[نقاش] الاعلان عن الالعاب وتاريخ صدورها !!!

[Painkiller Q8]

[نقاش] الاعلان عن الالعاب وصدورها المتأخر جدا !!!

بسم الله الرحمن الرحيم

طال الحديث في هذا الموضوع مع مجموعه من الشباب المهتمين في مجال الالعاب ولاحظت ان اكثر اصدقائي يعانون من هذي المشكله .. او القضيه وهي الأعلان عن الالعاب مبكرا لمجرد كسب زبائن وشراء اجهزة الالعاب... وحبيت اشوف آرائكم عن هذي النقطه.

الكثير من الشركات الي تعلن عن العابها مبكرا جدا "جدا" جــــــداااااااااا وانا راح اذكر لكم بعض الامثله..​

العاب يتم الاعلان عنها قبل صدورها بسنوات:
Kill Zone 2
Gran Turismo 5
MGS Rising
Alan Wake
Twisted Metal
Final Fantasy 13
............................الخ "ماذكر اسماء اكثر"
يعني هذي الالعاب خذت وقت كثير.. والناس تعبت من الانتظار.. والبعض يكون عند حسن الظن والبعض ممكن ان يكون بمستوى اقل من المتوقع او فلوب.. السوال لمذا يتم الاعلان المبكر عنها اساسا ؟؟


العاب تم الاعلان عنها ونزلت بسرعه:
Borederlands
DarkSiders
Metroo 2033
Splinter Cell Convince
.............................................الخ "ماذكر اسماء اكثر"
هذي اسماء بعض الالعاب الي تم الاعلان عنها ولم تتأخر في الاصدرا .. بمعنى اخر "ماتجيب المرض من الانتظار"


والله تعبت وانا انتضر GT5 يعني معقوله اتحلم فيها من 2005 ؟؟؟؟ ولي الحين اللعبه TBA !!!
او ALAN WAKE بس خلااااااص إلى متى ؟؟؟؟؟ :annoyed: :annoyed: :annoyed:
عن نفسي افضل ان لعبه يتم الاعلان عنها .. واشوفها في الاسواق بعد اشهر او شهرين او 6 شهور بالكثير ...

 

[Burdegation]

يعلنون عنها مبكر و تنزل بعد سنوات احسن من ان تحط امالك طول هالسنوات على حلم ممكن يتحقق او لأ

Splinter Cell Convince

هذه معلنين عنها من 3 سنين P:

 

[Still Alive]

نعم ، وماعندي اي مشكله انتظرلي4 او 5 سنوات واحصل على لعبه ممتازه.

Splinter Cell Convince

من قال لك انه اعلنوا عنها وراح تنزل بسرعة ، اللعبة صار لها 3 سنوات معلنين عنها وهي أكثر جزء أخذ وقت من السلسلة

 

[Painkiller Q8]

يعلنون عنها مبكر و تنزل بعد سنوات احسن من ان تحط امالك طول هالسنوات على حلم ممكن يتحقق او لأ


هذه معلنين عنها من 3 سنين P:

اوبس ^^
الظاهر غلطه مطبعيه .. المشكله اني ادري ان تم الاعلان عنها من 2007 اذا ماني غلطان>>
بس الظاهر نسيت لان جاتها فتره طويييله محد تكلم عنها او وقفت الاخبار عنها !!

 

[RMADRID]

السؤال هنا هل إنت راح تتقبل إن اللعبة اللي تنتظرها تكون سيئة بسبب إنهم ما أخذوا الوقت الكافي للتطوير ؟
أكيد لا
لذلك أنا عندي إنتظار اللعبة بشرط إنها تكون ممتازة و خالية من المشاكل
أفضل من اللعب بها في وقت مبكر وهي مليانة مشاكل
و أكيد المطورين لما يحتاجوا وقت ما راح يناموا بالعكس هم أجلوها عشان يتأكدوا إن لعبتهم تكون كاملة لانه هذا شغلهم ووراه فلوس
لهذا السبب يعجبني بعض المطورين اليابانيين ما ينزلوا اللعبة إلا تكون بيرفيكت
انا على سبيل المثال لعبت FallOut3 نسخة الـ PS3
و كانت مليانة مشاكل لدرجة الجنان فكان من المفترض تأجيلها و لا تنزل بذاك المستوى
غير COD و الجليتشات الخرافية فيه

