هديه؟

[Solay]

السلام عليكم ورحمة الله وبركاته..

رمضان عالأبواب الله يبلغنى اياه وبعده ان شاءالله عيد الفطر,طبعا عيد الفطر هو يوم الهدايا وكعادة فالعائله عندنا كل شخص يهدي الثاني..

الزبده اني داج(سئ) جدا في اختيار الهدايا,فأبي منكم أي نصائح بهدايا معينه مع أني أفضل الأشياء الغريبه والمميزة كهدايا..

فيه واحد من الشباب مرة نزل شئ زي اللمبه تولع على شكل قمر والقمر يكبر ويصغر على حسب اكتمال القمر الحقيقي,فيه أحد عنده الرابط لهالاختراع الجميل؟! وأبي زي كذا اشياء مميزة وغريبه وطبعا ما نيب لاقيها الا عن طريق مواقع الشراء,فياليت الله لا يهينكم تعلموني عن اشياء مميزة او مواقع تبيع هالأشياء وتكون مواقع مضمونه ويفضل ان هالأشياء تكون عند امازون لأنه اسهل طريقة للشراء..

بالنهايه الله يبلغنا ويبلغكم العيد سالمين غانمين,واللي بيهديني شئ ترا ما اقول لا.. D:

 

[soosi]

اعتقد تقصد moon in my room

http://www.youtube.com/watch?v=1j2yFN0YMuQ

وهذا موقعهم , فيه اشياء غريبة http://unclemilton.com/


[video=youtube;1j2yFN0YMuQ]http://www.youtube.com/watch?v=1j2yFN0YMuQ[/video]

 

[Nintendo]

هلا سلمان

الهدية لمين بالضبط؟ يعني اقصد لأي فرد من العائلة لانها تفرق بين الاشخاص

 

[DEMON]

الهدية لشخص "شريب قهوة" ؟؟

اهديه coffee mug شكله رهيب أو محفور عليه جملة معينة أو حتى أسم الشخص .

أنا سويتها مع أحد الأشخاص وكتبت جملة رهيبة على الكوب ، من سنتين وهو يشرب فيه كل يوم الصبح .

 

[Solay]

يعطيك العافيه سوسي هذا هو بالضبط..

هلا سلمان

الهدية لمين بالضبط؟ يعني اقصد لأي فرد من العائلة لانها تفرق بين الاشخاص

سليمان 🙁

الهدايا اللي ابيها كلها لكبار يعني من عمر 20 وفوق,البزارين عادي أي لعبه ترضيهم.

 

[Solay]

وشباب فيه موقع يبيع كابات مميزة وتكون مقتبسه من أفلام ولا كوميكس؟!

وعلى طاري الكوميكس هل فيه موقع يبيع اشياء خاصة بالكوميكس مثل ملابس واسلحه ومداليات ومن هالخرابيط؟!

 

[~L.O.R.D~]

آلة صنع قهوة ( أعرف انها غالية )

 

[Output No. 3]

اهديه ساعة (لول طول عمري والناس تهديني ساعات ومادري شالسبب.)

 

[Veeto]

اهديه ساعة (لول طول عمري والناس تهديني ساعات ومادري شالسبب.)

نغزة ليك لانك مو دقيق في مواعيدك :laugh:: :laugh::

عندي سؤال .. ابي اهدي نفسي :laugh:: مجسم لميتال جير .. وين احصله ؟؟

 

[squall leonhart]

ساعات .. ملابس .. شنط ..جولات .. لابتوب .. تابلت .. ذهب .. مجوهرات ,, هذي افضل الهدايا لكنها مكلفه بعض الشي ..

 

[X-SRI-X]

عدس

 

[T u R k I]

ماعندي اقتراحات, لكن الاحسن انك تجيب هديه على حسب الشي اللي يحبه الشخص

وماتشتري شي غالي وآخرتها الشخص مايبغاه ويجاملك!

 

[Black_Tear]

جيب ساعة ... لكن موب أي ساعة
دور في المواقع إلا تلاقي ساعات مميزة وفكرتها حلوة أو شكلها غريب

 

[Sage]

انا اقول اهم شي ما تعطيه ساعه او عطر, لانه اكثر الناس تشتريهم كـ هديه و اعتقد معظم الناس بيكونوا متوقعينها.. جرب شيء جديد و ما يتوقعها !

 

[Rain]

اذا الهدية لشخص كبير
فالهدايا الرمزية اشوفها افضل نوع
يعني مثل .. قلادة او اسورة
او ميدالية مفاتيح , يكون شكلها حلو مو من البقالة :laugh::

لانه من تجربتي .. الاشياء الغالية ما تنفع , مثل جوال او لابتوب يكون اصلا معاهم
عطر و ساعة كلها mainstream

 

[Solay]

شكرا عالاقتراحات شباب,بس للحين مااحد عطاني موقع يبيع خرابيط الكوميكس والأفلام والأشياء اللي تتعلق فيهم.