Humam
True Gamer
نصيحة لوجه الله لحد يرد
بسبب الموقف الغبي الي صار لي قبل شوية.. طبعا جالس في البيت لحالي مافي أحد معاي و طفشاان جدا, رن جرس تلفون البيت ( الخط الثابت ) و انا طبعا مش متعود أرد عليه لأني الي يبغاني يكلمني على الجوال.. علشان تكونوا مركزين مع الplot حطوا في بالكم أن اكبر اخواني الأولاد اسمه هيثم..
رفعت السماعة ..صوت نسائي مش مألوف..
هي : الو.. السلام عليكم ..
أنا : وعليكم السلام ورحمة الله
هي: كيف حالك ( بكسر اللام ) ايش أخبارك ( بكسر الراء ) عساكي طيبة ؟
أنا : الحمد لله تمام بخير
هي : كيف الأولاد ان شاء الله بخير
أنا : اووه الحمد لله طيبين كلهم
هي ( بعد ما شافت صوتي غريب شوي ) : عسى ما صحيتك ( بكسر التاء ) من النوم ؟
أنا : لا والله أنا صاحي من أول
هي : ايوة طيب كويس الله يعطيكي العافية..
أنا بعد كل هذا قلت في دماغي ايش بها بنت الحلال هذي تناديني بضمير التأنيث, في البداية اعتقدت إنها واحدة من خالاتي, قلت ياهو مش معقول واحدة من خالاتي ما تعرف تفرق بين صوتي وصوت أختي مثلا, لعب الفار في عبي وقلت هذي مسخرة وين راحت الرجولة, صراحة لازم اعرف خالتي مين هذي الي ما تعرف صوتي..
أنا: عفوا مين معاي ؟
هي: وي ما عرفتيني يا أم هيثم ؟ أنا أم سامر
أنا : T_T
أقسم بالله تحطمت.. ما عرفت ايش أقولها خصوصا ان التفشيلة بالنسبة لها أكبر بما إنها مش واحدة من خالاتي ( أم زوجة أخوي .. حماته يعني ) .. أنا زدت الطين بلة بدال ما أقلها هويتي الحقيقية قلت لها اوه هلا هلا أم سامر كيف حالك.. الآدمية تكلمت كم ثانية وانا ساااااكت..من كثر الارتباك والحيرة في نص كلامها دخلت عرض عليها وقلت : الو ترى انا همام
فجأة وقفت كلامها .قالت : نعم ؟ أنا رديت : أنا مو مو أم هيثم أنا ابنها همام !! المسكينة توهقت.. قالت " وي " .. بعد ما سكتت برهة قالت معليش هو في تشابه كبير في الصوت " لوول " .. يلا خلاص سلم عليها وهوب سكرت السماعة.
طول عمري عندي مبدأ ان تلفون البيت التعيس ما أرد عليه لأنه أصلا ما اتركب الا علشان النت وغالبا ماكان يستخدم لكن مع وصول الDSL تغير الوضع شوية..
الي بيضحك علي بدل ما يشفق صراحة راح ياخذ بوكس أليم.. الله لا يحطكم في موقف مشابه قولوا آمين.. أحس الآدمية حاقدة علي بقوة.. تلقاها تقول طيب يا ثور انت ولدها ليش ما تتكلم من البداية :cryy: :cryy: :cryy:
بسبب الموقف الغبي الي صار لي قبل شوية.. طبعا جالس في البيت لحالي مافي أحد معاي و طفشاان جدا, رن جرس تلفون البيت ( الخط الثابت ) و انا طبعا مش متعود أرد عليه لأني الي يبغاني يكلمني على الجوال.. علشان تكونوا مركزين مع الplot حطوا في بالكم أن اكبر اخواني الأولاد اسمه هيثم..
رفعت السماعة ..صوت نسائي مش مألوف..
هي : الو.. السلام عليكم ..
أنا : وعليكم السلام ورحمة الله
هي: كيف حالك ( بكسر اللام ) ايش أخبارك ( بكسر الراء ) عساكي طيبة ؟
أنا : الحمد لله تمام بخير
هي : كيف الأولاد ان شاء الله بخير
أنا : اووه الحمد لله طيبين كلهم
هي ( بعد ما شافت صوتي غريب شوي ) : عسى ما صحيتك ( بكسر التاء ) من النوم ؟
أنا : لا والله أنا صاحي من أول
هي : ايوة طيب كويس الله يعطيكي العافية..
أنا بعد كل هذا قلت في دماغي ايش بها بنت الحلال هذي تناديني بضمير التأنيث, في البداية اعتقدت إنها واحدة من خالاتي, قلت ياهو مش معقول واحدة من خالاتي ما تعرف تفرق بين صوتي وصوت أختي مثلا, لعب الفار في عبي وقلت هذي مسخرة وين راحت الرجولة, صراحة لازم اعرف خالتي مين هذي الي ما تعرف صوتي..
أنا: عفوا مين معاي ؟
هي: وي ما عرفتيني يا أم هيثم ؟ أنا أم سامر
أنا : T_T
أقسم بالله تحطمت.. ما عرفت ايش أقولها خصوصا ان التفشيلة بالنسبة لها أكبر بما إنها مش واحدة من خالاتي ( أم زوجة أخوي .. حماته يعني ) .. أنا زدت الطين بلة بدال ما أقلها هويتي الحقيقية قلت لها اوه هلا هلا أم سامر كيف حالك.. الآدمية تكلمت كم ثانية وانا ساااااكت..من كثر الارتباك والحيرة في نص كلامها دخلت عرض عليها وقلت : الو ترى انا همام
فجأة وقفت كلامها .قالت : نعم ؟ أنا رديت : أنا مو مو أم هيثم أنا ابنها همام !! المسكينة توهقت.. قالت " وي " .. بعد ما سكتت برهة قالت معليش هو في تشابه كبير في الصوت " لوول " .. يلا خلاص سلم عليها وهوب سكرت السماعة.
طول عمري عندي مبدأ ان تلفون البيت التعيس ما أرد عليه لأنه أصلا ما اتركب الا علشان النت وغالبا ماكان يستخدم لكن مع وصول الDSL تغير الوضع شوية..
الي بيضحك علي بدل ما يشفق صراحة راح ياخذ بوكس أليم.. الله لا يحطكم في موقف مشابه قولوا آمين.. أحس الآدمية حاقدة علي بقوة.. تلقاها تقول طيب يا ثور انت ولدها ليش ما تتكلم من البداية :cryy: :cryy: :cryy:
