مرحبا جحجاح ..
قبل كل شيء أنت تعرف أن مبلغ 60 دولار مش قليل أبداً و كون هالساعات الست أو السبع ممتعة ما يشفع للعبة من وجهة نظري .. الإعتراض مش بس على قصر مدة اللعبة الا كمان
على الكونتنت اللي وااضح أنه قليل لأسباب قد تكون قصر مدة التطوير أو إنخفاض الميزانية
بس للتوضيح: أنا ماني ادافع عن فانكويش. أنا ما لعبتها الى الآن. كنت ناوي أشتريها بسعرها الكامل قبل ما تنزل, لكن المراجعات وصلت وكان باين انه فيه ناس لما انهوها ما كانوا راضين تماماً عنها. وزي ما قلت في ردي فوق, اذا اللعبة ما أعطت شعور رضاء واكتفاء اذا انهى اللعبة -مهما كان عمرها- فمستحيل أشتريها بـ60$. ناوي على نسخة مستعملة للعبة بنص السعر ان شاء الله.
يمكن البعض ما تفرق معاه مبلغ الـ60$ و لذلك يطالب اللعبة بالمتعة و خلاص ، و لكن فيه ناس يفرق معاها المبلغ و بهالحالة تفضل تدفعه على لعبة ذات قيمة أعلى و عمر أكبر .
معليش حسين, ما دخلت الموضوع ورديت عليه الا لأني عارف مدى ثقل الـ60$ علي. لو ما تفرق معي كان ما دخلت ولا رديت, لأني مهما كانت اللعبة, مستعد ارمي عليها 60$ وخلاص. لكن انا وكل واحد دخل الموضوع هذا يعتبرون اشخاص انتقائيين. نبغى نعرف متى تكون اللعبة تسوى الـ60$.
الحين نرجع لوجهة نظري, ممكن ما فهمتوني صح, او ما وضحت نقطتي مضبوط. انتم الآن تقولون كلمات مثل
محتوى و
فاليو وغيرها. في رأيي هالأشياء ما تُقاس بعدد الساعات الي تاخذها مني اللعبة حتى أنهيها. في رأيي اذا لعبة 20 ساعة, وأنا مليت في أكثر من نصها أو لما انهيتها حسيت اني غير راضي تماماً, أقل قيمة ومحتوى من اللعبة الي تكون 10 ساعات واستمتعت في كل لحظة ولما انهيتها حسيت بالرضاء التام عنها.
الوقت =/= المتعة. ولا كان صارت مشترياتي كلها ألعاب مولتي بلاير وآر بي جيز والسلام. أعجبتني زين. ما أعجبتني, بالطقاق, أهم شيء انها تشغلني ساعات كثيرة. لا أبداً أنا ما امشي مع هالنظام. والكونتينت الإضافي في رأيي ماله فايدة ان كان غير ممتع أو ما يهمني, حتى لو كان نظرياً يضيف لعدد ساعات اللعبة.
القيمة والمحتوى راح أقيسهم دائماً وأبداً بمقدار المتعة الي احصلها. لعبة استمتعت فيها كثير, أنا اشوف فيها قيمة ومحتوى كبير يستحق. لعبة استمتعت فيها شوي والباقي حسيته filler عشان اخلصها قيمتها أقل.
أنا في النهاية العب فيديو جيمز عشان استمتع. وأدفع 60$ على منتجات ما أتوقع منها غير المتعة الخالصة, أقل من كذا اللعبة ما تسوى والله لو مدتها مليون ساعة. وإن كنت مهتم فيها أقدر انتظر اشتريها مستعملة بسعر أرخص.
مثال للعبة وقتها قصير, لكن فيها قيمة كبيرة لأنها ممتعة هي Batman AA. السينجل بلاير مدته ما توصل 7 ساعات, لكن لما تنهيه تحس انك لعبت لعبة كاملة وممتازة. عشان كذا تشوف تقييماتها ممتازة والكل حبها. نفس الشيء مع سينجل بلاير انتشارتد 2. بينما لعبة بضعف عدد الساعات مثل داركسايدرز ما حصلت على نفس التقييمات أو الإستحسان, لأنها على الرغم من انها طويلة, إلا انه فيها ups & downs. اللعبة ممتعة في مناطق, لكن يتخللها مناطق مملة وطويلة وتحس مالها داعي.
ما أبغى أفرض رأيي عليكم, زي ما قلت في ردي الأول المسألة تعود للشخص, كونك تقيس جودة اللعبة بعدد ساعاتها شيء طبيعي جداً, وما عندي أي اشكال مع وجهة نظرك. لكن بصراحة اشوف له داعي اذا اختلفت مع وجهة نظري ترمي أحكام علي مثل "ما يهمه 60$" أو غيره. كل شخص دخل الموضوع هذا دائماً له خطة لمشترياته كل موسم ويبني قائمة المشتريات بحذر على حسب الـstandards حقته بحيث يقدر يشتري الالعاب الي تتوفر فيها هالستاندردز, ويوفر فلوسه للألعاب الي ما تتوفر فيها, وممكن يشتريها بعدين بسعر أرخص.
