Top Wo Nerae!
اوفا من اخراج هيداكي اننو , شاهدت الاوفا صراحة وانا متوقع شي يشبه ايفانجليون او به ريحة ايفانجليون (نص ردودي ذكرت بهن ايفانجليون خخخخ) لاني قريت انه فيه تركيز على الشخصيات وقصة عميقة , ما ادري الي جاني يعتبر سوء فهم ولا احباط بس ماكنت متوقع الي شفته وبديت صراحة اشكك باننو واشك ان ايفانجليون كان صدفه (سبب ثاني للتشكيك افلام الريبلد وسبب ثالث الفانسيرفس الي بايفانجليون لدرجة اني شكيت انه مكتئب , من مكتئب وفاضي يحط فانسيرفس ؟) ,ايضا الفان سيرفس هنا موجودة وصراحة بشكل عبيط جدا وماله داعي ,والعمل مادري اذا هو كوميدي ولا لا بس فيه عباطة غريبة زي مشاهد التفصخ والفيزياء المفبركة والاسامي للشخصيات الي كلهن اسماء طاقم العمل تقريبا , مادري وش كان المفروض اطلع به بس اتوقع انه من الاساس العمل كان مايناسب ذوقي لانه ميكا واكشن وحماس الخ , الاكشن والحماس ممله بالنسبه لي جدا وما ادري وش المفروض اسوي بالضبط تطلع بالنسبه لي كذا ( هذا عطا هذا بقس وهذا رد له البقس وهذاك مات او مادري اغمى عليه بس كل هذا مع موسيقى اكشن وسرعه بالتنفيذ وكم حركة اخراجية هنا وهناك) ,القصة ما اعتقد انه عميقة ابدا ولكن يمكن الشخصيات كان بهن شيء من العمق ,ولاحظت تشابه مع ايفانجليون مثل اضطراب الشخصيات مع انها هنا مخففه بشكل كبير ولكن موجودة وايضا كون العملين ميكا والبشرية في عصر بائس الاعتماد على الاطفال,يونغ فرويد , بما ان ايفانجليون كان من اعمدته التحليل النفسي كارل يونغ وسيغموند فرويد من مؤسسي التحليل النفسي ويونغ كان تلميذ فرويد قبل ان يستقل عنه باراءه وهنا يمكن نلاحظ ان اننو العبيط عنده معرفه بهم قبل ايفانجليون وما ادري اذا الاكتئاب كان قبل كتابة ايفانجليون بفترة بسيطة ولا اثناءه ولا قبله بكثير بس شكله الادمي عنده مشاكل بالثقة وشخصية مضطربة اثناء مراهقته وطفولته لانه شخصيات هذين العملين مهزوزه هذا بالاضافة الى انه يعتبر نفسه اوتاكو وهؤلاء الاخيرين دايم منعزلين ومهوسين هذا ايضا من الاسباب الي تخليك تشكك باننو ,ايضا هنا فيه ريحة فيلم (interstellar) ولكن اقل درامية بكثير وتحس انهم وهم ماشين بالحلقات جتهم الفكرة وحطوه ستين مره بالعمل الين عاد خربوا السالفة بالحلقة الاخيرة (مع انه فكرة حلوه صراحة واعجبتني) ,العمل كان ممل الى حد بعيد بالنسبة لي بس اتوقع انه كان ممتاز ومناسب للي ذوقه اكشن ,ولكن هذا مايبرر مكانته والترفيع به بنظري (خصوصا من الاخ abdullah-kh) بس اتوقع اني ماني مؤهل لتلمس اهميته نظرا لاني لا اتذوق الاكشن والميكا وما الى ذلك ,وفيه شيء ايضا كان غريب بالعمل واعتبره عيب الي هو عدم ذكر او التعريف بالمخلوقات الفضائية ,يمكن العمل من ست حلقات ومايكفي بس اتوقع انه كان المفروض يذكرونهم ,حتى انا تفاجئت ان فيه فضائيين اتوقع ما تم ذكرهم الا بالحلقة الثالثة او الثانية بعدين فجأ صارت حرب بين البشر والفضائيين , ايضا مسألة شخصين او ثلاثة ضد مليون مادري مليار فضائي , مركبة فضائية وحدة ضد مليون مادري مليار مركبة فضائية , انا ممكن افهم انه ثقب اسود ويسحبهم كلهم بس وهم بالطريق يذبحهم على الاقل قل 10 مركبات يارجال , واحد ضد مليون , حتى النمل يارجال اذا زادن عن عشر تخاف وتجيب مبيدات حشرية , عشان كذا اتوقع العمل كوميدي مع مشهد التفصخ الاخير الي ماتدري انت تضحك ولا تتأثر بالموقف.
هذا العمل صراحة خلاني اشكك بايفانجليون واني كنت معطيه اكثر من حجمه لذلك وجبت مشاهدة ثانية له عشان اتأكد هل انا كنت منبهر الى درجة الهذيان ونسيت اتابع الانمي ومرت الحلقات بدون ما اطلع بشيء منهن ولا فعلا يستحق هذي المكانه,ايضا بهيداكي انو مع اني ماتابعت له الا هالعملين وكنت متوقع انه شخص ليس من هذا الكوكب بعد ماشفت ايفانجليون , ولكن بعد ماشفت العمل احتجت اني احلل نفسيته وشخصيته فوق وافهم ليه الانسان هذا كذا؟.
ولكن كان تجربة جيدة الظاهر مع انني لن اكررها.
>> *اكلمكم من بعد صدمة* لاحد يسئلني وش فهمت بس الفلم جد راق لي@@ أول دقيقة .. "captivating" بشكل ما تخيلته. ابد مو رخيص الإخراج @_@ والأرت والرحلة كلها.. يلعن ابليس المخيلة !!! (احم للي يدور فلم رعب ! لا بل العن.. *اكتئاب* ) فيه مشاهد قفلت مخي ما ودي افكر بمعناها حتى!! .. لكن الفلم ككل كان رحلة فنية مجنونة غريبة بديعة مرعععععععبة ( بصراحة تفاجئت مو شوي.. بل بقوة * جداً فخخخخخم* الصور فوق تشوفها شي .. وشوفة الفلم لحالها شي ثاني. )
) .. الموسيقى ممتازة وجد دخلتك بالجو! .. تجربة حلوة صراحة!
تصنع الكثير، وشفت جورين لاجن هنا @@ بس ما تتوقف على كذا وإلا تطلع كذا:
الكلاب التي تنقتل ببشاعة، الأكشن ورى الأكشن، الغرابة والشطح المش ممكناوي في الأفكار؛ الهندي المعضل ومدفع الليزر كحركة نهائية معتقة ورهيبة لول 
