ننتندو تتجهز لاصدار الـ 2DS !

[Output No. 3]

مين لاحظ إن تصميم الـ2DS قريب من تصميم الوي ميني؟

نفس نوع البلاستيك...

 

[JIN KAZAMA]

فكرة الجهاز رهيبه !! بس شكله مسخره ، لو كانت الشاشه اللي فوق كبيرة على الاقل 🙁

 

[Zero_IYAD]

السماعات مونو، لكن الكاميرا ستيريو (ثري دي).

ياخي ننتندو......

مجيد حط السماعات و يصير الصوت stereo
هالشي تأكد مع أخبار الجهاز.

 

[BlackBird]

لول أول الاستهبالات طلعت:

لوووووول :laugh::

 

[kiko]

خطوة عملية لكسب ربح سريع بجهاز قليل التكلفة

 

[king of game]

بصراحة تصميم الجهاز غريب بشكل جذبني, حسيته عصري و مخالف للمعتاد.
عموما واضح ان الجهاز موجهة للأطفال, الغرب تخوّف بشكل كبير من تأثير الـ3D على عيون الأطفال -مع ان علميا ما يؤذي- و بالتالي حلّوا مشكلة الـ3D, خلصوا من مشاكل كسر الجهاز بسبب الطي, و وفروا على أنفسهم بتطوير جهاز بدون شاشات غالية.

عموما شاشة الـXL بالنسبة لي ما أستغني عنها 3>

نفس الكلام الي بقوله, لان ننتندو تبي توصل الجهاز الى اكبر شريح من المستخدمين و من كافت الاعمار بس لو انهم فكرو بتصميم افضل من كذا لا كان الجهاز سفقه رابحه لننتندو

 

[Rain]

شكل الجهاز سيء!!
واتوقع مستحيل تتحكم فيه بسهولة..
سعره ممتاز لكن ابدا ما رح افكر فيه!

 

[king zell]

لا تنسون في النهاية الجهاز مش بديل

هو مجرد خيار إضافي للي "يحب"



أنا شخصيا أتمنى يسوون خيار إضافي حتى لو أغلى بشاشة OLED محترمة و ريزولوشن عالي ::

 

[Zixmar]

اللي يضحك في الموضوع كله


انه بيدخل لننتيندو ذهب

بالضبط لول، الفكره والوقت اللي بينزلون فيه راح تسوي شغل مش صاحي غالباً

 

[SHIN.M]

لول أول الاستهبالات طلعت:

لوووووول :laugh::

هههههههههههههههههههههههههههه .

 

[Majeed]

مجيد حط السماعات و يصير الصوت stereo
هالشي تأكد مع أخبار الجهاز.

عارف. لكن تبقى نقطتي صحيحة. كيف تحط الأولوية لكاميرا ثري دي بجهاز ما يدعمها..؟!!

وتوي أتذكر أننا نتبع ننتندو أمريكا المعفنين.. ليه ما تجينا ألوان أوروبا ياخي؟ 🙁

 

[XORO]

سويتها عالسريع بالفوتوشوب

 

[JIN KAZAMA]

ميزة الجهاز انه راح يجذب ناس مش مهتمه فيه بسبب السعر !! بالنسبة لي لو شاشته كانت اكبر كنت اخذته بدون تردد !

 

[Dark soul]

تركوا عنكم الجهاز و فكرته و كل شي. ننتندو ما بتتعلم من خطأ تسمية الوي يو؟ ليش سمته 2ds ؟!! كأنهم متعمدين يلخبطون الناس >_>

تخيل ابو يدخل المحل بيشتري الجهاز الجديد الـ"2ds" حق اطفاله. بيسأل البياع: " وين العاب الـ2ds؟" "مافي العاب 2ds، في العاب 3DS و العاب DS و الجهاز يشغلهم" " بس انا ابي العاب 2DS !" " الـ2DS اساساً اسمه 3DS و لكن ذي نسخة جديدة مافيها 3D و تشغل العاب 3DS و الـDS سموها 2DS ، فهمت علي؟ يعنس اشتر العاب 3DS و الـDS علشان تشغلهم على الـ2DS حقك" " اقول الا باركت فيكم ولا في جهازكم! بروح اشري لولدي ايبود >_>"

غير ذا، مو كأن بالحركة ننتندو تعلن ان الـ3D في الجهاز ما نجح و انها بتتخلى عنه ( فكرة ال3دي مب الجهاز) ؟

 

[vSonar]

http://www.true-gaming.net/boards/showthread.php?t=31468

احس ان الخبرين متصلين بطريقة أو اخرى
اعتبروها عملية كيميائية , وي يو + برايس كت = أدس
يعني اعتبروها طفرة للبرايس كت 🙂

 

[slifer dragon]

ضربة معلم. الناس الي ما يبغون جهاز أرخص ولا يشوفون فائدة للثري دي يشترون هالجهاز..

المشكلة بالنسبة لي هل المسكة مريحة أو لا عند إستعمال شاشة اللمس..

بالغالب بأشتريه وأخلي العدس الحالي حقي مع أخوي الصغير كونه يلعب عليه أكثر مني..

 

[SHIN.M]

تركوا عنكم الجهاز و فكرته و كل شي. ننتندو ما بتتعلم من خطأ تسمية الوي يو؟ ليش سمته 2ds ؟!! كأنهم متعمدين يلخبطون الناس >_>

تخيل ابو يدخل المحل بيشتري الجهاز الجديد الـ"2ds" حق اطفاله. بيسأل البياع: " وين العاب الـ2ds؟" "مافي العاب 2ds، في العاب 3DS و العاب DS و الجهاز يشغلهم" " بس انا ابي العاب 2DS !" " الـ2DS اساساً اسمه 3DS و لكن ذي نسخة جديدة مافيها 3D و تشغل العاب 3DS و الـDS سموها 2DS ، فهمت علي؟ يعنس اشتر العاب 3DS و الـDS علشان تشغلهم على الـ2DS حقك" " اقول الا باركت فيكم ولا في جهازكم! بروح اشري لولدي ايبود >_>"

طيب اللحين الابو اذا راح يشتري الايبود بيسأل البائع وين العاب الايبود ؟

 

[L.O.R.D]

شوفو التصميم هذا ؟

ما تعتقدو انه رح ينجح اكثر من الـ 3DS العادي أو XL ؟

اذا كان رح ينزلو 3DSi فلازم يكون بهذا الشكل

 

[XORO]

^
^
ميه تصميمي احلى :sarcastic:

 

[sabah]

المفروض انه مقتبس من شكل الجيم باد ؟

 

[Gohan]

السلام عليكم ورحمة الله وبركاته

واضح من الجهاز انه مخصص بشكل كبير للاطفال بالزات السعر وايضا اتوقع بهذا التصميم الجديد انه يتحمل الصدمات والاطفال دائما بتكون الاجهزة معاهم تتعرض لظروف مختلفة
لا تنسوا مشاكل الـDS Light

 

[L.O.R.D]

^
ال DS light كان فيه مشاكل ؟ :w00t:

 

[X I I I]

شكله كأنه السبورة حق الطيبين إلي تتمسح بزر 🙂

 

[Gohan]

^
ال DS light كان فيه مشاكل ؟ :w00t:

http://www.joystiq.com/2006/07/17/behold-joystiqs-cracked-ds-lite/

 

[Classic Player]

في اخيس من كذا ؟ وش هالقرار الغريب من نينتدو

 

[The Doctor]

هههههههههههههههه
هههههههههههههههههههههههههههههههههههههه

أنا تحمست إن في موديل جديد قلت أخيراً ما بنلطع بالموديل المعفن زي مع الDS و الGBA، و أدخل أشوف ذا...

إذهبي للجحيم يا ننتندو.

 

[The Last Lombax]

اللي يضحك في الموضوع كله


انه بيدخل لننتيندو ذهب

بالضبط. موعد اصداره ذكي جدا غير سعره الرخيص.

 

[mario0o]

لو انه قبيح من شكله.
بس واضح توجهه للأطفال فالكواليتي اوشكله " كأنه. تابليت خخخخ" ما ينكسر بسهوله "مثلا الأطفال يعلقونه الشاشتين بقوة أو انه يعكسون الاتجاه وتنكسر" ويكون رخيص و2دي.

عالعموم هنيئا للأطفال خخخخ
ومع البوكيمون... انفجار !؟

 

[Kasser]

صحيح ان الجهاز مجرد "تطوير" يعني اللي عنده 3دس مايحتاج يشيل هم ...

بس الواحد يظل يستغرب من التصميم الغريب جدا , كان كملوا خيرهم وخلوه ايباد مثل الصورة الي حطها aos10 لان بالفعل مافي ايجابية في التصميم الجديد على الاطلاق

 

[Raulioo]

أنا شخصيا أتمنى يسوون خيار إضافي حتى لو أغلى بشاشة OLED محترمة و ريزولوشن عالي ::

والله هذا اكثر شي اتمنيته بالموديل الجديد بجانب الانالوج الثاني..بيكون جهاز فعليا يستحق الواحد يبيع جهازه ويدفع الفرق عشانه ويتحمل عيوبه التصميمية..مش ذا الغول اللي جايبينه لنا بدون فايدة تذكر :/
شاشة العدس الرزليوشن والشاشة فيها صرت تقززني كل ما اشغلها :/