CODE-X
عضو فريق TG كورة أوروبية
يعني انت تبغى الفريق يجيب مركز الفريق المدحوش بدرزينة لاعبين من انواع و اشكال لدرجة ان حارسهم المعار جاب كوبا ديل ري علشان يصير متكامل و ممتاز ؟
و ما يهم فعلاً وصف البعض ، أرسنال كانوا يقولونله فريق اللاعب الواحد أيضاً "RVP" و هالموسم صار فان بيرسي يوصف بهداف البلنتيات فقط و شفنا ان في الحقيقة ارسنال هو فريق الكبير فينجر و ليس فريق اللاعب الواحد و مهما طلع منه نجوم .
بورتو أيضاً كان يقال له فريق هولك و فالكاو و طلع الاثنين و لا زال الفريق بطل الدوري كونه المنظومة اللي خلاها بواش صامدة . توتنهام كنت متابعه كثير في الربع الاول من الموسم بعدين بفترات متباعدة و لكن كن متوقعله النهاية بين الخامس و الرابع ، الفريق حالياً ناقصها فقط طرف واحد كبير و اللي هو شيواو موتينهو تبع بورتو اللي ما قدر يجيبه بواش في الصيف و الفريق أشوفه محتاج قائد للوسط بالإضافة الى مهاجم شاب ذو موهبة واعدة سريع و هداف من الرأسيات و وقتها انا جازم انه بيصير يجابه تشيلسي و المانيو على المراكز الثلاث الأولى و ينافس على القاب !
على فكرة الليفر لو دعم صفوفه صح بنشوفله عودة قوية الموسم القادم ، كذلك أرسنال اللي ما بيفقد احد هالموسم على ما يبدو ؟ و ممكن نشوفه يرجع ينافس على بطولة !
و ممكن نشوف المانيو يخبص مع مويس كون دفاعه شوارع ، و مين بيمسك السيتي ؟!
الموسم القادم بيكون مجنون جداً بالنسبة للبريمير ليج !!
