من دروس هذا الجيل .. أساسين كريد 2 & فاينل 13-2

[Veeto]

بدون مقدمات طويلة عريضة .. في هالجيل .. جيل بلاي 3 اكس بوكس 360.. الوي
ظهرت سلاسل العاب جديدة وبعضها عريقة ... الخ

لما نزلت اساسين كريد 1 .. تحمست ليها .. الفكرة كانت عجيبة
انت قاتل خفي .. وتتخفى بين الناس .. وقصة تصير في منطقتنا العربية وهالامور كلها
وعالم مفتوح بطريقة مختلفة عن جراند ثيفت اوتو .. نزلت اللعبة والتقاييم خسفتها بالارض
كنت مصر ان اللعبة ممتازة .. وان هالتقاييم لانها سلسلة جديدة .. الى ان جربتها
في اول مهمات .. كنت دائما اقول هالمراجعين والجيمنغ ميديا خربوا الالعاب
هذي لعبة ينتقدونها ! بعدين انا اول واكثر منهم قمت اسبهم على تخريب لعبة وفكرة مثلها

وبعدين .. نزلت 2 .. ونزلت بروذر هود .. وغيرها وصارت السلسلة اسم كبير في عالم الالعاب

هالايام اعيد 2 وبروذر هود .. واتذكر تجربتي مع اساسين 1

مستغرب .. ومنبهر .. ان فيه مطور يستمع للجمهور .. كانهم كانوا ماخذين ليستة بكل الانتقادات
كل شيء .. وقعدوا عليها .. وحاولوا يا يطورونها صح .. او يلغونها بالمرة من اللعبة
كنت حاقد عليهم لما نزلوا بروذر هود .. ما كنت متخيل حجم التطوير بينها وبين 2
لما ترجع تلعب 2 .. بتحس بفوارق كبيرة بين الاثنين .. وفعلا بروذر هود مو مجرد اضافة
لعبة كاملة متكاملة .. بس يمكن الانطباع اللي هم عطوه الناس انها مجرد اضافة

لما اتذكر 1 .. اتذكر ان الطائر - الشخصية الرئيسية - كنت بس اتحكم فيه ما احس باي شيء تجاهه
ايزيو في اول ساعتين .. فيه حميمية بينك وبينه كلاعب .. تبغى تعرف تكلمة القصة
تبغي تعيش وياه انتقامه .. في بروذر هود .. انت كلاعب كانك (( تطورت )) مع الشخصية
وصرت قائد .. تتحكم وتدير الناس .. انت قبل الحوار تتوقع ويش بيصير

في اساسين 1 .. كانت المهمات الجانبية اللي تودي لمهمة القتل .. مملة مضجرة تلوع الجبد
في 2 .. المهمات يمكن نوعا ما متشابهة بالمبدء لكن ما تشعر بالملل .. حتى مهمات (( التجميع )) كلها غير غير غير

اقارن هالشيء مع فاينل 13 .. فاينل فانتاسي .. كانت سبب في ان يكون جهاز ما المنتصر في معركة المبيعات
فاينل فانتاسي .. سابقا سكوير كانها ساحرة .. حتى لو كانت اللعبة كلعبة نوعا ما فيها عيوب قاتلة - مثل فاينل 8 ونظام القتاال -
لكن اللعبة كمنتج لا يقارن بأي لعبة ثانية .. تتحول فاينل فانتاسي الى مهزلة في 13
تيوتوريال مطول مدته بس 13 ساعة من اللعب في خط مستقيم !!

القصة سمجة وفاشلة .. الشخصيات ما تحس ببهم .. وفوق هذا لما سكوير حبت تصلح المشكلة
اختارت اسوء جزء يرجع الناس للثقة باسم فاينل .. لا واستخدمت اسوء الشخصيات في الجزء الثاني
وبقصة (( كاتبنها واحد محشش في عز تحشيشه )) وبعدها يطلع ليك اليابانيين ويقولون التطوير غالي او او او من بلا بلاه بلاه

هذي المقارنة بين الاثنين واضحة .. في الاولى يوبي سوفت .. وقفت للناس وعالجت كل انتقاداتهم
وسكوير .. الناس ما تبغي اي شيء ليه علاقة في فاينل 13 .. تقدم جزء ثاني منه

انا احب فاينل فانتاسي علشان اشياء واجد .. بس القصص كانت دائما من اول الامور
قبل فترة رجعت العب العاب 1 .. من باب بس اني اتيقن هل فعلا الالعاب كالعاب كان مستواها عظيم لو بس
لانها في فترة بلاي 1 قبل ما توصل التقديمات القصصية للي وصلت ليه حاليا

بتحس لما تلعبهم الى اليوم بعد اكثر من 15 سنة .. انهم العاب محترمة القصص رائعة
حتى فاينل 9 اللي كنت اعتبرها اقل من 7 و8 .. بتنصدم من بساطة القصة بالبداية وشلون تتحول لملحمة

اليابانيين .. بالنسبة ليي مو فاهمين ليش احنا نحب العابهم للحين

لما اروح انا مثلا مطعم سوشي .. اروح ليه لانه يقدم اكلات تقليدية يابانية ..مو لاسمه او للاجواء اللي بالمطعم
اول ما هالمطعم بيسوي روحه مطعم فاست فود .. خلاص مستواه بيصير مثل ماكدونالدز
ليش بهد ماكدنولادز وبروح ليهم وهم يسوون ليي سوشي فيه ريحة همبرجر

احلى شيء صار في هالجيل .. لما يطلع لك واحد من مطورين سكوير ويقول لك صعب في هالجيل نسوي مدن HD
وغيره .. مسوي روما وفيورنتينا .. وتاسكوني .. اسطنبول ودمشق وغيرها !

بس اتخيل لو اساسين 1 لعبة لسكوير .. من زمان ماتت او قتلوا السلسلة !

 

[hussien-11]

معليش بس مقارنتك مش منطقية أبدا !

أساسينز كريد الأولى لعبة تجارية بحتة و مستواها ضعيف، كلها تكرار و 4 مهمات تعيد فيهم طول اللعبة، الجزء الثاني اشتغلوا عليه و كل قفزة في مستوى السلسلة بسبب النجاح التجاري للجزء الأول

أما 13-2 فهي جزء فرعي و مع ذلك قدم جيمبلاي ممتاز

بس اتخيل لو اساسين 1 لعبة لسكوير .. من زمان ماتت او قتلوا السلسلة !

الي يقتل سلسلة هو إصدارها كل سنة كأنها لعبة رياضة و لا كرة قدم ! فاينل فانتسي عايشة من سنة 1987 مع سكوير ( نفس عمري ) .. خلنا نشوف كم بتعيش أساسينز كريد : )

 

[Axels]

صعبه تقارن لعبة أر بي جي بلعبة أكشن .. ماشوف المقارنه لائقه لأن لعبة فاينل فانتسي لعبة عريقه جداً و محد ينكر هالشي و لكن أسسن كريد صارلها 4 سنوات و خلال هالأربع سنوات أثبتت وجودها و بقوه و هالشي حاصل و معروف من المُبيعات اللي تشوفها يوبي سوفت .. و أتوقع انت كتبت هالشي من دافع تجربتك و ليس من دافع تجربة غيرك و لذلك أنصحك أن تذهب و ترى هل فعلاً تستحق أسسن كريد أن تُقارن بفاينل فانتسي .

شكراً لك .

 

[Veeto]

hussien-11


مقارنتي بين المطورين وتعاملهم .. مع اخطائهم مو بين اللعبتين كلعبتين
شي غريب بالنسبة ليي ان سكوير الموجودة من الثمانينات للحين مو فاهمة انا ليش احب فاينل فانتاسي

ما بتكلم عن فترة ما قبل بلاي ستيشن 1 .. لكن من بعدها
اول ما نزلت فاينل 10 .. الناس كلها تتكلم ان اللعبة مفتقدة شيء كبير وهو الوورلد ماب
ويش الحل يا سكوير ويا فاينل 13 .. بدل ما نشيل بس الوورلد ماب .. نشيل المدن !!

انا ما يهمني اساسين .. لعبة تجارية او بطيخية .. يهمني انا كلاعب استمتع بالتجربة اللي انا دافع ليها
يهمني لما اشوف شيء غلط باللعبة واقول هذا غلط .. المطور يسمع ليي ويقول هذا غلط مني بطوره
مو اقول ليه انا ما احب هالشخصيات ما احب هاللعبة .. اشوفه يطور جزء ثاني ليها

الي يقتل سلسلة هو إصدارها كل سنة كأنها لعبة رياضة و لا كرة قدم !

97 .. فاينل 7
99 .. فاينل 8
2000 .. فاينل 9
2001 .. فاينل 10
2002 .. فاينل 11
2003 .. فاينل اكس -2

بس لو اكمل ؟ :laugh::
=====

Axels

دافع كتابتي القهر .. اني اشوف سلسلة احبها تنهار مثل هالانهيار
نهاية مثل نهاية مسلسلاتنا الخليجية .. الى اللقاء في الجزء القادم !!

 

[SAUD~F-16]

الغريب في الموضوع ان يوبيسوفت ما استسلمت بعد ما فلب الأول،‏ يعني عنوان جديد و طلع سيء لاكن اصرو على الجزء الثاني والحمدلله انهم اصروا،‏ طلعنا بسلسه محترمه من هذا الجيل

 

[Axels]

Axels

دافع كتابتي القهر .. اني اشوف سلسلة احبها تنهار مثل هالانهيار
نهاية مثل نهاية مسلسلاتنا الخليجية .. الى اللقاء في الجزء القادم !!

إي انهيار الله يرضالي عليك .. قبل مده قرأت خبر عن أكثر الالعاب بحثاً في الأنترنت عن أخر أخبارها و كل شي جديد عنها : أولاً كانت رزدنت إيفل6 و ثانياً : كانت أسسن كريد3 .. بس أنت قارنة بشكل خاطئ للأسف و لا تجيب لعبة صارلها مده قصيره أمام أسطوره الأر بي جي اللي صارلها أكثر من 12 سنه .. يعني صعبه جداً المُقارنه و عموماً يحق لك الكتابه و أحترم رأيك و حبك لأسسن كريد .

 

[Veeto]

طلع سيء لاكن اصرو على الجزء الثاني والحمدلله انهم اصروا،‏

صدقت يا اخوي سعود .. السالفة مو بس اصرار عمياني لفرض نمط معين على الناس
او انك تطلع بتبريرات عجيبة مثل المدن صعبة في الجرافيكس الحالي

وانت تلعب اساسين كريد 2 .. بتحس كأن يوبي سوفت ماخذة قائمة بكل انتقادات الجزء الاول
ومشتغلة على القائمة نقطة نقطة .. في شيء غريب في هالجيل .. بالاحرى غريب ويا المطور الياباني نوعا ما

 

[hussien-11]

مقارنتي بين المطورين وتعاملهم .. مع اخطائهم مو بين اللعبتين كلعبتين
شي غريب بالنسبة ليي ان سكوير الموجودة من الثمانينات للحين مو فاهمة انا ليش احب فاينل فانتاسي

أجل مين الي فاهم ؟
سكوير جابت وورلد ماب خرافي بـ فف12 لكن مع ذلك الناس اشتكت عليه و على ضخامته و انه يأخر تقدمك بالقصة الرئيسية ~__~ لهيك رجعوا للخطية في 13، و ترى 10 لاقت مديح أسطوري و مع انها لعبة خطية لكنها مش أقل مستوى من 7 أو 8 أو 9 اذا ما كانت افضل.

97 .. فاينل 7
99 .. فاينل 8
2000 .. فاينل 9
2001 .. فاينل 10
2002 .. فاينل 11
2003 .. فاينل اكس -2

97 فف7
99 فف8
2000 فف9
2002 فف10
2006 فف12
2010 فف13

فيه فترة تطوير محترمة بين الأجزاء الرئيسية، و فيه أجزاء كثيرة أخذت 4 و 5 سنوات قيد التطوير

و على فكرة 13-2 تتجاوز أغلب عيوب 13 من ناحية الجيمبلاي، و فيها تنويع باللعب للصبح، أشك انك لعبتها لول

فيه تراجع بمستوى السلسلة نعم لكن ما أتفق مع الدراما الزايدة الي تصير بهالمواضيع أبدا.

 

[Old Snake]

تسلم إيديك أخ فيتو, معاك بكل كلمة قلتها.
ونفس الشي بالنسبة لأنشارتد, رغم كون الأول ممتاز ولكن الثاني رفعها لمصاف الأساطير وجا الثالث وخلا بقية ألعاب الـTPS ألعاب نرد لول...!!
هنا نشوف الفرق بين المطور المجتهد والي يتعب عشان لعبته وبين المطور الإنهزامي والي ما يحاول حتى يسمع لهتاف جمهوره.
تعرف إنه في أنشارتد3 فريق نوتي دوج جابوا ناس يلعبوا اللعبة عندهم ويقلولهم إيش الي ما عجبهم بنظام التصويب عشان يعدلوه بباتش...!! كبار, فعلاً كبار.

 

[dro]

من 2006 و هو مقرر ... FFXIII ما فيها خريطة عالم ... و FF Versus XIII فيها خريطة عالم .. انتظر Versus

فريق نوتي دوج جابوا ناس يلعبوا اللعبة عندهم ويقلولهم إيش الي ما عجبهم

برضو فريق FFXIII - 2 جابو ناس عاديين - مو من اطراف مجلات او مواقع - مجرد فانز لتجربة XIII - 2 و معرفة ارائهم و سموه FINAL FANTASY XIII - 2 Fans Meeting و تواجد تورايما و كيتاس مع اللاعبين و الصور تثبت هذا :

يا الله .. امدحهم و قول عنهم انهم كبار يا متعصب الغرب ( & )

 

[hussien-11]

يوشينوري كيتاس مش محتاج شهادة أحد، يكفيه فخرا بأنه مخرج أفضل لعبة آربيجي في التاريخ فاينل فانتسي7 ، و مخرج ثاني أفضل لعبة آربيجي فاينل فانتسي8، و أحد المصممين الكبار الي عملوا على أعظم لعبة اربيجي بجيل الـ16-بت كرونو تريجر.

و بعدين انا ماني عارف ايش المميز انك تاخذ فيدباك اللاعبين بشيء معين، ترليون شركة تسوي هالشي.

 

[Old Snake]

يا الله .. امدحهم و قول عنهم انهم كبار يا متعصب الغرب ( & )

هذا فيد باك قبل لا ينزلوا اللعبة, شيء طبيعي ويحصل من الجميع.
أنا الي أتكلم عنه هو إنهم جابوا ناس رغم إنهم قد نزلوا اللعبة لمى سمعوا شكاوي وأعترفوا بغلطهم وحاولوا يصلحوها.
رغم إنهم ما كانوا يحتاجوا هذا الشيء, لول أفضل لعبة TPS بالريويس.

 

[DEMON]

رغم إنهم ما كانوا يحتاجوا هذا الشيء, لول أفضل لعبة TPS بالريويس.

ما أفضل وحدة منهم عن الثانية ، لكن سلسلة GEARS OF WAR كـTPS أفضل ،كان من ناحية الشوتينج أو الكوفر سستم .

انت ما جريتها صحيح ؟؟

 

[Old Snake]

أنا أتكلم كلعبة بشكل عام ناصر, وجيرز تستاهل أكيد وكان لي تجربة معاها.

 

[Veeto]

hussien-11

سكوير جابت وورلد ماب خرافي بـ فف12 لكن مع ذلك الناس اشتكت عليه و على ضخامته و انه يأخر تقدمك بالقصة الرئيسية ~__~ لهيك رجعوا للخطية في 13

اللي الجملة هذي تلخص ليي حالة سكوير
منهم الناس الي قالوا جذي .. الفانز .. لو المراجعين لو بس جذي ردود عامة في المنتديات المختلفة ؟؟

الحين احنا لعبنا 12 .. انتقادنا الكبير عليها ويش ؟؟
كامثلة من اللي اتذكرهم انا .. اول شيء بطل اللعبة فان ما ليه اي علاقة بالبطولة
او حتى القصة .. ثاني شيء .. القصة العامة في جهة وشخصياتك في جهة ثانية
لكن الوورلد ماب وبقية الامور في الجيم بلاي تقريبا الناس كانت ( سعيدة ) للتطوير
ومرة ثانية اتكلم عن الناس عن الفانز .. الحل تبني على هالامور مو تخسفها

انت بس فكر فيها لعبة ار بي جي يابانية ما فيها مدن .. ويش فايدتها

97 فف7
99 فف8
2000 فف9
2002 فف10
2006 فف12
2010 فف13

غلطان .. 10 نزلت 2001 .. بعدين بدت الشركة تدخل في الليمبو
بالمختصر .. لما كانت تنزل لعبة كل سنة ما كنا نقول ان هذي سلسلة رياضية او فيفا
كنا سعيدين ان فيه مطور يقدم منتج ممتاز كل سنة

واصلا الالعاب اللي نزلت متتالية احسن من الالعاب الي اخذت 5 و 6 سنوات تطوير

على فكرة 13-2 تتجاوز أغلب عيوب 13 من ناحية الجيمبلاي، و فيها تنويع باللعب للصبح، أشك انك لعبتها لول

صح .. بس انا ما العب ار بي جي علشان روعة الجيم بلاي والكومبات سيستم
والا كانت جرانديا 3 من اعظم العاب الار بي جي في التاريخ ولا كومبات سيستم لفاينل يوازي جماليتها
ومن ناحية الجيم بلاي .. ما فيه شيء اسوء من فاينل 8 ونظام الجيم بلاي الغبي اللي فيها

انا ما لعبت 13-2 .. لاني مو مقتنع اصلا باللعبة .. ولا ابغي العبها واشوى اني ما لعبتها
ومثلي الكثير .. على قولتهم .. I vote with my wallet
لهالسبب مبيعات فاينل فانتاسي العظيمة المجيدة ما وصلت لمبيعات سلسلة ثانوية بالار بي جي
مثل تيلز وفشلت وفلبت اللعبة

و بعدين انا ماني عارف ايش المميز انك تاخذ فيدباك اللاعبين بشيء معين، ترليون شركة تسوي هالشي.

فيه شركات تاخذ فيد باك لانه شيء دبلوماسي ولازم تسويه
او علشان يطلع ليك واحد متفلسف يقول لك انتوا - الفانز - ما تعرفون تلعبون اللعبة مثل ما نبغي او المفروض تلعبون
لازم تلعب اللعبة بهالطريقة لازم تتحمل العشرين ساعة لانها تجهيز للبيج فينالي على قولتهم
ومن هالكلام اللي يعجبونك فيه عباقرة اليابان

وفيه شركات محترمة تتعامل مع زبائنها كشركاء كقيمة .. كشيء مهم واساسي في النجاح
فلما يقولون ليها يا جماعة لعبتكم فيها افكار حليوة - مثل اساسين - بس عيبها انها مملة
عيبها اني ما احس بشيء تجاه الطائر .. تقوم وتغير وتعدل في الجيم بلاي في الشخصية في القصة

سمعت ناوتي دوج ان الناس تشتكي من التصويب .. جابت هاللاعبين لمكاتبها وقعدت وياهم وسمعت ليهم
وحاولوا باسرع ما يمكن انه يصلحون هالخلل

في بداية هالجيل .. كانت فيه مشكلة في البلاي ستيشن 3 كجهاز انه ما يرفع الديسبلاي علشان يوائم التلفزيون
يعني تلفزيوني العريق السابق كان يعرض وضوح 1080 اي بس .. لما قدمنا لناوتي دوج هالشيء
والله في يومين بس قبل اصدار اللعبة .. ردوا علينا وقالوا بس خلاص خلينا اللعبة تدعم هالخيار
في انتشارتد 1 .. قسما بالله يومين بس يمكن مو اكثر .. وقالوا احنا ما درينا عن هالشيء
ومن اليوم ورايح كل لعبة بننزلها بتكون تدعم كل خيارات الديسبلاي

هذي الشركات المحترمة .. اللي تقدر زبائنها .. مو نقول ليهم هالشخصيات ما نحبها
اللعبة فيها جذي وجذي وجذي .. يفرضونها عليك لا ويبون يفرضون الجزء الثالث من اللعبة اللي انت اصلا ما تحبها عليك

بالنهاية العجيبة .. to be continued

=========

dro

من 2006 و هو مقرر ... FFXIII ما فيها خريطة عالم ... و FF Versus XIII فيها خريطة عالم .. انتظر Versus

ما فيها خريطة عالم شيء .. وما فيها مدن شيء ثاني .. بس مجرد ما بدأت ردك بـ 2006 جتني الصيحة
يالله ننتظر .. وش هاللعبة اللي تاخذ 7 سنوات تطوير ! كاني اشوف ديوك نيوكوم الجديدة !

تواجد تورايما و كيتاس

توراياما هذا انا اشك اصلا انه يسمع باختراع اسمه فيدباك من الناس
انا سمعت عن تحشيشه في ثيرد بيرثداي .. قلت مو معقول الكلام اللي سمعته
واخذت اللعبة .. يا ريتني ما اخذتها .. انطباعي عن القصة بسيط
واحد محشش .. سكران .. كتب القصة وهو محشش ويهلوس
والله لو تساله ويش القصة وويش تبغي تقول من القصة ما يدري
خسف بسلسلة كانت سكوير تقدر تحييها بطريقة افضل بمراااحل وتكون سلسلة ممتازة بعد
لكن تعطيها لمحشش .. نتيجتها تحشيش

يا اخي انت ما تعرف تكتب قصص عن السفر عبر الزمن غير لا تكتب فيهم
انت مو مجبور تركز على هالشيء .. أشوى اني ما اشتريت فاينل 13-2
وانطباعات الناس الحمد لله اكدت كلامي .. انا من اول ما سمعت انه هو الكاتب قلت هالرجال سكران ومحشش
ما بيطلع منه الا تحشيش .. اشوى اني ما غلطت وعطيته فرصة
صدق صدق .. ذكرني بمسلسلاتنا الخليجية .. عجل النهاية .. الى اللقاء في الجزء القادم :xd:

 

[hussien-11]

انت بس فكر فيها لعبة ار بي جي يابانية ما فيها مدن .. ويش فايدتها

سلسلة بيرسونا ما فيها مدن و مع ذلك من اروع ألعاب الاربيجي الي ممكن تلعبها، سلسلة زينو ما فيها مدن أيضا و ما يعيبها شيء، لاست ستوري ما فيها مدن و اللعبة top notch
المشكلة مش في غياب المدن بقدر عدم وجود شيء يعوضها
فف10 من منتصف اللعبة للنهاية ما فيها مدن لكن مين انتبه أو حس بهالشي ؟ و لا حد، لأنه الـpace باللعبة كان بيرفكت
مشكلة فف13 سوء رتم اللعبة و قلة التنويع فيها.

غلطان .. 10 نزلت 2001 .. بعدين بدت الشركة تدخل في الليمبو
بالمختصر .. لما كانت تنزل لعبة كل سنة ما كنا نقول ان هذي سلسلة رياضية او فيفا
كنا سعيدين ان فيه مطور يقدم منتج ممتاز كل سنة

واصلا الالعاب اللي نزلت متتالية احسن من الالعاب الي اخذت 5 و 6 سنوات تطوير

عزيزي في كل جيل تزيد صعوبة التطوير و تكاليفه و تزيد فترة التطوير الي يتطلبها إنتاج ألعاب AAA و هذا أمر طبيعي
على فكرة 9 و 10 تم إنتاجهم من فرق تطوير مختلفة لهيك صدروا بأوقات غير متباعدة كثيرا، لكن كل لعبة منهم أخذت سنوات في التطوير، فف10 استغرقت 3 سنوات كاملة.
و فف12 استغرقت 5 سنوات و كانت لعبة ضخمة جدا و ممتازة جدا من جميع النواحي.

صح .. بس انا ما العب ار بي جي علشان روعة الجيم بلاي والكومبات سيستم
والا كانت جرانديا 3 من اعظم العاب الار بي جي في التاريخ ولا كومبات سيستم لفاينل يوازي جماليتها
ومن ناحية الجيم بلاي .. ما فيه شيء اسوء من فاينل 8 ونظام الجيم بلاي الغبي اللي فيها

انا ما لعبت 13-2 .. لاني مو مقتنع اصلا باللعبة .. ولا ابغي العبها واشوى اني ما لعبتها
ومثلي الكثير .. على قولتهم .. I vote with my wallet
لهالسبب مبيعات فاينل فانتاسي العظيمة المجيدة ما وصلت لمبيعات سلسلة ثانوية بالار بي جي
مثل تيلز وفشلت وفلبت اللعبة

أخ Veeto، انت قاعد تقول كلام ماله أدنى أساس من الصحة، أولا ايش هي تيلز الي باعت أكثر من فف ؟! هالكلام عمره ما صار.
ثانيا ما دام لعبتها فموضوعك كله خالي من الصحة، انت تقول انه عدم معالجة الأخطاء من عيوب هذا الجيل، طيب تعال العب 13-2 و تكلم عن معالجة الأخطاء ؟؟
اذا ما لعبتها لا تعطي نفسك الحق تحكم على اللعبة و طريقة معالجتها لأخطاء من سبقها
و بعدين تعال نظام القتال في فف8 غبي ؟ انت ايش قاعد تخربط ؟؟؟ شكلك من الناس الي يقروا كثير في نيوجاف و يصدقوا كلام المخبولين الي هناك و الي مفكرين نفسهم يفهموا بالجيمز لوول
نظام قتال فف8 نظام عبقري و أوريجنال و من أحسن ما يكون
و بعدين كل الألعاب تلعب لأجل الجيمبلاي أولا وكل شيء ثانيا، حتى ألعاب الاربيجي
بوكيمون أكثر لعبة اربيجي مبيعا في التاريخ و اللعبة بدون قصة
دراجون كويست أكثر لعبة اربيجي مبيعا في اليابان و أيضا ما ترتكز على القصة
الجيمبلاي = أساس الألعاب سواء اكانت الالعاب هذي اربيجي أو شي ثاني
و ايش الي يمنع انك تعتبر جرانديا3 من أحسن ألعاب الاربيجي ؟ هي فعلا من أعرق ألعاب هذا النوع من الألعاب لكنها طبعا ما تصف جنب فاينل نهائيا

فيه شركات تاخذ فيد باك لانه شيء دبلوماسي ولازم تسويه
او علشان يطلع ليك واحد متفلسف يقول لك انتوا - الفانز - ما تعرفون تلعبون اللعبة مثل ما نبغي او المفروض تلعبون
لازم تلعب اللعبة بهالطريقة لازم تتحمل العشرين ساعة لانها تجهيز للبيج فينالي على قولتهم
ومن هالكلام اللي يعجبونك فيه عباقرة اليابان

وفيه شركات محترمة تتعامل مع زبائنها كشركاء كقيمة .. كشيء مهم واساسي في النجاح
فلما يقولون ليها يا جماعة لعبتكم فيها افكار حليوة - مثل اساسين - بس عيبها انها مملة
عيبها اني ما احس بشيء تجاه الطائر .. تقوم وتغير وتعدل في الجيم بلاي في الشخصية في القصة

الأمر كله يتوقف على نظرتك للأمور
فيه شركات تحاول تبنيلك ألعاب عظيمة و ممتعة منذ اليوم الأول
و فيه شركات تحاول تضحك عليك و تلم فلوسك و بعدين تسوي الي انت تطالب فيه ! بعد ما ضمنوا النجاح التجاري للعبة

انت تتطلع على الأمور من منظور واحد فقط

ما فيها خريطة عالم شيء .. وما فيها مدن شيء ثاني .. بس مجرد ما بدأت ردك بـ 2006 جتني الصيحة
يالله ننتظر .. وش هاللعبة اللي تاخذ 7 سنوات تطوير ! كاني اشوف ديوك نيوكوم الجديدة !

تطوير فيرسس توقف أكثر من مرة علشان فريق العمل يساعد بألعاب سكوير الأخرى، اللعبة من فترة مش طويلة بدأت بالـfull production، لكن ما عندي شك انه النتيجة النهائية بتكون وحدة من أحسن ألعاب الجيل، بل أنا مرشحها تكون لعبة الجيل بجانب سوبر ماريو جالاكسي
و الله يهنيك بدوك نيوكم، ويهنينا بفاينل فانتسي فيرسس :tongue:

توراياما هذا انا اشك اصلا انه يسمع باختراع اسمه فيدباك من الناس
انا سمعت عن تحشيشه في ثيرد بيرثداي .. قلت مو معقول الكلام اللي سمعته
واخذت اللعبة .. يا ريتني ما اخذتها .. انطباعي عن القصة بسيط
واحد محشش .. سكران .. كتب القصة وهو محشش ويهلوس
والله لو تساله ويش القصة وويش تبغي تقول من القصة ما يدري
خسف بسلسلة كانت سكوير تقدر تحييها بطريقة افضل بمراااحل وتكون سلسلة ممتازة بعد
لكن تعطيها لمحشش .. نتيجتها تحشيش

يا اخي انت ما تعرف تكتب قصص عن السفر عبر الزمن غير لا تكتب فيهم
انت مو مجبور تركز على هالشيء .. أشوى اني ما اشتريت فاينل 13-2
وانطباعات الناس الحمد لله اكدت كلامي .. انا من اول ما سمعت انه هو الكاتب قلت هالرجال سكران ومحشش
ما بيطلع منه الا تحشيش .. اشوى اني ما غلطت وعطيته فرصة
صدق صدق .. ذكرني بمسلسلاتنا الخليجية .. عجل النهاية .. الى اللقاء في الجزء القادم :xd:

انا ما لعبت ثيرد بيرثداي لكن من طريقة تفكيرك و ردودك أختار اني ما أثق بانطباعاتك حول اللعبة، لأني شفت كثير ناس حبوها
تورياما بشكل عام ما يعجبني كثير، لكن أيضا ما أنسى انه كان مخرج فف10 الأسطورية، و الي تعتبر صاحبة أفضل قصة و نهاية عند الجمهور الياباني من بين جميع ألعاب الفيديو.

و بعدين بما انك تتكلم عن تصحيح الأخطاء و توصف بعض المطورين كأنهم ملائكة والبعض الآخر كأنهم شياطين
كول اوف ديوتي تسلم عليك :xd: .. نفسي أشوف هاللعبة تسوي شي جديد أو تعدل محركها البالي و الي ما يرتقي نهائيا لمعيار الألعاب الجديدة، مجرد حلب و دعايات و سمعة و اللعبة تبيييييييييييع و الشركة ساحبة على كل الانتقادات، لا تكون أحادي النظرة و لا تسمع كلام الآخرين، فكر بنفسك و ابتعد عن تأثير الإعلام و شوف الحقائق فقط.

