خلينا نتكلم عن موقف الاكس بوكس و خطط مايكروسوفت للمستقبل تحت إدارة فيل سبنسر
خلينا نتكلم على الكونسول نفسه هل مايكروسوفت مهتمة انها تبيع هذا الصندوق الاخضر ؟
اه ولكن لا
ازى ؟
خلينا نقول ايه فائدة الأجهزة المنزلية بالنسبة للشركات الطرف الاول
يعنى ليه اصلا يعملوا جهاز يخسروا منه فلوس! او يكون مكسب ضئيل جدا!
طب هل هى مجرد مبيعات الطرف الاول؟ اينعم انهم مش هيبقوا مضطرين انهم يدفعوا 30٪ عن كل ألعابهم لحد تانى
ولكن ممكن يعملوا متجر خاص بيهم على الpc وينزلوا عليه ألعابهم وشكرا على كدا
فهو مش مجرد مبيعات العاب الطرف الاول ولكن اساسا العاب الطرف الاول من أهم أسبابها هى انها تبقي عامل من ضمن العوامل لشراء الجهاز نفسه
نرجع للنقطة ايه الاستفادة من انى كشركة اخلى الناس يشتروا جهازى؟
هى انهم ينفقوا فى الجهاز دا ذات نفسه يعنى انهم يدفعوا فلوس فى العاب الطرف التالت وانا اخد نسبة 30٪
هتشتري فيفا وتنفق فيها 100$ ؟ انا هاخد 30$ جاهزة
هتشتري 15 لعبة فى السنة بمجموع 900$ ؟ هاخد 270$
او انها تاخد عن طرق الدفع الاخري زى انهم يدفعوا فى خدمة الاونلاين أو اى طرق مشابهة يعنى الجهاز يكون هو ماكينة الatm اللى تسحب منهم فلوس.
هل لم تتسال ليه مايكروسوفت مصحيتش بكرا من النوم قالت احنا هنحصر جميع العابنا الطرف الاول؟
طب مش دا منطقيا هيزود "رقم" مبيعات الجهاز طب ليه اغبية ومعملوش كدا
يعنى حتى لو انت مش بتحب فيل سبنسر شخصيا فهتيجي لعبة تجبرك تشتري الجهاز قد تكون avowed او Hellblade ii او the elder scrolls?
هو دا مش هيخلى مبيعات الجهاز فوق جدا؟ ولكن هسال سؤال
هل مجرد رقم الأجهزة الاكتر هو المقياس اللى بنعبر بيه كانتصار بين الشركات ؟
لا.
انما فى الأساس هو الارباح. It's all about money.
صعب ان الشركات دى تقول على أرباحها اصلا وبالكتير اوى بتقول على الإيرادات ولكن هو دا الاساس ليهم ولكن كل شركة بتسلك طريق مختلف لتحقيق اكبر كمية من الارباح ولكن خلينا حاليا عن طريقة مايكروسوفت .
هل بالكلام اللى فوق يعتبر الكونسول مش مهم بالنسبة لمايكروسوفت؟
لا طبعا مايكروسوفت عايزه يكون هو الجهاز الأساسي للاعبين بحيث انهم يصرفوا فيه بشكل اساسي
اكتر مبيعات gta vi عايزها تكون على ال xbox وهكذا
وعلشان كدا مثلا ليه بيحسنوا فيه وليه عملوه أقوى وليه بيدعموه بخدمات زى ال backward compatible و fps boost وغيرهم او ليه حتى عملوا جهازين؟ يعنى هل هو سد خانة؟ لا هما عايزينه يكون المصدر الأساسي للصرف او للغرض الاكبر وهو الاشتراك فى الجيم باس ( هتكلم عنه بشكل منفصل) ولكن فى نفس الوقت ميكنش مجرد للعب حصريات مايكروسوفت يعنى ميكنش الجهاز موجود فقط علشان ياخدوا منك 60$ ل starfield و 60$ ل avowed والخ يعنى تشترك فى الجيم باس عليه ويكون جاهزك الاساسي اللى بتنفق فيه على الالعاب
2- الجيم باس:
خلينا نقول ان هو دا الاستثمار الاكبر بالنسبة لمايكروسوفت
وعلشان كدا هتحاول انها تحسنه دائما
و تحسن نفسها فى التلت جهات
ال pc و ال xbox وال xcloud
يعنى مايكروسوفت عايز منك تدفع 10$/15$ كل شهر سواء كنت بتلعب على الpc او xbox او xcloud مش فارقة المهم تكون مشترك
ليه مايكروسوفت بتستحوذ على استيديوهات كبيرة ؟
علشان تحسن الجيم باس بشكل أساسي ولكن فى نفس الوقت دا بيقوى الكونسول نفسه يعنى فى ترابط ما بينهم
يعنى عايزين اكتر عدد للجيم باس وفى نفس الوقت اكبر عدد للكونسول نفسه يعنى خد xbox و خد تعالى اشتري الالعاب بشكل أساسي من هنا وتعالى اشترك فى الجيم باس واعتقد أن الشخص دا هو الأكثر منفعة لمايكروسوفت من نظري
مش عايز و معاك pc ?خد تعالى اشترك فى الجيم باس مش عاجبك؟ طب تعالى خد روح اشتري العابنا من على ستيم
بتحب الاجهزة المنزلية؟
معاك موبايل؟ تعالى اشترك فى ال xcloud
فهى مايكروسوفت بتلعب على جميع الجهات وعايزة تلم اكبر قدر من الفلوس
هل ممكن تنجح فى كدا ؟ اعتقد ممكن فى نهاية الجيل دا يحصل على الرغم من ان مش هيبقي عندنا ارقام واخرنا إيرادات و لا اتوقع ان مايكروسوفت هتتخطى سونى من ناحية الأجهزة المباعة ذات نفسها ولكن هتبقي عايزة تلم اكبر قدر ممكن ولكن مش هو دا الشئ الاوحد اللى مايكروسوفت مهتمة بيه انما الاهتمام الرئيسي هو الجيم باس ولكن دا مش معناه ان الأجهزة عديمة القيمة ليهم بالعكس دى عمود من ضمن العواميد ولكنه مش عمود وحيد.
عايز اسالكوا كام سؤال واشوف اجابات الاعضاء
ليه مايكروسوفت لا تحصر العابها على ال xbox ؟
ليه مايكروسوفت مهتمة بالكونسول نفسه ؟
هل تتوقعوا الاكس بوكس فى نهاية الجيل تكون أكثر شركة العاب تحقيقا للايرادات ؟
هل الاكثر مبيعا للأجهزة هو بالضرورة الاكثر ربحا؟ ولو الإجابة اه يبقي انت محتاج تاخد وقت اكتر فى إجابة اول سؤال ولو حتى حصر مؤقت؟
اعتقد الموضوع عايز تنظيم اكتر ولكن بتخنق بسرعة واكتر من كدا همسحه زى غيره ._.
+ لا تشعر بالقلق لو عايز توضح ان احد النقاط اللى ذكرتها غلط تماما
+ لا تشعر بالقلق لو عايز توضح ان احد النقاط اللى ذكرتها غلط تماما
