مودم Linksys WAG325N

[king zell]

المودم اللي عندي USR9108 خلاص بدأ يتحضر.. يقطع إشارة WiFi على كيفه

المهم.. عيني الحين على مودم جديد.. و يدعم صيغة Draft-N

المودم هو Linksys WAG325N

طبعا أنا قريت له إيجابيات و سلبيات.. لكن ودي أسمع تجربات شخصية في السعودية

ها شرايكم .. كيف الجهاز.. سعره 700 على فكرة

 

[The Doctor]

هممم... تجربات ما عندي... بس اخوي يشتغل عند سيسكو... اسأله؟ :yuck:

 

[ASWD]

بما انه موضوع راوترات اجل خل اقط استفساري

انا كمان ودي اغير الراوتر الاثري اللي عندي ST 548..مع انه ممتاز جدا*اكثر من 3سنوات* ماواجهت معاه مشاكل اللا مؤخرا*لبلاي3*..فودي بواحد *مو وايرلس* يجاري هذ بالاداء وبنفس الوقت اقدر اتحكم في فتح البورتات تبعه*هذ اظن ماتقدر* فأي خيار تنصحونا؟

طبعا يكون ممتاز من ناحية الاداء مع اجهزة الالعاب 360 بلاي3 الخ

 

[Hwoarang]

سبحان الله
راوتر الـUSR 9108 اللي عندي اخترب اليوم
رحت للمحلات وجا على عيني راوتر WAG325N
قلت بشوف مواصفاته بالنت أول ...

 

[*legend*]

لول , بيقلب موضوع استفسارات @__@

أنا كمان ابي أسأل المجربين لرواتر سيمنز Gigaset SE568 , سمعت البعض يمدحه , فما أدري ان كان فيه مجربين هنا ؟ او احد يعرف وين ينباع بالشرقية ؟

 

[The Sinner]

انا بعد مفكر اغير الراوتر اللي عندي بس مو قريب نهاية السنة مع ان الراوتر حقي مخبط اذا شبكته بالLAn مايتعرف عالشبكة بس الوايرليس اللي يشتغل واقعد اطفيه واشغل مية مرة عشان يتعرف عليه عالموم هالموضوع بيفيدني

 

[Strife]

ماعندي فكرة.. لكن عندي لك نصيحة للراوترز:
ابعد عن ال 3com .. و غني له.

 

[itachi]

سيسكو مالها علاقه لينكسيس ....حتى لو كان أسمها موجود بشهاده مهندسين كومبيوتر في الجامعه و من عدة مصادر في النت ...
هذا شئ والشئ الثاني .من تجارب الزباين ...أبد ما أحد يمدح فيه هذا الموديل Linksys WAG325N
حتى ناس جربوه ورجعوه بعد كم من يوم
أنصحك بالبيلكن الجديد الأسود أقوى منه بمراحل Belkin N1
لكن من حلاة الشبكة اللي عندنا تخيلو بعض الناس ما يشتغل عندها البيلكن والله حاله ...لوووول 🙂
فمحمد إذا أشتغل معاك بيكون ممتاز

 

[The Doctor]

سيسكو مالها علاقه لينكسيس

وت؟ عجل ايش عملت سيسكو ب500 مليون دولار في عام 2003؟

 

[TenZen]

استعملت عدت راوترس ..
D-link
SMC
LinkSys
US.ROBOTICS

وحاليا NetGear
RangeMax NEXT Wireless-N Routers

طبعا الNetGear هو الافضل من المجموعة

 

[Amazing]

سيسكو مالها علاقه لينكسيس ....حتى لو كان أسمها موجود بشهاده مهندسين كومبيوتر في الجامعه و من عدة مصادر في النت ..

