العشوائيات موضوع ماذا تفكرون؟ | الموسم ٢/ الرجاء قراءة القوانين باول رد قبل المشاركة.

[fatal framer]

ما في باند هنا و لا هناك لربع نقاش الاعراس ^__^

ليش شصاير ؟

 

[Kain]

ليش شصاير ؟

كل خير

 

[ELOO]

أخيرا قدرت اخذ اجازة ، المشكلة ينزل الراتب وأبدأ دوام

 

[Arashi]

الاعراس .. بالنسبة ليي يعني عيوووش

=======

اغرب حدث صار ليي بعرس .. كنا ما زلنا بالجامعه و احد زملاء الجامعه بيتزوج
وبنروح انا واحد الزملاء (( ما كان عندي سيارة وقتها )) .. صدمة حياتي .. لما اكتشفت لما وصلنا فيلتهم (( قصرهم )) .. ان العرس خلط
بس الباقي مشفر .. ليلة لا تنسى

وهي يات عالخلط؟ حفلات البنات أتعس XD
مره انعزمت على حفلة بنات تنكرية بمناسبة تخرج صديقة (في 2009) ومع اني اعرف صاحبة الحفلة من 10 سنين (وقتها) ومتزوجه وعندها عيال واعرف أهلها وتأكدت من وجود الكبار في الحفله وان المعازيم أوادم وكل شي...
اتفاجأ ان مافي أهل لا كبار ولا شي، والاشكال اللي جايه اعووووووذ بالله عاهه ورا ثانيه ونصهم أشباه رجال X"D
وعاد قلبوا الحفله 21+ لو مب 18+، ومحد كان ادمي في الحفله الا احنا 7 قاعدين على طاوله وحده قرفانين، صاحبة الحفلة كذبت وهي تدري اني أكره المسترجلات كره العى =.="
وكنت جايبه معاي اختي الصغيره على أساس حبيت ارويها الدنيا وكانت توها مراهقه P:
اتصلت بالأهل "رجعوني البيييييييييييييييييييييييت"
وشردت بأختي خارج القاعة وقلت لها انسي كل اللي جفتيه هههه وقعدنا عند السيكيوريتي لين جات السيارة.
اعوذ بالله من يومها حرمت احضر حفلات بنات @@"

العبرة: لا تروح قصور وقاعات، لا تروح حفلة بدعوة مفتوحة "تعال وجيب معاك اللي تبي"، خل سيارتك عند الباب عشان تقدر على طول تشرد (هالكلام للبنات طبعا P: ).

 

[Veeto]

مره انعزمت على حفلة بنات تنكرية

هذي بعد صدمة من صدمات الحياة .. كنت افكرها بس عند الاجانب او الافلام .. صدمتي لما اكتشفت انها بيننا موجودة

 

[Arashi]

هذي بعد صدمة من صدمات الحياة .. كنت افكرها بس عند الاجانب او الافلام .. صدمتي لما اكتشفت انها بيننا موجودة

وازيدك، طلعت حفلة هالوين مب تنكرية عادية، مسرح عليه مجسمات هياكل عظمية ضخمة وديكور سحره وظلام وليتات بألوان تخرع ودخان وحاله تقول قاعدين يحتفلون في وسط جهنم X"D

الاجانب يسوون هالامور علني، عندنا بالخش خاصة بعد ما صارت وزارة الداخلية تتدخل في هالامور الحمدلله 3:

 

[Hugo]

