تتحدث كأن التكنولجيا ستبقى متجمدة خلال الـ 10 سنوات القادمة.. سوني ماراح توجه مواردها بالشكل اللي نشوفه تجاه الـ Cloud Gaming الا وهي واثقة فيه كمستقبل.
و ليش سوني تعرف علم الغيب و لا بإيدها شركات الانترنت و الاتصالات في دول العالم؟
الشركات كم مرة وثقت بشي و بالأخير ثقتها طلعت مش بمحلها؟
كل شركة و بيزنيس أهم أساس و عامل عندهم هو الوصول لأكثر عدد ممكن من الزباين و المستهلكين.... سوني راح توصل لهالشي اذا شالت من الزبون كل الخيارات و فرضت عليه خيار واحد فقط و هو جهاز مبني عالكلاود فقط؟
ترى احنا نتكلم عن توجه لسوق عالمي مش لسوق أو سوقين..... يعني هالكلام شبه مستحيل.
هم راح يخلون الخدمة موجودة جنبا الى جنب مع باقي خدماتهم، و لكن مو بالشكل الي تتصورونه أن هو المستقبل فقط و مافي شي غيره الا اذا كانو خلاص ناوين على دمارهم.
بعدين ألقي فقط نظرة على خدمات الانترنت عندنا من ١٠ سنوات و قارنها بالحين.... فيه ذاك الفرق الي نتكلم عنه؟
طيب شوف المستقبل القريب، فيه بوادر على تغير هالشي؟
احنا مركبين بوكس انترنت الفايبر عند بيتنا من ٦ سنوات و للحين مافيه أي بوادر قريبه و لا أبعد شوي بتفعيل الخدمة فمابالك بالدول الأخرى؟
أمريكا الي من أهم أسواق العالم للحين عندهم كابوس الباندويث و دايما نشوف تشكي منهم و مافيه أيضا أي بوادر قريبه عندهم بالتخلص منه.
حط في بالك أن احنا نتكلم عن سوق عالمي يعني أشكال و ألوان من اللاعبين في مختلف الدول.... الشركات تبي توصل دايما لأكبر قدر منهم بمختلف زوايا الأرض تبيها ترمي أكثر من نصفهم بالجنب بتوجه كامل و كليا جديد هم ما يقدرون يواكبونه؟
لأ، هالشي ماراح يصير لأنه بعيد كل عن المنطقية.
