اي واحد ثاني بيصلح الجهاز ( مع العلم الايرور كود اللي كان عندي 0020):

- اول مرة صلحته طلعلي 2 red lights على طول.. رجعت بطلت الهيتسينكز مرة ثانية و لاحظت انه الهيتسينك مالت الـGPU ما ماسكة المعجون اللي حطيته على الـGPU .. لكن الـCPU كان متوصل معاها.. خذيت الووشرز الحديد اللي موصلات في الجانب العلوي من الموذربورد.. يعني صار:
راس المسمار >> ووشر حديد >> ووشر فايبر >> موذر بورد >> ووشر فايبر >> هيتسينك
- بعد ما سويت هذا الشي .. صار الجهاز يطلعلي 3rlod و بعد فترة يصير overheat مثل ما هو مذكور في الدرس.. بس يوم ابرده و ارجع اشغله ما يشتغل.. طلعت مرة ثانية الجهاز و شديت شوية على المسامير، سويتها تقريبا ثلاث مرات.. و ما نفع.. في كل مرة يطلعلي 3rlod
- بعدها خلاص فقدت الامل.. طلعت الموذر بورد لمحاولة اخيرة.. ارخيت شوي المسامير الموصلة بالهيتسينكز.. و ركبت كل شي و شغلته و اشتغل الجهاز تمام!!
- الفايبر ووشرز كانت شوية واسعة.. فكان مسوي صعوبة شوي في الجوانب المتقابل من تحت (واحد منهن كان يجي فوق الثاني).. فقطعتهن بمقص..

- خلع حدايد الاكس اللي تحت الموذربورد كان مشكلة شوي.. استخدمت سكين سويسرية و سكروب على شان اشيلها..
- في تنظيف الهيتسينكز و البروسسورز استخدمت مزيل لطلاء الاضافر مثل حازم + عطر غرف من اللي ينباعن في لايف ستايل.. اول شي احاول اشيل المعجون بمنظف اذن جاف (بدون شي) و بعدين يوم تصير طبقة المعجون رقيقة شوي استخدمت المنظف و العطر عن طريق وضعها على طرف منظف الاذن و امسح عليه بخفة..
 
ههههههههههههههه نايف لو أنا مكانك ما أنشر الطريقة, الي يبغاها يحول 300 ريال على الحساب وتجيه الطريقة في ظرف دقيقتين على الايميل .. خلي فكرك تجاري شوية لين متى الواحد يظل متقوقع على نفسه, لازم يكون في شوية طموح !!
 
لوول .. مبرووك نايف وعقبال حازم والشباب .
شكل الشغلة كان يبيلها تعب وصبر .. أهنيكم بصراحة على قوة القلب!!
 
ههههههههههههههههههههههههههههههههههههههه

مبروك للمغملم نايف , والمعلم-in training حازم 😛
 
يالله همام اطلع منها..خل الناس تستفيد..ننتظر الشرح المفصل من AالىZ
 
معلم نايف فاز أجل :yuck:


مبروك و تستاهل.. و افتح لك ورشة من جد تطلع ذهب





عقبالك حازم.. لا تيأس :::wink::: *
 
الف الف الف مبروك نايف :cooool:
و تتهنى فيه ان شاء الله و ما يخرب خير شر ^_^

و عقبال كل الي اجهزتهم خربانة و يحاولوا يصلحوها :cooool:
 
Naif قال:
بعض النقاط اللي واجهتها اثناء التصليح ممكن تفيد حازم او اي واحد ثاني بيصلح الجهاز ( مع العلم الايرور كود اللي كان عندي 0020):

- اول مرة صلحته طلعلي 2 red lights على طول.. رجعت بطلت الهيتسينكز مرة ثانية و لاحظت انه الهيتسينك مالت الـGPU ما ماسكة المعجون اللي حطيته على الـGPU .. لكن الـCPU كان متوصل معاها.. خذيت الووشرز الحديد اللي موصلات في الجانب العلوي من الموذربورد.. يعني صار:
راس المسمار >> ووشر حديد >> ووشر فايبر >> موذر بورد >> ووشر فايبر >> هيتسينك
- بعد ما سويت هذا الشي .. صار الجهاز يطلعلي 3rlod و بعد فترة يصير overheat مثل ما هو مذكور في الدرس.. بس يوم ابرده و ارجع اشغله ما يشتغل.. طلعت مرة ثانية الجهاز و شديت شوية على المسامير، سويتها تقريبا ثلاث مرات.. و ما نفع.. في كل مرة يطلعلي 3rlod
- بعدها خلاص فقدت الامل.. طلعت الموذر بورد لمحاولة اخيرة.. ارخيت شوي المسامير الموصلة بالهيتسينكز.. و ركبت كل شي و شغلته و اشتغل الجهاز تمام!!
- الفايبر ووشرز كانت شوية واسعة.. فكان مسوي صعوبة شوي في الجوانب المتقابل من تحت (واحد منهن كان يجي فوق الثاني).. فقطعتهن بمقص..

- خلع حدايد الاكس اللي تحت الموذربورد كان مشكلة شوي.. استخدمت سكين سويسرية و سكروب على شان اشيلها..
- في تنظيف الهيتسينكز و البروسسورز استخدمت مزيل لطلاء الاضافر مثل حازم + عطر غرف من اللي ينباعن في لايف ستايل.. اول شي احاول اشيل المعجون بمنظف اذن جاف (بدون شي) و بعدين يوم تصير طبقة المعجون رقيقة شوي استخدمت المنظف و العطر عن طريق وضعها على طرف منظف الاذن و امسح عليه بخفة..
أنقر للتوسيع...

headache.jpg


شنو هذا !! أنا ايام البلاي ستيشن كل الي كنت اسويه افتح الجهاز وانفخ عليه لووووول
صج نكست جين حتى بالتنظيف
 
شباب تنصحوني اجربها على جهازي الأكس بوكس الأول ؟
نايف او حازم الـ cover الأبيض حق الأكس بوكس عرفت كيف افكة لكن من ورة الجهاز
مكان المراوح ي مداخل او ثقوب صغيرة وايد كيف قتحتوها هل لها قطعة خاصة تنشرى ولا كيف ؟
 
ماشاء الله عليك نايف مبدع ..