وهي يات عالخلط؟ حفلات البنات أتعس XD
مره انعزمت على حفلة بنات تنكرية بمناسبة تخرج صديقة (في 2009) ومع اني اعرف صاحبة الحفلة من 10 سنين (وقتها) ومتزوجه وعندها عيال واعرف أهلها وتأكدت من وجود الكبار في الحفله وان المعازيم أوادم وكل شي...
اتفاجأ ان مافي أهل لا كبار ولا شي، والاشكال اللي جايه اعووووووذ بالله عاهه ورا ثانيه ونصهم أشباه رجال X"D
وعاد قلبوا الحفله 21+ لو مب 18+، ومحد كان ادمي في الحفله الا احنا 7 قاعدين على طاوله وحده قرفانين، صاحبة الحفلة كذبت وهي تدري اني أكره المسترجلات كره العى =.="
وكنت جايبه معاي اختي الصغيره على أساس حبيت ارويها الدنيا وكانت توها مراهقه P:
اتصلت بالأهل "رجعوني البيييييييييييييييييييييييت"
وشردت بأختي خارج القاعة وقلت لها انسي كل اللي جفتيه هههه وقعدنا عند السيكيوريتي لين جات السيارة.
اعوذ بالله من يومها حرمت احضر حفلات بنات @@"

العبرة: لا تروح قصور وقاعات، لا تروح حفلة بدعوة مفتوحة "تعال وجيب معاك اللي تبي"، خل سيارتك عند الباب عشان تقدر على طول تشرد (هالكلام للبنات طبعا P: ).

وازيدك، طلعت حفلة هالوين مب تنكرية عادية، مسرح عليه مجسمات هياكل عظمية ضخمة وديكور سحره وظلام وليتات بألوان تخرع ودخان وحاله تقول قاعدين يحتفلون في وسط جهنم X"D

الاجانب يسوون هالامور علني، عندنا بالخش خاصة بعد ما صارت وزارة الداخلية تتدخل في هالامور الحمدلله 3:

اتوقع الموضوع كان رد فلاغ من اوله

احس الحفلات التنكرية كرنج كبير وغريبة عندنا، طبعا كل شخص له الحرية بشرط يكون محتشم ومحترم المجتمع حوله …

 

[خشبة]

اتوقع الموضوع كان رد فلاغ من اوله

احس الحفلات التنكرية كرنج كبير وغريبة عندنا، طبعا كل شخص له الحرية بشرط يكون محتشم ومحترم المجتمع حوله …

اي محتشم كذا مالهم الا لبس scream

 

[abdullah-kh]

حفلات تنكرية؟ زواج مختلط؟ أحس بصدمة ثقافية ترى معقولة هذا عندنا

 

[Dark_N11]

حفلات تنكرية؟ زواج مختلط؟ أحس بصدمة ثقافية ترى معقولة هذا عندنا

مليان بجدة و بالرياض الحفلات التنكرية بوقت الهالوين و عادة تكون للبنات فقط

هذي بعد صدمة من صدمات الحياة .. كنت افكرها بس عند الاجانب او الافلام .. صدمتي لما اكتشفت انها بيننا موجودة

موجودة بشكل علني بدبي تقريباً بكل الملاهي الليلية وقت الهالوين

 

[Veeto]

حفلات تنكرية؟ زواج مختلط؟ أحس بصدمة ثقافية ترى معقولة هذا عندنا

تخيلني عاد انسان قروي بسيط ما تعرف على هالعالم وتخيل الصدمة الثقافية الواقعية اللي عشتها
لدرجة بعد عشرين سنة للحين تفاصيلها في مخي

 

[Unknown]

يدي تحكني اكتب سوالف مشابهه لسوالفكم لكن يا الرد بيطير او انا بطير

 

[Arashi]

اخييييييييييرا خلصنا من عند القراصنة ودخلنا عالقاره اللي تشبه افريقيا واول شي سويته فيهم قطيتهم في جدر يغلي عشان يكونون قرابين لوحش النهر.
احب أسوي مراسيم تضحيه، حلمي تحقق X"D

Chakula Chakula

اتوقع الموضوع كان رد فلاغ من اوله

احس الحفلات التنكرية كرنج كبير وغريبة عندنا، طبعا كل شخص له الحرية بشرط يكون محتشم ومحترم المجتمع حوله …

في عيلتنا سويناها كم مره من زمان بس كانت محترمه وبريئه فتخيلت الموضوع جذي هههه خاصة يوم قالت الكبار جايين وبيتنكرون XD

حفلات تنكرية؟ زواج مختلط؟ أحس بصدمة ثقافية ترى معقولة هذا عندنا

من التسعينات وعندنا يسوون حفلات تنكريه بس بين الأهل والاصدقاء ولا لها علاقه بالهالويين.
بس الظاهر تغير مفهوم الحفلة التنكريه مع القرن الـ21

 

[Unknown]

الحفلات التنكريه معايشها من الطفوله .. صراحه ما استغرب الي ينصدم انها كانت موجوده عندنا بالسعوديه وتحديدا الرياض لول
انا مثلا خوالي =/= عماني مختلفين في كل شي .. خوالي انت تتعايش مع ناس مواليد امريكا وفرنسا وناس معششين باليونان
فتشوف عيد ميلاد فلان وتنكر وكيك وبالونات الخ .. اما جهة الوالد الامور كلها رسميه وقبليه بشكل قوي! فطور غدا عشاء ذبايح ولحم

plot twist امي وابوي من نفس العائله لكن السيتنق لكل عائله غير

 

[fatal framer]

الحفلات التنكريه معايشها من الطفوله .. صراحه ما استغرب الي ينصدم انها كانت موجوده عندنا بالسعوديه وتحديدا الرياض لول
انا مثلا خوالي =/= عماني مختلفين في كل شي .. خوالي انت تتعايش مع ناس مواليد امريكا وفرنسا وناس معششين باليونان
فتشوف عيد ميلاد فلان وتنكر وكيك وبالونات الخ .. اما جهة الوالد الامور كلها رسميه وقبليه بشكل قوي! فطور غدا عشاء ذبايح ولحم

plot twist امي وابوي من نفس العائله لكن السيتنق لكل عائله غير

نفس الحال معاي بالضبط والله مع انه من جهة امي خوالي مو من مواليد هالدول يمكن يسافرون لها

انا ولد خالي تزوج امريكية شوف العجب العجاب

 

[Unknown]

نفس الحال معاي بالضبط والله مع انه من جهة امي خوالي مو من مواليد هالدول يمكن يسافرون لها

انا ولد خالي تزوج امريكية شوف العجب العجاب

لا الحمدالله محد تهور وتزوج من برا .. كلهم سعوديين لكن مواليد هناك

 

[Arashi]

لا بأس ان تحب نفسك فقط، المهم يكون في قلبك محبه لأحد

 

[Hugo]

اقدر اجادل بأن افضل شعور هو شربة ماء زلال بعد ظمأ في يوم قائظ

 

[Unknown]

اقدر اجادل بأن افضل شعور هو شربة ماء زلال بعد ظمأ في يوم قائظ

ايس كريم بعز الظهر .. حاججني يا فيكتور هوقو

 

[Hugo]

ايس كريم بعز الظهر .. حاججني يا فيكتور فوقو

علشان يجيني صداع الايسكريم لا شكرا

 

[Avicenna]

علشان يجيني صداع الايسكريم لا شكرا

اولن تتكلم عن السيناريو الاكثر احتمالاً:
"شمس في عز الظهيرة يعني ان الايسكريم تتحول لحالتها السائلة.. هنا يصير لديك نصف كوب حليب بارد على قطعة بسكويت.. ترجع البيت وانت شكلك صانع جريمة. هنا تقول وداعاً لهيبتك وقيمتك الاجتماعية ومكانتك بين اصحاب الطبقة الراقية. وها هي الايسكريم تحول عضواً فعالاً في المجتمع لمنبوذ ينتقده كل من هب ودب."

 

[Tohi]

أدري إن موضوع مثل هذا يمكن مب المفروض يُطرح في موقع ألعاب....لكن دام في ناس تكلمت عن أشياء مثل أعراس وحفلات تنكرية، فليش لا

هو مثل سؤال..يعني نصيحة إجتماعية، إذا كنت وسط أشخاص كنت في يوم تعتبرهم أصحابك، وفهمك عن الأصحاب مختلف كثير منهم (يعني هم يشوفون إنك لازم تقولهم بكل شيء يحصل في حياتك، ولازم دائمًا تمشي معاهم، وهكذاو وانت مب كذا وما تفرق معك هالأمور) المهم مع الوقت حتى إنت تغيرت من دون لا تحس وصرت تسوي أي شي عشان ترضيهم، تروح أماكن يمكن ما تحبها بس عشانهم هم، وقفت معهم في كل مواقفهم الصعبة، المهم، مع الوقت فجأة لقيت نفسك تغيرت للأسوأ (ويمكن هذا كان من تأثيرهم السيء عليك في بعض الأمور) وتكتشف إنك كنت في الواقع مثل مجبور إنك تصاحبهم طول الوقت (عشان خاطرهم) وانت من أول مب فارقة معك يعني...بس المهم لما تكتشف الشيء هذا متأخر كثير...وش بتسوي وقتها؟
الشيء اللي انت فعلًا ودك تسويه، هو إنك تتتركهم وتجلس لحالك....بس تحس إن ذي بتصير أنانية منك بعد ما حسستهم إنك قريب منهم مرة؟
هذا الشيء صاير معي.....وأحسه صدق أثر فيني بشكل سيء ولي كم يوم نفسيتي (وحتى صحتي) متضررين بسببه. أنا من أول كنت أكره فترة الجامعة، هالأيام أنا أكرهها بزيادة.
أعرف إنه نص المشكلة بل يمكن ثلاثة أرباعها بسببي، المفروض ما أدخل أي أحد حياتي بسهولة، وصدق فهمت المنطق اللي يقول إنه الواحد لازم يخلي كل علاقاته سطحية إلا لأشخاص نادرين تلقاهم نعمة من ربنا. هذا يمكن يكون درس مهم لي لقدام.
ولكن الحين صدق ما عد صرت أعرف وش أسوي.

ويعني نعتذر عن ذي الدراما... لكن انا بعتبر الموضوع وكأني حفيد مراهق يحكي مشاكله لأجداده، لعلهم يفيدونه من خبرتهم الحياتية ويحسسونه إنه الموضوع سخيف وما يستاهل
يمكن أكثر شيء مؤثر معي صدق هو إنه في فترة الجامعة هذي الدولة بكبرها اتغيرت...الإغتراب وما أدراك ما الإغتراب، أسوأ شيء لما يكون اغتراب في بلدك.

 

[fatal framer]

أدري إن موضوع مثل هذا يمكن مب المفروض يُطرح في موقع ألعاب....لكن دام في ناس تكلمت عن أشياء مثل أعراس وحفلات تنكرية، فليش لا

هو مثل سؤال..يعني نصيحة إجتماعية، إذا كنت وسط أشخاص كنت في يوم تعتبرهم أصحابك، وفهمك عن الأصحاب مختلف كثير منهم (يعني هم يشوفون إنك لازم تقولهم بكل شيء يحصل في حياتك، ولازم دائمًا تمشي معاهم، وهكذاو وانت مب كذا وما تفرق معك هالأمور) المهم مع الوقت حتى إنت تغيرت من دون لا تحس وصرت تسوي أي شي عشان ترضيهم، تروح أماكن يمكن ما تحبها بس عشانهم هم، وقفت معهم في كل مواقفهم الصعبة، المهم، مع الوقت فجأة لقيت نفسك تغيرت للأسوأ (ويمكن هذا كان من تأثيرهم السيء عليك في بعض الأمور) وتكتشف إنك كنت في الواقع مثل مجبور إنك تصاحبهم طول الوقت (عشان خاطرهم) وانت من أول مب فارقة معك يعني...بس المهم لما تكتشف الشيء هذا متأخر كثير...وش بتسوي وقتها؟
الشيء اللي انت فعلًا ودك تسويه، هو إنك تتتركهم وتجلس لحالك....بس تحس إن ذي بتصير أنانية منك بعد ما حسستهم إنك قريب منهم مرة؟
هذا الشيء صاير معي.....وأحسه صدق أثر فيني بشكل سيء ولي كم يوم نفسيتي (وحتى صحتي) متضررين بسببه. أنا من أول كنت أكره فترة الجامعة، هالأيام أنا أكرهها بزيادة.
أعرف إنه نص المشكلة بل يمكن ثلاثة أرباعها بسببي، المفروض ما أدخل أي أحد حياتي بسهولة، وصدق فهمت المنطق اللي يقول إنه الواحد لازم يخلي كل علاقاته سطحية إلا لأشخاص نادرين تلقاهم نعمة من ربنا. هذا يمكن يكون درس مهم لي لقدام.
ولكن الحين صدق ما عد صرت أعرف وش أسوي.

ويعني نعتذر عن ذي الدراما... لكن انا بعتبر الموضوع وكأني حفيد مراهق يحكي مشاكله لأجداده، لعلهم يفيدونه من خبرتهم الحياتية ويحسسونه إنه الموضوع سخيف وما يستاهل
يمكن أكثر شيء مؤثر معي صدق هو إنه في فترة الجامعة هذي الدولة بكبرها اتغيرت...الإغتراب وما أدراك ما الإغتراب، أسوأ شيء لما يكون اغتراب في بلدك.

لا بالعكس موضوع مهم طرحه الصداقة الزائفة مشكلة كبيرة

يعني لما يكون اعز اصدقائي متعرف عليه من ايام المتوسطة وبدينا نطلع مع بعض بالثانوية وعلى اساسها تعرفنا على واحد وقمنا نطلع مع اخوه وصرنا اربعة

وعلى كل المشاكل اللي تصير منهم لانهم مايحسون او يعترفون بغلطهم القى نفسي انا اللي اصالحهم انا اللي اتواصل

اهو مو موضوع اني ملاك اكيد لي اخطائي بروحي بس اذا صار اي شي مايتحملون مني ولازم انا اللي اتحملهم وما ازعل

اول مرة اشوف اصدقاء تقولهم نقعد بكافيه يقولون ماياخذون راحتهم بعكس المطعم ومن ظهري متفقين اني السبب بهالشي لاني اسولف وايد واخرب عليهم الطلعة

لو ارجع واشوف المواقف اللي صارت صج ما يستاهلون اي شي سويته لهم لانه لو كان يبين المعروف فيهم ماعاملوني بهالطريقة

احس تمنيت لو اني كنت بروحي وايد احسن

 

[Arashi]

ويعني نعتذر عن ذي الدراما... لكن انا بعتبر الموضوع وكأني حفيد مراهق يحكي مشاكله لأجداده، لعلهم يفيدونه من خبرتهم الحياتية ويحسسونه إنه الموضوع سخيف وما يستاهل

يا فتااااااااااه خذي راحتج، واحنا الشياب بنفيدج من تجاربنا باذن الله XD
هالامور ممكن تحصل في اي محيط وللعلم حتى بين الاهل والأسرة الواحدة، صدقيني. الزمن تغير.
اعلاقه اللي وايد فيها تضحيات ولا يتم تقديرها لدرجة المسامحة عالاخطاء انسيها نهائيا. ودام تغيرتي بسببهم فمعناه هم ضارين عليج.
اقول لها لج عن تجارب مع نفس الشخاص صبرت فوق الـ20 سنه والوضع من سيء لأسوأ لين غشلت يدي عنهم.
طبعا ما أقصد انصح تقطعينهم من الحين، توكم صغار ومع التخرج وايد ناس تتغير للأفضل وعندي ناس تغيرت الحمدلله وناس صارت اسوأ ربي يهديها.
الفكره حاليا حاولي تكونين معاهم رسميه شوي ولا تعطين وانتي مب قادره، ولا تسوين وانتي مب مقتنعه، وحاولي تحسسينهم انج... امممم شاقول.. مب يعني تتكبرين عليهم بس كأنهم شويييييه جايفه نفسج عليهم، هههه اقصد يعني شوي cool وcharismatic ان يكون فيج ثقل لا تروينهم انج "OMG انا احبكم"، لا! عطيهم شعور اللي "أوكي انا قاعده معاكم برضاي ومزاجي واذا تمشون معاي زين اهلا وسهلا واذا ما عبجتكم فـdeal with it". ايضا حاولي شويات تقعدين مع مجموعه غيرهم لا تعطين مجموعه وحده كل وقتج، جذي يكون لدج قدر اكثر لما يعرفون ان لج علاقات مع اخرين وانهم لو تركوج يوما ما فانتي مب خسرانه ولا وحيده ^^
وسواءا تخطئين معاهم او لا الصداقه الحقيقيه فيها صبر ومسامحه ومصارحه، ومن ما يخطئ؟ عشرة عمر بتجوفون في بعض اخطاء وبتتهاوشون وتجرون شعور بعض وهذي ضريبة ان الناس تكون قريبه من بعض XD

so الفكره هنا ان تحسسينهم ان لج قيمه وكرامه ^_^

ربي يسهل امورج ويهديج ويهديهم لج ^^

 

[Hugo]

قريت بأن موسم امطار هالسنة هو الاسوء في تاريخ طوكيو، ناقص 22 يوم عن المعتاد واستهلاك الكهرباء عندهم شكل ازمه الى حد ان الحكومة تطالب الناس بتقليل تشغيل الاجهزة عصرا !

كل هذا ودرجة الحرارة عندهم 35

 

[Veeto]

وتكتشف إنك كنت في الواقع مثل مجبور إنك تصاحبهم طول الوقت (عشان خاطرهم) وانت من أول مب فارقة معك يعني

فيه نقطة جوهرية اساسية .. لازم في كل العلاقات تنرسم .. وتنرسم مو بينك وبين الطرف الثاني .. بينك انتي وبين ما تريدينه من تلك العلاقة

يعني في وضعك الحالي .. هل هؤلاء .. زملاء دراسة .. اصدقاء ((مكان )) .. او اصدقاء عمر .. من هم اصدقاء العمر ؟
لما تحددين اطر العلاقة بعدها تحددين العلاقة نفسها وشلون تتعاملين وياها .. فيه مشكلة عامة بالمجتمع الانثوي

ان العمل كله (( تحت الحزام )) .. يعني حتى اراشي قعدت تلف وتدور على نفس المفهوم تقريبا .. اظهري اقل ما يمكن او بعبارتها تكبري عليهم

الفكره حاليا حاولي تكونين معاهم رسميه شوي ولا تعطين وانتي مب قادره، ولا تسوين وانتي مب مقتنعه، وحاولي تحسسينهم انج... امممم شاقول.. مب يعني تتكبرين عليهم بس كأنهم شويييييه جايفه نفسج عليهم،

هذي تبعات المجتمع الانثوي .. بالمختصر سايريهم في الظاهر .. ولا تتنازلين للخطوات والاشياء اللي تضايقش بس قدمي هالامور بفن .. فيه كتاب اسمه قوانين القوة ال 48

بتحتاجينه كثير .. فيه مفاهيم جيدة للتعامل من ضمنها تكلمي اقل ما يمكن .. واخفي نواياك

اول مرة اشوف اصدقاء تقولهم نقعد بكافيه يقولون ماياخذون راحتهم بعكس المطعم ومن ظهري متفقين اني السبب بهالشي لاني اسولف وايد واخرب عليهم الطلعة

لو ارجع واشوف المواقف اللي صارت صج ما يستاهلون اي شي سويته لهم لانه لو كان يبين المعروف فيهم ماعاملوني بهالطريقة

شلون عرفت ان السبب انك (( تسولف وايد ؟ ))
قالوا لك او انت اكتشفت .. او واحد منهم اللي قال
اذا قالوا لك .. فعلى الاقل هم قالوا لك عيب تصلحه
اذا واحد منهم اللي قال لك هالكلام .. فمحتاج انت تتحرى الدقة ب ليش هو قال لك .. وتعلم تواجه .. واجههم

عندك مجموعه اسئلة لازم تسال نفسك ..
انت شنو متوقع منهم ؟ يعني اصدقاء العمر هذولا انت متوقع منهم شنو ؟
السؤال الثاني .. انت صديقهم ليش .. هل لانك تعرفهم من المتوسطة ؟
السؤال الثالث .. هل لما تسوي خير او معروف .. انت تنتظر امتنان او رد او شنو بالضبط ؟ وبعطيك اياها من الاخير .. اذا اي معروف بتسويه بتنتظر وراه شي .. ما بتحصله
وبتفقد اشياء كثيرة .. من ضمنها (( الامتنان )) .. لان حتى لو حصلت شي .. ما بيعجبك لانه مو الشيء اللي توقعته

خل لك مبدء .. انا اسوي معروف .. لاني انا راعي معروف
اسويه لانه صح .. واسويه بدون ان انتظر شيء .. ادري انك تعتقد ان هالشي مثالي .. بس لما تبدء من الامور الصغيرة
ابتسامة لغريب بالشارع .. تفتح الباب لشخص بيمر وهكذا
بتشوف حتى الحالة اللي كنت تمر فيها من الاسئلة (( ليش هم يسوون ليي جذي )) بتشوفها تنشال من مخيلتك

الحياة قصيرة .. لا تضيعها بالتفكير باللوم او العتاب

 

[fatal framer]

شلون عرفت ان السبب انك (( تسولف وايد ؟ ))
قالوا لك او انت اكتشفت .. او واحد منهم اللي قال
اذا قالوا لك .. فعلى الاقل هم قالوا لك عيب تصلحه
اذا واحد منهم اللي قال لك هالكلام .. فمحتاج انت تتحرى الدقة ب ليش هو قال لك .. وتعلم تواجه .. واجههم

واحد قالي منهم شدعوة هالنوعية يصلح معاها هالحوار

عندك مجموعه اسئلة لازم تسال نفسك ..
انت شنو متوقع منهم ؟ يعني اصدقاء العمر هذولا انت متوقع منهم شنو ؟

ولا شي بس ماحب الكذب ماحب النفاق ماحب عدم تقديرهم

هل لما تسوي خير او معروف .. انت تنتظر امتنان او رد او شنو بالضبط ؟ وبعطيك اياها من الاخير .. اذا اي معروف بتسويه بتنتظر وراه شي .. ما بتحصله

بنفس اللحظة تقصد اكيد لا بس اهم من هالنوعية تاخذ ماتعطي

الحياة قصيرة .. لا تضيعها بالتفكير باللوم او العتاب

شدعوة هاميني اذا اهم مو كفو صحبة فراقهم عيد

الفكرة لما تشوف انه في بينا عشرة عمر تحسب انهم بيقدرون هالشي

 

[Invader Zim]

ما فيه شي احسن من النوم المنظم
تقوم في الصباح نشيط وتقدر تسوي اي شي

 

[Kain]

قريت بأن موسم امطار هالسنة هو الاسوء في تاريخ طوكيو، ناقص 22 يوم عن المعتاد واستهلاك الكهرباء عندهم شكل ازمه الى حد ان الحكومة تطالب الناس بتقليل تشغيل الاجهزة عصرا !

كل هذا ودرجة الحرارة عندهم 35

هالكوكب انتهى ما تبقى كثير

 

[Hugo]

هالكوكب انتهى ما تبقى كثير

ممكن تبقى على البشر القليل بس الكوكب باق ومش اول مرة يصير احتباس حراري في تاريخه الطويل …