8
ديد مان , ياخي خلينا نفرح بشي ونفتخر بيه لول
درجة حلوة ممكن تغطي عالشهادة
\
بخصوص رائز
فتبدا يوم السبت وتنتهي بعد اسبوع
مممممم طويلة شوي صراحة
او بالاصح انا مو فاضي كل هالاسبوع
لو القدرات كمان اسبوع محا اشترك
لان اختباري اصلا يوم الثلوث !_!
/
بخصوص ردك ميستا كو
انا كمان بعرف ناس دخلو الاختبار بدون لا رائز ولا دورات وجابو درجات حلوة
والعكس صحيح
وصراحة قليل مرة اللي جابو درجات حلوة وخشوا الدورة
بس لمن سألتهم عن هية الدورة
قالولي كانت مقاربة لواقع الاسئلة نوعا ما
وساعدت شوي , واعطتنا افكار جديدة في حل مسائل الرياضيات وخدع حلوة
فانا صراحة عجبني هالشي
لغرضين
ممكن استفيد مستقبلا بهالافكار , وطبعا ممكن نجيب درجة احلى بالاختبار الجاي للقدرات ؟
لكن خفت صراحة انه ما استفيد منها فعشان كدا متردد
ومن ناحية ثانية صراحة سعرها عالي -_-
فوق 500 على ما اعتقد
صراحة ما تستاهل دي القيمة
يعني ممكن كل اللي حتفيده الدورة كم درجة بس
عموما اشكركم عالمساعدة الحلوة والمعلومات
وادعولنا انشالله نجيب درجة حلوة يوم الثلوث
\
وبخصوص التحصيلي انا اعرف ناس كثير راحوه بدون مذاكرة وجابو درجات طيبة
لكن الحظ صراحة لعب دوره
غير عن كدا الدرجة الجيدة كانت ما بين 70 الى 80
انا المشكلة ان درجتي بالشهادة واطية كثير
فلابد من التعويض فهالاختبارين
القدرات والتحصيلي
:evil:
والله لقيت مذكرة فيها معلومات مركزة مرة كثير
لكن ما افكر اخدها
افضل اني اتصفح كتاب الاحياء 1 و 2 و 3
ونراجع القرمر بالانقلش
ولو فيه مجال ممكن نراجع الفيزيا ونحفظلنا كم قانون من القوانين السهلة
اما الرياضيات فمراجعته صعبة شوي خصوصا 1 و 2
لانو يحتاج لشرح لو بدنا نركز عليه
وبصورة عامة الماث اسهل شي لانه صراحة كل اللي اتعلمته من 1 ابتدائي لين 2 ثانوي نحن استخدمناه هالسنة فعارفينه
\
هاف انايس تيم
ان قود لك
:
:
