مورينهو جرايمه لا تعد وهالامر منتهي منه، اللي حدث مع راؤول فضيحة بحق ادارة النادي انهم صاروا مثل العبيد لمورينهو و طبقوا اوامره السامية بكل خضوع وبدون اعتراض..هل يعقل ان يقول لراؤول ما بيكون لك مكان اساسي بالفريق!؟ اوكي مستواه نازل على الأقل اطلع بتصريح ان اي لاعب يقدم اداء يشفع له بالتدريبات هو اللي بيضمن حقه كاساسي..! اما تهين كابتن الفريق والاكثر حرصا على مصلحته طوال مسيرته وتقطع عليه اي فرصة للعودة فهذا شي معيب، حتى اني قريت تصريح يقول فيه : "راؤول و جوتي عليهما البحث عن نادي اخر!"..وبيريز أساسا أحد أجهل الشخصيات اللي شفتها خارج البزنس فما متوقع منه اي تصرف عقلاني، لول اساسا يكفي ان رونالدو كان يحجز الرقم 7 له قبل ما تنعلن صفقة خروج راؤول بشكل رسمي هذه لوحدها قمة بالتفاهة من ادارة وضيعة
نفس الشي حركة الدراما اللي طلع فيها مورينهو بشكل مثير للشفقة وصرح ان ادان مستواه الفني اعلى من كاسياس، وبعد مباراتين انطرد ادان ورجع كاسياس مش لذيك المباراة فقط بل لحتى قدوم لوبيز..وحده صنع من نفسه مضرب للسخرية والشماتة بتصريحه التهريجي هذه
مشكلة اللاعبين الاسبان انهم محترمين ودبلوماسيين بتصاريحهم بشكل مبالغ، لو انه مكان راؤول او كاسياس او جوتي لاعب مشكلجي بتشوفه قلب الدنيا على مورينهو بالاعلام.
طبعا ما يحتاج نتكلم عن دفن موهبة كاكا مثل ما عمل اللي سبقوه باوين وغيره :/
اما الاعلام فهو مش ظالم لوبيز الحين، لوبيز مظلوم من قبل الانضمام لمدريد، لكن للاسف الاعلام واغلب الجماهير ما يدرون بالليجا عن فريق بجانب الريال والبارسا :/
لول من جد شر البلية ما يضحك..الريال لما تشوف لاعب باوروبا وصل عز مستواه والبشرية من الطفل الرضيع الى العجوز المحتضر سمعوا عنه وقتها بيريز يشتريه بأغلى سعر بالسوق..اما ادارة برشلونة يعززون بلاعبين بالضبط بالمراكز اللي ما يحتاجون لها @@
السيتي صارلهم صيفيين وهم ساكتين واذا اشتروا لاعبين فمكانهم بالدكة "سنكلار"، اظن هالموسم بتطلع ضربات جامدة منهم..
أما نحن اذا ما اتأهلنا لدوري الابطال فبنودع سولدادو ورامي ويمكن فيجولي..أهم شي بانيجا يبقى ولا بتجيني حالة اكتئاب قهرية طوال الصيف
صادق كل ما يجي نقاش فيه سيرة الريال وانتقاد له ... يكتب رد بألف سطر ينسف أم النادي <_<
كلامك عن راؤول غلط وما قال له اطلع وأنت كتبت كلام مورينيو في رد فوق ... وإيه يعقل ما يكون له مكان أساسي، شغل المحاباة وحركات النص كم هذي هي اللي ودت الريال فالحضيض
راؤول مع الأسف مستواه كان سيئ وما كان المفروض مكانه الأساسي يصير محجوز، مافي أحد أكبر من النادي وهذا أنت تعرفه يا صادق
وبخصوص جوتي، قبل لا يجي مورينيو هو أعلن في مؤتمر صحفي انه بيطلع من الريال ويوم الريال جاب مورينيو قال لا غيرت رأيي ... مورينيو قال له، مو أنت كنت تبغى تطلع من الفريق؟ خلاص اطلع
تصريحه عن أدان كان هو رسالة لكاسياس ان مستواك زبالة
وصحيح دفن كاكا <_< صادق إذا في أحد رجع شوي من بريق كاكا القديم فهو مورينيو ... شف كيف مستواه مع بيليغريني ولا تنسى اصابته المزمنة + مستحيل يلعب أساسي في وجود أوزيل اللي أفضل منه بمراحل حاليًا
أما أوين المسكين ما كان يلعب أساسي لإن حبيب قلبك راؤول كان مكانه محجوز طول الوقت. ولا قولي يلعب أساسي مكان الظاهرة رونالدو؟ :laugh::
وللمعلومية أوين هو اللي فضل الانتقال من بعد ما جا روبينيو لإن المدرب هذيك الفترة كان لوكسنبورغ اللي معروف انه يحب البرازيليين مرة وكان نص الريال برازيلي
بخصوص لوبيز هو مظلوم من أيامه مع الريال في 2007 ... من وقتها وأنا أقول ان لوبيز حارس ممتاز وينفع يلعب في أندية كبيرة جدًا بس مشكلته كاسياس مغطي عليه، والحين لوبيز أثبت كلامي عنه في 2007 وأشوفه أفضل من فالديز وريينا ودي خيا بالراحة
وخذوها مني أدان حارس الريال الاحتياطي لو يلعب مع نادي ثاني وياخذ خبرة بيصير حارس كبير زي لوبيز
بخصوص الانتقالات، شي معروف ان أي وكيل أعمال/فريق يبغى يسوق للاعب حقه يربطه بالريال ... كل صيف نشوف 1000 لاعب يرتبط بالريال وما يجي منهم إلا 2
عمومًا كلامك اللي تقوله عن الريال دايمًا يوضح قد إيش أنت عندك حقد دفين عالريال .. ما أقول إلا الله يعينك <_<
@حسين: على فكرة في مؤتمر مورينيو ما علق فشله على كاسياس هو قال أنا دايمًا ما تكون بيني وبين لاعبي أي مشكلة طالما انهم حاسين انهم سواسية إلا لاعب واحد كان شايف نفسه فوق الكل "يقصد كاسياس"
وسألوه وش أكثر شي نادم عليه قال إني ما جبت دييغو لوبيز من أول موسم لي
أما مسألة فشله مع الريال أنا ما أشوف انه حطها في كاسياس ... أصلًا هو ما يعتبر نفسه فشل مع الريال
