العشوائيات موضوع ماذا تفكرون؟ | الموسم ٢/ الرجاء قراءة القوانين باول رد قبل المشاركة.

[Veeto]

بما أنكم جبتم سيرة النوم فيه شيء ملاحظه
ليش الاطفال الصغار خصوصا ماقبل الدراسة يعني 4سنوات وكذا يرفضون النوم ويقاومون
عندي بنت اختي الصغيرة تجننن الواحد وقت النوم
مابي أنام أبي أكل ابي مدري أيش

الحلاوة (( السويتس )) اذا من ضمن ماكولاتهم فهذي منشطة
واذا الواحد نشيط شلون يروح ينام ؟

الشيء الثاني انهم يحبوا يقضوا وقت مع الاهل فيطلعوا كل حججهم قبل النوم علشان يطول اليوم .. هذا للاطفال العاديين عاد تخيل اذا عندك طفل فيه فرط نشاط !!!

بنتي الكبيرة كانت ما تنام لا صبح ولا ليل .. وفي قمة حيويتها طول اليوم .. لما بتنام تصير switch off يعني مو تتعب وتروح للسرير وتالي تنام .. مرة وحدة تشوفها متوجهة للسرير ونايمة

 

[retha]

ليتني أعرف أرسم

 

[retha]

هواجيس ما قبل النوم الي تصلح فكرة لروايتك لكن ما فيك حيل تفتح جوالك تكتبها... وتضيع...

 

[Kain]

الوضع يحتاج ايس كريم

 

[إبراهيم 906]

الحلاوة (( السويتس )) اذا من ضمن ماكولاتهم فهذي منشطة
واذا الواحد نشيط شلون يروح ينام ؟

الشيء الثاني انهم يحبوا يقضوا وقت مع الاهل فيطلعوا كل حججهم قبل النوم علشان يطول اليوم .. هذا للاطفال العاديين عاد تخيل اذا عندك طفل فيه فرط نشاط !!!

بنتي الكبيرة كانت ما تنام لا صبح ولا ليل .. وفي قمة حيويتها طول اليوم .. لما بتنام تصير switch off يعني مو تتعب وتروح للسرير وتالي تنام .. مرة وحدة تشوفها متوجهة للسرير ونايمة

ما أتوقع الأكل هو السبب الرئيسي
احسه سبب نفسي
أنا أتوقع أنهم يفكرون انهم إذا ناموا أننا بنخليهم ونهرب
أو يمكن مثل ما قلت يبون يقضون وقت أطول مع أهلهم
هي تحب خالتها ولكن ما تلتقي معها إلا بعد العصر فيمكن تبي تظل معها وقت أطول

 

[إبراهيم 906]

الوضع يحتاج ايس كريم

افتح موضوع ما هو ايسكريمك المفضل

 

[Kain]

افتح موضوع ما هو ايسكريمك المفضل

العضو المطلوب غير متاح حاليا , الرجاء الاتصال في وقت لاحق

 

[Arashi]

تكسرون الخاطر ..
انا من بعد الزواج الله انعم عليي باعظم نعمة .. من احط راسي على المخدة .. انام ..

سهر العزوبية ولا نومة الزواج P:

 

[Invader Zim]

 

[Hugo]

الله يعطينا الي عندك اذا تزوجنا

أنا عندي عادة غريبة أن ما ارقد الا لما كل شيء هادئ تماماً حولي يعني لو اسمع أقل صوت حتى لو سخانة الماي في السطح ما يجيني نوم كلش، في السفر ما اعرف انام في نفس الغرفة مع شخص ثاني اذا يشخر عادي اتم قاعد لين الفجر وانام اربع ساعات لين ما اقوم قريب الظهر والشيء يخرب المزاج تماماً...

اغبط الي يناموا عادي جداً بين الازعاج وناس تدخل وتطلع وتتكلم وتضحك بصوت عالي واصوات عالية ولسه ما همه ويذهب لأرض الاحلام :/

 

[Hugo]

@retha

هاليومين قمتي تُفرجين عن أساريرك

 

[Kain]

سهر العزوبية ولا نومة الزواج P:

الموضوع يحتاج تصويت الصراحة بين العزاب و المتزوجين

 

[Veeto]

سهر العزوبية ولا نومة الزواج P:

تقول احلام .. اللي ما يطول العنب .. حامض عنه يقول

 

[Arashi]

الموضوع يحتاج تصويت الصراحة بين العزاب و المتزوجين

لا نفتح على نفسنا باب من البواب جهنم XD

تقول احلام .. اللي ما يطول العنب .. حامض عنه يقول

ما يحتاي، زفرة هالعنب فايحه من بعيد

 

[Kain]

لا نفتح على نفسنا باب من البواب جهنم XD



ما يحتاي، زفرة هالعنب فايحه من بعيد

حان الوقت يا اراتشي ليعرف الناس جنة العزوبية ^__^

اقول زفره هو عنب و لا سمك

 

[Veeto]

لا نفتح على نفسنا باب من البواب جهنم XD



ما يحتاي، زفرة هالعنب فايحه من بعيد

نفسها احلام تقول

انت في وهم و خيال ... تبني قصر ٍ من رمال
تدري ليه هب الشمال ... ينجلي الغيم و يزول


في النهايه و الختام ... راح تعلن الانهزام
الفعل غير الكلام .... صارع امواج السيول

وهذا احنا ننتظر نهايتش وبنشوف

 

[Arashi]

حان الوقت يا اراتشي ليعرف الناس جنة العزوبية ^__^

اقول زفره هو عنب و لا سمك

اللي يفقد هالنعمه مستحيل يفهمها U_U
عنب مسمّج

نفسها احلام تقول

انت في وهم و خيال ... تبني قصر ٍ من رمال
تدري ليه هب الشمال ... ينجلي الغيم و يزول


في النهايه و الختام ... راح تعلن الانهزام
الفعل غير الكلام .... صارع امواج السيول

وهذا احنا ننتظر نهايتش وبنشوف

خلاص وصلت هالعمر وانا ثابته على رايي وhappier than ever
واجوف ربعي المتزوجات المساكين شلون عايشين وكبرانين 20 سنه اكثر مني. الله يكون في عونهم U_U

 

[Kain]

نفسها احلام تقول

انت في وهم و خيال ... تبني قصر ٍ من رمال
تدري ليه هب الشمال ... ينجلي الغيم و يزول


في النهايه و الختام ... راح تعلن الانهزام
الفعل غير الكلام .... صارع امواج السيول

وهذا احنا ننتظر نهايتش وبنشوف

و نفسها احلام تقول:

انا اريد كنتاكي ... إذا ما في كنتاكي على الاوتيل راح اعمل مشكل كبير

 

[Veeto]

و نفسها احلام تقول:

انا اريد كنتاكي ... إذا ما في كنتاكي على الاوتيل راح اعمل مشكل كبير

لا هذي احلام ما بعد ٢٠١٠ .. وهذيك احلام التسعينات

 

[Unknown]

على الطاري ..

 

[Aqua_]

أقول للعزاب الزواج فخ لا تتزوجوا
البداية جنة بعدين من يجو الاطفال لا راحة ولا نوم (&)

 

[R E D]

أقول للعزاب الزواج فخ لا تتزوجوا
البداية جنة بعدين من يجو الاطفال لا راحة ولا نوم (&)

بترجع جنة ان شاء الله بس يكبرون (&).

 

[Arashi]

أقول للعزاب الزواج فخ لا تتزوجوا
البداية جنة بعدين من يجو الاطفال لا راحة ولا نوم (&)

بالضبببببببط خاصة هالزمن أغلب الاطفال يعانون من مشكلة فرط الحركة (ليش؟) @@

بترجع جنة ان شاء الله بس يكبرون (&).

لما الشعر يبيض والوجه ينترس تجاعيد. حلاتها الجنه وانت شباب وصحه P:

 

[MOSU]

بترجع جنة ان شاء الله بس يكبرون (&).

بعد ماتجيك كل الامراض منهم وش الفايدة ؟

 

[R E D]

بعد ماتجيك كل الامراض منهم وش الفايدة ؟

عيل خلك قوي وتحمل بدون ما تجيك الأمراض (&)

ادري الكلام سهل بس مو قادر أتخيل نفسي شايب وماعندي عيال (&)، نجازف ولا نقعد وحيدين آخر عمرنا، طبعا هذي وجهة نظري الشخصية مع احترامي للكل، كل واحد وعلى حسب وضعه.

 

[Veeto]

عيل خلك قوي وتحمل بدون ما تجيك الأمراض (&)

ادري الكلام سهل بس مو قادر أتخيل نفسي شايب وماعندي عيال (&)، نجازف ولا نقعد وحيدين آخر عمرنا، طبعا هذي وجهة نظري الشخصية مع احترامي للكل، كل واحد وعلى حسب وضعه.

ما عليك منهم .. تزوج وجيب عيال .. شوف من اللي يعاني الارق المتزوجين لو هم

جنة وجنة وكل واحد فيهم متملل او سهران ويحاتي او وياه أرق ويعاني

 

[إبراهيم 906]

أغلب الاطفال يعانون من مشكلة فرط الحركة (ليش؟) @@

المصدر قدعنه من عندي

 

[R E D]

ما عليك منهم .. تزوج وجيب عيال .. شوف من اللي يعاني الارق المتزوجين لو هم

جنة وجنة وكل واحد فيهم متملل او سهران ويحاتي او ويا أرق ويعاني

والله العزوبية لها جوها ما أقولك لا بس راح تمل وكلنا نحتاج شريك مثل ما نحتاج نشرب ماي، والعيال اكيد شيء طبيعي مع الوقت ان شاء الله.

حسن الإختيار، الصراحة بدون تصنع وشوية ذكاء وتوفيق من الرب وان شاء الله المفروض الحياة تصير أفضل مو أسوأ (&).

المهم الله كريم ويديم راحة البال والسعادة على الكل ويرزق الأبطال اللي بيجازفون بأحسن شخص (&).

 

[Aqua_]

بترجع جنة ان شاء الله بس يكبرون (&).

تفكير ايجابي *thumbs up*
بالتوفيق أيها الجندي

بالضبببببببط خاصة هالزمن أغلب الاطفال يعانون من مشكلة فرط الحركة (ليش؟) @@
لما الشعر يبيض والوجه ينترس تجاعيد. حلاتها الجنه وانت شباب وصحه P:

قريت من فترة تغريدة مضحكة توصف تربية الاطفال مثل عملية جراحية دقيقة في المخ (&)
من جد لاحظت كثرة مشكلة "فرط الحركة" في هذا الزمن
ما شاء الله كانهم شاربين ريدبول مع قهوة (@)

 

[R E D]

تفكير ايجابي *thumbs up*
بالتوفيق أيها الجندي

قريت من فترة تغريدة مضحكة توصف تربية الاطفال مثل عملية جراحية دقيقة في المخ (&)
من جد لاحظت كثرة مشكلة "فرط الحركة" في هذا الزمن
ما شاء الله كانهم شاربين ريدبول مع قهوة (@)

ولج أيضا، الله يعينك بس عليج بالصبر.