موضوع مساعدة Photoshop الرسمي

[king zell]

بما إن في أشخاص كثير ممكن يستفيدون منه حبيت أفتحه كموضوع خاص طبعا أنا أعتبر نووب بالبرنامج.. لكن جالس أتعلم في شي حيرني ما عرفت له طريقة سهلة رغم بحث طويل في جوجل فرضا إني سويت صورة جديدة خلفيتها بيضاء و لها أبعاد معينة.. و أبغى أحط لها إطار border بلون معين كيف ممكن أسوي هالشي؟

 

[Colorization]

Select All (لو ما صارت بإختصار الكيبورد Command+A روح لقائمة Select واختر All)
بتشوف الصورة تحددت
Edit > Stroke

Width: حجم الإطار، ١ مناسب و٢ بولد، أي شي أكثر يرجع لذوقك الخاص
Color: لون البوردر
Location: إختر Inside

طق أوكي، تادا 😀

 

[G7Ga7]

Location: إختر Inside

مو افضل لو يخليه Center?

 

[Nemesis Zone]

يعطيك العافيه كنت ناوي افتح موضوع يخص تبادل الخبرات لبرامج التصميم

تصغير حجم الصوره بدون فقدان الرزلوشن فيه طرييقه (مثلا عايز اصغر صور ه معينه واخليها افاتار 100 في 100 )

بس الرزلوشن يضيع تقريبا .....

 

[king zell]

Select All (لو ما صارت بإختصار الكيبورد Command+A روح لقائمة Select واختر All)
بتشوف الصورة تحددت
Edit > Stroke

Width: حجم الإطار، ١ مناسب و٢ بولد، أي شي أكثر يرجع لذوقك الخاص
Color: لون البوردر
Location: إختر Inside

طق أوكي، تادا 😀

و هذي اللحظة اللي الواحد يحس فيها إنه غبي لول شكرا محمد !

 

[Colorization]

جحجاح، يعتمد على اللي تبيه، لو فتحت صورة وبس تبي إطار حواليها حط Inside. لو إخترت Outside راح يكون خارج حدود الصورة (ما راح يظهر الإطار، إنرسم برا) ولو إخترت بالنصف راح يكون... بالنصف، يعني لو تختار Center 2 هي نفسها Inside 1 (لأنه بالسنتر راح يعطي ١ داخل و ١ برا، ولأنك ما بتشوف اللي برا بيكون ظاهر لك الداخل فقط).

Nemesis Zone إفتح ملف يديد بالرزلوشن اللي تبيه، وافتح الصورة اللي تبيها، وانقلها للعمل اليديد. بعدين، اضغط Control+T (بالماك Command+T) وروح لأحد الزوايا لكن صغرها بالضغط على Shift، راح تتصغر الصورة محافظةً على أبعادها الأصلية.

ولكم محمد ومنت غبي 😀

 

[Zero]

يعطيك العافيه كنت ناوي افتح موضوع يخص تبادل الخبرات لبرامج التصميم

تصغير حجم الصوره بدون فقدان الرزلوشن فيه طرييقه (مثلا عايز اصغر صور ه معينه واخليها افاتار 100 في 100 )

بس الرزلوشن يضيع تقريبا .....

بعض الصور لما أصغرها تخترب الحواف وتصير ممسوحة ، لما تصغر صورة كبيرة جدا بكل بساطة جرب اعمل فلتر Sharpen بعد ما تصغرها ولاحظ الفرق.

 

[hussien-11]

اذا بتحب تتعلم على الفوتوشوب ، أهم شي تسويه انك تشتغل على البرنامج كثير ، أقترح ساعتين يوميا كحد أدنى ، غير هيك ما رح يكون فيه أي فايدة ، الفوتوشوب تطبيق و تدريب أولا قبل كل شيء .

من أهم الأشياء الي ممكن تمر عليك هي : كيف تبدأ تتعلم البرنامج ؟ أفتح دروس و أطبقها و خلاص و لا كيف ؟ لا الأفضل طريقة تعليمك للبرنامج تكون منظمة و مرتبة

أول شي تسويه .. تعلم تفهم و تستخدم كل الـTools الموجودين في البرنامج بإتقان .
ثاني شي تسويه ، جرب كل شي ! مثلا جيب صورة واضحة و طبق عليها كل الفلاتر الموجودين في البرنامج واحد واحد و شوف تأثيرهم ، جرّب الفراشي ، كل ما جربت أكثر كل ما صار عندك تخيل أحسن لقدرات و إمكانيات البرنامج و ايش ممكن تسوي فيه .
تدرب كثير قد ما تقدر على أدوات التحديد ( selection tools ) لأنهم أساس في أي شي ثاني .
لازم تفهم كويس مبدأ الـlayers في البرنامج ، البرنامج كل اعتماده على اللايرات و دمجها و طريقة توظيفها بأحسن شكل ممكن .
حاول تركز كثير على :
الـmask
الPen Tool
تدرب عليهم كثير قد ما تقدر

حاول تبدأ بتعديل الصور ، عدل صور قد ما تقدر باستخدام التولز الي تعلمتهم ، بس حاول تعدلهم بإتقان بحيث الي يشوفهم ما يحس أو يدري انه هذي الصورة تعدلت أو تغير فيها شي ، خلي شغلك نظيف و احترافي و متقن و اصبر على نفسك .
الان ابدأ التصميم على المساحات الفاضية ، جرب و قص صور و حاول تلعب بالخلفية قد ما تقدر و شوف ايش بيطلع معك
طبق دروس كثيرة على التصميم قد ما تقدر ، بس بالبداية طبق دروس بسيطة أو متوسطة و بعدين بتطبق دروس أصعب .

و أي مساعدة ماحد بيقصر هنا بإذن الله .
​

 

[Leon]

يا سلام على الموضوع .. لي فترة وحلان وجالس أخبص في البرنامج 😛 .


شباب عملية القص , مثلاً عندي صورة فيها محتويات كثيرة ومتفرقة باللون الأخضر .. أبغى أقص اللي باللون الأخضر كله وأحذفه من الصورة .. كيف ؟

ضموني إلى قائمة النوب اللي راح يستفيدوا من هالموضوع 😱


تعديل : تسلم حسين 🙂 .

 

[Dr.Manhattan]

^استخدم اداة الماجك واند(مب متاكد من اسمها)و عدل الخيارات الي فوق لين تصير مناسبة

 

[Mista Koo]

أنا أختلف معاك حسين.. اللي مرة ما يعرف ولا شي يبي له يطبق دروس بسيطة عشان يتعلم الأساسيات (عالأقل أنا كذا تعلمت)

كان في دورة ابتدائية حلوة في منتدى المنتدى بس للأسف اللينكات خربانة من قبل كم سنة.. ممكن أرفع جزء منها لو حصلته على جهازي

تحرير:

حاول تركز كثير على :

الـmask​

​

تصدق ما عمري استخدمت هالشي :laugh::؟ يبي لي أتعلم عليه أتوقع يفيدني كثير (قبل فترة بسيطة بديت أستخدم الـclipping mask وريحني كثييير)

 

[X-SRI-X]

عن نفسي تعلمت الفوتوشوب بالممارسة
وكل الي عليك تسويه
تجيب تصميم قوي
وتحاول تسويه
كيف ؟
اولا تشوف كيف تم تصميمها وايش هي الحركات الي تم عملها للتصميم عشان تسويها
فلو وقفت عند نقطة معينة ( حركة ما عرف تسويها ).. حاول تسويه باي طريقه بحيث تدور لك شروحات وتسويها ( وراح تتعلم اكثر وتستفيد اكثر ايضا )
واستمر حتى تخلص التصميم
وبعطيك مثال بسيط