هذا رأيي الخاص
وعلى فكرة تويستد ميتال لم يتم الإعلان عنها إلى الآن

 

[Painkiller Q8]

السؤال هنا هل إنت راح تتقبل إن اللعبة اللي تنتظرها تكون سيئة بسبب إنهم ما أخذوا الوقت الكافي للتطوير ؟
أكيد لا
لذلك أنا عندي إنتظار اللعبة بشرط إنها تكون ممتازة و خالية من المشاكل
أفضل من اللعب بها في وقت مبكر وهي مليانة مشاكل
و أكيد المطورين لما يحتاجوا وقت ما راح يناموا بالعكس هم أجلوها عشان يتأكدوا إن لعبتهم تكون كاملة لانه هذا شغلهم ووراه فلوس
لهذا السبب يعجبني بعض المطورين اليابانيين ما ينزلوا اللعبة إلا تكون بيرفيكت
انا على سبيل المثال لعبت FallOut3 نسخة الـ PS3
و كانت مليانة مشاكل لدرجة الجنان فكان من المفترض تأجيلها و لا تنزل بذاك المستوى
غير COD و الجليتشات الخرافية فيه

هذا رأيي الخاص
وعلى فكرة تويستد ميتال لم يتم الإعلان عنها إلى الآن

انا مو معارض ان اللعبه يشتغلون عليها سنوات كثيره للحصول على نتائج بيرفكت..
انا اعارض انهم يعلنون عنها... مثلا تخيل ان كل زوون او جي تي 5 كانت مشروع سري وتفاجئنا بظهورها وصدرت بعد الاعلان بشهور بسيطه .. والله راح يكون لها طعم افضل ...
لان الانتظار يقتل الهايب بصراحه..

وعن توستد ميتال.. انا سمعت ان ديفد جاف قال احنا شغالين عليها.. بس مو متأكد من صحة الخبر !!

 

[Nintendo]

راح اكتفي بكلمة لمياموتو

"A delayed game is eventually good, a bad game is bad forever"

 

[Nin Boy]

راح اكتفي بكلمة لمياموتو

"A delayed game is eventually good, a bad game is bad forever"

+1

 

[Khalid]

Borderlands و Darksiders اعلنوا عنهم من 2007 .. لول

 

[Painkiller Q8]

^
^
صح كلامك ...
عموما بعيد عن اسماء الالعاب .. لان اكثرهم فيهم لبس او اخطاء 🙂

خلونا في صلب الموضوع .. هل فعلا ان الاغلبيه يحب يشوف اسماء الالعاب قبل صدورها بسنوات ؟؟؟

 

[X-SRI-X]

راح اكتفي بكلمة لمياموتو

"A delayed game is eventually good, a bad game is bad forever"

حكمة مياموتو
اللعبة الجيدة مهما تاجلت ستبقى جيدة , اللعبة السيئة ستبقى سيئة للابد

 

[BioMario]

أكيد أنتظر و في الأخير احصل منتج عالي الجودة

زلدا
فاينل فانتاسي
سوبر ماريو
هالو
هاف لايف

هذي بعض أمثلة ألعاب AAA ذات مستوى عالي جداً و طبعاً إلى اقصدة هو الأجزاء الرئيسية
بس طبعاً مب كل الألعاب لكن الأغلب نعم

 

[Rare Games]

شباب صاحب الموضوع ما يقصد مده التطوير نفسها

يقصد المده الزمنية بين الاعلان عن لعبه ووقت اصدارها بالاسواق

ممكن ياخذون اربع سنوات في التطوير لكن مده الاعلان عنها والاصدار متقاربة

 

[zlatanovic]

أفضل انهم يعلنون عنها ولو قبل فترهـ ..
يعني مالها داعي اقعد طوال سنتين او ثلاث بدون ما ادري هي بتنزل والا لأ .. ازين لي اقعد هالسنين وانا متطمن =)
الا لو كانت جزء من سلسلة جديدة .. او شي شاطح مدري وش يبي .. فـ مال امه داعي الازعاج والقلق .. يخلونها عندهم لين ينزلونها بالسوق .. حتى ما يحتاج موعد ولا بطيخ .. تقوم الصبح وتروح للمحل وتلقاها وصلى الله وباركـ ..

