نظام أمريكي ...؟! لا لا ...

[Id]

انا : يا شباب النظام أمريكي
جحجاح : لا لا على ..
أنا : لا تكفى كل واحد يدفع حسابه عن نفسه ..
جحجاح : لا المره الجايه ...
أنا : طيب النظام أمريكي واحنا متفقين ... 🙁

النظام أمريكي ... أتوقع الكثير من الشباب وخصوصاً السعوديين يعرفون هالمصطلح.. وهو مايقصد به .. إنه كل واحد يدفع حسابه بنفسه ... طبعاً على اي اساس طلع هالاسم ما ادري ... بس استمر الناس على قولها .. في مناسبات كثيرة ....

واليوم واثناء التقليب في عالم النت طحت على مقالة لواحد يكتب في الألعاب هو مو مهم .. المهم هو ...

Going Dutch​

وشو معناها ...

تعني نظام هولندي .. يعني كل واحد يدفع حسابه عن نفسه ...

واثار الموضوع شيء مشهور جداً ... وهولندي كمان ..

http://en.wikipedia.org/wiki/Dutch_treat

^

وموجود في ويكيبيديا :laugh::

بصراحه استغربت .. وفي نفس الوقت قررت .. فاليعيش النظام الهولندي ... :laugh::

 

[Isaac]

شكرا عالمعلومة ...


لول حنا عندنا النظام الأمريكي ... آخر واحد يقوم من على السفرة يلم البقايا.


آخرتها اليوم بالفطور ... تدبست براس ولد عمي، لأنه بطيئ في الأكل! 😀

 

[Lonely Heart]

اذا طلعت مع اخوياي ..
مانعرف شي غير النظام الامريكي "الهولندي"
*اخوي طلع كريم *

 

[BioMario]

كان عندنا واحد ولد كان في كلاسي الكورس إلي طاف " الله يذكرة بالخير "
كنا في البريك الطويل نروح نتطلع المول (المجمع) علشان ناكل ( أكل الكلية حلو لكن نوع من التغيير )
وأكثر من مرة يقول لنا يله نظام أمريكي وأنا أكون ساكت في مرة قلت له شسالفة نظام أمريكي حشرتنا بعدين ضحك قليلة شو السالفة قالي هذي الكلمة يقولونها شباب السعودية يوم يروحون مطعم ويا بعض قلت له اهااااا لول ..

الحين صدق أمريكا عندهم كل واحد يدفع من نفسة علشان جذي أتمسة نظام أمريكي ولا كيف ؟

 

[Lonely Heart]

^
خلها على ربك .. شافوا النظام زين قالوا امريكي !!

 

[SALAH]

أنا الصراحة أفضل النظام الامريكي على اي نظام ثاني ..
فيه نظام أظن اسمه الانجليزي ..نظام وسخ الصراحة لول , يعتمد انه مهما كانت الفاتورة رح يتقاسمها جميع الجالسين عالطاولة ..
يعني لو طلبت بيبسي بدرهم , وصاحبك طلب وجبة بـ 20 , الفاتورة بالنص ! :yuck::

الحين صدق أمريكا عندهم كل واحد يدفع من نفسة علشان جذي أتمسة نظام أمريكي ولا كيف ؟

لول ما اتوقع , ذكرتني بسالفة المواعيد , اذا واحد جا على موعده بالضبط بقولوا " مواعيدك أمريكية يا واااد "
أما لو اتأخر نص ساعة ...بقولوا " مواعيدك عربية يا عبيط " :whistle:

 

[Pyro]

لأننا عرب كرماء و راعيين اصول و مبادئ

في الواقع سبب ان كل شخص يدفع الحساب بنفسه ان غالبية الناس تنظم مصروفها/دخلها بحيث يكتفي باحتاجياته الشخصية، صعب واحد يجي ينظم صرفيته على اعتبار اليوم اعشي فلان بكرة فلان العشا عليه :wow:

 

[Lonely Heart]

^
اللي انا افترضه بصراحه .. اني اذا انا عشيتك او عزمتك في اي بيتي مثلاً من الواجب عليك انك تردها له ..

 

[G7Ga7]

خلاص علقت بلساني 🙁

أحاول ان شاء الله أغيرها ..

جحجاح: يا شباب النظام أمريكي
أي واحد : لا لا على ..
جحجاح: لا تكفى كل واحد يدفع حسابه عن نفسه ..
أي واحد : لا المره الجايه ...
جحجاح: طيب النظام أمريكي واحنا متفقين ... 😀 😀

فكسد :laugh::

 

[Solay]

أول مرة اسمع فيها..

 

[Double T]

النظام " الأمريكي " يعتبر عادي لشباب يطلعون كثير مع بعض .. صعب انها تصير الطريقة التقليدية و احراج للبعض منهم .. لكن لو طالع مع شخص اول مرة او غريب عني بعض الشي هذا النظام يصير عيب في نظري 😀

 

[super buu]

خلاص علقت بلساني 🙁

أحاول ان شاء الله أغيرها ..



فكسد :laugh::

:laugh::

....

 

[Captain Jack Sparrow]

بصراحة النظام هذا جيد
لكن مو مع كل الناس 😎

 

[Sinker]

نضام معتمد مع أصحابي أصلا ما أحب حد يدفعلي و العكس صحيح ^_^

 

[Koshiro]

صعب صعب صعب جدا اني اتقبل هالطريقة انحرج بصراحة وش الي اروح مع الرجال واخليه يدفع الا لو كالعادة دفع وقلت له مردودة لان بصراحة مدري السالفة سالفة مبدأ
عموما المعلومة مفيدة تسلم

 

[NSider]

خخخ أنا دائما إذا سمعت أحد يقول "نظام أمريكي" أصحح له وأقول له أنه هولندي.

هو بشكل عام أفضل نظام بين مجموعة أصحاب دايم يطلعون مع بعض، إلا في المناسبات الخاصة طبعاً.

 

[s3rorh]

لوووول .. عندنا نسميها بمصطلح أخر .... بس اذا قلت المصطلح ... في شباب بيزعلون P:
بالنسبه لي .. اعتبر هالنظام سلاح ذو حدين .... مره يعود لك بالنفع ... ومره يعود لك بالخساره
وهذا كله يترتب على حسب الشي ألي راح تدفع مقابله.
وأحلى شي بأني مرتب شغلي ويا أصحابي .. بحيث اذا طلعنا .. بيكون كل واحد عليه شغله يدفعها ( واحد يدفع لتذاكر السينما , واحد للعشى , واحد للفشار والبيبسي , واحد للـ .. إلخ )

والحمد لله ... كل ربعي ( عشره العمر ) يستاهلون أكثر من جذي ( أحبكككككككككككككككككككككم T_T )