و الان صرنا نتجادل في المستقبل كمان ؟ P: خلينا نعطي الفريق حق قدره لأنه الي سواه معجزة في الزمن الحالي، و خلونا نستمتع بالكرة الجميلة الي يلعبها و العقلية الي بنى فيها نفسه بدون ما يلجأ للاستثمارات وأموال النفط ( قبل سنوات جماهير دورتموند نزلت في الشوارع تظاهرا و احتجاجا على محاولات ابراموفتش لشراء دورتموند، قبل ما يشتري تشيلسي ! )
حسين....... موب في موسم واحد او موسمين يتحول النادي من فريق عادي الى فريق يقارع الكبار في اوروبا .................. تحتاج على الاقل 5 سنوات متواصله (( كلها ارباح بدون اي خسائر او ديون )) علشان تقدر تدفع عقود عاليه و كبيره .............. و الارباح هذه مستحيل يحصلها نادي صاحب شعبيه اقل من عاديه عالمياً.............فوزك على الريال مدريد موب مقياس ابداً على قوة فريقك.
نابولي السنة الماضيه فاز على تشيلسي بأرضه 3-1 (( مع الرحمه ))................... و الكل كانوا يقولوا انه فريق قوي و يملك نجوم موهوبين ........ لكنه في نهاية المطاف طلع بالاربعه في البريدج..... و لافاتزي طلع من عندهم الصيف الماضي (( استبدوله بأنسنيا لاعب صغير لأنهم ما كانو قادرين يوفروا له عقد بنفس العقد اللي قدموا له PSG )) و الصيف القادم الكل يجزم ان كافاني بيخرج من عندهم.
من ناحية قصة فان بيرسي................. اوكيه يمكن ردي ما كان واضح مره.
الرجال كان ياخذ 70 الف اسبوعياً في الارسنال ........................ يا رجل في انديه انجليزيه درجه ثانيه تدفع هذا المبلغ على لاعبين منتهيين .................. بكل صراحة, الرجال عقده مع الارسنال كان ابو كلب لعدة اسباب اهمها انه ما كان يلعب اكثر من 25 مباراة في موسم بدون اي اصابات............. لكن في نهاية موسم 2010/2011 و ادائه في موسم 2011/2012 الخراااافي............. ارسن فينجر قرر انه يجدد معاه .
كل الاشارات كانت تقول انه بيجدد مع المدفعجيه .....................تسعة سنوات طويلة في نادي واحد...... و الارسنال طول عمرهم موجودين في دوري الابطال ..... و هذا غير العمليات و العلاجات اللي صرفوها الارسنال عليه............... يعني قصته مشابهه لقصة ميسي نوعاً ما.
الين ما قرب يناير.............. فان بيرسي عرف ان عمره وصل الـ 29 سنة .............. راتب ابو 70 الف هذا ما بيمشي معاه .............. راح دخل غرفة ايفان جازيداس وطالب بعقد قيمته 200 الف .................... يادا يادا يادا ..... حصلت فيه مشاكل........ الصحافه قاعده تنشر كل كذبه تنشر في التويتر ....... الرجال رفض اخر عقد من الارسنال قيمته 170 الف (( الارسنال كان خايف الرجال يصاب مره ثانيه اصابه طويله )).................... الزبده المفاوضات بائت بالفشل.
ارسنال سمحوا له انه يتكلم مع الانديه المهتمه فيه .................. ثلاث انديه فقط كانت تبغاه ..... مانشيتر يونايتد , يوفنتوس و مانشستر ستي ........................ اليوفينتوس طلع من القصة بسسسسرعه لأعدة اسباب اهمها ان فان بيرسي نفسه ما يبغى يطلع من انجلترا.
القصة تقول ان مانشستر ستي عرضوا عليه 300 الف اسبوعياً (( مبلغ مقارب لما يتقاضاه سامويل ايتو في انزيه الروسي !!))........ و اليونايتد عرضوا عليه 200 الف فقط ................... فان بيرسي اختار مانشستر يونايتد لأنه عقد اليونايتد كان فيه بند يقول انه " بيكون المهاجم الرئيسي و الوجهه الجديد للنادي = رقم 9..... و بقية الفريق و اللاعبين و تشكيلة اللعب تنبنى حوله !!"................... وهذا البند هو اللي ما قدروا مانشستر ستي يوصلوله لأنه عندهم مهاجمين كثيرين مثل تيفيز و اجويرو و بالوتيلي و ديزكو .
فان بيرسي انتقل من الارسنال لأنه كان يبغى فلوس اكثر ............... لو انه كان يبغى يلعب كره, كان المفروض يجلس في الارسنال لأن النادي (( وخاصةً في هذيكي الفتره !)) كان مبني حوله هو فقط على اساس انه يكون المهاجم الرئيسي للنادي................. و فعلاً صح كلامك, هو لو كان يبغى الفلوس بس, كان يقدر يروح لمانشستر ستي و يجلس على الدكة و ياخذ اكثر من ربع مليون شهرياً على الفاضي.
:laugh::
