نينتيندو تقول " شكرا " و TG يرد ...

[Khalid-S]

حملة اعلانية باليابان ... يظهر فيها

بسبب ان الوي باع في اليابان مليون ونص جهاز الى الان .. ونينتيندو تشكرهم.
من جد شي رهيب ..

وبما انهم قالوا شكرا .. TG يقولهم

شكرا نينتيندو على الجهاز التحفة والالعاب الجميلة .. سياسة جميلة واكثر من ممتازة مع الجهاز .. وسكت جميع ال"مشككين" في نجاح نينتيندو .. حالياَ نينتيندو الاولى حول العالم بالكونسول حقها.... الوي .. الي يتريقون عليه وينادونه جيم كيوب .5

اذا الجيم كيوب .5 بنظر نينتيندو كذا .. ما اقول الا كيف ال1 الكامل.

سلم لي على النيكست جينريشن .. مو هو كل شي في الجيمنج واكبر دليل "العالم" 🙂

كل ما افكر بالي يقولون نينتيندو بتصير طرف ثالث لان شركة "كبيره" دخلت سوق الفيديو جيمز وتاكله ... اضحك عليهم بقوه .. واقول هل في فعلاَ ناس بهذا التفكير ؟؟ :roll:

long live the king

 

[mario0o]

وانا بدوري اشكر ننتندو انها اعادت جميع الاهل للعب الفيديوجمز مره اخرى بعد اكثر من جيل . والاستمتاع والظحك مع بعض.. 🙂

الـWii اثبت نجاحه من البداية حول العالم . وبيلعب دور كبير فاليابان


وعلى قولتهم ... والقادم مذهل اكثر ::

 

[The Doctor]

لووول لما قريت العنوان فكرت ننتندو رسلت لكم رسالة شكر على الدعاية في الاوربت :yuck:

الوي مسوي مجازر في كل مكان... ننتندو already سيطرت على العالم

 

[DeaDMaN]

هذا وسماش و ماريو جالاكسي في الطريق الى الحين ..P:

الجيم كيوب .5 بيكتسح السوق هالسنة ..

 

[Nintendo]

حلو مليون ونص بكم شهر .. ان شاء الله يستمر الوي بالبيع الفتره القادنه بشكل اقوى وخصوصا باليابان ..

قدموا جهاز مبتكر ننتندو وبالعاب جيده وراح تشكروا الناس كثير بالمستقبل 🙂

 

[Torpedo]

للحين العب العاب الكيوب عليه P:

 

[Emirates]

هههههههه

الموضوع فيه مشككين وجيم كيوب 1.5 لوووول هاي سياسة ناينتندو

يمكن انا واحد من الخمس ملايين شخص اشترا الجهاز لعب به اسبوعين ويي سبورت وبعدها زيلدا عقب ركنته ورجعت العب اكس 360 هههههه

 

[Ginko]

انا ما ودي ادافع عن الي قالوا انها بتتحول لطرف ثالث، لكن على الاقل كان عندهم دافع قوي لهالكلام بعد اداء الكيوب وال64 الاقل من متواضع.

الوي بدايه جديده، والسوق يتقلب من جيل لأخر، ولازلت اضن ان لسه بدري لحسم الفائز في هالجيل.

 

[Tomb raider]

فعلا..شكرا ننتندو ،لكن ايضا اعاتب عليها بنفس الوقت ...ننتندو لازم تنزلين كم لعبه قويه لأننا ما نريد العاب شركات الطرف الثالث فقط

 

[BioMario]

كل ما افكر بالي يقولون نينتيندو بتصير طرف ثالث لان شركة "كبيره" دخلت سوق الفيديو جيمز وتاكله ... اضحك عليهم بقوه .. واقول هل في فعلاَ ناس بهذا التفكير ؟؟

هههههههههههههههههههههههههههههههههههههههههههههههههههههههههههههههههههههه ..
انا كنت افكر نفس تفكيكر اول لكنه مستحيل يمكن بعد 50 او 80 سنه لكن الحين مستحييييييل ..
يكفي ان اول مايكروسوفت تبي تشتريها و رفضت رغم انها كانت تعاني من فشل بعض اجهزتها ..
لكن الحن الـ DS و الـ Wii كلو الدنيا اكل و ننتندو دخلت فلوس حق 20 سنه قدام ..
صدقني مستحيل ..

--------------------------------

فعلا..شكرا ننتندو ،لكن ايضا اعاتب عليها بنفس الوقت ...ننتندو لازم تنزلين كم لعبه قويه لأننا ما نريد العاب شركات الطرف الثالث فقط

ليش مستعجل عبد العزيز ^^ ..!!
ننتندو قاعدة تسخن الحين ..

في العاب 100% رح تنزل على الجهاز و نصها نعرفها و اولهم ماريو كارت ..
عموماً الخير ياي ( مايترود - ماريو بارتي 8 - سوبر سماش - ماريو جلاكسي - و و و و والعاب الشركات الأخرى )

 

[Andrew X]

هذا وسماش و ماريو جالاكسي في الطريق الى الحين ..P:

اذا نزلوا بيصكون الـ10 مليون بسهولة..من جد نينتندو رهييييبة :kiss:

 

[Mista Koo]

وأنا أقول عفوا أي وقت P:
وعقبال ما تصير 1500001 لما أشتري الجهاز T__T

للأسف كنت بأقول غيرنا الأفاتر بهالمناسبة السعيدة.. بس مو راضي يطلع زين :\

تحرير:أوكي غيرنا الأفاتر بهالمناسبة السعيدة P:
(كان أكبربـ8 Pixels عن المسموح Q_Q )

 

[soosi]

هذا وسماش و ماريو جالاكسي في الطريق الى الحين ..P:

الجيم كيوب .5 بيكتسح السوق هالسنة ..