فكيت ابو اللي جابوا الجهاز وسويت فيه كل هذا ..

عقبال حازم
 
THE_MATRIX قال:
شباب تنصحوني اجربها على جهازي الأكس بوكس الأول ؟
نايف او حازم الـ cover الأبيض حق الأكس بوكس عرفت كيف افكة لكن من ورة الجهاز
مكان المراوح ي مداخل او ثقوب صغيرة وايد كيف قتحتوها هل لها قطعة خاصة تنشرى ولا كيف ؟
أنقر للتوسيع...

ماعتقد عندك شي تخسره جرب شنو وراك ؟
 
بس ابي احد يجاوبني على باقي الأسألة
 
لازم تفك المسامير اللي تحت اول على شان تشيل الكوفر الحديد اللي فوق (المسامير اللي تثبت الدي في دي درايف (الطويلة الرصاصية) اعتقد هي اللي كانت مثبته الكوفر العلوي..

ميتريكس.. شوف هذا الدرس: http://www.xbox-accessories.com/instructions/disassemble360.html

او شوفلك اي واحد من هذي الفيديوهات:
http://www.youtube.com/results?search_query=open+xbox+360&search=
 
نايف هذي الصورة شوف :-
open12.jpg


كيف افتحهم الحديدة هذي وين احصلها ..؟
لأني حاولت بالسكروب ما ضبطت معاي -__- ..
 
اها.. انا استخدمت غلاف كرتون سي دي .. قصيته بواسطة مقص على شكل هذي الحديدة و دخلته في الفتحات..

7b74e88754.jpg
 
اوكي قصيت بس "سن" واحد ..؟
يعني قصيت " سن " على اساس انه يكفي فتحة واحدة فقط ..؟

ان شاء الله فهمتني ..
 
في سنين (الصورة ما موضحة السن الثاني زين)

كنت بسوي واحد ابو خمسة اسنان بس استخدمته نفسه على شان افتح الثاني (قعدت ادخل كل شوي في مكان) .. بتسمع صوت يبين لك انه انفتح يوم بتدخله..


توني اضفت heatsinks زيادة على اثنين من رامات الـ360.. حصلتهن في المحل اللي اشتريت منه الـAS5 و كنت قاري عنهم قبل انهن يساعدن في تخفيف الحرارة شوي..

044c84fb82.jpg

(الاثنين الصغار اللي على اليمين)
 
آخ حرااام فكيته الغطى لكن ما عندي مفك حق البراغي السزد إلي في النص ...
نايف تتوقع احصل كل شي في كارفور ..؟ ( عدة المفكات كاملة + الصمخ حق CPU و GPU )
 
المفكات و المسامير و الووشرات اللازمة بتحصلهم في محل الزرعوني في صناعية العين (اعتقد المفكات تقدر تحصلهن في كارفور.. بس ما اعتقد الووشرات بتحصلهن هناك)
الصمغ انا ما حصلته الا في دبي ( محل في مركز الخليج اسمه power options)
في محل في العين اسمه هاي فاي في شارع عود التوبة قالي انه اذا اعطيته رقم المحل اللي في دبي بيقدر ييبلي اياه (بس خفته يزود على السعر و اخوي كان رايح دبي بعد كم يوم فانتظرت اروح معاه)
هذا رقم محل باور اوبشنز اللي في دبي: 043444934
 
الوشرات لازمة ..؟
انزين لو اسير اي محل للكهربائيات لو اقولة عطني كم وشر بيفهم ..؟

و الصمغ اقدر احصلة في محلات الكمبيوتر الضخمة ..؟ ( بلج انس مثلاً )
او اي محل كمبيوترات ضخم عندنا في ابوظبي منقطة كاملة فيها محلات كمبيوتر ..
 
حازم و نايف تروني اتلخبطت لول ..
ياليت لو تكتبون لنا الأدوات اللازمة لكل هذي العملية لأن الباقي اعتقد انه سهل جداً حتى لو واحدة عنده خبرة بسيطة في الفك و تركيب الأجهزة ..

بليز اكتبو لنا جميع القطع الازمة و الأدوات >>>> اكسبو أجر مننا XD ..
 
شباب والله قهر الجهاز كمل 10 أيام وهو مفكك عالطاولة ولا زلت ماني محصل الـNylon/Fiber Washers -__-"



وهمام ... ترى الطريقة معروفة ومطبقة في الأنترنت
(www.xbox-scene.com)... لول فكون إننا ننسب طريقة Lawdawg's لأنفسنا ونقعد نبيعها على خلق الله ... فهي فكرة مش جايبة همها فضلا عن إنها مخالفة لأخلاق مهنة الورشجية !!



أما اللي يبينا نصلح جهازه فما عندنا مانع ... وبنراعيه بالسعر :yuck: ... بس إن شاء الله تضبط معي الطريقة مثل ما ضبطت مع نايف.






الله يقلع محلاتنا بس !!
 
يجب تسجيل الدخول أو التسجيل كي تتمكن من الرد هنا.
عودة
أعلى