المكونات هي :
صورة النار
واي بعد التحديدات البيضاء ( القوس الي مكتوب بنصه tg والخط الابيض العريض في نص التصميم )
ومكتوب كلمتين ( الناري + TG )
ولا ننسى الدائرة الكبيرة ( السوداء )
وكذلك نصف الدائرة الشفافة اعلى التصميم

الاساليب في التصميم

اولا تم وضع دائرة سوداء
تم رسم التحديدات البيضاء
تم كتابة الكلمات في اماكنها المحددة
ثم تم وضع صور النار في المكان المطلوب وبعد ذلك تم تحديد الدائرة السوادء واعكاسهم لحدف معكوس الدائرة
ثم اضافة بعد المؤثرات ( layer >>> layer style ) على كافة عناصر التصميم
واخيرا وضع نصف دائرة شفافة في الاعلى لتبدوا وكأنها زجاج

طبعا ما راح تفهم شي من الي قلته
بس الي اقصده حاول تقلد التصاميم القوية وراح تستفيد كثير لأنك لم تبي تقلد تصميم فيه اساليب متعددة .. راح تتعلم اساليب هالتصميم وبيصير خبرة اكثر

 

[Leon]

^استخدم اداة الماجك واند(مب متاكد من اسمها)و عدل الخيارات الي فوق لين تصير مناسبة

بجربها إن شالله , تسلم ياغالي .

 

[nbnt]

شباب عملية القص , مثلاً عندي صورة فيها محتويات كثيرة ومتفرقة باللون الأخضر .. أبغى أقص اللي باللون الأخضر كله وأحذفه من الصورة .. كيف ؟

اذا كان اللون درجته وحده اضغط على Select بعدين Color range واضغط على اللون وحدد الـFuzziness و بعدها ok تلقائياً حتشوف التحديد على اللون اللي تبغى تحذفه, اضغط delete في الكيبورد 😀

اذا التحديد حوافه غلط, اضغط على Select وبعدها Modify وشوف اللي تبغى من Border, Smooth, Expand الخ

ما ادري اذا فيه طريقة افضل, لكن هذا اللي استخدمه اذا كنت ابغى احذف مناطق متفرقه لونها واحد ودرجتها وحده.

 

[Leon]

اذا كان اللون درجته وحده اضغط على Select بعدين Color range واضغط على اللون وحدد الـFuzziness و بعدها ok تلقائياً حتشوف التحديد على اللون اللي تبغى تحذفه, اضغط delete في الكيبورد 😀

اذا التحديد حوافه غلط, اضغط على Select وبعدها Modify وشوف اللي تبغى من Border, Smooth, Expand الخ

ما ادري اذا فيه طريقة افضل, لكن هذا اللي استخدمه اذا كنت ابغى احذف مناطق متفرقه لونها واحد ودرجتها وحده.

ممتاز , دوبي جربتها وجربت الماجيك ووند وكلها تؤدي للشي اللي أبغاه , بس هل في فرق بين الطريقتين ؟

 

[nbnt]

ممتاز , دوبي جربتها وجربت الماجيك ووند وكلها تؤدي للشي اللي أبغاه , بس هل في فرق بين الطريقتين ؟

كلها تؤدي "تحديد" لكن اذا عندك صوره فيها لون متفرق في كل جهه فالابسط والاسرع انك تستخدم طريقة الـColor range 😀

 

[Leon]

كلها تؤدي "تحديد" لكن اذا عندك صوره فيها لون متفرق في كل جهه فالابسط والاسرع انك تستخدم طريقة الـColor range 😀

أها أوكي وصلت .. حلو أول معلومة في الجيب , تسلملي 🙂 .

 

[Niessu7]

البان تول الوسيلة الافضل لقص الشخصيات والمجسمات

، الماجيك وواند ممتازة في حالة ان الشيء الي تبي تقصه خلفيته بلانك ومو في كل الاحوال يكون خيار جيد .

