ههههههه باي باي طاش ماطاش

[Huda]

اليوم طلعوا بالأخبار شركة الهدف المنتجة لطاش ماطاش انسرقت هههههههههههه
والي ورى هالسرقة الرهيبة المدير المالي للشركة مصري الجنسية
وسرق مبالغ كبيره من السدحان والقصبي
اللهم لاشماته :cooool:
بس لايطلع لنا فاعل شر اقصد خير ويتبرع لهم :roll:​

 

[Mario2]

يعني راح نشوف طاش ما طاش الاصلي ..هو دايما مصري اللي يطلع الحرامي ..-_-

 

[squall leonhart]

واااااو فاي قناه شفتي الخبر ؟؟

 

[Double T]

الله يبشرك بالخير .. ان شاء لله روحه بلا رجعه

منجد مسلسل رخيص فكريا

 

[Leon]

خخخ المصري ما قدر يقاوم , هو كم المبلغ اللي لهفه ؟

 

[Kratos]

الخبر من زمان سمعته ..

على العموم طاش ما طاش لسا مستمرين بتصويره :laugh:

 

[Huda]

Mario2
هذا اول شيء طرى ببالي ههههههه
متأكده ان طاش ماطاش الجاي بيستهبلون ويطلعون حلقه عن هالقصه

squall leonhart
شفته على قناة العربية تقريبا الساعه 8 :laugh:

Double T
الله يسمع منك خيو بس ابوي يقول يجيبونه يجيبونه الله يستر :cryy:

Leon
والله علمي علمك ماقالوا المبلغ بس الي عرفته انه مبلغ كبير مو سهل

Kratos
غريبة والله اليوم سمعناه على الأخبار !
يمكن السالفه لها فتره بس توهم يصرحون عنها ؟! :roll:

عموما في بنقل كلام من منتدى شارح السالفه بالضبط

تقدم الفنانان السعوديان عبدالله السدحان وناصر القصبي، صاحبا شركة "الهدف"، بشكوى رسمية ضد المدير المالي بتهمة سرقة مبالغ مالية كبيرة من رصيد الشركة وفراره إلى القاهرة.

وكانت شركة "الهدف" واجهت مؤخرا حجزا ماليا ونقصا في إيراداتها الأمر دفعهما للبحث عن محاسب قانوني لكشف العجز حيث كانت الدلائل تشير إلى تورط المدير المالي في عملية سرقة لأرصدة الشركة.


وقال السدحان والقصبي إنه خلال فترة غيابهما في رحلة عمل إلى العاصمة الأردنية عمان استغل المدير المالي الفرصة وفر هاربا إلى القاهرة بعد أن اشترى شققا هناك، بحسب تقرير أعده الصحافي فهد الشويعر ونشرته صحيفة "الجزيرة" السعودية السبت 16-6-2007.

وقال الفنانان أنهما اكتشفا أن المتهم زور خطابات موجهة خطابات موجهة إلى البنوك وزور أيضا توقيعهما وأصدر بها بطاقات إئتمانية عبارة عن أمريكان إكسبريس باسم ناصر القصبي وعبدالله السدحان وسحب ما بها من رصيد لصالحه بموجبهما، وتم كشف البطاقات في سيارته ومعها فواتير السحب من مكائن الصرف الآلي.

وتقدمت شركة "الهدف" بشكوى رسمية للجهات المعنية في هذا الخصوص لاتخاذ الإجراءات المناسبة لضمان استرداد ما سرقه المدير المالي الهارب وتقديمه للعدالة بالتنسيق مع الجهات الأمنية في بلده.

ــــــــــ

ههههههههه شوفوا صورتهم وهم بيصيحون

أضافة :
الخبر بالمنتديات الثانية له شهر بالضبط غريبة اليوم سمعت عنه بالأخبار ! :slant:

 

[squall leonhart]

خخخخخخ سواها الطعميه .. ياخي بعض الناس سذج يأتمنون المحاسبين و العمال على كل شي

 

[Solay]

آخر السنوات هاذي المسلسل صار بايخ يعني ماهمني انسرقوا وإلا ماانسرقوا لأني ماراح اشوفه

 

[Futrus]

طاش ما طاش السنه اللي طافت صدمني في الحلقتين المشهورتين (الوحيدين اللي شفتهم بسبب الضجه اللي صارت) صالون الهيئه وسوق الحريم طول الوقت وانا اشوفه وعلامات الإستعجاب على وجهي

 

[persona]

يمدحون صادوه 5 ههههههههههههههه

 

[The Shark]

ذلك أفضل .. فليذهب هذا المسلسل إلى الجحيم ...
تبا لشركة الهدف و ما يقدموه من أفكار غبية و سذاجة في التمثيل ... اللعنة ...
<<< بالله ما أصلح أترجم أفلام أجنبية ؟؟؟
فكه من هالمسلسل الغبي و السقيم

 

[UN3]

انا اشوف انه المسلسل كان حلو:slant:

بس الحين الأفكار قلت ومافي ناس مبدعين يمدون المسلسل بأفكار جديده:cryy:

و اذا على الحلقات الي قلتوا انه غريبه مثل صالون الهيئه و سوق الحريم فأنا اشوف فيها اغلاط بس الفكره كانت حلوه

المشكله عندنا فيه مواضيع محرمه علينا طرحها:sealed: والي جا طاش ما طاش وطرحه ومن بعده الكل استنكره و قام يسبه ويلعنه.:evil:

انا مو مع المسلسل بكل افكاره بس انا اشوف فيه حلقات كانت عجيبه مثل سوق الحريم :laugh: وبصراحه جات بالصميم...خخخخخخخخخخخخخخخخخخخخ
وحلقات انقد عليها شوي مثل صالون الهيئه:normal:

ونشالله نشوفهم برمضان بشكل افضل من السنوات 6 الي طافت

 

[Torpedo]

طاش ما طاش .. مهما يصير يظل أفضل ما قدم من التلفزيون السعودي من اعمال تمثيلية و بدون اي منافسة تذكر ..
مهما كانت الافكار الي طرحها .. المسلسل يظل يحيز على أكثر نسبة مشاهدين مقارنة بالأعمال السعودية الاخرى .. و ينافس باقي البرامج الاخرى من القنوات العربية ..

 

[Aoks]

الله يعوضهم
​

 

[MALDINI]

باي باي
***

 

[Khalid-S]

طاش ما طاش .. مهما يصير يظل أفضل ما قدم من التلفزيون السعودي من اعمال تمثيلية و بدون اي منافسة تذكر ..
مهما كانت الافكار الي طرحها .. المسلسل يظل يحيز على أكثر نسبة مشاهدين مقارنة بالأعمال السعودية الاخرى .. و ينافس باقي البرامج الاخرى من القنوات العربية ..

اقتباس للحقيقية .... ولكن المسلسل قادم قادم لا محاله .. واقفه وراه ناس كبار جداَ وبيستمر مهما صار. وطبعا هذا شي جيد .. مهما كان المسلسل افكاره انهت .. يضل مسلسل كل رمضان اتابعه .. وكتني حالة اكتئاب رمضان الي فات يمر بدون ما اتابعه بعد الفطور 🙁 .... الروتين تغير.

 

[Huda]

صحيح هو مسلسل ناجح جدا بالنسبه للمسلسلات العربية خصوصاً الخليجية وكان له نكهه خاصه عندي حد السنه الي قبل الماضيه
السنه الماضيه قاطعته
انا ماشفت حلقة سور الحريم والهيئة بس سمعت عنها
طاش ماطاش كان فيها افكار حلوة لكن خربوها بتدخل بأمور الدين ومادين
يمكن حلقتين او ثلاثه تخرب الموسم كله
مو بس حال طاش ماطاش
كل المسلسلات الخليجية صار همها الأرهاب وكيف يحلونه وكيف المطاوعه وووو
لكن طاش ماطاش بالواجهه لأنها مشهوره
الله يهدي الجميع

 

[Zero]

بغض النظر عن استمرار المسلسل أو لا ( مع أنه راح يستمر كما هو معروف ) ، السرقة سرقة ولازم ترجع الفلوس لأصحابها !

 

[Mr.3B]

خخخخخخ سواها الطعمية

ههههههههههههههههههههههه .. أحلى رد .. هههههههههههههههههههههه
سكوال +1000000000000000000
هههههههههههههههههههههههههههههههههههههه


أما على الصورة .. ههههههههههههههههههه .. ما أشوف أحد يصيح .. لول .. كل هذا كره .. هههههههههه


طاش ما طاش FTW

 

[Jizasu]

انا كنت اتابع المسلسل برمضان بس مو بشكل يومي...لأن بيني و بينكم المسلسلات ياكثرها برمضان..وطاش ما طاش كان احد المسلسلات الي اشوفها :slant:

القرآن برمضان تختمه وناسه تقعد تقرى تحس براحة

:cooool: فأحلى عيشه كانت تقعد تشوف داود حسين او عبدالناصر درويش وقت الفطور و وراها تروح تقعد على TG و تسولف وي ربعك...

:yuck: طبعا هل روتين قبل و بعد الفطور....و بعدين عاد كل واحد و ماتشتهيه نفسه من طلعات او اكلات ::

 

[Colorization]

طاش ما طاش حلو، لكن المسلسلات العربية الباقية كلللللللللللللللللللها (بإستثناء بعض المسلسلات الكوميدية الكويتية) FTL، أصلا ً ما أذكر متى آخر مرة شفت فيها مسلسل خليجي، كل مسلسل منحط أكثر من اللي بعده..

 

[squall leonhart]

طاش ما طاش حلو، لكن المسلسلات العربية الباقية كلللللللللللللللللللها (بإستثناء بعض المسلسلات الكوميدية الكويتية) FTL، أصلا ً ما أذكر متى آخر مرة شفت فيها مسلسل خليجي، كل مسلسل منحط أكثر من اللي بعده..

ايه خاصة الدراما الخليجه .. كلهم اغنياء بشكل فاحش و الحريم حاطين full make-up حتى وقت النوم لوووول كل حلقه لازم تشوف لك واحد و لا اثنين ياكلون كفوف ( طراق بالكويتي )

 

[Hardcore Gamer]

ما ادري ليش فيه بعض الاخوان يكرهون طاش ما طاش وودهم يوقف ..
اذا واحد يكره طاش مو مشكلة نقول عنده اسبابه ... لكن وده يوقف!!.. طاش بيستمر الا مالا نهايه دام ان باقي له جمهوره ومستمر بشعبيته هذي

 

[Colorization]

ايه خاصة الدراما الخليجه .. كلهم اغنياء بشكل فاحش و الحريم حاطين full make-up حتى وقت النوم لوووول كل حلقه لازم تشوف لك واحد و لا اثنين ياكلون كفوف ( طراق بالكويتي )

واحد غني ويا عياله و زوجته، وعايلة فقيرة تضرب لك المثل بالأخلاق والطيبة.. تحس ما عندهم سالفة يعيدون بالسيناريو من 10 سنين ههه 😛eeved:

 

[Dr MaD]

للأسف فطور رمضان انسرق !!

صحيح ان المسلسل مو زي مستواه الاول بس هذا مو معناه ان نتشمت فيهم .. نسيتوا الضحكه اللي رسمها على وجوه العائلة لمدة 14 سنه !! وهو أشهر مسلسل سعودي وشهرته موصله من المغرب وموريتانيا الى عمان والامارات

وبعدين من زين المسلسلات العربية الثانيه :sealed: .. شله بنات اشكالهم وجيهم مرسومه بالمكيااج يحبون شله عيال مهرجين معهم همر وبورشات !!!

طاش احسن من غيره
والمعارض للمسلسل لا يشوفه ويريح مخه .. ولاتنسون انه مطلع كل مشاكل السعوديين اللي مخفيه على السطح

ادعوا الله ان رمضان القادم ما نفتقد طاش .. ونشوفه بمستوا جديد يرقى لسمعه المسلسل

 

[*legend*]

هو دايما مصري اللي يطلع الحرامي ..-_-

لول , قصدك ما يفلح فيها إلا المصري ...

بالنسبة للمسلسل , فصحيح الأفكار صارت تنعاد و و انخفض مستواه , لكن كلمة الحق تقال شنو عندنا من برامج او مسلسلات سعودية تستحق المتابعة ؟ تقريباً المسلسل الوحيد السعودية اللي حبيته كان باسم " دمعة عمر " على ما أعتقد كذا اسمه ... كان بالفعل انتاج مميز و قصة مؤثرة , لكن غيره ما افتكر شفت في شي متميز على طاش ...

 

[Huda]

ههههههه شباب لايفوتكم برنامج تركي الدخيل اضاءات :laugh:
بيتكلمون ليش الدراما الخليجية مأساوية :yuck:
اتوقع يطلع يوم الجمعه الساعه 2 :slant:

 

[The Doctor]

ههههههه شباب لايفوتكم برنامج تركي الدخيل اضاءات :laugh:
بيتكلمون ليش الدراما الخليجية مأساوية :yuck:
اتوقع يطلع يوم الجمعه الساعه 2 :slant:

المفروض يتكلموا عن ليش الدراما الخليجية بايخة و مكررة و صايرة عرض ازياء و مكياج رخيص... غير التمثيل الغبي طبعاً

 

[kInGsIzE]

بينصاد بينصاد ..