hits counter

والله العظيم طفح الكيل هذي المرة جد خلاص

BioMario

BioMario

مصمم
السلام عليكم ورحمة الله وبركاتة


شباب جهازي الـ XBOX 360 هذي المرة خرب
و الخراب في CPU عموماً إذا صلحتة رح يخرب مرة اخرى مثل ما صلحتة اول مرة والحين خرب
وهذا من الطبيعي يصير لأن جهازي من اول دفعة و كانت الخرابات فيها كثيرة
عموماً شباب ..

انا خلاص طفح الكيل عندي ما عاد قدرت اتحمل اكثر من جي ..
ياليت تنصحوني اني اخذ جهاز من شهر كم تصنيعة ..؟

يعني انا جهازي الحالي تاريخ صنعة هو : 7/12/2005
ومن الطبيعي تكون فيه خرابات لكن الحين ابي استشارتكم في جهازي الجديد ..

ياليت لو واحد يعطيني تاريخ الصنع المناسب إلي تكون فيه اقل احتمال وجود خراب ..
ان شاء الله فهمتوني ..

وياليت لو احد فيكم مجرب المروحة للـ XBOX 360
وهل هي مفيدة بالفعل ..؟

وجزاكم الله خير
بقراء على الجهاز المعوذات يوم اخذة لوول ..
 
علي..اصبر لين شهر فبراير .. لان في دفعه يديده بتكون نازله .
ولا تشتري جهاز ثاني حايلا وتتوهق فيه ...Wii بتنزل بعد اسبوعين
استانس فيها لين ما تنزل الدفعات اليديده في فبراير.
 
والله يوم شفت اسمك عرفت انك بتشتكي منها

حظك اقرد ........ اذا الله رازقنك و عندك اشترلك وحده كور و اذا لا انتظر الويي و اشترها و اتسلا فيها ليما يفتحها الله و ينزلون نسخ يديده او لون يديد
 
انا من قبل فترة غير ترتيب غرفتي على شان اخلي المكيف مركز على مكتبة التلفزيون و الاكس بوكس 360 من بعد ما قريت موضوعك ><

الله يعينك .. و انا رايي من رايهم .. اشتري كور او شوفلك واحد من اقاربك في امريكا عطه الجهاز يرسله لمايكروسوفت .. او حاول مع مايكروسوفت في دبي ..؟
 
THE_MATRIX >>>> ممكن اعرف نوع الدرايف حقك اي واحد من الثلاثة؟



f58b97d6a2.jpg


انا اللي قريته و سمعته ان الدرايف حق ((سامسونج - توشيبا)) افضل نوع.​

انا و 3 من زملائي اخذنا الدرايف حق ((سامسونج - توشيبا)) والحمد لله الاجهزة الى الان
ممتازة.​
 
شباب ما اقدر لازم اشتري واحد العاب قوية ياية ..
الـ Wii عندي فلوسة جاهزة و الحمد لله ..

لكن الحين لازم اخذ XBOX 360 بأي طريقة ..
شباب ياليت لو كل واحد فيكم يكتب تاريخ صنع جهازه + هل واجه مشكلة الليتات الحمراء ..

اما بخصوص مايكروسوفت دبي ما اعتقد لهم دخل
ومافيني للحشرة و الأجراءات و و و و
بعدين اعتقد ان الـ XBOX 360 ما نزل رسمياً في الشرق الأوسط
 
NESTA قال:
THE_MATRIX >>>> ممكن اعرف نوع الدرايف حقك اي واحد من الثلاثة؟



f58b97d6a2.jpg


انا اللي قريته و سمعته ان الدرايف حق ((سامسونج - توشيبا)) افضل نوع.​

انا و 3 من زملائي اخذنا الدرايف حق ((سامسونج - توشيبا)) والحمد لله الاجهزة الى الان
ممتازة.​
أنقر للتوسيع...
اخوي انا مشكلتي في المعالج الدرايفر شغال عدل ما عليه كلام
 
أشتر وي .... هاهاهاهاههاهاهاهاههاهاهاهها:evil:
 
اقولكم الوي ماحد يتكلم عنه لأن فلوسة جاهزة على الجمب
 
لاحول ولا قوة إلا بالله.. والله مهزلة ما بعدها مهزلة.. ناس تبدل أجهزتها 3 مرات.. وناس تنزل ابديت بدل ما يضبط الأجهزة يقوم يخربها..

أنا ما أدري وين الإعلام عن هذي المشاكل الكارثية.. جهاز صار له سنة في السوق وللآن الأجهزة تخترب على الناس..

أنا ما أعرف ما يكروسوفت مع مين متفقة حتى يجمع لها الكومبوننتس.. ومين المسؤول عن قسم الهاردوير في الشركة.. شي فاشل جدا جدا ..

الله يعين الجميع..
 
لاحول ولا قوة الا بالله

مكتوب عليك

من ناحيتي لما تنزل العاب هيرونوبو ان شاء الله بشلي واحد وتكون المشاكل خفت
 
لا حول ولا قوة الا بالله

الله يعينك علي

ما أعرف ليش مايكروسوفت ما تتعلم من أخطائها :evil:
 
اخ ماتريكس..سبق وقلنا الك ان اي خراب ولا عطل في لبروسسر او كرت لجرافيك..انسى انه يتصلح..على طول تبديل..هذ المحل نصب عليك في اول مرة والحين الظاهر بينصب عليك مرة ثانية

حاول تراسل مايكرو سوفت الشرق الاوسط ممكن يعطونك حل..خصوصا ان مقرهم عندكم بالامارات

الله يعينك
 
لا حول ....
شوف يمكن فيه فيروس ...
ركب لك أنتي فايروس في الأكس بوكس ...ما نزلو له ؟؟؟
 
برسل لهم رسالة ..
شباب مافي احد جاوبني ..؟؟!!

كل واحد يحط تاريخ إناتج جهازة و المشاكل إلي واجتها و جزاكم الله خير
 
ما اظن فيه فايدة من وضع تاريخ الانتاج لأجهزة الشباب..كون المشكلة ممكن ماتكون بجهازهم وتكون بجهاز اخر يحمل نفس التاريخ..لا تنسى ان العطل او العيب التصنيعي ما اشتمل كل الدفعات بل عدة اجهزة من الدفعات لهذ صعب تبني ثقتك من تاريخ التصنيع+الشباب هنا واللي يمتلكو الجهاز..حالهم من حالك..اجهزتهم من الدفعات الاولى..واللي هي تتضمن ذي المشاكل
 
لا حول ولا قوة الا بالله , الله يعينك , ياراجل لو أنا محلك كان أنفجرت

والله حرام , تتعوض ان شاء الله
 
يووووووه .. والله الله يعينك !!

جد معاناة و شي يقهر الواحد .
 
ASWD قال:
ما اظن فيه فايدة من وضع تاريخ الانتاج لأجهزة الشباب..كون المشكلة ممكن ماتكون بجهازهم وتكون بجهاز اخر يحمل نفس التاريخ..لا تنسى ان العطل او العيب التصنيعي ما اشتمل كل الدفعات بل عدة اجهزة من الدفعات لهذ صعب تبني ثقتك من تاريخ التصنيع+الشباب هنا واللي يمتلكو الجهاز..حالهم من حالك..اجهزتهم من الدفعات الاولى..واللي هي تتضمن ذي المشاكل
أنقر للتوسيع...
فعلا تاريخ التصنيع ليس هو الحل ... تاريخ انتاج جهازي قبل الي عندك باسابيع
21/11/2005
 
شباب اعرف ناس عندهم تاريخ تصنيعهم 12/4/2006
و جهازهم عسل ما شاء الله

لأن اكثر الغلطات التصنيعية في الأجهزة الأولى
و نادر ما تكون اجهزة صاحية 100%
 
تاريخ تصنيع جهازي 21-3-2006

الجهاز الحمدلله شغال تمام معي

تقدر تاخذ أي جهاز من الأجهزة الي تاريخ تصنيعها قريب يعني بالنص الثاني من 2006 هذي ما أتوقع بيكون فيها مشاكل

لو تبي تكون متأكد 100% إنتظر حتى تنزل الأجهزة بالمعالج المعدل
 
اله يصبرك يا ماتريكس ويعوض عليك
بس كنت ابسالك انت كنت تقول في موضوع الابديت ان الجهاز علق عليك اكثر من مرة وانت تلعب
سبلينتر سيل !! كيف كان التعليق ؟؟
لان جهازي صار يطلع صوت قوي شوي وغريب عند ال loading تبع بدايه كل مرحله !!:angry:

وبالله وين صلحت جهازك المرة الاولى وبكم ؟؟
(واحد من الشباب خربان عليه الcpu بس قبل الابديت) وما عرف يصلحه :evil:

فلا يضيق صدرك واجد كثيرين غيرك الله يعوض عليهم خربت اجهزتهم حتى بدون اب ديت

والله يستر على الجميع
 
التعديل الأخير:
الشغله تعتمد على الحظ اخ ماتركيس .. انت عاد حظك وقعك مع جهازم مضروب ..

