ودي ألعب Killer7

[Solay]

السلام عليكم

اليوم لقيت اللعبه جديدة وبقراطيسها بــ 40 ريال على الكيوب وصراحة السعر اغراني واخذتها..

ودي اسأل كيف مستوى اللعبه ووش السبب اللي يخلي الناس تكرهها.؟!

على فكرة العاب هالفريق لها معزة كبيرة على قلبي ومن العاب الأكشن المفضله بالنسبه لي غير ان ميكامي مشتغل على اللعبه على حد علمي وهذا شي يكفي للشراء بالنسبه لي,بس عموما ياليت تجاوبوا على اسئلتي اللي حطيتها للي لاعبينها..

وكم مدة اللعبه تقريبا.؟!

 

[Still Alive]

لعبة Killer7 ببساطة لعبة ما تعجب اي واحد.. وإذا اعجبتك فهي راح تعجبك :
كعادة العاب سودا


انا شخصياً اعجبتني بس الظروف ما سمحت لي العبها بتعمق

 

[Jonas]

ذي اللعبه عاجبتني مره.. بس واحد من اخوياي يكرهها كره العمى يقول الرسوم ما فيها الا 5 الوان 😀

بس بأسألك.. اللعبه ما لقيتها على البلاي2 ؟

 

[Solay]

بخصوص سودا انا احب العابهم وتعجبني لمساتهم بس أظن هي سالفة غير..

وجوناز للأسف مالقيتها على البلاي..

عموما اببدا فيها ان شاءالله بكرة او بعد مااخلص جنغل بيت.

 

[Nintendo]

اللعبه من نوع تحب\تكره

صعب تعرف الا اذا جربتها بنفسك ..

 

[Super Shadow]

بس بأسألك.. اللعبه ما لقيتها على البلاي2 ؟

شو الفرق بين النسختين؟

 

[Still Alive]

بخصوص سودا انا احب العابهم وتعجبني لمساتهم بس أظن هي سالفة غير..

Killer 7 هي اكثر لعبة سوداوية من بين العاب سودا

 

[M 7 L]

هذي اللعبة إلي للحين حاقد على إلي كان السبب في عدم تجربتها ....


كنت أبي أجربها خصوصاً إن رسومها كانت مختلفة ... لكن لما كلّمني عنها حط عليها إكس كبيييير ... قلت لا بعد الرجال موثوق منه ...

وبعد فترة اكتشفت إنها من النوع ( تحب/تكره ) وبحثت عنها عشان أجربها ولكن ما لقيتها

 

[Jonas]

شو الفرق بين النسختين؟

والله ما اعرف ايش الفرق لكن انا مفكر اخذها على البلاي2 لان الكيوب غير متوفر حالياً

 

[TOM]

اللعبة زي ماقالولك الشباب يا تحبها ياتكرها
بالنسبة للنسختين في فرق تقني بينهم الكيوب أفضل طبعا
+ انصحك بساوندتراك اللعبة

 

[Akilla]

نو مور هيروز تقدم لك فكره بسيطه عنها ...

لكن مو نفسها ... نفس الرسوم والجرافيك والأمور الجانبيه ..

انا صحيح ماختمت كلير سيفن .. لأني وصلت مرحله وانشغلت فيها .. لكن زي ماقالو الشباب ياتحبها ياتكرهها ..

بالنسبه لي اممممم عجبتني لكن ماتعمقت فيها ..

 

[F.JUBRAN]

بالنسبه لي اللعبه مره ما خشت مخي + ما ادري ليه اكرها :annoyed:

 

[Zero_IYAD]

اللعبه من نوع تحب\تكره

صعب تعرف الا اذا جربتها بنفسك ..

تماما 🙂

عن نفسي ما قدرت أبدا أتحملها ..
ضغطت على نفسي و لعبت حوالي 4 ساعات , بعدها ما قدرت أكمل و مرمية ليومك .

btw : أحييك على تحركك مؤخرا للعب ما فاتك ..
حركة للأسف صحيت عليها متأخرا في بلد صعب تأمين الألعاب فيها ="(

 

[Nemesis Zone]

تعديل: انت اخدت اللعبة !!

تجربه ماراح تنساها اشتريتها اول مانزلت على الكيوب طولت اللعبة معاي بسبب تعقيداتها لكن اسلوبها حلو ويخض احيانا

لعبة مختلفه في اسلوبها عن اي لعبه ثانيه !!

 

[DONY]

أكثر لعبة أندر ريتد وأندر هيبد في الجيل الماضي !!!!!

اذا عندك نسخة الـ NGC فهي النسخة الأفضل ..(حسب ما أذكر من ناحية مدة اللودينج والرسوم), بالنسبة ليي فهي اللعبة اللي عرفتني على سودا ومن أحد أحب ألعاب الكيوب ومن أفضل قصص الألعاب الأكشن من ناحية التويستات بالنسبة لي يعيبها أن أكثر الناس لما تبدأ باللعية فتجد أجواء وتحكم اللعبة الغريب صعب التقبل ولا يعطوها فرصة .. وصراحة أنا كنت من بين هؤلاء الأشخاص الين ما أنهيت أول مرحلة ومن بعدها بدأت لذة لعب Killer 7 الرهيبة , أنهيت اللعبة عدة مرات وأتمنى لو أن كابكوم أو قراس هوبرز تصدر نسخة Wii Edition بسبب أن تحكم اللعبة مناسب جداً لريموت الوي .
​

 

[Solay]

بديت باللعبه من امس,صحيح ان البدايه كانت ممله جدا وماتدري وين تروح وماتدري وش السالفه لكن بعد ساعه او اقل من اللعب راح تتأقلم وتعجبك أجواء اللعبه..

بس عندي سؤل:
الحين التلفزيون وش فايدته.؟!تغيير الشخصيات اقدر اغيره متى ماابي بس سالفة الدم مافهمتها ليه اعطي الدكتور اللي بالتلفزيون دم.؟!

 

[DONY]

بديت باللعبه من امس,صحيح ان البدايه كانت ممله جدا وماتدري وين تروح وماتدري وش السالفه لكن بعد ساعه او اقل من اللعب راح تتأقلم وتعجبك أجواء اللعبه..

بس عندي سؤل:
الحين التلفزيون وش فايدته.؟!تغيير الشخصيات اقدر اغيره متى ماابي بس سالفة الدم مافهمتها ليه اعطي الدكتور اللي بالتلفزيون دم.؟!

عن طريق كبسولات الدم .. تقوي Ability كل شخصية Assassin .
​

 

[Solay]

طبعا مو قصدي الدم اللي تقدر تستخدمه متى ماتبي(اللي يخليك تسوي قوة معينه او اللي يزود طاقتك).

قصدي اللي اعطيه للدكتور واذا كان نفس الجواب هل لكل شخصيه تجميع خاص فيها.؟!وكيف اعرف ان قوة الشخصيه زادت.؟!

وعادي اثبت على شخصيه من بداية اللعبه يعني التطوير اللي يحصل يكون جانبي بس.؟!

 

[AMG]

انا ما حبيت اللعبة هاذي مع اني جربت العبها اكثر من مرة

 

[Solay]

كملت ساعة لعب وإلا بس لعبت بداية اللعبه.؟!

 

[AMG]

كملت ساعة لعب وإلا بس لعبت بداية اللعبه.؟!

ما لعبت كثير ممكن 4 ساعات او اقل بشوي

صراحة اللعبة كانت تجيبلي صداع كل ما العبها

 

[Solay]

هي من الألعاب اللي ياتحبها ياتكرهها,نفس حالتك هاذي تصير معي لو لعبت ميترويد.

 

[DONY]

قصدي اللي اعطيه للدكتور واذا كان نفس الجواب هل لكل شخصيه تجميع خاص فيها.؟!وكيف اعرف ان قوة الشخصيه زادت.؟!

كل ما ما تدخل باللعبة راح تزيد الكبسولات اللي ممكن تستعملها للشخصية .

وعادي اثبت على شخصيه من بداية اللعبه يعني التطوير اللي يحصل يكون جانبي بس.؟!

بأول اللعبة التطوير ما بتحسه ضروري كثير بس لاحقا الأعداء راح يصعبو ويكثر وجودهم وفي أماكن لازم شخصية معينة تلعبها عشان تنهيها .

هي من الألعاب اللي ياتحبها ياتكرهها,نفس حالتك هاذي تصير معي لو لعبت ميترويد.

هم بس الشباب لو يعطو اللعبة فرصة ويخلصو أول تشابتر فأتوقع كثيرين منهم راح يغيرو فكرهم عنها .
​

 

[Solay]

طيب بعد ماخلص التشابتر الأول تو عندي كم سؤال:

1/كيف استخدم الكبسولات والا هي تكون اوتوماتيكيه.؟!

محتوى مخفي

2/وش سالفة الشخصيات اللي باللعبه ترافيس والشخصيه الثاني ذيك.؟!

3/ليه الشخصيات تتغير لو جيت عند كاميرا.؟!

4/وش الهدف اللي العب علشانه هو هو انقاذ الأرض من الإبتسامات لول.؟!

5/فيه اشياء عجزت لاافهمها بالكت سين اللي جا بعد التشابتر الأول وهو كيف هارمن كان نايم بعدين يوم اخترته قام وقال لسمانثا قفلي النور بعدين رجع نايم والشخصيه غير.؟!!

6/وش سالفة انجل يوم مسك رصاصتي هل هو انحاش وإلا كيف.؟!

يمكن تعبتك شوي بس لأني دايخ شوي من سالفة القصه.

 

[DONY]

1/كيف استخدم الكبسولات والا هي تكون اوتوماتيكيه.؟!

انت كل ما تقتل هيفين سمايلز باطلاقك النار على نقاط ضعفهم الدم اللي تجمعه راح يتجمع ككبسولات عن طريقها لما تروح عند غرفة الـSave Room عن طريق التليفزيون راح تقدر تزيد من قدرات الشخصية .

3/ليه الشخصيات تتغير لو جيت عند كاميرا.؟!

الجواب راح تعرفه لما توصل لتشابتر الأخير للعبة ...

4/وش الهدف اللي العب علشانه هو هو انقاذ الأرض من الإبتسامات لول.؟!

حسب اللي أذكره أن مجموعة الـK7 استعملت عشان اغتيال المجموعات الأرهابية ومنظمة الهيفين سمايلز واحدة منهم .

5/فيه اشياء عجزت لاافهمها بالكت سين اللي جا بعد التشابتر الأول وهو كيف هارمن كان نايم بعدين يوم اخترته قام وقال لسمانثا قفلي النور بعدين رجع نايم والشخصيه غير.؟!!

6/وش سالفة انجل يوم مسك رصاصتي هل هو انحاش وإلا كيف.؟!

راح تعرف ليش لما تمشي بالقصة ... أنا اسف ما وضحتلك لسؤال 3-5-6 لأني راح أخرب عليك لو جاوبتك ..​

 

[PRO PUNISHER]

آآآآخ من جد ..

كل ما اتذكرها .. ودي احك مخي :tongue:

فيها الغاز ترفع الضغطط ..

ما واجهتني صعوبه في القيم بلاي .. تعودت عليه

التصميم جيد و فريد من نوعه ..

ولكن فلتلك .. الألغاز فرررت مخي :confuse:

للعلم انا جربت نسخة PS2

 

[Id]

لعبتها على وقتها و أعجبتني جداً .. ألعاب Suda 51 دائماً ما تكون أفكارها متفردة علشان كذا يعجبني التنوع حقه ..

 

[Super Shadow]

عن نفسي لعبتها تقريبا 4 ساعات و ما استحملت أكملها :sarcastic:

 

[G7Ga7]

من أجمل العاب الجيل الماضي.