اقول باونتى جرب تعور سياره مصري :yuck: .. لا يحوشك والله تكره عيشتك
لوووووول تذكرت سالفه هم بعد .... هذا سلمك الله قبل لا انا اخلص من المدرسه كان اخوى الكبير اهوا ألي ياخذنا .. ويوم من الايام صارت الهده ورحت لسياره رفيجي وبقت من سيارته كاسيت هع ... وانحشت لسياره اخوى ... ومشينا وقلت لاخوى (( يبت لك شريط يغنى فيه واحد انت تموت فيه مانى معلمك منو اهوا إلا لما تشغله )) كنت ما اعرف ألى يغنى لانى بايقه بالاساس :yuck: .. اخوى انثول وصار تركيزة على الشريط يبي يسمعه ونسا الشارع >_< .. حط اهوا الشريط .. وما طالع للشارع شوي ولاا دووووووب .... دعمنا سياره ... وشوف المصيبه ... منو كان يسوق السياره
وحده مصريه
.. يعنى اذا دعمت مصري ودع بعمرك .. فما بالك مصريه >_<
سيارتها موديلها 1901 .. ما ادري من وين محصلتها... المهم الاخت صفطت على جنب .. وانا راودتنى افكار انى اقول لأخوي ((( انحااااااااااااااااش ))) بس ما ادري ليش ما قلت + اخوى مو قياده .. يعنى لو انحاش مع السرعه بيزيد الطين بلا ويسوي حادث ثانى لانه بسرعه يرتبك <_< .. ونزلنا بنشوف الوضع ... والمصريه نزلت وراح صوب اللوحات الخلفيه وكانت الدعاميه شوي داخله .. وصار تبادل نظرات
قالت (( أيه دلؤتى ))
قلنا لها (( دقى على المخفر ))
قالت (( وانا مالى انت يالى خبطتنى من ورا ))
واحنا (( شكووو ,, انتى الغلطانه مسكتي بريك وماكان في احد جدامج ))
اهى (( مسكت بريك ولا ما مسكتش ... ان شا لله لو طلع لى عفريت ازرق .. مين خبط مين من ورا ))
احنا (( حلو هذى مين خبط مين ... عبالج الى يدعم من ورا اهوا الدايما غلطان ))
المهم صارت تقفيله وتبادل حجي والشارع تصكر من الزحمه .. وقعدت تقول انا عربيتي تونى صابغتها وزوجى حايفضحنى .. واحنا نقول لها دعمتج ما تكلف 5 دنانير .. وتقول (( انتم عيال عز فلوسكم كتيره خلاص عطونى )) اهنى حقدنا عليه :evil:
شوي ولا يمر واحد ...وهو المنقذ خالي :cooool: هع هع
المهم خالى صفط ونزل و مثل دور فاعل خير واحنا سوينا انفسنا ما نعرفه .... واجا يبي يحل المشكله .. جان تروح المصريه له وتتشكا .. اهوا قال لازم اخذ اقوال الجميع علشان اعرف الغلطان .. منى ومناك .. جان يحطها براس المصريه .. واحنا مواهاهاهاهاهاها .. جان تحنج المصريه وتعطلنا وتدق على زوجها .. شوي ولا اهوا ما ادري من وين طالع :gasp: .. وراح لسياره زوجته وقعد يراجع الدعمه واكتشف انه مال امها داعي + شرحنا له انها مسكت بريك مفاجئ .. + شافنا متجمعين والظاهر خاف وما يبي مشاكل
شوي ولا يقول (( كل واحد يصلح عربيته ))
واحنا
:gasp: :gasp: :gasp: :gasp:
ومن ثم دقينا سيارتنا سلف ومشينا
ملاحظة :
بعد الدراسات اتضح انه المصريه غلطانه + ما تستاهل واحد يعطيها حتى دينار لانه اسولبها زفت ومنرفزه للواحد وما عنده اسلوب للتفاهم
ملاحظة 2 :
السياره اهى نفسها الى ارتكبت فيها الجريمه هع هع
ملاحظة 3:
السياره نوعها 1994 FORD Crown Victoria
:cryy: بس للاسف الحين بعناها (( شارينها علشان نتدرب ))
صارت وايد مواقف وياها :cryy:
لوووول وسوري على الانحراف الخارجى للموضوع .. بس حبيت اشاركم بمذكراتى الجميله :kiss:
