نقاش : شبكه البلاي ستيشن ، والاختراق الاكبر الى الان .

[Saudi pro]

عاد احلى شي سوني ما عندها شي اسمه Region Locked يعني الي عنده اكثر من حساب (( ياباني , اوروبي , سعودي , امريكي )) بيحمل انواع و اشكال من المحتويات المجانيه سواء حقت الـ Welcome Back او محتويات البلس الي تنزل كل اسبوع

انا راضي تمام الرضا على سوني بعد المهزله الي صارت .. ان شاء الله يرجع الستور الثلاثاء

 

[MohamedEgy]

تعويضات كويسة جدا

بأنتظار رجووع الشبكة

 

[Super Shadow]

أهم شي يشدون حيلهم في حماية الشبكة و ما تتعرض للاختراق مرة ثانية :sarcastic:

 

[Al Pacino]

الحين الستور بيتأخر اسبوعين ثلاث .. بس سيرفرات الالعاب وغيرها بترجع بعد كم يوم .. صح ؟

 

[Mute City]

^
حسب كلامهم فيوم الثلاثاء أعتقد بيرجع لكن بشكل جزئي

 

[N2N2]

عدد الحساب لكل دولة , مأخوذة من حساب حجحاج 😀

السعودية 651,018 حساب !!!

رقم خيالي

وين مايكروسف تشوف ذا الرقم ولا خليها على التشيك و هنقاريا و اليونان و كلومبيا

هذا غير ان الكثير من الي اعرفهم شخصيا لهم حسابات غير

 

[Unknown]

دقيقه .. الحسابات الي فيها الكردت كارد او حسابات بشكل عام بغض النظر فيها كردت كارد او لأ ؟

 

[H2O]

@N2N2

طيب هذا إنت قلتها 😀

أكثر من شخص له حساب انا مثلاً حوالي 5 حسابات [ أمريكي وأروربي وهونغ كونج وصيني وسعودي ] .. 🙂

 

[Rookie]

رقم الحسابات في الكويت عالي ومو متوقع ( المحلات ناصبة على الناس بالأمريكي وإنه أفضل و.. بلا بلا بلا )

هذا والكويت مالها ستور >.>

وفي كويتيين (مثلي) ما عندهم حساب كويتي، وأيضا في كويتيين مسويين حساب بريطاني عبالهم حاله حال السعودي والإماراتي وودهم يغيرون الريجن لأنهم ما يبون يخسرون التروفيات (هذا أعتقد أنا الوحيد اللي متأذي منها xD )

 

[Fatale]

عدد الحساب لكل دولة , مأخوذة من حساب حجحاج 😀

السعودية 651,018 حساب !!!

انا ما لفت نظري التعويضات ولا الشبكه

انا ما لفت نظري إلا 651.018 يوزر سعودي مع اني لا املك يوزر سعودي والي يقربولي كلهم ما عندهم يوزر سعودي يا اوربي او امريكي

والمقاهي مليانه اجهزه وبدون يوزرات وناس اعرفهم ما يشبكون اون لاين يلعن ابليسك يا سوني ما تحطين لغه عربيه وخدمه ممتازه

للشرق الإوسط!

:sadwalk:

 

[squall leonhart]

على الاقل في ستور سعودي رسمي و تقدر تدفع فيه ببطاقة البنك السعودية .. اللغة العربية معاك المفروض تدعم زي ما تدعم النرويجيه و الروسية و التشيكية -___- .. مو بس من سوني بل كل شركات الالعاب و منها مايكو و ننتندو و شركات الطرف الثالث .. انا احلم اننا نشوف فيفا 12 بتعليق عربي ..

 

[m7tram]

نسبتنا احسن بشكل مجمل من دول مدعومه على خرابيط =/ وهذا وانا مو مسوي ولا اكاونت عربي وكل ربعي نفس الحاله يا امريكي/اوربي/ياباني !

 

[Classic Player]

عدد الحساب لكل دولة , مأخوذة من حساب حجحاج 😀

السعودية 651,018 حساب !!!

و أغلبية الحسابات لشخص واحد
و هذولي تجدهم وبكثر في ألعاب كود يسوي بروفايل جديد (ببلاش مو خسران شي) و يسوي انه جديد و يقعد يتّفلت على العالم لول
لأن مستحيل هذا العدد يكون بالسعودية و أون لاين بعد مافي أمل

 

[ALONE]

والله سوني مالها اي عذر انها تدعم العربيه في جهازها بتااااااتا

السالفه عناد او ماودهم يتعبون انفسهم او مدري وش القصه

ولا معروفه الجهاز شعبيته في السعوديه هائله يمعنى الكلمه

وانا مع squall leonhart ياليت نشوف فيفا 12 بالتعليق العربي

على الاقل تعليق عربي يسوون خير في عشاق اللعبه

انا مستغرب EA الشرق الاوسط ماتسوي شئ ؟

ولا بس تعرف تعرب دفاتر الالعاب !!

انا ودي اعرف بس وش يمنع من التعاقد مع الشوالي ويعلق على اللعبه ويكون للنسخه الاصليه من الشرق الاوسط

وشوفو المبيعات بعدها كيف

 

[D1rk-Knight]

^
لاعبي الشرق الأوسط بس فالحين يقرصنون وما يشترون أصلي. :tongue:

 

[ALONE]

^^^^^^^

هم مايقرصنون ياعزيزي

هم يسوون شئ من اثنين

يايحملون العاب من النت

يايشترون العاب مهكره

لاكن لو كانت نسخه الشرق الاوسط فيها مميزات ولغه عربيه وتعليق عربي

فيه احد بيهتم في النسخه المهكره الي مافيها هل المميزات ؟

 

[Mute City]

^
تعتبر في نطاق القرصنه =___= سواء حملهم من النت أو إشتراهم

 

[D1rk-Knight]

أتكلم بصيغة سخرية، لأنه هذه هي الفكرة اللي ماخذتها أغلب الشركات الغربية.
هم لو إنهم ينزلون منتجاتهم (أيا كانت) بشكل رسمي وبسعر منطقي فأكيد الكثيرين راح يشترون، لكن مع الأسف الجماعة حاكمين علينا بمنطقهم البايخ بسبب الآباء اللي يبي جهاز يشغل كل الألعاب اللي في السوق. :sarcastic:

لسه أتذكره ذيك الأيام لم يجي واحد يسأل ألعاب PS2 تشتغل على PS1 وليه ما تشتغل. :laugh::

 

[ALONE]

بيني وبينكم ياشباب الشرق الاوسط

من اقوى الاسواق الناشئه بلا منازع

بس لو السعوديه تفرض نظام حمايه الحقوق الفكريه

صدقوني راح تشوفون مبيعات رهيبه للألعاب

والذكي من مايكروسفت او سوني يدعم ويهتم في هل السوق بشكل كامل

علشان يفرض نفسه فيه

وطبعا سوني بدت بوادر الاهتمام وجالس تجني ثمار هل الشئ

من خلال الشهره الكبيره ومبيعات الالعاب في المنطقه

 

[H2O]

^

طيب والالعاب اللى يلعبونها وهي مهكرة ماتعتبر مقرصنة ؟ !!

والجيلبريك اللى يسوونه في السوني عشان يشغل الكوبي هذه ماتعتبر مقرصنة ؟!