وما أنصح با استخدام الفلاتر بشكل دائم عموماً الا وقت الحاجة الفعلية لانها الردي عن أشياء ممكن تسويها انت زي ماتحب .

 

[Leon]

البان تول الوسيلة الافضل لقص الشخصيات والمجسمات

، الماجيك وواند ممتازة في حالة ان الشيء الي تبي تقصه خلفيته بلانك ومو في كل الاحوال يكون خيار جيد .

وما أنصح با استخدام الفلاتر بشكل دائم عموماً الا وقت الحاجة الفعلية لانها الردي عن أشياء ممكن تسويها انت زي ماتحب .

ممتاز إذاً Color range و Magic Wand للألوان و Pen Tool للمجسمات , طيب دوبي جربتها وأظن يبغالها تعود شوية ولا ؟ .. لأنه طريقتها غريبة 😕

 

[The Bloodstains]

طيب واللي مو مهتم بالـPhotoshop لكنه يبغا يتعلم الـIllustrator، ما له مكان؟

بخاطري من زمان اني اتعلم Illustrator بس شفت اي موقع يبدي معاك من الصفر، فالي عنده اي موقع، يا ليت يشاركنا اياه.

 

[Majeed]

ممتاز إذاً Color range و Magic Wand للألوان و Pen Tool للمجسمات , طيب دوبي جربتها وأظن يبغالها تعود شوية ولا ؟ .. لأنه طريقتها غريبة 😕

يبيلها تعود بقوة .. بس البن توول من أقوى أدوات الفوتو .. تسيطر عليها تسيطر على الفوتو بنظري ..

 

[X-SRI-X]

طيب واللي مو مهتم بالـPhotoshop لكنه يبغا يتعلم الـIllustrator، ما له مكان؟

بخاطري من زمان اني اتعلم Illustrator بس شفت اي موقع يبدي معاك من الصفر، فالي عنده اي موقع، يا ليت يشاركنا اياه.

بصراحة الاليستراتر مش بصعوبة الفوتوشوب
واعتقد بيكون فيه مواقع
مثل
http://www.ndesign-studio.com/resources/tutorials/
http://www.tutvid.com/tutorials/illustrator/tutorials/thePenTool.php

 

[Lord of Cinder]

حاول تركز كثير على :
الـmask
الPen Tool
تدرب عليهم كثير قد ما تقدر​

​

وات !! بين تول صعب جدا التعلم عليها ما يعرف لها غير المحترفين . وهو مبتدأ باقي

+ محمد الصورة بتكون في لاير جديد صح . اوك اختار اللاير وبعدها شوف ايقونة متكوب عليها FX . اضغطها واختر اول خيار . بعدها بينفتح لك نافذة عاليسار فيه مربعات . حط صح عالاخير واضغط على الكلمة نفسها وبعدها حط السمك واللون اللي تبغاه

 

[Id]

خبرتي في الفوتوشوب "هذا اذا تستمى خبره" تعلمتها من الممارسه فقط حتى في تولز ما اعرف وش اسمها بس حافظها بالشكل .. بس الحمدلله قدرت أقدم اشياء ترضيني و جالس اتعلم زياده ..

فوتوشوب CS3 أول برنامج فوتوشوب اشتريه من بعد ما كنت مقرصن لهالإبداع و اخذته بتخفيض نسخة الطلاب أول ولايزال من أفضل البرامج الي اشتريتها في حياتي ..

نظرة على الإبهار القادم في CS 5

[youtube]<object width="425" height="344"><param name="movie" value="http://www.youtube.com/v/dgKjs8ZjQNg&color1=0xb1b1b1&color2=0xcfcfcf&feature=player_embedded&fs=1"></param><param name="allowFullScreen" value="true"></param><param name="allowScriptAccess" value="always"></param><embed src="http://www.youtube.com/v/dgKjs8ZjQNg&color1=0xb1b1b1&color2=0xcfcfcf&feature=player_embedded&fs=1" type="application/x-shockwave-flash" allowfullscreen="true" allowScriptAccess="always" width="425" height="344"></embed></object>[/youtube]

متى يصدر بس ..

 

[hussien-11]

أنا أختلف معاك حسين.. اللي مرة ما يعرف ولا شي يبي له يطبق دروس بسيطة عشان يتعلم الأساسيات (عالأقل أنا كذا تعلمت)

كان في دورة ابتدائية حلوة في منتدى المنتدى بس للأسف اللينكات خربانة من قبل كم سنة.. ممكن أرفع جزء منها لو حصلته على جهازي

تحرير:

[/center]
تصدق ما عمري استخدمت هالشي :laugh::؟ يبي لي أتعلم عليه أتوقع يفيدني كثير (قبل فترة بسيطة بديت أستخدم الـclipping mask وريحني كثييير)

لول بشو تختلف معي ؟ هذي أساسيات تعليم أي شي في الدنيا مش الفوتوشوب بس P:

omg

عمرك ما استعملت الماسك ؟ *____*

الماسك مهم جدا في البرنامج و رح يسهل عليك أشياء كثيرة .. و بعدين انت مستواك ماشالله مميز في الفوتوشوب لذلك مو مقبول انك ما تكون تعرف لشي أساسي مثل هذا P:

 

[Nemesis Zone]

Colorization يعطيك العافيه وهدا التطبيق

رغم اني استخدم نفس الطريقه بس بدون زر الـSHIFT طلع فعال 😀

 

[Zero]

زر Shift يخلي كل شيء مستقيم حتى حركة الفرشاة والقلم وكل شيء مو بس الـFree transform

 

[Mista Koo]

ممتاز , دوبي جربتها وجربت الماجيك ووند وكلها تؤدي للشي اللي أبغاه , بس هل في فرق بين الطريقتين ؟

كلها تؤدي "تحديد" لكن اذا عندك صوره فيها لون متفرق في كل جهه فالابسط والاسرع انك تستخدم طريقة الـColor range 😀

لا ما في فرق أبدا
بالنسبة للجهات المتفرقة.. استعمل الماجيك واند وشيل الصح من :Contiguous

طيب واللي مو مهتم بالـPhotoshop لكنه يبغا يتعلم الـIllustrator، ما له مكان؟

بخاطري من زمان اني اتعلم Illustrator بس شفت اي موقع يبدي معاك من الصفر، فالي عنده اي موقع، يا ليت يشاركنا اياه.

في دورة للأساسيات في منتدى المنتدى.. بس مو متأكد إذا اللينكات بعدها شغالة ولا لا (ناوي أتعلم عليه قريبا إن شا الله)

 

[hussien-11]

على فكرة الاليوستريتر أساسياته - نوعا ما - متشابهة مع الفوتوشوب ، لذلك الي بيعرف فوتوشوب الأرجح بيتعلم عليه أسرع ..

البرنامج هذا = فن حقيقي ، الرسم والتصميم هم بالأصل مهمة الاليوستريتور أكثر بكثير من الفوتوشوب ، و الشغل الي بتطلعه عليه مش ممكن تطلعه على أي برنامج ثاني

هذا مثال

مثال ثاني

البرنامج اعتماده الأساسي على الـVector جرافيكس و ليس الراستر مثل الفوتوشوب و أغلب البرامج الأخرى ، و هذي هي ميزته الأساسية عن غيره .

​

 

[BioMario]

ممتاز ..
شباب الفوتوشوب برنامج رهيب و سهل للجميع لكن الإحتراف فيه صعب جداً ويبيله ممارسة أهم شي مثل ما قال حسين

إن شاء الله رح أساعد بقدر ما أقدر :happy: