hits counter

هديه للام ...

Hardcore Gamer

Hardcore Gamer

Hardcore Gamer
سلام عليكم ...كيف الحال ؟

يا اخوان انا هذي اول سنه لي بالجامعه وعطونا المكافات وبصراحه ودي اجيب لامي هديه من اول مكافئه تجيني لكن المشكله مالي خبره بهالسواليف فحبيت رايكم ...

سعر الهديه مابيه يزيد عن 700ريال ((اللي بقا من المكافئه ..))
 
عطر الله لا يهينك ....

ولا اخذها للسوق وخلها تشتري لي ما تقول بس 😀😀

ولا جيب لها مواعين " ترى يستانسون على المواعين "


والله يجزيك خير على الحرص
 
من تجربة شخصية اشوف العطور جيدة وتنفع أو تشوف حاجه كانت امك محتاجتها وماقدرت توفرها لأي سبب كان..

وعموماً لاتكلف نفسك بتفكير بالهديه... اهم شي انها هديه :smile:
 
شوف اذا فيه شئ كانت محتاجته وما قدرت توفره لسبب او لآخر ..
وانا لو مكانك.. جبت لها تعليقه ذهب ابيض او اصفر خفيييفه وحلوة .. تخليها دايم معاها ^__^..
حاول يكون معنوي اكثر من ما يكون مادي
 
للأسف ما أدري.. بس عموما -غالبا- أي شي رح تجيبه لها رح يعجبها كـ هدية من ولدها (بغض النظر كان عاجبها الشيء نفسه ولا لا)

أنا بأول مكافأة عزمت الوالدة وخواتي على مطعم D=
 
ما في بالي شي غير العطور حاليا

كان في بالي جوال بس 700 ما تكفي
​
 
نستثنى منهم الذهب كونك طالب فتصير السالفه..

العطور. (دهن العود او الاشياء المخلوطه ببعض او حتى البخور) يحبونه ترى عشان الحريم اللي تزورهم ويبخرون البيت ومن هالسوالف..
الخامات ، ست او سبع خامات مختلفه وتروح اهي تفصلهم بنفسها ، ترى يحبون هالسوالف لدرجه ماتتصور.
اذا الوالده صغيره بالسن ، شوف الشنط اللي تمسكهم شنو نظامها؟ وحاول تجيب نفسها بالوان احلى واشكال احلى، او اقعد مع الوالده ووريها موديلات الشنط اللي تعجبها وشوف اذا موجودين بالسوق هالنوعيه والا لا..

أما اذا ..من النوع اللي يعجبك طباخها حيل وتحب تعطي بالطباخ ، خلاطه-فرامه مولينكس او اي شي يتعلق بالمطبخ

واذا من النوع الكريم جداً ، جيبلها خدامه 😛

والله يعطيها طوله العمر إن شاء الله
 
التعديل الأخير:
قول لها تبي تتزوج هديه ما تكلف فلوس للوقت الحالي لول .
 
قطعة ذهب صغيرة أنسب هدية ... و كل ما تلبسها راح تتذكرك و تدعيلك ...
 
لول مثل ما قالوا الشباب يعتمد على الشي الي تفضله والدتك الله يحفظها.. وأعتقد لو جلست مع نفسك و فكرت راح تعرف أيش أفضل شي يناسبها.
 
كثر الله من أمثالك :cooool:
اشتري لها دهن عود بـ 500 ريال يكفي ويوفي.. او بخور دهن العود, تقريباً هالشيئين مافي حرمة كبيرة بالسن ما تحبهم.. الباقي كله حسب ذوق الأم


The Heartless قال:
اشترلها ds مع لعبة cooking mama :yuck:
أنقر للتوسيع...

خخخخخخخخخ
صدري صارت فيه حرارة من كثر الضحك
 
شنط جلدية أو عطور .. راح تكون مناسبة جداً :]
 
escape-ck-edp.jpg
 
سلة شوكولاتة فاخرة وعطر إسكادا
 
خخخ حمد أنا إذا شريت لأمي شوكولاتة تاكل حبة وأنا آخذ الباقي... أهم شي توصل الهدية لول, اللي أعرفه أن الأمهات والنساء عموما يحبون الشوكولاتة بشكل أكثر من الرجال ويحبونها كهدية.
 
سيارة BMW اخر موديل بالتقسيط ...

اعتقد عطر او تعليقه بسيطه .. الهديه مش بمحتواها بقدر ماهي رساله حب واحترام وهذا اللي الوالده راح تفرح فيه اكثر من اغلا هدية 🙂
 
مادري أي شي اجيبه لأمي تستانس ، فأجيب شي مايكلفني ._.
 
ممم نفس الشي انا ، من فتره ابغي اجيب لها شي لأنها ما قصرت ابد وياي ، واهم شي تكون راضيه عليه !
 
ممم.

لو كنت مكانك جبت لها عطر، شي راح يدوم لفترة أطول وراح يذكرها فيك كل ما تطيبت منه 🙂
 
العطور والبخور افضل شيء..وجزاك الله خير
 
هو فعلاً اي شي راح تجيبه لها راح تفرح فيه لأنه هدية منك :laugh: ..

و عندك واحد من الخيارات الأتية (لول الي خطر على بالي):
- قطعة ذهب صغيرة, خاتم او شي ..
- عطر محترم و فاخر (700 يجيبوا لك عطور ممتازة اعتقد) ..
- شنطة, حذاء, طرحة من النوع الفاخر ..
- او شوف انت ايش هي محتاجة من اشياء ممكن تحصل شي يعجبها ..

و الله يوفقك :laugh:
 
بقيمة 700 ريال تاخذلك ساعة يد فاخرة ولا أروع, الأشياء المحسوسة بالنسبة ليا أفضل من شي يخلص.. أقصد إنك تاخذلها ساعة مثلا راح تبقى معاها على طول , أما العطر مثلا فراح يخلص ( مع إنه العطر هدية حلوة ) , لكن إنتا أدرى أكيد والله يطول في عمرها يارب .
 
التعديل الأخير:
همم .. ايش رأيك تشتري لها عطر ويكون معه هدية >.> .. مثلاً انا اشتريت لها عطر وللمصادفة طلع يجي معه شنطة مجاناً فكسبت اثنين بواحد .. والعطر كان بـ 300.. فيا محلى الصدف :yuck:
الله يخليك لك أمك ان شاء الله ..
 
يعطيكم العافيه شباب ما قصرتو ... افادتني اقتراحاتكم وشريت لها الهديه خلاص
 
أحسن شي تشتري لها حاجة تدوم عندها ودائما تتذكرك بها ( مثل ما قالوا الشباب ) ..
مثلا سوار أو خاتم .. أو قلادة .. أو حتى ساعة .. ولكن ما دامك شريت خلاص 🙂

الله يدوم برك لوالديك ومحبتهم 🙂
 
روح حب راسها, واشكرها على كل الي سوته لك, و قل لها احبك ..
و حط الفلوس بجيبك و وسع صدرك يا رجال :laughing:

أو: اشتر لها عقد الماس, في عقود الماس متواضعة بهالسعر ..
 
............:cryy:
 
التعديل الأخير:
ما شاء الله تبارك الله عليك يا خالد الله يكثر من امثالك يارب ونعم الولد الله يبلغك بر امك امين
يا رب العالمين والله انا ردي متأخر كنت بقولك تجي لها عقد حلو بس خذ خواتك معك وبدون ما تدري عشان بساعدونك لكن ما دام انك شريت خلاص بس هااااااااااااااااا؟؟؟؟؟ما قلت لنا وش شريت لها ز(لقافه)
 
يجب تسجيل الدخول أو التسجيل كي تتمكن من الرد هنا.
عودة
أعلى