وين مترويد 3

 

[Gon freeces]

طيب فين زيلدتي:cryy:

 

[Conqueror]

مافي شركة تتقاضى المال تستحق الشكر في هذا العالم ، جميعهم يسعون نحو هدف واحد و هو زيادة رصيدهم البنكي مهما كان توجه الشركة مختلف.

 

[Mista Koo]

TG هدفهم إنشاء بديل عربي بجودة ممتازة..

 

[Ash Storm]

ما اشكر نينتندو لأنها تاخذ مني فلوس كثيرة -__-


الحين كل هذا على شان مليون و نص @@ ؟

 

[mario0o]

ووايدين عيبهم فكره التحكم من ربعي ومن اللي يقربولي

والناس بعدها مستمره في شراء الجهاز :laugh:

 

[TenZen]

راح اشكر نينتندو في حالة وحده بس (او اي شركة اللعاب اخرى)

اذا اهتموا بالمستخدم العربي .

كل هذي السنوات ومافي اي فرع بالشرق الاوسط !!

 

[mario0o]

TenZen
وكم شخص فالوطن العربي كله(من بين الملايين) يشتري اصلي !
واللي يشترون اصلي ... يشترون الامريكي المستورد ! مافي حد بيشتري النظام الـPAL المتأخر 🙂



احس ان اليابانيين قامو يحبون اللي تسويلهم ننتندو .. ابتداءا بالـDS :laugh:

 

[Tomb raider]

مافي شركة تتقاضى المال تستحق الشكر في هذا العالم ، جميعهم يسعون نحو هدف واحد و هو زيادة رصيدهم البنكي مهما كان توجه الشركة مختلف.

يا حبيبي هذا تسويق من الشركه بطريقه غير مباشره::

 

[mario0o]

مافي شركة تتقاضى المال تستحق الشكر في هذا العالم ، جميعهم يسعون نحو هدف واحد و هو زيادة رصيدهم البنكي مهما كان توجه الشركة مختلف.

كل شركة تدور على عالربح. (مافي حد يشتغل ببلاش :roll: ) وكل شخص او مستهلك يدور عالشي اللي يعجبه واصلا ما يكون مغصوب على هذا الشي ...

 

[The Last Fantasy]

وكم شخص فالوطن العربي كله(من بين الملايين) يشتري اصلي !

ننتندو فتحت فرع في ماليزيا قبل 5 شهور تقريبا ، وأكيد عارف أن ماليزيا عايشة على القرصنة ..
عندك تفسير ؟

 

[Justice]

اممم والله انا عندي اعداء كثر من الشركات لكن احس ننتندو هي الوحيدة ما احقد عليها
مهما فعلت لان تحس كل الاعمال تسويها من قلب على شان ترضي الجمهور
اما البقية يقولون بس نبغي فلوس

 

[mario0o]

ننتندو فتحت فرع في ماليزيا قبل 5 شهور تقريبا ، وأكيد عارف أن ماليزيا عايشة على القرصنة ..
عندك تفسير ؟

تقصد كوريا ....

 

[Conqueror]

يا حبيبي هذا تسويق من الشركه بطريقه غير مباشره::

بعرف لا تخاف :yuck: بس تحس أن في كثير ناس رادين على الموضوع و كأن نينتندو قاعدة توزعلهم ألعاب ببلاش ، و الله لما يبقوا يعطوني ألعاب بدون مقابل وقتها أفكر و أقول أشكرهم أو لأ

+ نينتندو مو أول شركة تكتب للمستهلكين thank you for your support ...

 

[Khalid-S]

خخخ في ردود رهيبه بالموضوع ...

ما ادري كيف فهمتوا الموضوع .. اقول شكرا لانها اخذت فلوسي ؟؟؟

هذا الموضوع تقدر تقول انه Appreciation للـWii و نينتيندو وتسويها الجديد ... اعتقد من كلامي كله كان واضح ..

اعضاء المنتدى للاسف مرات احسهم .. ماش :/

 

[Gon freeces]

خخخ في ردود رهيبه بالموضوع ...

ما ادري كيف فهمتوا الموضوع .. اقول شكرا لانها اخذت فلوسي ؟؟؟

هذا الموضوع تقدر تقول انه Appreciation للـWii و نينتيندو وتسويها الجديد ... اعتقد من كلامي كله كان واضح ..

اعضاء المنتدى للاسف مرات احسهم .. ماش :/

GIVE ME MY ZELDA 🙁

شكرا نينتيندو على الجهاز التحفة والالعاب الجميلة .. سياسة جميلة واكثر من ممتازة مع الجهاز .. وسكت جميع ال"مشككين" في نجاح نينتيندو ..

ننتندو دايما رهيبة , ماجبت شي جديد😛
Nintendo <3

 

[The Last Fantasy]

تقصد كوريا ....

لول .. راح بالي لشي ثاني .. مش الفرع ..
حصل خير :slant:

 

[NSider]

مافي شركة تتقاضى المال تستحق الشكر في هذا العالم ، جميعهم يسعون نحو هدف واحد و هو زيادة رصيدهم البنكي مهما كان توجه الشركة مختلف.

GREAT logic here man. Don't thank anybody who takes money, they're all just greedy filthy animals who don't deserve common courtesy, even if they gave you your money's worth with quality products or services.
How can they DARE to try to make a living.