الموضوع على حسب كل لعبة وطبيعتها، وجاء ببالي الاتي:
تذكرت أشياء بسيطة من ألعاب Castlevania، بالأجزاء الكلاسيكية كان لما تاخذ سلاح جانبي مثل الساعة، الصليب، الماء المقدس، أول ما تلقى واحد ثاني ولو لمسته بالغلط يتبدل على طول، بالأول والثالث هذا شي مستفز خاصة لو تبدلت الساعة بالسكين.
أظن بجزء Rondo of Blood صارت حركة لما تبدله يطلع القديم قدامك بالأرض، فيصير ترجع لو حاب، ونفس السالفة موجودة ب Symphony of the Night.
ونفس الشي من الجزء الأخير كان أول جزء مترويدفينيا فلما تستعمل التنقل السريع fast travel كان ينقلك غرفة غرفة بتسلسل معين ما تختار المكان الي تريده وتضيع وقت على الفاضي، أظن بأحد أحزاء الGBA صار تختار المكان.
هذيلا النقطتين مصعاد، بس مصعاد أتحدى أي شخص يقول لا والله القديم أفضل.
فيه أشياء ممكن أتفهم من يعتبرها البعض تسهيل بايخ والحل لو المطور يعطيك خيار بالإعدادات تشيله، مثلا لو لعبة فيها check point بنص الزعيم -وهذا شي قديم موجود ب God of War II- تقدر تستعمله أو لا.
وبخصوص كم نقطة من أصل الموضوع:
هل عدم وجود خريطة مصغرة في اكسبدشن ٣٣ ساعدت على الـImmersive والاستكشاف أكثر؟ ولا ضيعت وقتنا؟
من عيوب اللعبة بنظري، ألعاب فرومسوفت ما فيها خريطة بس المناطق معماريتها تيسّر الحفظ وشوية تسكع بالمنطق تلقى اختصارات ومعالم واضحة،. صدق تذوب بالعالم.
33 فنيا تذوبك فيها، بس مراحلها تصميم أبسط وما فيها هذيك المعالم الي تخليك تحفظها وتمدحهم لأن ما فيها خريطة، هنا البساطة مع تشابه بعض الأمكان خلتني أتمنى أحيانا لو فيه خريطة صغيرة أو أقل شي خريطة أفتحها عشان أتأكد نظفتها المنطقة ولا لا، ما أشوف غياب الخريطة ساعدني انغمس باللعبة.
هل اضافة التيليبورت في الألعاب كانت كويسة؟ ولا خربت التجربة في بعضها؟
وجوده بDS3 و BB جوّد التجربة، ما أذكر أي لعبة لعبتها حسيت وجوده يخربها.
هل تبسيط وأتمتة العمليات (claim all - auto combine - auto equip) وتسريعه لوقت اللاعب الفعلي خربت التجربة على اللاعب وخلته يتعود على الأوتوبايلوت؟
ما أعرف لو هذا المثال مناسب بس بزلدا بوتو أظن عشان تشل الأغراض ضغطة زر أو حتى تمشي عليهم(؟)، لو كان كل شوية لنك يكبس عشان بشل الأغراض اللعبة بتصير أبطأ بغير سنع.
نفس السالفة لما تفتح أغراض وتريد تاخذها من بايع وتريد كل شي حلو يكون فيه خيار تختار كل شي، بعض الأتمتة مفيدة.
ليش نبحث أحياناً عن التعب والتعقيد والصعوبة الذهنية.
هل أصبحت عقليتنا مثل جيل آباءنا اللي يتفاخرون بمشقة الحياة قديماً وذهابهم للمدرسة وقطعهم لمسافات طويلة مشي بدون سيارات ووسيلة نقل، لكن الآن نحطها في الألعاب ونلوم الجيل الجديد بسهولتها المفرطة لأنهم كسولين وعندهم قلة تركيز وآلاف المشتتات؟ حتى لو كانت توفر وقت وجهد لهم ومبسوطين؟
ياخي سؤال وجيه وعميق، يمكن صدق نحن ندور الصعوبة عشان نحس بالإنجاز ومشقة الحياة مثل الاباء، ويذكرني بأن دايما أشوف إنهاء لعبة صعبة مش إنجاز، يعني غيري يفتخر شال حديد وقدره والحين صحته أفضل أو هذاك تسلك جبل وأنا فرحان مخلص لعبة صعبة؟ الموضوع يدعو للضحك😂