 

[السليل الأخير]

ما عندي مشكلة ان اللعبة تطول خصوصا اذا كانت من سلسلة مشهورة لكن المنتج النهائي لازم يكون مرضي .. مصيبة اذا بعد 4 سنوات انتظار تطلع اللعبة جيدة لا أكثر
كحل وسط .. أفضل ان الشركات تعلن عن اسم اللعبة و انها قيد التطوير بدون موعد أو ميديا .. مع قرب الاصدار - قبل 6 شهور بالكثير - تبدا المقاطع و الصور تنتشر
كذا ما رح ينعدم الهايب و ما رح تحس ان اللعبة اخذت وقت كثير في التطوير

 

[Advil]

انا بانتظار هاف لايف 2 ايبسود3 اللي تم الاعلان عنها من زماااان وحتى الان لا فيديو ولا شي !!
هاف لايف 2 شهدت الكثير من التاخير ولكن بالنهاية طلعت صح
لكن اكثر شي مجنني duke nukem forever !! يضرب بها المثل بالتاخير والتاجيل !

 

[Monsteropolis]

سبلنتر سل وبوردرلاندز وداركسايدير معلنين عنهم من 2007. اما مترو هذي اول مره اسمع اسم هذي اللعبه.

مانشي شايف لعبه انعلن عنها قبل اصدارها بشهر ولا شهرين. عادة الالعاب المحترمة تاخذ لها سنتين/ثلاث.

يمكن الاستثناء هو Mario Bros. Wii الي انعلن عنها بالصيف ونزلت في الfall.

 

[Painkiller Q8]

شباب صاحب الموضوع ما يقصد مده التطوير نفسها

يقصد المده الزمنية بين الاعلان عن لعبه ووقت اصدارها بالاسواق

ممكن ياخذون اربع سنوات في التطوير لكن مده الاعلان عنها والاصدار متقاربة

بالضبط :nerd:
هذا قصدي ... "مدة الاعلان"

 

[slifer dragon]

بالنسبة لي أكره ما عندي التأجيلات والتأخيرات :

ودي المطورين يأخذون لعبة The Legend Of Zelda Majora Mask قدوة لهم كلعبة ممتازة وقوية جداً طورت بأقل من عام ( أقول طورت مو أعلنوا عنها ) .

ومثال آخر لعبة New Super Mario Bros. Wii دليل على وجود ألعاب قوية يعلن عنها قبل إصدارها بفترة قصيرة , وهذا الي يزيد الحماس عندما يعلنون عن مثل هالألعاب . لو حددوا تاريخ للعبة المعلنة وكان قريب الكل بيحس بحلاوة التصريح , وهذا الي نفتقره بغالب التصريحات عن غالب الألعاب القوية :sarcastic:

 

[m7787m]

في حاجة ما أحد فكر فيها :

المطور مو شرط يعلن عن اللعبة ليبدأ تطويرها

يعني فيه مطورين يطوروا اللعبة بفترة طويلة ثم يعلنوا عنها

 

[SULTAN 3]

الافضل ما يتم الإعلان عنها إلا قبل إصدارها بوقت قليل , منها الفريق بيكون منتهي + الهايب يكون لسه منتعش + الفترة ياللي يتم الكشف عن اللعبه هي بتكون فترة التسويق لها , والهايب زائد التسويق بنفس الوقت بيكون نتيجته حلوه..

