hits counter

ودّي ادخل عالم الفيزات والشراء من الانترنت، بس ماعندي ولا فكرة..!!

Output No. 3

Output No. 3

Banned
السلام عليكم ورحمة الله وبركاته.

أنا قررت ادخل عالم الشراء من الانترنت والفيزا وهالهرج كله، بس ماعندي اي فكرة عن الموضوع ولا ادري شسوي!
فإذا ما عليكم امر، ابي احد يشرح لي من الألف للياء لإني احسها شغلة طويلة عريضة!
ويعطيكم العافية.
 
روح شركة شحن
عندك aramex او DHL
و اعمل احساب عندهم بمبلغ رمزي :"> بحدود 10 دنانير كويتيه (احسبها بالريالات )
بعدها يعطونك عنوانك بأمريكا و بريطانيا و ورقة فيها مواقع تقدر تطلب منها و من هالخرابيط .
و لا تحاتي شلون تحط العنوان لانه كله موجود بالورقة اللي يعطونك اياه . كل خطوة بحذافيرها . address 1 - address 2 - phone - country - city name - full name كلها تسجل فيها العنوان اللي راح يعطونك اياه (كلها)
مسألة بسيطة و سهلة جداً .
و عفواً و الله يعافيني و مشكور و ما قصرت انا 😀
 
^
حلو، المسألة بسيطة جداً..
وكل ما ابغا احط فلوس فحسابي اروح عند فرع شركة الشحن؟
المشكلة فرع ارامكس بعيد جدا، فالله يعيني عالروحة والجاية >_>"
شكـ.... ولا اقولك خلاص انت جاوبت عن نفسك 😀
 
^
طيب ما دام فتح الموضوع انا توتي مطلع فيزا..

وين احسن شركه عندنا في الكويت او الافضل ؟
 
:">
دي اتش ال الاحسن
لكن اغلى
و ارامكس جيدين و انا اتعامل معهم . يا خالد .
-- -- --
عمر
الدفع يكون عن طريق الفيزا تبعك اذا تبي تشتري اي شيء اونلاين . و الفيزا انا انصحك بفيزا مسبقت الدفع ممتاز تحط فيه فلوس و تشتري و بالغالب البنك تبعك يوفر لك خدمة تحويل مبالغ بين حساباتك اونلاين . يعني تحول مبلغ من حسابك الى حساب الفيزا اللي بتشتري منها بكل سهولة و لطف 😀 + الفيزا تقدر تستخدم اي فيزا حتى لو كانت تبع اي شخص 😀
و شوف هو تقدر تفتح احساب عن طريق الانترنت من موقع ارامكس . بس انا ما عرفت افتحه من الموقع . لكن بالنسبة لك و انت من السعودية ممكن الخطوات تظبط معك بدون الحاجه للذهاب لفرع من فروعهم لو كان بعيد .
+
خيار التوصيل . في خياران انك تستلمه من عندهم او انهم يوصلونه لي بيتك و طبعاً لي بيتك افضل .
و اهلا وسهلا و احنا حاظرين للطيبين 😀
 
التعديل الأخير:
ما قصر معاك Vorg Zangief بس حاب اضيف اول خطوه رح طلع لك فيزا وافضل شي بالنسبه لي الراجحي ( مسبقة الدفع ) ترا للعلم لو خذت فيزا عاديه حرام ياخذون فلوس على غير فايده لو ما سددت المهم الفتاوي موجوده في النت اذا تبي تتأكد
فيزاا مسبقة الدفع كل سنه تدفع رسوم 100 ريال ، باقي الخطوات اراميكس وخطوات الشحن انصجك خلها بعدين ركز في الفيزا الحين
 
1- طلع لك فيزا مسبقة الدفع ...الأهلي أو الراحجي نفس الشي ..(تقدر تطلعها بدون ما يكون عندك حساب عندهم )
2- أشتراك في شركة شحن وأنا أنصحك بالورلد شيب أو أراميكس ....وورلد شيب ممتازه وحاليا شحناتهم مع اراميكس فقط في أمريكا ...أدخل موقعهم في النت وأشترك وحول لهم مبلغ
لو أشتركت في اراميكس مباشره بيعطونك في امريكا وبريطانيا والصين
3- سجل في مواقع تسوق مثل الأمازون وغيره وضيف عنوانك اللي بيعطونك اياه والفيزا اللي عندك ..وشيك أوت وأشتر لحد ما تخلص فلوسك :laugh::
4- تتبع شحنتك من موقع الشركه لحد ما توصل ويتصلون لك بالرقم اللي ضايفنه عندهم او تروح لأقرب فرع اراميكس
 
نصيحة وخر عن DHL 🙂 قمة النصب !!
انا اتعامل معاهم عن طريق هالموقع Www.borderlinx.xom !
و كل ما اطلب لازم يغلطون بالوزن !! لعبة DS كانوا كاتبين الوزن 2.30 كيلو = 13 دينار ! غير سعر اللعبة و يوم راسلتهم اعتذروا و طلع الوزن الحقيقي اهو 0.20 كيلو = 2.50 دينار !!
واللحين طالب حقيبة حق الكاميرا و كاتبين بأمازوم الوزن 3 باوند = 1.36 كيلو ! الحين يوم وصلت يقولي الوزن 5.60 كيلو !!! = 40 دينار !!!!!! و هذا غير اول طلبات اللي ما كنت اتأكد و هم كان عندي شك بالسالفة !!

ابسط مثال عندك احذية Toms , طلبنا 2 انا و ولد عمي ! اهو وصله البيت بـ20 دينار و انا 27 !! 🙂
 
انا ناوي اشتري كم من شي بالمستقبل القريب بس عن ضرايب الجمارك !..
احد حصل له موقف معهم؟
 
itachi قال:
1- طلع لك فيزا مسبقة الدفع ...الأهلي أو الراحجي نفس الشي ..(تقدر تطلعها بدون ما يكون عندك حساب عندهم )
أنقر للتوسيع...
لا تطلع بطاقة بدون حساب و إلا بتمرمط عمرك!
مادري عن الراجحي، بس لما طلعت عند الأهلي تندمت... لما رحت أطلعها سألت الموظف و قال لي أقدر أحول لها أونلاين بخدمات سداد أو أودع في الصراف.. و طبعاً لما حاولت ما زبطت و لما كلمت الدعم مالهم قالوا لي ما أقدر :\

و يلا، كل مرة نويت أشتري شي لازم أروح الفرع و أسوي إيداع كأني عايش في سنة 1920 >.>
 
أهم نصيحه هي استخدم Pre Paid VISA .. وهي تكون مسبقة الدفع ورصيدها صفر

مثلا شريت شيء ب50 دولار .. حط فيها 55 دولار احتياط 5 دولارات ... احس من الفيزا المفتوحه لاسمح الله وصار شيء خطأ او سرقه ماتدخل في امور انت في غنا عنها !
 
^^ مثل ما قالو الشباب أفضل شي يكون عندك حساب عندهم
مثلا الأهلي عندي حساب وعندي الفيزا مسبقة الدفع اذا بتحول للفيزا بيكون عن طريق حسابك أونلاين او بالصراف ايداع نقدي
 
DHL بيسرقوا شحناتها لا تتعامل معاهم في منتدى آخر قرأت هذا الكلام واذا حبيت برسلك اسم المنتدى في رسالة خاصة وتقرأ بنفسك
 
يجب تسجيل الدخول أو التسجيل كي تتمكن من الرد هنا.
عودة
أعلى