موضوع الميديا لـــ Grand Theft Auto V (صور - فيديوهات - معلومات)

[Veeto]

خالد انت ما فهمت كلامي .. انا قلت رده الفعل "مبالغه" ... و ما تكلمت بسوء عن مستوى اللعبه .. بس صراحه شايف الناس ت"اومج" بزياده على اشياء عاديه

كلام الناس مبني على تجربة المنتجات السابقة وتوقعهم لجودة المنتج الحالي .. لما اشوف تنوع البيئات
من صحراء الى جبال الى ريف الى (( حفارة تنقيب نفط )) الى الفلل والاحياء الفقيرة الى المحيط وما تحته !
بالنسبة الى المتابع العادي يمكن ما يدقق في هالامور .. لكن انا الفان لاعمالهم المترقب لعملهم الجديد

اللي اتمناه يكون تعديلي لـ 4 .. اشوف كل هالامور وتخليني اتخيل كل انجازات الرابع مضاف اليها كل هالتحسينات
بتخليني اقول .. اومج .. التريلرين .. وكل واحد افضل من الثاني .. طريقة تعامل روك ستار المختلفة معانا احنا الفانز
تنزل صور .. واخبار .. وتريلرات بناء على رغبة الناس عكس منتجاتها السابقة .. اعلان .. وتنتظر لشهر الاصدار وتبدء حملاتهم الترويجية

اصلا .. الفانز بس باعلان اللعبة رسميا .. بتبدء ردات الفعل .. بدون اي شي .. ما بالك بكل هالصور

اعلان فيلم دارك نايت .. كان تيزر بشعار باتمان يتكسر .. ومقطع صوتي للجوكر .. عفس الانترنت والفانز فوق تحت
وبدت التحليلات و الفجعات والاومج .. ما تقدر تلوم الفانز .. لانهم فانز !

 

[Sir Guts]

كلعبة ساندبوكس تتفوق عليها ووتش دوجز

و اذا Watch Dogs طلعت لعبة للجيل الجديد و بعدين؟

عرض Watch Dogs الي شفناها كان ديمو PC .. تتوقع عرض GTA عرض ديمو PC بعد؟

ماعتقد........

 

[Wild Fox]

فارس ايه تقنيا .. يمكن في شغلات ما اعرفها اشرحها لي
و لو تلاحظون نص كلامكم عن غيبيات .. الشركه رهيبه و بتسوي لعبه رهيبه .. اوك ما اختلفنا لكن التمجيد وصل مراحل زي افضل لعبه في الجيل وزمدري ايش و كل اللي انشاف ما يتعدى 5-6 دقايق
خالد ما تقدر تقول شفت الرابع كيف كان ؟ اجل الخامس كيف ؟ .. المنطق ذا غلط .. ماكس بيين 3 اقرب مثال و في غيرها العاب كثير
طبعا الفانز بيطبلوا لاي شي و بيتحمسوا مع كل شي .. انا لعبت جتا من اجزاء ال2d ، و اعتبر نفسي فان صراحه لكن اعطي كل شي حقه من غير مبالغه !

 

[FANTASTIC DREAM]

@ ويلد فوكس

قلي اللي تبغاه وانا اشرحلك ماعندك مشكله لول

 

[Wild Fox]

انت صاحب الحجه .. اشرحلي وجهه نظرك .. لول !
لا من جد لا تتهرب ... احب اقرا اراء الكل

 

[FANTASTIC DREAM]

لاحظ التفاصيل المتواجده في ووتش دوجز وموديل الشخصيات والانيميشن وتعابير الوجوه . حاجه واضحه وضوح الشمس انها افضل تقنيا من جتا 5 .هذا اللي تبغاني اشرحلك اياه :/

 

[hemo memo]

^
ماتقدر تقارن لان هذي جيل وهذي جيل.

 

[kiryu]

أحس إن واتش دوجز راح تطلع مقلب نفس AC3
بعيدها و أكررها لاتثق بتريلرات يوبي سوفت:sadwalk:

 

[Wild Fox]

لول
هو بس لازم اعرف وجهه نظرك عشان اعرف كيف اناقشك ... بس خلاص وفرت علي رد طويل 🙂

 

[FANTASTIC DREAM]

طيب هو قالي وش تتفوق عليها قلتله. ووتش دوجز بغض النظر عن جيل قادم وجيل حالي عموما إذا قصدك في هذا الجيل مافي جاجه تتفوق عليها

 

[FANTASTIC DREAM]

طيب دورك تشرحلي ياويلد فوكس كيف وفرت عليك رد طويل ؟ اللي في بالك قوله عادي :/

 

[Veeto]

اوك ما اختلفنا لكن التمجيد وصل مراحل زي افضل لعبه في الجيل وزمدري ايش و كل اللي انشاف ما يتعدى 5-6 دقايق

عرض ميتال جراوند زيرو ما يتجاوز 7 دقائق .. الجيم بلاي ما تتجاوز دقيقتين اذا مو اقل
لكن بمجرد رؤية العرض تعرف حجم الابجريد .. رؤية الرادار في ايد بيج بوس والمنطقة وطريقة التنقل بالهيلوكبتر او الجيب عطتك فكرة خلابة
للنظر للامام الى مستقبل السلسلة .. يمكن للمتابع العادي ما يدقق في هالامور لكن هذي وظيفة التريلر والتيزر والصور المعلنة

هدفها انها تجذب الفانز تخليهم يسبحون في افكارهم يتامل حجم المنتج نفسه .. ويبدء في رفع عدادات الهايب
هالهايب مبني صح .. مستحيل لاي نوع ميديا او غيره يكون هالهايب صح .. لانك ما شفت المنتج النهائي

ليش من قبل بداية موسم 2010 .. مشجعي الريال .. عفسوا الدنيا فوق تحت بعد صفقات بيريز
مع ان الفريق ما لعب ولا مباراة وحدة وكل واحد فيهم .. يقول لك الثلاثية والعاشرة .. مع انهم قبل الصيف مصقوعين 6 وعلى ملعبهم من غريمهم

هدف التريلر والصور .. انها تعطيني مؤشرات اقدر فيها اقول هذي لعبة الجيل .. الى ان تنزل يبقى هالشي ضمن اطار الهايب

الفرق بين عرض كيل زون 2 في اي 3 .. 2005 .. وعرض جراند ثيفت 5 .. واقع تجربة الناس الى منتجات روك ستار

 

[Wild Fox]

جراوند زيرو سلسله بقصه مترابطه .. الناس سرحت بافكارها في القصه و تحليلها و على اخراج كوجيما اكثر من الامور الثانيه ... المقارنه غير عادلة روكستار جالسه تبني الهايب تدريجيا و هذا واضح و محد اختلف عليه ... احس اننا نطلع عن الموضوع كل مرة .. عشان الخص اللي انا اقوله المعلومات الصادره عن اللعبه من صور و تريلرز=\= او ما يستاهل اللي جالس اقراه من ردات الفعل صوره الحوت هذي و لا اللي هو اشوفها عاديه و بل ناقصه كمان ! المشكله تحسسوني اني انتقص من اللعبه و هذا الشي غلط !

 

[Old Snake]

مهمة أقفز بجيب من فوق طيارة -- مهمة ألحق سيارة محملة يخت عشان شخص معلق بالشراع -- مهمة في قطار وأقفز منه قبل لا يحصل تصادم -- عالم اللعبة أكبر من آخر ثلاث عوالم نزلتها روكستار -- لأول مرة باللعبة تلعب بثلاث شخصيات بثلاث سيناريوهات والآن أكتشفنا بأننا بنغوص في البحار بشكل حرفي...هذي نبذه فقط من اللي كشفوه في السابق حتى الآن, همممم يب تستاهل كل التهييب والـOMGــات اللي أنقالت حتى الآن.

 

[Veeto]

الموضوع وما فيه مو نعتقد انك تنتقص .. بس طريقتك بمقاربة او مقارنة المواضيع مختلفة
جراوند زيرو صح الفانز المتابعين للسلسلة يسرحوا في تحليل شخصية الرجل المحروق

بس هذي نفسها بالضبط اللي يعيشها فان جراند ثيفت اوتو .. لما اشوف المهمة اللي فيها القفز من النوافذ
واسمع كلام هاوزر على ان محور قصة اللعبة بيكون عمليات سطو كبيرة على البنوك واتذكر مهمة سرقة البنك في جراند 4
وفوقها يقولون ان المهمات بتكون بطريقة البناء لمهمة كبيرة مثل ريد ديد - 5 الى 6 مهمات تمهيد لمهمة كبيرة -
شلون ما تبغيني اسرح او اقول ان هذي قفزة جبارة جدا وخطوة طموحة من روكستار

لما يخلون مثل ما ذكر حمدي 3 شخصيات قابلة للعب في نفس الوقت وبكبسة زر وحدة اتغير من الى
وانا اتخيل مثلا مللي وانا في مهمات السياقة في 4 وشلون كانت بتكون افضل لو انا كنت المرافق بدل ما اغافص واعاني في التحكم
ما بين قيادة السيارة والتصويب .. هالمرة اقدر العب نفس المهمة .. انا السايق او انا المرافق .. كل هالامور ما تقدر تخليني اقول اومج

لما تشوف لقطة للجبال والريف مثلا .. او صورة الحوت مثلا .. انت تطالعها يمكن بنظرة عادية
انا افكر .. بنوعية التجوال في هالمناطق .. وصورة تحت البحر يعني مهمات فيها غوص

هذا هدف التريلر + التيزر و الصور

 

[Assassin'o]

أيوة GTA V لعبة الجيل.. ببساطة شوفوا إلى أي مدى وصلت فيه روكستار مع ألعاب الساندبوكس، من جتا 4 إلي مجمع عليها الكثيرين بوحدة من افضل الالعاب في التاريخ.. رابع أعلى تقييما بجيم رانكينج و الأولى بميتكريك.. إلى ريد ديد ريدبشن اللعبة المتكاملة من جميع النواحي، حتى القصة و السينمائية إلي ماعمرها كانت شيء يمثّل أهمية في ألعاب العالم المفتوح قدمتها بشكل خرافي.

عارف هذي من فريق سان ديجو و الثانية من نورث لكن شوفوا العوامل الكثيرة المشتركة بين هاللعبتين.. إستوديوها روكستار -مؤخراً- بالغالب تشترك و تتساعد بالعمل على مشروع واحد.. إذا ماكان الفريق بشكل مجمع فأقلها أسماء مشهورة تساهم بهذا العمل -راجعوا ويكبيديا- وهذا شي طبيعي بما إن آحنا جالسين نتكلم عن مشاريع مكلّفة جداً جداً و الأضخم بهذي الصناعة.

آوكِ لا أحد يذكر لنا ماكس بين 3 أو آل نويرا هنا كدعم في إبراز نقطة النقاش إلي حاب يثبتها -ولو إني ما أوافق الإنتقادات المبالغة إلي تجيهم- أي شخص متابع لأعمال روكستار يعرف تماماً إختصاصها بالمقام الأول و الشيء إلي تبدع بمجاله على الدوام هي ألعاب الساندبوكس. بينما لا ماكس بين 3 و لا آل نويرا ألعاب ساندبوكس.. غير إن بالأساس مشروع آل نويرا كان من فريق خارجي مش من إستوديوهات روكستار، و ماكس بين 3 ماجاتها الإنتقادات إلا من "نتائج" إختلاف فريق التطوير.

عشان الخص اللي انا اقوله المعلومات الصادره عن اللعبه من صور و تريلرز=\= او ما يستاهل اللي جالس اقراه من ردات الفعل صوره الحوت هذي و لا اللي هو اشوفها عاديه و بل ناقصه كمان !

إيش تبغى أكثر ؟ صورة القرش و الغواصة و كل مايتعلق بهذي الأمور عادية.. لكن يارجل خلنا منقطيين هنا إحنا جالسين نتكلم عن لعبة "عالم مفتوح" وحط تحتها مليون خط أحمر.. تقدم عالم ضخم و يمكن الأضخم بنوعها حتى الأن و بيئات متنوعة مصممة بعناية و كل منها تحسها عالم لوحدها و حط تحت هذي ترليون خط أحمر.. تقدم TPS محترم و ميكانيكية قيادة محترمة بالوقت نفسه! ما أقلل من حق جراند زيرو ولكن مقارنة بالشيء إلي أظهرته بعرضها وإلي أظهرته GTA V حتى الأن شيء مايستحق المقارنة.. عيب بالأساس، خصوصاً إحنا بالنهاية قاعدين نتكلم عن "ألعاب" هنا نبغى منها جيم بلاي بالمقام الأول.

اللي اتمناه يكون تعديلي لـ 4 .. اشوف كل هالامور وتخليني اتخيل كل انجازات الرابع مضاف اليها كل هالتحسينات
بتخليني اقول .. اومج

.

 

[Assassin'o]

[video=youtube;0Ux7F_Foz1Q]http://www.youtube.com/watch?feature=player_embedded&v=0Ux7F_Foz1Q#![/video]

 

[Wild Fox]

ردود زي حق مشاري تخليني اقول اللي اقوله .. مع احترامي لشخصك طبعا مشاري
اما لعبه جيل ؟ لسه ما نزلت عشان تحكم !! و وين ال tps و القياده و مدري ايش حسستني انك جالس تلعبها من ورانا ؟
السلسه العبها من اجزاء ال 2d و لا اذكر في جزء ما كملته الا حق لندن اتوقع .. انا فان للعبه يا جماعه :/
الظاهر اني عجزت وفقدت حسي ال"اومج"ي مع العمر .. على العموم اللعبه بتطلع ممتازه ان شاء الله و بنلعبها و ننبسط

 

[Sir Guts]

طيب هو قالي وش تتفوق عليها قلتله. ووتش دوجز بغض النظر عن جيل قادم وجيل حالي عموما إذا قصدك في هذا الجيل مافي جاجه تتفوق عليها

ايش تخربط انت يبو؟ كيف بتقارن لي تقنية الجيل الحالي بتقنية الجيل القادم؟

هل مرة تهرّب من الإجابة بعد مثل ماتهربت لما قلت لك:

و اذا Watch Dogs طلعت لعبة للجيل الجديد و بعدين؟

عرض Watch Dogs الي شفناها كان ديمو PC .. تتوقع عرض GTA عرض ديمو PC بعد؟

ماعتقد........​

 

[FANTASTIC DREAM]

ايش تخربط انت يبو؟ كيف بتقارن لي تقنية الجيل الحالي بتقنية الجيل القادم؟

هل مرة تهرّب من الإجابة بعد مثل ماتهربت لما قلت لك:

خلاص . خلاص جتا 5 افضل لعبه تقنيا في الوجود . ارتحت :/ .

 

[Sir Guts]

^

لا انا مابي جواب مثل كذا انا ابيك تقنعني لكن واضح ان ماعندك ماعند جدتي

 

[FANTASTIC DREAM]

في ايش تبيني اقنعك ؟ انت ماحددت اي جيل تقصد فقلتلك ووتش دوجز خلاص . غلط مني ياحبيبي اعتذرلك اسفيين جدا .

 

[Sir Guts]

قاعدين نتكلم عن GTA V ايش معناتها؟ معناتها نتكلم عن الجيل هذا مايبيلها ذكاء آينشتاين

ماهي قلة ادب ولا استفزاز، في فرق بين قلة ادب و بين اقول كلام واقعي

ثانيا وشو اتكلم عليك؟ لا يكون سابك انا ونا مدري؟ اركد فديتك وراك حساس كذا؟

اذا ماتعرف تتناقش في صلب الموضوع و تنقزلي في مواضيع ثانية مو شغلي

المهم اعذرني اذا حسستك اني غلطت عليك لكني ماغلطت. "ماعندك ماعند جدتي" بختصار "ماعندك سالفة"

مدري وين قلة الأدب فيها......

 

[Madainee]

من متى "ماعندك و ماعند جدتي" تعتبر غلط و قلة ادب ؟ ترا هو قال جدتي يعني لو فيها غلط او شي "مع اني اشوف انها عاديه" فهي لجدته لول

 

[قناص]

اللعبة مانزلت عشان نحكم على تقنيتها. حكم مبدئي الصور فقط و واضح ان التقنية خرافية! ايش الألعاب الي افضل تقنيا ممكن تقولي؟

تقصد كـ لعبة ساندبوكس أو بشكل عام ؟ إذا كـ لعبة ساند بوكس أعتقد هالجيل ما في أفضل منها , و بالنسبة للعبة بهذا الحجم و الضخامة
تعتبر ممتازة تقنياً .. لكن إذا أغفلنا جانب السكيل و ضخامة اللعبة فيه ألعاب كثير جداً أفضل منها تقنياً


---

ملاحظة : حسب المعلومات اللعبة ضخمة جداً , و أتسأئل كيف ممكن روكستار تحط هالخريطة الضخمة في سيدي واحد ع الـ 360 .. أعتقد راح يكون الوضع
زي فورزا السيدي الثاني " و ممكن الثالث" لازم تتثبت و بعدين ما يحتاج نلمسهم بعد كذا

 

[Sir Guts]

من متى "ماعندك و ماعند جدتي" تعتبر غلط و قلة ادب ؟ ترا هو قال جدتي يعني لو فيها غلط او شي "مع اني اشوف انها عاديه" فهي لجدته لول

لا هو لأنه ماعنده شي يقوله بس يبي يدخل مواضيع في مواضيع و انا الموضوع الي اتكلم فيه واضح وضوح الشمس

تقصد كـ لعبة ساندبوكس أو بشكل عام ؟ إذا كـ لعبة ساند بوكس أعتقد هالجيل ما في أفضل منها , و بالنسبة للعبة بهذا الحجم و الضخامة
تعتبر ممتازة تقنياً .. لكن إذا أغفلنا جانب السكيل و ضخامة اللعبة فيه ألعاب كثير جداً أفضل منها تقنياً

سواء ساندبوكس ولا مش ساندبوكس. للأمانة انا قعد اشوف تقنية جبااااارة في اللعبة هاذي

يمكن الوحيدة الي ممكن تنافسها تقنيا هي كرايسس الجديدة .. هذا اذا مش جيل قادم بعد

انا عن نفسي اشوف GTA V (من الصور و العروض بو 5 دقايق) انها الأقوى تقنيا الجيل هذا بلا منازع

لكن يبيلنا تجربة عشان نعرف فعلا اذا الي شفناه من الصور و العروض حقيقة ولا مجرد كلام فاضي

 

[gears of war]

ملاحظة : حسب المعلومات اللعبة ضخمة جداً , و أتسأئل كيف ممكن روكستار تحط هالخريطة الضخمة في سيدي واحد ع الـ 360 .. أعتقد راح يكون الوضع
زي فورزا السيدي الثاني " و ممكن الثالث" لازم تتثبت و بعدين ما يحتاج نلمسهم بعد كذا

:laugh:: الي لعب ريدديد وفار كراي 3 وسكايرم ..., يعرف حرفيا ان المساحة ليس عائق للمطور الفلته الي روكستار أفضلهم في هذا المجال

ومن المضحك ان فاركاري 3 أضخم لعبة كان حجمها على الجيم اوف ديموند فقط 5 جيجا ..., في 2.5 فاضية ما أستخدموها

 

[Old Snake]

انا عن نفسي اشوف GTA V (من الصور و العروض بو 5 دقايق) انها الأقوى تقنيا الجيل هذا بلا منازع

يعني أنت تتكلم مظهراً يا مشاري؟؟ مستحيل فيه ألعاب كثيرة أفضل مظهراً.
بإختصار بدون ما أعدهم ثلاث أرباع حصريات سوني وميكروسوفت أفضل بوضوح كمظهر.

 

[Assassin'o]

اما لعبه جيل ؟ لسه ما نزلت عشان تحكم !!

مخيلتي العظيمة.

 

[FANTASTIC DREAM]

قاعدين نتكلم عن GTA V ايش معناتها؟ معناتها نتكلم عن الجيل هذا مايبيلها ذكاء آينشتاين

ماهي قلة ادب ولا استفزاز، في فرق بين قلة ادب و بين اقول كلام واقعي

ثانيا وشو اتكلم عليك؟ لا يكون سابك انا ونا مدري؟ اركد فديتك وراك حساس كذا؟

اذا ماتعرف تتناقش في صلب الموضوع و تنقزلي في مواضيع ثانية مو شغلي

المهم اعذرني اذا حسستك اني غلطت عليك لكني ماغلطت. "ماعندك ماعند جدتي" بختصار "ماعندك سالفة"

مدري وين قلة الأدب فيها......

غصب تبغانا نناقشك يعني مو انا قلتلك ان ووتش دوجز لعبة جيل قادم وخلاص وانتهينا

وكمان جتا 5 في افضل منها تقنيا بشكل عام مثل كرايسس 3 ولاست اوف اس وبيوند .