 

[ALONE]

^
تعتبر في نطاق القرصنه =___= سواء حملهم من النت أو إشتراهم

مافهمت الفكره الي ابي اوصل لها

المغزى من الكلام ان اللاعب العربي ماعنده القدره على تهكير لعبه ونشرها في الانترنت

يعني لو صار لنا نسخه خاصه وفيها عربي من الألعاب القويه

راح الكل يشتري هل النسخه الاصليه ومافيه احد بيفكر بالكوبي لأنه غير موجود

ويارب يصير هل الشئ قريبا ونشوف كل الشعب يحافظ على شئ اسمه حقوق فكريه

 

[Mute City]

^
يارجل الالعاب قبل إصدارها موجوده كوبي وهنا الناس ما تاخذ أصلي طالما الكوبي متوفر له وقبل موعد الإصدار
وما أعتقد اللغه العربيه ممكن تحد من القرصنه وإنتشار الكوبي هنا في الشرق الاوسط

 

[KAIN.]

الجهاز كان له أكثر من ثلاث سنوات كاد أن يكمل 4 سنوات بدون قرصنه و لا جيل بريك أو أي شيء غير قانوني أصلي في أصلي و سوني ما دعمت المنطقه العربيه بأي تطبيقات لغه عربيه سواء لألعابها أو لجهازها بشكل عام تتوقعون الأن بعد أنتشار قرصنة الجهاز راح تعمل الشركه شيء ؟ أنسى

 

[D1rk-Knight]

^
قرصنة الجهاز (PS3) انتشرت؟
تصدق توني أدري إنها منتشرة عندنا في الشرق الأوسط. :fd3:

على كل حال، توفيرهم متجر لدول الخليج يكفي لإظهار اهتمامهم ولا كان بإمكانهم يتبعون مبدأ "شربوا من ماء البحر". ولا ننسى التفكير Outdated اللي لسه موجود عندنا في الخليج "أنت لسه تلعب عائلة؟ مدري أتاري؟ أنت بزر هاللي تلعب هالأشياء" :laugh::

 

[Fahad Al-Shareef]

لول ، انا استغرب من اللي يقولون قرصنه ، ماهو سبب مقنع ابدا ً ، يعني تبغى تفهمني ان السعوديين يقرصنون الالعاب وينسخونها ؟

هي اساسا ً تجينا مقرصنه من برا ، لو على كذا .. حاسبوا كل الدول اللي موجود فيها القرصنه ، واولها امريكا .

المطالبه باللغه العربيه مجرد اضاعه وقت ، سوني جالسه تصرف وتلف وتدور ، لو يبون .. كان سوو

من زمان .

 

[ALONE]

^^^^^^^^

احنا فاقدين الامل للأسف من زمان

بس عدد اللاعبين اونلاين خلانا

نتأمل سوني تفكر في هل الرقم وتتحرك شوي !

 

[Q8_Gamer]

رقم الحسابات في الكويت عالي ومو متوقع ( المحلات ناصبة على الناس بالأمريكي وإنه أفضل و.. بلا بلا بلا )

هذا والكويت مالها ستور >.>

وفي كويتيين (مثلي) ما عندهم حساب كويتي، وأيضا في كويتيين مسويين حساب بريطاني عبالهم حاله حال السعودي والإماراتي وودهم يغيرون الريجن لأنهم ما يبون يخسرون التروفيات (هذا أعتقد أنا الوحيد اللي متأذي منها xD )

الكويت لها ستور وشغال من فتره ... والمشكله اني رابط الفيزا <<<< للحين موسوس :sarcastic:

 

[Rookie]

^

لحظة متأكد؟؟ *يروح يشيك* <<<< أوبس نسى الشبكة مقفولة

انزين بطاقات الستور ينفع تستخدم السعودية/الإماراتية؟؟

سوني لازم تلقالها حل مع تغيير ريجن الحساب، يعني بديهيا يكون في كويتيين مسويين حسابات ثانية وودهم يحولون كويتي مع الحفاظ عالتروفي/فريند ليست ..إلخ

 

[NasserFahed]

فكرة لكل يوزر بلس 30 يوم. مثل ما قال Saudi Pro, اللي عنده أكثر من يوزر على كذا ستور راح تجيه تخفيضات و ألعاب مجانية و العاب تجريبيه بشكل كثيير.

 

[H2O]

....