ننتندو تعترف بمنافسة الايفون و تتوقع مستقبل "مظلم" إذا ما غيروا توجههم لاحقاً ....

[BigSur]

crap!!

بالنسبة لي أنا iPhone user من أول ماصدر الاصدار الأول منه و لحد الآن!
صحيح إنه كجوال حاجة خرافية و يوفر لك أشياء مرة مرة خيالية..
لكن تظل ميزته الأقوى هو الـ internet browsing !

اما انه يقال عنه كـ protable gaming consloe .. فمع احترامي .. يخسأ!!
حتى سيل البرامج اللي مسوية آبل عليها دعاية خرافية و الأرقام الفلكية اللي تتحدث عنها آبل!
٩٠٪ من هالبرامج بفكرة مكررة تصل لحد النسخ و اللصق!
و جزء كبير منها سيئة مظهراً و تعاملاً!

و بالنسبة للألعاب .. فهي ألعاب أبو خمس دقايق انتظار .. و بالكثير عشر دقايق!!

من ناحية الأرقام و المقارنات و -الحركات النص كم- كلنا نعرف - أو على الأقل الناس القريبين و يقرأون حول آبل-
إن آبل تجيد صناعة الأرقام الفلكية من الفراغ .. مثل البليون تحميل.. و الأربعمئة ميزة في سفاري ٣ .. و الميار ميزة في الليبورد و و و !!

 

[14/08]

المعنى الوحيد اللي أقتنع فيه بهذا الموضوع هو إن أجهزة الألعاب المحمولة قل سوقها و الإقبال أصبح أكبر على الجوالات الداعمة للألعاب أما إن الآيفون أثر على الـDS بألعابه فهذي مستحيلة :/ ... أنتم شفتوا لعبة متل جير اللي على الآيفون ؟!

كل اللي أقدر أقوله راحت عليك ياسوني ولا كان من الأفضل إن PSP Go يكون PS Phone وشوف المبيعات 🙂

 

[bnbn]

انا كل اللي ابي اقوله هو ان مو شرط ابل تنزل لها جهاز العاب "متخصص" عشان تدخل المنافسه في سوق الفيديو جيم

و بالضبط مثل ما يحصل مع ال PC و اللي هو مو جهاز العاب اساسا بس عليه العاب و الناس قاعد تشتريهم و الشركات قاعد تربح و ...الخ فما تقدر تستثني العاب ال PC من صناعة الفيديوجيم

و فلسفة ننتندو الناجحه في الدي اس و الوي قاعد تطبقها ابل بالاي فون فزمن الالعاب الضخمه و المكلفه و توقيع الحصريات و شراء شركات طرف اول و ثاني و هالامور قاعد تختفي و صار مالها لزمه

وانا اتفق معاكم ان مستوى الالعاب الحالي بالايفون و الايبود وايد متدني و تقريبا ماكو شيء يذكر بس الامور قاعد تتغير و في شركات بدأت تاخذ الامور بجديه شويه و اذا تبون اقدر اذكر لكم امثله

للعلم في شيء اسمه ipod touch و هو باختصار iphone بدون تلفون :laugh:: و له شعبيه كبيره حول العالم

الياباني اللي يشتري آيفون هذا إما واحد مل من الأجهزة الرهيبة وإما واحد غبي ما يدري وين الله حاطه أو آبل فان أوweaboo inverse ..... ما يحتاج أكمل لأن الآيفون مجرد قطعة من الخردة مقارنة بالأشياء الموجودة هناك.

اذكر يوم رحت اليابان في صيف 2008 كان الايفون و الايبود لهم وجود كبير في واجهات المحلات و شفت كم واحد يستخدمهم و حتي يوم رحت معرض comiket 2008 لقيت يابانين وااايد مسوين برامج للايفون و قاعد يعرضونها فانت من وين طلعت بهذي المعلومات

الايفون ما يأثر بشكل مباشر على سوق أجهزة الألعاب المحمولة و ما اله علاقة بانخفاض أرباح ننتندو في اليابان ، و هذا هو لب الموضوع .

متفق معاك في هذي النقطه

هل الناس تشتري الايفون عشان ألعابه؟ الناس ليش تشتري الDS والPSP?

صح كلامك الناس مو قاعد تشتريه عشان العاب بس قاعد تشتري عليه العاب نفس ال PC

...

 

[Zero]

اذكر يوم رحت اليابان في صيف 2008 كان الايفون و الايبود لهم وجود كبير في واجهات المحلات و شفت كم واحد يستخدمهم و حتي يوم رحت معرض comiket 2008 لقيت يابانين وااايد مسوين برامج للايفون و قاعد يعرضونها فانت من وين طلعت بهذي المعلومات

كلامي جاي من معرفتي الكبيرة بسوق الجوالات وبكل شيء فيه.

الماركت شير للجوالات اليابانية واللي تنزل في اليابان بشكل حصري ( من شركات الإلكترونيات اليابانية شارب وNEC وفوجيتسو وإلخ ) وحتى اللي تنزل بشكل مخصص هناك ولا تنزل بدول العالم من شركات غير يابانية نسبتها 98% ، و2% فقط للآيفون ( مادري الجوالات الغربية محسوبة وياه لو لا بس كلهم ينعدوا على الأصابع مقارنة بالعشرات من الهواتف اليابانية "كل موسم" ) والآيفون تحسن وضعه شوي مع الـ3GS ، هو منتج له مميزاته وأكيد في ناس بتشتريه لكنه ما له وجود فعلي هناك لأن الهاردوير حقه ضعيف جدا مقارنة بالأشياء الموجودة في السوق الياباني.