موضوع نقاشي هل أصبح الجيمنج هواية الاغنياء ؟

[*Nin]

وين الهجوم بردي أخي الكريم؟ بالعكس أنت فتحت عيوني بردك على صناعة الترفيه وليش لازم ترتفع أسعار الألعاب!

رأيي يعبر عن قناعاتي ولاحظ اني قلت " اغلب " يعني ما عممت .. لكن ايش طبيعة ردك انت ؟ راج نفسك كلنا نعرف نغلط ،، عموما انا حشمت الموجودين

اما بالنسبه لتكملة ردك .. بالنسبه لي مو مشكله اذا ارتفعت الاسعار اذا بلقى ما يبرر ذلك .. كل المجالات الترفيهيه الثانيه قاعده ترتفع اسعارها

حاليا مخطط اشتري بلاسيتشن برو الي سعره ٧٠٠ دولار .. ،وبستغني عن خيار ال ٥٠٠ دولار ... مب دلع رفاهيه لكن بسبب قوته التقنيه والتجربه الي سمعت ان بيقدمها لي .. بجمع وبشتري

مجال ترفيهي محد ضربني على يدي او جبرني .. المهم الشي سعره فيه ولا لا

 

[m7tram]

تروح تقابل الناس في المجالس يسولفون عن ارتفاع أسعار المنتجات/المطاعم/الكافيهات/الحياة العامة بشكل عام.
تروح عند ربعك يسولفون عن ارتفاع بنيان البيت وكل شوي يدق عليهم المقاول يبي زيادة فلوس.
تروح عند زوجتك تسولف عن زيادة اسعار الماركات والذهب.

تدخل المنتدى تبي تريح من الحياة المتعبة تلقى مليون موضوع عن زيادة اسعار الالعاب.

وين أروح ...

*joke*

 

[retha]

اما بالنسبه لتكملة ردك .. بالنسبه لي مو مشكله اذا ارتفعت الاسعار اذا بلقى ما يبرر ذلك .. كل المجالات الترفيهيه الثانيه قاعده ترتفع اسعارها

ارتفع سعر العقار، يله نرفع معاه سعر الخبز ولا وش حيثهم؟

 

[MOSU]

ارتفع سعر العقار، يله نرفع معاه سعر الخبز ولا وش حيثهم؟

واقولي منتي مستقعدة وهذا كله ؟ مسكين كل ماتنفس طلعتي له

 

[*Nin]

ارتفع سعر العقار، يله نرفع معاه سعر الخبز ولا وش حيثهم؟

العقار ترفيه ؟

عموما السويتش ٢ سعره مب مرتفع بناء على التقنيات الي يقدمها وتقدر تاخذ لفه وتشوف ان فيه شبه اجماع على هالشي ... مشكلة الناس مع ال ١٠ دولار الي زادت

وباقي الاشياء مبنيه على معلومات غلط نتيجة عدم اهتمام حقيقي ومو حابين يتعبون نفسهم ويعرفون المعلومه الصحيحه .. مثل موضوع ال ٩٠$ او الكي كارد

يقول المثل ٢ لا تبرر لهم .. الي يبحث عن زله او الي مايحبك

 

[retha]

العقار ترفيه ؟

شيء ارتفع، يله خلوا الثاني يرتفع لأجل المواكبة وكذا.

عموما السويتش ٢ سعره مب مرتفع بناء على التقنيات الي يقدمها وتقدر تاخذ لفه وتشوف ان فيه شبه اجماع على هالشي ... مشكلة الناس مع ال ١٠ دولار الي زادت

إيه.

 

[retha]

يقول المثل ٢ لا تبرر لهم .. الي يبحث عن زله او الي مايحبك

الموضوع لا يتمحور عنك يا عزيزي، حنا جالسين نتكلم عن نينتندو.

 

[*Nin]

شيء ارتفع، يله خلوا الثاني يرتفع لأجل المواكبة وكذا.

more like خلينا الشاشه full hd وبنضيفdlss وتتبع اشعه وhdr ونزيد حجم الشاشه وtouch وتدعم ١٢٠fbs ( نتكلم بس عن الشاشه ) وبنكون ارخص جهاز في السوق يقدم هالتقنيات 😏

الموضوع لا يتمحور عنك يا عزيزي، حنا جالسين نتكلم عن نينتندو.

ههه اقصد ننتيندو طبعا .. صدقيني اغلب الجمهور لا يعرف ننتيندو وفلسفة اجهزتها وبس يقارنها البلاستيشن والاكس بوكس بدون وعي .. اذا المحتوى كله غلط كيف يعطون رايهم ما ادري

 

[retha]

more like خلينا الشاشه full hd وبنضيفdlss وتتبع اشعه وhdr ونزيد حجم الشاشه وtouch وتدعم ١٢٠fbs ( نتكلم بس عن الشاشه ) وبنكون ارخص جهاز في السوق يقدم هالتقنيات 😏

كنا نتكلم عن أسعار الألعاب وليس سعر الجهاز ولا؟

 

[MorridooM]

واقولي منتي مستقعدة وهذا كله ؟ مسكين كل ماتنفس طلعتي له

تعلمت منك و من استقعادك لدرو

 

[*Nin]

كنا نتكلم عن أسعار الألعاب وليس سعر الجهاز ولا؟

يعني متفقين ان السويتش سعره منصف 🫱🏼‍🫲🏻 .. شكرا

مع ان الموضوع يتكلم عن صناعة الالعاب .. لكن اذا تعليقج عن ال١٠$ في ماريو كارت

محد سلب اللاعبين حق الاعتراض .. بالمقابل المعترضين مب متقلبين ان في لاعبين عندهم وجهة نظر ثانيه

tip : في خيارات ثانيه من ننتيندو للحين بسعر السوق .. مترويد ، DK ، بوكيمون والخ

 

[retha]

محد سلب اللاعبين حق الاعتراض .. بالمقابل المعترضين مب متقلبين ان في لاعبين عندهم وجهة نظر ثانيه

لأن وجهة نظركم هذي بتودينا بداهية.
إذا تبون تدفعون زيادة طالبوا كل شركة تفتح لها حساب تبرعات وارسلوا لهم كل فلوسكم إذا ودكم.

 

[R E D]

انا ما راح أتكلم عنها في المجلس عند كبار السن في العايلة الي ما يعرفونها ولا لحقوا عليها ويشوفونها للاطفال

لكن مجالس الشباب نسولف عادي ما فيه احراج كانك تسولف عن الهوايات الأخرى عادي صارت من بديهيات العصر والناس تعرفها وما تخجل منها وممارسينها كثير

تذكرت موقف واحد بالدوام لما عرف ان الثاني يتابع أنمي قاله طحت من عيني
وموقف ثاني موظفة سمعتها تقول اللي يلعبون فيديو جيمز ناس تافه

يعني ايه احذر حتى من الشباب مو بس الشياب وأتقن فن الCloset Anime/Game Fan نفسي .

 

[*Nin]

تذكرت موقف واحد بالدوام لما عرف ان الثاني يتابع أنمي قاله طحت من عيني
وموقف ثاني موظفة سمعتها تقول اللي يلعبون فيديو جيمز ناس تافه

يعني ايه احذر حتى من الشباب مو بس الشياب وأتقن فن الCloset Anime/Game Fan نفسي .

ما انصح انك تمنع نفسك

المهم تتذكر لكل مقام مقال .. يعني في اوقات الواحد يتكلم فيها .. مب في اي وقت او اي حديث يتكلم

 

[بندول]

تذكرت موقف واحد بالدوام لما عرف ان الثاني يتابع أنمي قاله طحت من عيني
وموقف ثاني موظفة سمعتها تقول اللي يلعبون فيديو جيمز ناس تافه

يعني ايه احذر حتى من الشباب مو بس الشياب وأتقن فن الCloset Anime/Game Fan نفسي .

اكيد ما تسولف مع ناس معرفتك سطحية ذولا لازم تظهر قدامهم بمظهر كريتوس

 

[R E D]

يعني في اوقات الواحد يتكلم فيها .. مب في اي وقت او اي حديث يتكلم

عن نفسي أسوأ شي عندي لما أكون بمكان رسمي جذي دوام أو مجلس كبار وناس ما أعرفهم فجأة واحد يقولي هاا لعبت بوكيمون ويسولف عن ون بيس بصوت عالي معاي أنا هني ودي أذبحه وأنتحر .

 

[*Nin]

عن نفسي أسوأ شي عندي لما أكون بمكان رسمي جذي دوام أو مجلس كبار وناس ما أعرفهم فجأة واحد يقولي هاا لعبت بوكيمون ويسولف عن ون بيس بصوت عالي معاي أنا هني ودي أذبحه وأنتحر .

بس لو سمعت واحد يقول أنا العب FIFA ولا Call of duty ( ياكثرهم )

اول يقول أنا كنت العب وانا صغير احين لا ..

سوري بس once a gamer always a gamer

 

[てぇBのتيZンجي]

سوري بس once a gamer always a gamer

غير صحيح بتاتا. الدكتور مشهور الدبيان كان في نقطة ما على قمة الهرم اللعبي, والآن هو صار لا يمت للعب بأي صلة والرجال محافظ على نفسه من دون أي relapse.

 

[*Nin]

غير صحيح بتاتا. الدكتور مشهور الدبيان كان في نقطة ما على قمة الهرم اللعبي, والآن هو صار لا يمت للعب بأي صلة والرجال محافظ على نفسه من دون أي relapse.

😅

السموحه أنا عضو جديد في المنتدى ما عرف الكل .. لكن حقيقة الي وقفوا لعب .. لو رجعت لهم الفرصه او ظروف الحياه ما تغيرت عليهم اكيد بيرجعون يلعبون خصوصا ان الألعاب صارت اسهل احين ومراعية لظروف الحياه بشكل او بآخر

عموما أنا لما حد يقولي ما يبين عليك انك تلعب فيديو قيمز .. أقولهم المشكله في نظرتكم وحكمكم المسبق .. احب أدافع😌

 

[Invader Zim]

سوري بس once a gamer always a gamer

ما اتخيل نفسي اكون g*mer

 

[MH MD]

غير صحيح بتاتا. الدكتور مشهور الدبيان كان في نقطة ما على قمة الهرم اللعبي, والآن هو صار لا يمت للعب بأي صلة والرجال محافظ على نفسه من دون أي relapse.

هذا ما يظهره للعامة.

لكن اخر عهدي به حسب زملائه انه عنده سويتش ولعب ميترويد دريد

 

[てぇBのتيZンجي]

السموحه أنا عضو جديد في المنتدى ما عرف الكل .. لكن حقيقة الي وقفوا لعب .. لو رجعت لهم الفرصه او ظروف الحياه ما تغيرت عليهم اكيد بيرجعون يلعبون خصوصا ان الألعاب صارت اسهل احين ومراعية لظروف الحياه بشكل او بآخر

هو شخصية إعلامية عربية قديمة تقدر تقول أنه هو الي عرفنا على الألعاب. من الي اعرفه عن جدوله اليومي, في فراغات لكنه يشغلها في هواياته الي بعيدة كليا عن الألعاب. حياته مستقرة لكنه لسه ما يفكر يرجع لذيك الهواية.

لكن اخر عهدي به حسب زملائه انه عنده سويتش ولعب ميترويد دريد

إشاعات مغرضة هدفها ترجع جمهور اللاعبين المشاغبين الي كانوا يلاحقوه للنشاط مجددا بس عشان يخربوا الحياة الهادئة الي عنده حاليا.

 

[MH MD]

إشاعات مغرضة هدفها ترجع جمهور اللاعبين المشاغبين الي كانوا يلاحقوه للنشاط مجددا بس عشان يخربوا الحياة الهادئة الي عنده حاليا.

هو عايش حياة هادئة حاليا بجميع الاحوال وسبب ابتعاده عن محتوى اعلامي مخصص للجيمرز بالمقام الاول، وادري انه كلامي صدمة لك مثل صدمة فانز الفيتيوبرز لما يكتشفوا انه عندهن حبيب يعيش معاهم، لكن كلامي صحيح، العجيب انه في بيئة العمل مش حتى يخبيها مثلا، بل يتكلم بالاجتماعات بأريحية عن شغفه بالالعاب بفقرة مخصصة للترفيه -لم يعجبه ميترويد دريد بالمناسبة-

 

[てぇBのتيZンجي]

وادري انه كلامي صدمة لك مثل صدمة فانز الفيتيوبرز لما يكتشفوا انه عندهن حبيب يعيش معاهم

وش ذي التعاويذ يخوي رجاءً لا تجيب طاري الدكتور جنب كذا مواضيع غريبة.

 

[Kain]

ايام ستيم الارجنتني كانت فترة ممكن الشخص يسوي له مكتبة حلوة بأرخص سعر ممكن مثل لعبة زي سكيرو وقتها تباع بسعر 3 بتخفيض 50% بدل 30 دولار سعرها التقليدي

لكن الوصول الى الالعاب ما هي مشكلة حتى الشخص الي ما عنده تلك الامكانية يقدر يشترك خدمات تأجير الالعاب و يحصل مكتبة العاب يلعب فيها مو شرط يشتري لعبة سعرها 70 دولار وقت الاصدار او نسخة ديلوكس غيرها

مثل ما يقول المثل: على قد لحافك مد رجليك

 

[البارون]

الجواب هو: كلا، منذ أيام سيجا، كانت أسعار الألعاب مرتفعة، أو بعبارة أدق، كان من الصعب على الناس تقبّل فكرة دفع 30 أو حتى 50 دولارًا مقابل لعبة واحدة.
أما اليوم، فقد أصبحت الساحة مليئة بألعاب الماضي والحاضر، مما يجعل شراء الألعاب بأسعارها الكاملة أمرًا غير ضروري بالمرة.
إلا أن الأمر يختلف تمامًا مع نينتندو، حيث يبقى سعر اللعبة ثابتًا ولا يتراجع، لكن يبقى خيار شراء الألعاب المستعملة واردًا كبديل.

 

[Arashi]

في تحليلات تقول ان هالشي مؤقت والله اعلم.
لكن زمان الجيمنغ كان عباره عن كماليات ومجرد هوايه خفيفه، يعني اغلبنا كنا يشتري لعبتين او ثلاث في السنه وكنا نتسلى بأمور اخرى ونجابل حياتنا.
حتى مع ظهور الالعاب المنسوخه الرخيصه ما كنا نشتري كثير ونلعب فترات طويله.
ولا كان في تدقيق عالجوده والاخبار ولا شي.
يمكن هذا اللي بصير ان الامور ترجع مثل زمان، وتصير الشركات تركز كل طاقتها على ألعاب محدوده وتهتم بجودتها اكثر لأنها ما راح تبيع في السنه الا اللعبه الفلانيه والفلانيه فقط لأن محد راح يشتري لها 10 ألعاب في السنه بسبب الغلاء.

واخبر الالعاب كانت تنباع بسعر غالي عالاقل في قطر (مادري عن باقي الدول). العاب الجينيسس ما بين 180-210 ريال. والـPS1 وPS2 كانت توصل 290 ريال، والعاب نينتندو كارثه اكبر @@

 

[Kain]

اكيد ما تسولف مع ناس معرفتك سطحية ذولا لازم تظهر قدامهم بمظهر كريتوس

في العمل صير زي ياغامي لايت
في البيت كيرا

 

[Invader Zim]

تذكرت موقف واحد بالدوام لما عرف ان الثاني يتابع أنمي قاله طحت من عيني
وموقف ثاني موظفة سمعتها تقول اللي يلعبون فيديو جيمز ناس تافه

يعني ايه احذر حتى من الشباب مو بس الشياب وأتقن فن الCloset Anime/Game Fan نفسي .

دئما نزل الpower level حقك قدام العامة

 

[Kain]

دئما نزل الpower level حقك قدام العامة

حتى بالمنتدى قدام ربع الكونسول &