معليش يا شباب اذا طلعت من برا الموضوع .. بس حاب أكد نقطه .. Cisco لهم علاقه ب Linksys اخوي
وانا متأكد من هالشي لأني درسته ::
العلاقه بينهم زي العلاقه بين Micorsoft و Xbox .. ارجو اني وظحت النقطه

شباب احسن روتر موجود بالسوق دائماً تلقونه Linksys يمكن انتم ما لقيتو الزين منه.. اكيد اي شركه فيها الزين والشين.. بس انا متأكد ان Linksys هي الأفضل .. لأن اهم شي بالروتر البروسيسر حقه ومعروف Cisco's Processors الأفضل للراوترات

 

[itachi]

كن من حلاة الشبكة اللي عندنا تخيلو بعض الناس ما يشتغل عندها البيلكن والله حاله ...لوووول

في السعوديه لك وعليك ...بعض المناطق والمقسمات على كيفها تشتغل على بعض المودمات
بس سالفة لينكسيس ..أبد ما سمعت عنها شئ
ولو تشوف جامعة البترول ...راوتراتها كله سيسكو الأصل وليس لينكسيس ...طيب ليش ما يستعملون لينكسيس وأهوه أرخص بواجد

 

[SALAH]

سيسكو مالها علاقه لينكسيس ....

اخوي الامور شوي متخربطة عليك

سيسكو تصدر منتجات لينكسيس وأصلا كل راوترات لينكسس مكتوب عليها شعار سيسكو ديفيجين ..وهي حاليا أقوى انواع الراوترات الوايرلس واستخدمها شخصيا في الشركة عندنا والكل يمدح فيها و بأدائها ..وهو مريحني لدرجة اني نسيت انه عندنا واحد لأن من شهووور ما اشتكى احد من مشكلة بالوايرليس عنده ..

ولو تشوف جامعة البترول ...راوتراتها كله سيسكو الأصل وليس لينكسيس ...طيب ليش ما يستعملون لينكسيس وأهوه أرخص بواجد

لأن لما نتكلم عن شبكات ضخمة وهي ما تسمى Enterprise فوقتها لن ينفع استخدام الينكسيس بل يجب استخدام راوترات خاصة من سيسكو تستحمل هالضغط ومصممة لعدد ضخم من المستخدمين , وبرمجة هالنوع من الراوترات يحتاج دورة خاصة وشهادة من سيسكو نفسها اسمها CCNA , يعني شغل محترفين و صعب على شخص عادي مثلي ومثلك ..


بالنسبة لسؤالك أخ محمد فأنا بصراحة ما جربت هالموديل قبل لكن بشكل عام لينكسيس هي الأفضل بمجال الوايرليس المنزلي ولو أخذته ما اظنك تندم أبدا ان شا الله ..

 

[CyberMaster]

من خلال تجارب كثير مع الـDSL في السعودية من عام 2001 في رأيي
افضل مودم مع خطوطنا الكاتيل Speedtouch لكنه كاراوتر ماهو ذاك الزود والـWiFi فيه ظعيف
و لينكسيس من خلال تجربتي ماهو جيد كمودم مع الـDSL عندنا حرارته ترتفع ويفقد الأشاره بشكل متكرر في الصيف بالذات لكنه ممتاز كارواتر وكتغطيه WiFi
اذن وش الخيار الأمثل ؟
اذا تبحث عن الأفضل اشتر مودم كاتيل ابو منفذ واحد واشتر راوتر لينكسيس وبكذا راح تحصل على الأفضل في كل مجال

 

[itachi]

أخ صالح ..
مي متلخبطه الأمور عندي ولا شئ وأنا أدري مكتوب عليها سيسكو ...بس هذا الكلام مو من عندي ..زي ما قلت من مهندسين وخبراء في الشبكات ...صحيح سيسكو شرت لينكسيس عام 2003 بس ما عملت فيها شئ أو أهملتها في الآونه الأخيره ..

 

[Snake-87]

انا مجرب نوعين من هالماركة وصراحة ممتازة ^^"
Linksys gpon broadband router

والمشهور القديم الأزرق بو أريل واحد .


اما الي عندك ما ادري بس شكله قوي xD