موقع تيزر جديد من Namco Bandai America..... الاعلان رسميا عن Tales Of Graces F للغرب

[D1rk-Knight]

^

Tweet: "Those weren't Vesperia logos, only massively warped TOGF images! I had to make a way to keep fans guessing."

إما إنهم يستهبلون أو إنهم يحاولون يستخفون دمهم. :

 

[Hwoarang]

ههههه أكلت المقلب.
خيرها بغيرها

 

[D1rk-Knight]

راح أظل حاقد عليهم إلى أن... وليه أحط حد لحقدي؟
بظل حاقد عليهم إلى يوم الدين، هذه حركة قذرة الصراحة. :crying:
ما كان فيه داعي يحطون جزء من شعار فيسبيريا من أصله.

 

[RE-load]

شباب دحين اكدو graces f localization ؟؟
تعديل : نامكو

 

[D1rk-Knight]

^
يس، أدخل على الموقع الرسمي وبتشوف هذه:-

 

[إحساس]

فرحت من قلب لـ هالخبر .. كنت اتمنى اني اخوض تجربه ثانيه مثل ماخضت تجربة تاليز اوف فيسبيريا الرهيبه فعلا .. [ حس المغامره ] اللي عشته في فيسبيريا ما عشته في اي لعبه ثانيه هذا الجيل .. لكن اتمنى انهم يتلافون الاخطاء اللي حصلت في فيسبيريا .. مع ان الترايلر تبع اللعبه يبين ان الطاقم عرف اخطائه وبدأ يصلحها .. خصوصا [ تعابير الوجوه ] اللي واضح من الترايلر انهم ركزو عليها كثير .. فكرة ان الشخصيه مثل [ الآله ] مايحس ولا يزعل ولا يضحك ولا شي كانت فكره عقيمه .. المحادثات اللي كانت تحدث في فيسبيريا كانت جدا حلوه لكن كان ينقصها تعابير الوجوه واضافة الواقعيه شوي على اللعبه من زعل ومن ضحك وما الى ذلك ..

برضو من الاشياء السلبيه اللي كانت في فيسبيريا هي سهولة الاعداء الزايده .. اشياء كثيره جديده راح تواجهك بالنظام القتالي لكن ماراح تستفيد منها نهائيا .. الاعداء سهلين جدا ومايحتاج منك الا انك تضغط A و B في بعض الاحيان .. فقط لا غير ..

عموما .. تجربة فيسبيريا كانت رائعه .. اتمنى اننا نخوض التجربه مره ثانيه وبتحسينات اكثر واكثر ..

 

[G.SKY]

^
الطاقم حق اللعبه هذي يختلف عن حق فسبيريا
طاقمها هو نفسه طاقم تيلز اوف ديستني ، الي نادر ما نحصل منهم تيلز بالانجليزي (( سوو تيلز اوف ريبيرث ولا شفناها و ديستني ريميك وولا شفناها و اتوقع هارتس اذا ماني غلطان ))
هم اقوى فريق تيلز بالنسبه لي ، يعني ما يحتاج اعبر عن رأيي بالموضوع لول

 

[إحساس]

^

ماكان عندي معلومه عن تغيير الطاقم .. لكن بغض النظر عن هذا الامر اللعبه كـ مظهر الى الان ممتازه وتحسنت كثير عن فيسبيريا .. اتمنى موعد اصدار قريب جدا ..

 

[Mesharey]

في احد يعرف شي عن مستوى تيلز اوف جريسز ؟ هل هي أفضل من فسبيريا ؟

 

[hussien-11]

مشاري ، كل ألعاب تيلز مستواها متقارب @@

 

[صامد]

في احد يعرف شي عن مستوى تيلز اوف جريسز ؟ هل هي أفضل من فسبيريا ؟

حسب ماقرأت من انطباعات بعض الجافرز ان نظام القتال فيها احسن من فسبيريا, غير كذا فسبيريا تتفوق في الشخصيات والقصه الخ الخ.
كل اللي يهمني ان اللعبه تعطيني تجربه مشابهه لفسبيريا, فسبريا من افضل مالعبت من الربج الياباني.

 

[m7tram]

في احد يعرف شي عن مستوى تيلز اوف جريسز ؟ هل هي أفضل من فسبيريا ؟

من الي متابعه وقريته انها حلوه لكن مو أفضل من فسبيريا.

 

[Mesharey]

اها طيب، يعني تجربة تيلز كافية بالنسبة لي P:

بنص تيلز واصل تقريبا ..

بالمناسبة في ديمو ياباني لجريسز نازل من فترة ..

 

[إحساس]

للي يسألون عن مستواها بالاصدار الياباني وعن الانطباعات .. موقع RPGfan قدم اليوم المراجعه الرسميه لـ اللعبه .. وحصلت على ..

90%

الكاتب يثني على النظام القتالي [ الممتاز ] على حسب وجهة نظره .. وقال انه الافضل بالسلسله .. وبرضو اثنى على الالوان المائيه الجميله الموجوده باللعبه ..

لكن من ناحية السلبيات .. ذكر الكاتب نقاط مافهمت معظمها عن القصه .. لكن كان واضح انه يقصد ان القصه كانت على نمط واحد [ مثلها مثل اي جزء لـ سلسلة تيلز ] .. ان كيف ان الصداقه والاتحاد والحب وما الى ذلك اقوى من جميع الاشياء .. الخ ..

برضو الكاتب كان منزعج من الساوند تراك باللعبه .. تكلم عن الرجل اللي كان خلف الساوند تراك وهو Sakuraba واللي قال انه ماقدم اي شي يذكر او قدم اي شي مميز عن سلسلة تاليز .. وقال ان الاستوديو يحتاج دماء جديده من هالناحيه ..

برضو ذكر التمثيل الصوتي ورسوم الشخصيات .. وقال ان التمثيل الصوتي كان متوقع من شكل الشخصيه نفسها .. وماكان فيه اي شي مفاجئ من التمثيل الصوتي < اعتقد كان يقصد ان الشخصيات ناعمه بـ زياده فـ لذلك كان التمثيل الصوتي ناعم ايضا ..

http://www.rpgfan.com/reviews/Tales_of_Graces_F/index.html

صحيح ان النقطه الاخيره تعتبر سلبيه كبيره .. لكن اشوفها من ناحيه اخرى [ اسلوب ] اكثر من انه سلبيه .. سلسلة تيلز كـ كل كان اسلوبها يعتمد على رسوم الشخصيات الرقيقه والناعمه وكانت تعتمد على الالوان كثير .. فـ ما اشوف ان هالشي سلبي .. بالعكس .. لو حصل تغيير كبير بهالشي وتغيرت رسوم الشخصيات وتغير اسلوب اللعبه فـ ماراح يعتبر هالشي شي ايجابي .. يمكن راح تتدمر اللعبه بهالشكل ..

الشي المنزعج منه واللي كان نقطه سلبيه كبيره بحق فيسبيريا .. وهو الساوند تراك .. يمكن اختلف مع البعض لما يقولون ان الساوند تراك سيء في فيسبيريا .. اشوفه عادي جدا لكن مايوصل الى السيء .. يمكن ماكان فيه شي مميز وماكان فيه شي يذكر صراحه .. لكن مع ذلك .. افضّل ان الساوند تراك يكون عادي ولا يكون سيء .. وهذا اللي اتمناه على الاقل في الجزء القادم ..

 

[Zero]

ساكورابا تلحينه يكون "خرافي" عندما لا تكون اللعبة تيلز، شكله يلحن على قد الفلوس اللي تجيه منهم، باقي الألعاب اللي يلحنها و"بعض" أجزاء\تراكات تيلز الساوندتراك فيها خرافي.

 

[Hwoarang]

صحيح ان النقطه الاخيره تعتبر سلبيه كبيره .. لكن اشوفها من ناحيه اخرى [ اسلوب ] اكثر من انه سلبيه .. سلسلة تيلز كـ كل كان اسلوبها يعتمد على رسوم الشخصيات الرقيقه والناعمه وكانت تعتمد على الالوان كثير .. فـ ما اشوف ان هالشي سلبي .. بالعكس .. لو حصل تغيير كبير بهالشي وتغيرت رسوم الشخصيات وتغير اسلوب اللعبه فـ ماراح يعتبر هالشي شي ايجابي .. يمكن راح تتدمر اللعبه بهالشكل ..

ألحان اللعبه ينطبق عليها نفس كلامك
اذا ساكورابا غير أسلوب ألحانه أو أن نامكو شالته فاللعبه بتفقد شئ كبير من أجواءها.

بس ما شايف أن ألحان Vesperia سيئه أو عاديه, أوكي صحيح فيها بعض الألحان السيئه مثل أي لعبه.
لكن ألحان كثيره بها خرافيه جدا.

عموما موقع RPGfan شخصيا ما أخذ على كلامهم أو تقاييمهم, مع أن المفروض يكون موقع ثقه لي لأنه مختص بالـRPG. بس لأ ...