حياك الله فيصل ومبرروك على الوظيفه ( اخبرك انك تخرجت من جامعه الملك سعود يوم كن في اكس جيمر الله ذكريات :crying: خصووصا المدعو اكس ان
الله يذكرهم جميع بالخير )
بنسبه ل HTC Pro Three صراحه بعد الفديو راي بكل صراحه الجهاز
رهيب 😡😡 تحس انه اي فون مو ويندوز موبيل بصراحه مدري وش اقول عنه بس انه من الفديو رهيب شوي عليه الجهاز تحفه بنتظر الموصفات النهاية ( خصوصا ماني مستعجل )
ينسبه لــ E72 زي ماقلت فوق بعد كلام اخوي هاز وكلامك يا فيصل الجهاز ممتاز بس كيف الخدمات الي تجي معه ممكن شرح بسيط اذا تكرمت لان اخوي كوتشي شراح حقت البلاك بيري يعني نفس الخدمه و كيف طريقه تفعيلها
الله يبارك فيك , الله على الذكريات هالكلام له اكثر من سنتين
بالنسبة لــE72 فيه خدمة من نوكيا اسمها
Nokia Messaging نفس خدمة البريد حق البلاك بيري من خلال الموقع تقدر تسجل 10 برايد لك وسرفراتهم تراقب لك برايدك اول ماتجيك رسالة تتحول على جوالك وبكذا توفر البطاريه حقت جوالك واستهلاك البيانات (بس لازم تشبك على النت لو دقيقه عشان تجيك الرسايل - حسب فهمي) وبكذا تكون سرفراتهم هي الي تقوم بالعمل بدل جوالك هذي فكرة الـPush Mail بختصار سواء في البلاك بيري او غيره ولاهي حكر على البلاك بيري
طبعاً الخدمه حقت نوكيا مجانيه حالياً للجميع لأنها تحت التجربه لكن متوقع انه راح يكون بفلوس وتقدم من خلال شركات الجوال بعد فتره زي خدمة البلاك بيري لكن حسب اعلان نوكيا ملاك E72 راح يحصلون على رخصة استخدام مجاني مدى الحياة للخدمة هذي
وايضاً راح يكون في ماسنجر خاص بشبكة نوكيا Ovi من خلاله تقدر تتحدث من كل الي مسجلين في شبكة نوكيا Ovi ويملكون جولات نوكيا
البلاك بيري ميزته انها شبكة موحدة عالمياً وسرفراتهم تقوم بضغظ البيانات وتشفيرها عشان تقلل عليك التكلفه لكن هالشي مقابل رسوم لهم داخله في الـ99 ريال الي تدفعها للشركات والمفروض حتى التصفح يكون من خلال سرفراتهم لكن عندنا مخلين التصفح عن طريق شباكات شركات الجوال لأنه لو خلوها عن طريق سرفرات البلاك بيري الخارجيه راح يكون كل شي مفتوح مافي حجب وطبعاً مافي امل يسمحون بالشي ذا عندنا لذلك يعطونك 300 ميجا للتصفح سواء موبايلي او الأتصالات لذلك احس ان الخدمه عندنا معوقه واعرف واحد اشترك فيها ببطاقه مسبقة الدفع من موبايلي ويقول كل ما ارسلت لواحد جمله في الماسنجر حق البلاك بيري ينخصم علي مبلغ من الرصيد فمادري كيف الوضع عندنا هل الماسنجر حقه فعلاً مجاني ولالا انا الي اعرفه ان الماسنجر حقهم مضغوط وبما انك ترسل مجرد كلام text فمافي ذيك التلكفه الي تذكر لكن الأفضل تسأل مجرب خصوصا الي مشترك في الخدمه من خلال بطاقه مسبق الدفع وتشوف كم طلعت التكلفه عليه خلال شهر ! لأن على كذا 100 ريال هذا تجيب لك باقه 1 جيجا بدون خدمة البلاك بيري وراح تكفيك بالراحه لأي ماسنجر على اي جهاز ثاني لأنه مجرد text ولاهو لازم تشبك بجوالك 24 ساعة الا اذا ماعندك جهاز تدخل به النت غيره ويمدحون تويتر !
وعلى الفكره التجوال ترا بحسابه
* في حالة التجوال الدولي، تخضع أجور استخدام البيانات في خدمة البلاك بيري لتعرفة التجوال المتفق عليها بين موبايلي والشبكات الأخرى خارج المملكة العربية السعودية.
http://www.mobily.com.sa/wps/portal/BIS
وطبعاً راح تنحسب عليك تكلفة بيانات لأنك عشان تشبك على سرفراتهم الي في اوروبا وكندا لازم تشبك على النت اول ! وخدمة البلاك بيري الي تقدم للأفراد اسمها BIS يعني BlackBerry Internet Service لذلك انت تدفعم 99 ريال مقابل ان شركة الجوال تربط بينك وبين شبكة البلاك بيري من "خلال الأنترنت" ولا شلون بتوصلك رسايلك وتتكلم بالماسنجر وجوال البلاك بيري اول ماتجيبه يكون خردة لين تفعل خدمة الـBIS ويصير وقتها جوالك مربوط بالنت علطول 24 عشان توصلك رسايل البريد اول باول وطعباً هالشي المفروض مايهم الا واحد تجيه صفقات على بريده ولا رسايل مهمه من الشركه الي يشتغل فيها موب واحد نص بريده سبام ونكت !
مدري ليه احسن فيه سؤ فيهم لخدمة البلاك بيري عندنا
مادري هل فيه احد من الشباب في السعودية مشترك في الخدمه من فتره ؟ ممكن يقول لنا كم كانت الفاتوره هل لاحظ زيادة على الـ99 ريال ؟ (طبعاً بغظ النظر عن تكلفت المكالمات)
هذا غير اجهزة البلاك بيري الموجوده عندنا حالياً بصراحه موصفاتها قديمه واسعار مبالغ فيها واغلبها اجهزه نازله في امريكا من بداية 2008 لما تقارنها مع موصفات الـE72 تحسها شي مضحك يكفي انه يدعم سرعات الجيل الثالث المطور بسرعة 10 ميجا داون لود و 2 ميجا ابلود وكميرة خمسه ميجا بكسل والبلاك بيري جهاز يدعم الجيل الثالث وكميرة 2 ميجا بكسل والثاني كميره 3 ميجا بكسل لكن مايدعم الا الجيل الثاني مدري ليه احس الشركة ذي ملحوسه ماتعرف تسوي اجهزه لوتنزل نظامها للشركات كان افضل لكن واضح نوكيا راح تنسخ كل مميزات نظامها وخدماتها وتخليها بدون اي ميزه !
والي يميز الفئة E من نوكيا انها اكثر وحده نوكيا تحرص عليها وعلى جودتها لأنها موجهه لرجال الأعمال لذلك تلقاها ماتنزل الا بعد تجربه واختبارات طويله لذلك ماتشوف النسخة المطوره من اي جهاز في هذي الفئه في الغالب الا بعد سنه مثل ماحصل مع E71 الي نزل تقريباً في منتصف 2008 وخليفته E72 ماراح ينزل الا اواخر 2009 وايضاً هالطراز يصنع في كوريا حتى نسخ الشرق الأوسط موب في الصين مثل باقي اجهزتهم لذلك تلقاه مصنوع من مواد اكثر جودة و عملي ويعيش معك ولا يبدى يتهربد بسرعه مثل اغلب جولاتهم الثانيه وهذا كلام اغلب الي جربو لفتره E71 يمدحونه وموب قادرين يستغنون عنه حتى ينزل الوريث E72
بالنسبه لأجهزة اللمس من نوكيا انا بصراحه حالياً ماني مقتنع فيها لكن يمكن مع الفئة X الجديد يتغير الوضع خصوصا انه راح تستخدم شاشات capacitive
...انتظر موبايلي خلال الاسبوعين هذي وشوف اسعار الجديد يمكن تطلع كويسه