اعتقد الشركات بدأت تفهم هالشيء ,, فيه عندك ديمون سولز ,, اعلنو عنها في E3 وبعدها بثلاث شهور تقريباً الا اللعبة صادرة , وهذي هي اخذت الجوتي في موقع جيم سبوت والشحنات لها خلصت وكسبت سمعة وتقاييم حلوة. ولا حد درى كم كانت تحت التطوير

بينما تعال وشوف فف13 والا GT5 ياللي بكل تأكيد يوم تنزل فلو ما اخذت التقييم الكامل فبكل تأكيد بيكون لفترة التطوير الطويله علامة سودا بسلبيات اللعبة وبيصير يؤخذ هالشيء كسبب لإنتقاصها. هذا غير ما اذكر ان الهايب لها طفى من زمان واكيد ما راح يكون نفس الوضع لو انهم ما اعلنو عنها الا قبل صدورها بشوي..

 

[Suzuki Yu]

انا عن نفسي من اكثر الاشياء اللي اكرهها هو ان المطور يكشف عن لعبته من قبل ما تكون جاهزة بفترة جدا طويلة , المفروض "الحد الاقصى" للكشف قبل الاصدار ما يتجاوز السنتين
هذا الشي يحسنني ان المطور ما عنده شي مقنع في الوقت الراهن ومجرد انه يبغى يحسن صورته لا اكثر ويقول للناس انه والله انا عندي العاب

 

[G7Ga7]

ما تفرق. بس أتوقع الحل المثالي هو انك تعلن عن لعبة وتصدرها خلال 12 شهر.

لكن اكثر شي مجنني duke nukem forever !! يضرب بها المثل بالتاخير والتاجيل !

والكنسلة. (Cancellation).

 

[ROCKSY]

بالعكس أنا أفضل إنهم يطولوا في طبخ اللعبة عشان تطلع مسبكة <<< جوعان :laugh::
وفي ألعاب من سرعة نزولها بعد الإعلان عنها، تنزل ومحد ينتبه لها (أو ما تاخذ حقها من الأعلانات والتريلرز)، مع إنها حلوة... وتنظلم...

 

[Jonas]

همممم فيه مثال للسنة الي راحت , Batman Arkham Asylum كان المفترض تنزل في ابريل لكنها اجلت لأغسطس و طلعت بشكل ممتاز.

يعني بالغالب المدة الي تطول فيها اللعبة او تتأجل تكون على اساس تلميع اللعبة و تنظيفها من الأغلاط.
و بالعادة أعتبره الفترة الطويلة شيء إيجابي عشان تاخذ مقدار كبير من الحماس , مثل Splinter Cell Conviction انتظرتها بشغف من يوم اعلانها و الى الآن انتظرها 🙁 و ماني مصدق ان بعد شهر بس بتكون اللعبة في يدي -إن شاء الله- 🙁.

 

[Advil]

ما تفرق. بس أتوقع الحل المثالي هو انك تعلن عن لعبة وتصدرها خلال 12 شهر.


والكنسلة. (Cancellation).

للاسف لم يتم الغائها ، فهي ستكون تحت التطوير من فريق اخر :

3D Realms has laid off the game's internal development team, but still plans to most likely work with external development studios to develop the game

 

[Dr.Manhattan]

الإعلان عن لعبة قبل ما تنزل بسنة و نص أسخف شيء بهالجيل.

 

[Tomb raider]

نعم ، وماعندي اي مشكله انتظرلي4 او 5 سنوات واحصل على لعبه ممتازه.

أكيد أنتظر و في الأخير احصل منتج عالي الجودة

زلدا
فاينل فانتاسي
سوبر ماريو
هالو
هاف لايف

هذي بعض أمثلة ألعاب AAA ذات مستوى عالي جداً و طبعاً إلى اقصدة هو الأجزاء الرئيسية
بس طبعاً مب كل الألعاب لكن الأغلب نعم

علي هذا استفتاء تراه

 

[Snake-87]

خل ياخذ كثر ما ياخذ من وقت بس لا يقول لي بنزلها 2007 وينزلها بعدها بسنة .

 

[Joker]

سواء كان هذا أو ذاك , بنظري افضل من أنهم يسون لعبه ويخلون النهاية مفتوحه و يعلقوا الناس بسالفه السيكول
مثال : شينمو