نصيحتكم يا اخوان | الشراء عبر النت ..

[Sky Walker]

السلام عليكم ورحمة الله وبركاته ..

اخواني انا هاليومين معزم اني اسوي لي طلبية بالنت ..

بس المشكلة الى الان مافتحت لي صندوق لوول ..

وابيكم تقولون لي شنو احسن شركة من ناحية سرعة الشحن وسعره ..

انا كنت بآرامكس بس قلت اول شي اشوف رأي الاخوان بـ TG ..

ابي جواب سريع منكم Plz ..

 

[Grand]

انا ما اعرف بهذي الاشياء لكن عندي 5 اخوان اكبر مني كلهم ارامكس... من زمان

 

[G7Ga7]

وعليكم السلام ورحمة الله وبركاته .. أهلاً ..

لول اذكر قبل سنتين سويت Oral Presentation عن الأونلاين شوبّينج ..

الطريقة أسهل مما تتصور بكثييير ..
ثلاث خطوات :

1) إذا كنت بالمملكة .. أنصحك تاخذ Prepaid Credit card من :

تكلفك ما ادري 100 , أو 200 ريال بالسنة , وتكون مثل بطاقة الـATM - يعني تقدر تودع وتسحب وكذا!- اللهم تقدر تشتري من خلالها من الانترنت .
ونصيحة , كنوع من الاحتياط لا تودع الا بالمبلغ المطلوب بالضبط , وخليه دائماً على الـ0 , الا وقت الحاجة .

2)

افتح لك صندوق بريد في امريكا أو بريطانيا (ما اعرف الاجراءات بالضبط!) .. لكن الي اعرفه انها مو مرة مكلفة , وماهي معقدة أبداً !! ..

3)

انصح بالشراء من آمازون لأنه الافضل في مجاله , ويقبل كروتنا ..

هذا كل الي عندي .. قد تكون معلوماتي خطأ طبعاً .. لكن ان شاء الله الشباب ما يقصروا ..

 

[النسر الأسود]

أنا أيضا عندي سؤالين بهل الخصوص...
1- هل أقدر استخدم البطاقات في الكويت في الطلب من بعض المواقع الرسمية ( مثل سوني ) ؟
2 - فرضا طلبت من موقع سوني لابتوب فالكفالة إيش وضعها ؟ أقدر أستخدمها في الكويت ؟ أو حتى لو طلبت من أمازون هل الوكيل يتكفل باللابتوب لما ما يعترف عليه ؟

 

[Mista Koo]

ما عندي خبرة كبيرة.. بس أمازون مثلا يوصل كثير أشياء على صندوق البريد مباشرة بدون أراميكس أو غيره (للأشياء اللي تتوصل برة أمريكا)

 

[Pyro]

أفتح لك حساب مع أرامكس، اذا ماخاب ظني تدفع اول مرة 35$ بدون اي رسوم، و يفتحوا لك صندوق بريد بالمملكة المتحدة و ثاني بأميركا .. اول نص كيلو تشحنها بـ65ريال، بعدين مدري كم (اظن النص/35ريال). اذكر طلبت ننجا جيدن و الشحن ماتأخر اكثر من 10ايام. طبعا مافي كلام ان الموقع اللي راح تطلب منه هو امازون.

1) إذا كنت بالمملكة .. أنصحك تاخذ Prepaid Credit card من البنك الاهلي

الكارد ذا شغلته ماستر كارد ولا كيف بالضبط؟ (يعطوه اللي عمره اقل من السن القانوني؟)

 

[Snake-87]

آرامكس FTW مع ارتفاع اسعارهم >.>

وآمازون الموقع الأفضل

1- هل أقدر استخدم البطاقات في الكويت في الطلب من بعض المواقع الرسمية ( مثل سوني ) ؟
2 - فرضا طلبت من موقع سوني لابتوب فالكفالة إيش وضعها ؟ أقدر أستخدمها في الكويت ؟ أو حتى لو طلبت من أمازون هل الوكيل يتكفل باللابتوب لما ما يعترف عليه ؟

1- لأ لازم تكون عندك فيزيا عنوانها بأمريكا علشان تطلب من أغلب المواقع الرسمية أما آمازون تقدر
(إذا بتاخذ من منتجات سوني أو أي شي ثاني تحصلها بآمازون أرخص بوايد) .
2- ماكو كفالة . نقعها xD
2-

 

[G7Ga7]

الكارد ذا شغلته ماستر كارد ولا كيف بالضبط؟ (يعطوه اللي عمره اقل من السن القانوني؟)

بالنسبة لسؤالك الأول .. فهو تقريباً ATM card لكن يُعتبر كريديت كارد ..
لول بكل بساطة بطاقة صراف فيها سيريال نمبر (او مهما كان اسمه) ..

ما ادري عن العمر الادنى عشان يعطوك البطاقة , لو معك بطاقة أحول جرب قولهم .

 

[Zero]

ما كنت أدري أن البنك الأهلي بطاقته هكذا ، خلاص شكلي ببدأ الشراء من النت بأقرب فرصة .

شكرا عبد الرحمن على المعلوملة ، بنك الرياض شروط وعفسة على ما تطلعها .

 

[ASWD]

نصيحة لكل واحد وده يطلع فيزا او ماستر كارد..لا تاخذ عادية اي انها تنقبل وتستخدم في كل مكان كالسوبر ماركت ومحلات الملابس وغيره..خذ المخصصة للانترنت فقط*for Internet use only*

للحماية..مثلا في حالة انه تم الحصول على بيانات البطاقة من شخص غير مخول راح يقدر يستخدم او يسرق المبلغ اللي فيها فقط..اما العادية فهو قادر انه يسحب منها المبلغ اللي يبي كونها بطاقة غير مسبقة الدفع بل يتم الدفع بصورة شهرية عن طريق اصدار فواتير بالمبالغ او المعاملات اللي انسحبت/انجزت بواسطتها

مسألة الشراء..عندك إباي وامازون..هم المعروفين اكثر شي

شركات الكورير..افضل الموجود للاستخدام الشخصي هي ارامكس

 

[pacino]

صراحه كان ودي يُفتح موضوع فيه اسأله واستفسارات مثل هالموضوع..لاني بحاجه شديده له
شكرا لكم عالإفاده..

 

[Justice]

كلام جحجاح اغلبه صحيح افتح لك حساب من اريمكس يكلفك 135 حق البريد الامريكي والاوربي مدى الحياة
وبعدها مر البنك الاهلي واطلب منهم بطاقة ماستر كارد مسبقة الدفع امممم راح توصل على بريدك لووول
لكن بنك الاهلي ومعاملته الخايسة راح ينقعك فوق ال10ايام انا انتظرة 3شهور لوووول زي مايزعمون كان فيه مشاكل
في بريدنا لكن كنسلت وطلبتها مرة ثانية وخليتهم يجيبونها عن طريق الdhl زيادة 35ريال فقط وتوصل في وقت سريع فعلا وصلت لي بسرعة بس هذا المطلوب.

 

[Sky Walker]

ماقصرتوا اخواني جزاكم الله خير ..

اخوي عنده ماستر كارد وانا بستعملها للشراء عن طريق النت لوول طبعا خذت الاذن منه من زمان ..

ان شاء الله بشوف بكرة بروح اقرب فرع لارامكس علشان افتح صندوق ..

احد منكم يتذكر شنو الاجرائات ؟؟

يعني شنو متطلباتها " بطاقة احوال مثلا " ؟؟

 

[Justice]

^
كل الي بسوية الموظف انه بيعطيك ورقة تعبيها بس وتدفع له الفلوس
ويعطيك موعد على شان يرسلك معلومات البريد الالكتروني وبس ^_^!

 

[Sky Walker]

ممتاز ممتاز !!

خفت لازم شروط معينة لووول ..

خلاص اليوم العصر ان شاء الله باروح هناك علشان اشتري كم شي : ( Sonic Advance + GBA Gamecube link Cable )

والله ماقصرتوا شباب جزاكم الله خير ..

تحرير : لووول رحت لهم مساعة .. قال لي لازم تجي الصباح اذا بتفتح صندوق ..

لوول هارد لي (&) ..

مافي الا الخميس ان شاء الله ..