hits counter

هل الفيديو الجيمز يصلح كقاسم مشترك بين الأصدقاء ؟

cobra

cobra

Banned
لطالما كان الأصدقاء يحبون بعضهم بسبب القواسم المشتركة بينهم مثلا انا احب اصدقائي من محبي الكتابة الناقدة و الساخرة و لكن عمري ما تخيلت انه في ناس ممكن تتصادق عشان حبها للجيمز بنظركم هل الجيمز يصلح كقاسم مشترك بين الأصدقاء ؟
 
ايه ، كونت اصدقاء كثر بسبب الاهتمام المشترك بالفيديو غيمز
 
اكيد :\ ما تحتاج سؤال. الفيديوجيمز هواية حالها حال أي هواية ثانية.
 
ايش قاسمنا المشترك كأصدقاء في ترو جيمنج ؟
​
 
الفيديو جيمز ممكن يكون لها دخل بالصداقة ولكن بشكل غير مباشر

يعني انا وايد تعرفت على شباب بسبب الفيديو جيمز, بس عمري ما بنيت صداقة على هالأساس, الصداقة لازم تكون على أساس أقوى.. مثلاً يعجب بشخصيتك وبأسلوبك..الخ
اما اثنين يصيروا ربع عشان فيديو جيمز صعبة.. وغير كذا الصداقة ما رح تكون متينة, إذا اختلفوا على لعبة واحدة بس ممكن تنهدم صداقتهم كلها !

يعني الفيديو جيمز ممكن تكون قاسم مشترك بين الأصدقاء مثل ما ذكرت بالموضوع, بس صعبة تكون الصداقة مبنية بشكل أساسي على الفيديو جيمز
 
اكثر الاصدقاء الي كونتهم .. من فاينل فانتسي11.... so يصلح يكون قاسم مشترك
 
hussien-11 قال:
ايش قاسمنا المشترك كأصدقاء في ترو جيمنج ؟
​
أنقر للتوسيع...

أحنا أعضاء في ترو جيمنج مش أصداقاء يمكن انت تعرف 4 او 5 في المنتدى شخصيا بس انا اتكلم في الحياة بشكل عام
 
اممم ليش لأ , بس زي ما قال حمد-11 .

و بصراحة غريبة إنك تششوف ناس يبنون صدافاتهم على جيمز , زيها زي أي هواية ثانية.
 
ليش لأ؟

شخصياً كونت علاقات وصداقات متينة مع أشخاص صرت على اتصال دائم معهم، ومستمرة لسنين.
 
زي ما قال احد الاخوان ... ممكن تكون سبب اني اتعرف على اصدقاء جدد لكن مو السبب الاساسي اللي تنبنى عليه الصداقه .. مثلا انا من اعز اصحابي واحد كانت بدايه صداقتنا بسبب الجيمز ...لكن الحين ما نتكلم عن الجيمز الا ناااااااادر جدا وصداقتنا مو قائمه على الجيمز بشكل اساسي
 
كثير كثير كثير درسو معاي ماصرت صديق لهما الالما اكتشتف انهم عشاق للجيمز ^_^
ايضا الانمي.
لكن ايضا اصدقاء الطفولة قليل في الجيمز لكن علاقتنا قوية جدا
 
طبعا سبب قوي, زي ما العالم والناس تتعرف على بعض عن طريق الهوايات زي كرة القدم, السباحة ولا صيد الطيور, الجيمز هواية.
 
للامانه من اكثر الناس اللي اعزهم بحياتي ( اكثر من شخص ) كلهم تعرفت عليهم من خلال منتديات الفيديو جيمز 🙂

حلو انك تحصل اصحاب يشاركوك هوايتك المفضله ..
 
شي اكيد لان حالها حال اي هواية ثانيه مثل الرياضه او القراءه .. يعني تجمع الناس من وقت لثاني .. 🙂
 
أقرب أصحابي لي تعرفت عليه بسبب سوبر سماش P:
 
بالنسبة لي لا ، اقرب اصدقائى ماله اي علاقة بعالم الالعاب الا من بعيد

الفيديو جيمز ممكن اعتبره عامل من عوامل مشتركة بيني و بين اصدقائي لكنه ماهو اساسي ابدا بل ثانوي جدا بالنسبة لي

حتى كل اصدقائي الي هنا دايما في شي ثاني يربطني معاهم غير الفيديو جيمز (( مانجا و انمي ، كرة قدم ، افلام ، موسيقى و اشياء اخرى ))
 
برايي انها مثل اي هوايه ثانيه تخليك "تكون" صداقات..لكن هذا مو شرط يعني ان العلاقات تستمر..لأن الاساس الاول والاخير بالعلاقه هو جوهر الشخص نفسه و التناسق التام بين طبايعك وطبايع الصديق...
 
فيه عندي اصدقاء من 7 سنوات و القاسم المشترك هيه ال games
لذالك اكيد يصلح
 
الفيديو جيمز عامل من العوامل اللي تخليك تبدا الصداقة او انه مثل ماقالوا الشباب عامل مشترك يعني مستحيل واحدفينا كون صداقة من الفراغ بس كذا بيوم وليلة هو صار صديقي وانا صرت صديقه في عوامل قبل وهنا نقول ان الجيمز تكون صداقات تبدا بالجيمز وبعدين تتوسع باشياء ثانية تكتشفها بعدين مع كلامك مع هالشخ اذا عجبتك شخصيته و هو نفس الشي تبدا الصداقة واذا لا فهو قاسم مشترك بينكم تتكلمون فيه زي زمالة يعني
 
بالنسبه لي مالي صديق عزيز جدا جدا تعرفت عليه من خلال الجيمز...

بس تقدر تقول ان البعض يتعرفون على أخوياهم عبر الفيديو جيمز..
 
إذا لقيت واحد معاي بالكلية يهتم بالفيديو جيمز , هذيك الساعه بقدر أجاوب على سؤالك .
 
التعديل الأخير:
زي ما قال الاغلبية

هذا الشي من اكبر الابواب " لبداية تكوين علاقات " كونها من باب اهتمام الشخصين اللي تعرفوا على بعض بنفس المجال

لكن مو شرط انها بالنهاية تعبر عن صداقة او حب الشخص الاول للثاني او العكس وممكن يصير العكس تماما , انك تكره الشخص هذا مثلا

يعني هي مجرد بوابة للتعارف لا غير , لكنها تمثل جود اوبرتيونيتي انك تحصل على صداقات جميلة تفضل معاك لبقية العمر

وهذا الشي بيحصل لي
 
تكوين العلاقات في الجيمز شي حاصل اكيد

لكنه يخضع لكل ماتخضع له اي صداقه من اي نوع بسلبياتها او ايجابياتها

شعور جميل لما تتعرف على شخص يكون له اهتمام في الجيمز مثلك :smile:

بالذات في مجتمعنا اللي معتبر الجيمز شي منحصر على مجتمع الاطفال فقط

ولما يعرفوا انك جيمر بهذا السن تعال شوف النظرات الصاروخيه !
 
ولما يعرفوا انك جيمر بهذا السن تعال شوف النظرات الصاروخيه !
أنقر للتوسيع...

حلوه النظرات الصاروخيه 😀



العلافه بمعرفة الجيمز بعدين جلسه يوم ورا يوم ورا يوم إلى الموده

صارت معاااي كثير 🙂
 
و لكن عمري ما تخيلت انه في ناس ممكن تتصادق عشان حبها للجيمز بنظركم هل الجيمز يصلح كقاسم مشترك بين الأصدقاء ؟
أنقر للتوسيع...
لو كنت تقدر تتخيل الفيديو جيمز هواية مثل أي هواية ثانيه , صدقني بتقدر تتخيل انه قاسم مشترك بين اصدقاء .

اكثر من 30% من اصحابي كان بيني وبينهم قاسم مشترك , و الباقي صار بيني وبينهم قواسم مشتركه مع الزمن p: .
 
من تجربتي الشخصية اكتشفت أن أضعف قاسم مشترك هو الفيديو جيمز , كثير ناس تعرفت عليهم في المدرسة في أول سنتين كنت ألصق بهم , لكن في السنة الثالثة بالكاد نتكلم مع بعض لأن القاسم المشكترك بيننا محدووووووووووووود , على فكرة حالتي ما كنت (قاسم مشترك) وإنما كانت ( أساس العلاقة) عشان كذا انقطعت علاقتي بكثير منهم.
 
السلام عليكم ورحمة الله وبركاته ...

ممكن الفيديو جيمز يجمعك مع ناس على اساس فيديو جيمز ...لكن مع الاحتكاك ممكن انها تتحول
الى صداقة حقيقية اذا كان الاحترام والحب في الله مجتمعين ...وهذا المثال ينطبق على اي مجال في الحياة ...
لكن في فترة الطفولة ومابعدها بقليل شي طبيعي انها تكون قاسم مشترك ...لكن ممكن تتحول الى صداقة حقيقية كما قلت سابقا ...

تحياتي ...
 
شعور جميل لما تتعرف على شخص يكون له اهتمام في الجيمز مثلك
أنقر للتوسيع...

وبقوة !

ياما اجتمعت مع ناس في الويك ايند والسبب الي جمعنا هوه الجيمز <tgman>
 
يجب تسجيل الدخول أو التسجيل كي تتمكن من الرد هنا.
عودة
أعلى