ماعتقد راح تستفيد شئ اذا ارسلت لمايكروسوفت او غيرهم .. رجعه للمحل اللي اخذته منه وقلهم جهازكم مضروب وابي حل لاني زهقت ..
 
يا اخي متى توقف مشاكل هذا الجهاز ؟ :angry:
حد يعرف متى ينزل الفيرجن او الموديل الجديد للجهاز لازم يصلحوا الاخطاء وينتهوا منها تما111ما ؟

***
 
تاريخ تصنيع جهازي 2006 حمد الله الجهاز شغال لكن ما في الا مشكله وحده الي هو الباب يطلع بالصعوبه اذا حطيته بالطول اما بالعرض يكون تمام
و حمد الله و اعر ف واحد نفس مشكلتي تقريبا تخيلوا اول ما شرا الجهاز وجا الهندي جربه حطه بالطول ما طلع الباب الا على ما اظن بعد محاولتين تقريبا قلته حطه بالعرض وطلع على طول
 
اصلا انا استغربت لمن قالك المحل نصلحه .. صدقني المحل سوا شغله مؤقته فقط .. والله كنت عارف بعد ما قرات موضوعك الاول انه بيخرب مره ثانيه .. بس ما حبيت اتلقف.

رجع الجهاز المحل وقوله عطيني جديد مثل باقي كل المحلات وشوف ايش يقولون لك .. اذا رسلت جهازك لمايكروسوفت اعتقد بيكلف كثير.
 
والله لو ذا المحل عندنا وشريت منه الجهاز ومارضى يرجعه..اقلب عيشته فوق تحت..لان المشكلة مو مني انا ولا من استخدامي المشكلة من الجهاز نفسه وهو عارف ذا الشي

قال صلحه قال وش يصلح في معالج الجهاز ولا كرت لجارفيك*على قولته*؟

شوف حاول توديه وخذ معاك احد اخوانك لكبار..وشوف وش يصير واذا مرة ما نفع قله اما تبدله لي ولا اقدم ضدك بلاغ بمخالفة قوانين التجارة

كونه يبيع جهاز بنظام مختلف عن النظام المتبع بالمنطقة
 
شباب خلاص انا رح اشتري واحد جديد لكن بركز على التاريخ ..
لأن جهازي الأول ما خذة من دبي و بدون ضمان و و و و و ..

عموماً الحين باخذ جهاز و بأكد على الرجال لو خبر برجعة له وهو يتصرع يا يبدلني او يرجع لي فلوسي ..
والحين اتعلمت الصراحة ..

شباب نصيحة مني : ماحد ياخذ اي جهاز عند الإصدار مهما كانت الشركة او الجودة صدقوني ^^
 
ماحد ياخذ اي جهاز عند الإصدار مهما كانت الشركة او الجودة صدقوني ^^
أنقر للتوسيع...

pla pla هذي تجربه شخصيه لك من شركه معينه فلا تجمع ترا بعض الشركات يدرسون النقطه هذي عدل
 
همم، الله يعينك الصراحة .. ومثل ما قالوا الشباب انتظر لين الدفعة الجديدة وخذ لك جهاز ..

بس كنت ابسالك انت كنت تقول في موضوع الابديت ان الجهاز علق عليك اكثر من مرة وانت تلعب
سبلينتر سيل !! كيف كان التعليق ؟؟
لان جهازي صار يطلع صوت قوي شوي وغريب عند ال loading تبع بدايه كل مرحله !!
أنقر للتوسيع...

المشكلة حصلت عندي بالضبط .. اعتقد انه المفروض ما تسوي الابديت وفيه لعبة شغّالة داخله، انا كنت مشغل PDZ والحين اللعبة بالعافية تشتغل بعد ما اعيد تشغيل الشريط اكثر من مرة :cryy:
 
يجب تسجيل الدخول أو التسجيل كي تتمكن من الرد هنا.
عودة
أعلى