 

[Sora Diersly]

hussien-11

97 .. فاينل 7
99 .. فاينل 8
2000 .. فاينل 9
2001 .. فاينل 10
2002 .. فاينل 11
2003 .. فاينل اكس -2

بس لو اكمل ؟ :laugh::

فيه فرق لما تقارن ألعاب من بداية الـ 2000/أواخر التسعينات مع ألعاب 2009 وطالع. السبب يكمن في فرق الكونسلز اللي غيّر إمكانيات الشركات وصارت تفرق في الشغل اللي تقدر تحدثه على لعبة خلال سنة وحدة, وطبعا يفرق بعدد الفريق والإمدادات المعطاه لهم. اللي يقصده حسين أن سكوير أيام التسعينات ماكانت تحتاج جهد خرافي حتى تنزل لعبة مثل اللحين. الستاندرد حق الألعاب في عصرنا هذا هو سنتين إلى ثلاثة, ويوصل لـ 4 برضوا. يعتمد على كمية الشغل اللي يبغى المطور أنه يحطه في لعبته ويحدث فرق فيها. ومؤخراً المطورين صاروا يستخدمون محركات جاهزة وامور جاهزة في ألعاب أخرى وجمعها داخل لعبة ثانية جديدة وتسميتها بأسم جديد, والعملية تجارية جداً بسبب غلاء التطوير مقارنة بسابقاً والقيمة الإنتاجية للعبة بشكل عام.

لما تقارن لعبة مثل اساسن كريد وفاينل فانتسي فهذي نقطة ماأتفق معك فيها. فاينل فانتسي تتغير مع كل جزء من 1-13, أساسن كريد قص ولصق من بعضها. يغيرون شكل البطل وحواف المباني, ويغيرون أسماء الشخصيات والقصة ومجرياتها. يمكن لما تقرأ آخر مقطع من ردي راح تقول "طيب وش تبغى يغيرون بعد؟" بقولك هنا يكمن خطأ المقارنة. ماتقدر تقارن لعبة من جنرا "المفروض ماتتغير كثير" وتطلع عن الجنرا الخاص فيها (اساسن كريد), بعكس لعبة ثانية "تعتمد" على التغيير اللي يجذب اللاعبين لها (فاينل فانتسي). سكوير تعيد خلق عالم بأكمله من الصفر, أجواء, أوادم جديدة بتصاميم جديدة, مُدن وخرائط وميني جيم بلاي, وقصة و 8-12 شخصيات أساسية في قصة دقيق تصميمهم جداً لدرجة انك تشوف خصلات الشعر تتحرك بشكل حقيقي, هذا غير عروض السي جي اللي تُعتبر قصّة ثانية. ولو قارننا الداونجريد اللي حاصل في جزء 13-2 فهو بسبب الأساس السيء اللي بنت عليه سكوير هالجزء *يناظر 13 بطرف عين* لكنهم بالنهاية وُفقوا في خلق نظام قتال "إدماني" من الدرجة الأولى. وهذا بمثابة النقلة النوعية لأسلوب القتال اللي يجمع بين الكاجوالز والآر بي جي فريكس. لكن سهّلوا التجربة جداً في 13-2 وهذا شيء لا يُغفر فعلاً.

اللي جالس أحاول اقوله هنا بإختصار, المقارنة بين فف13-2 و أساسن كريد غير منطقية ولا توصل لنتيجة حقيقية. ماقصدي أنزل من قدر اساسن كريد عند الفانز, لكن مهما كانت اللعبة المفروض ما "تنسخ وتنلصق" زي ماهي في كل جُزء. أنا استمتعت جداً بالجزء الثاني - اللي يعتبره الكل نقلة نوعية - وأطمح لجُزء مُشابه. لأني لما لعبت برذرهود, ماقدرت أكمل لـ بعد سيكونس 8 :/

 

[Veeto]

hussien-11

سلسلة زينو ما فيها مدن أيضا و ما يعيبها شيء،

انا اتذكر ان كان فيها .. وزينو جيرز بالتحديد فيها .. زينو ساجا
بعد اتذكر فيهم .. عموما انا ما اتذكر لعبة ار بي جي لعبتها انا
انها صارت
قتال - فيديو - قتال - قيديو - قتال
مثل .. فاينل 13 ابدا ابدا

عزيزي في كل جيل تزيد صعوبة التطوير و تكاليفه و تزيد فترة التطوير الي يتطلبها إنتاج ألعاب AAA و هذا أمر طبيعي

الحين انت كنت تنتقد اصدار لعبة كل سنة
مو جودة ( اللعبة )

لكن كل لعبة منهم أخذت سنوات في التطوير، فف10 استغرقت 3 سنوات كاملة.
و فف12 استغرقت 5 سنوات و كانت لعبة ضخمة جدا و ممتازة جدا من جميع النواحي

وهالشيء ينطبق على اساسين كريد 3
صار ليها تتطور 3 سنوات على كلام الشركة نفسها

الفرق .. ان يوبي سوفت قاعدة تنزل العاب .. وسكوير معلنة عن لعبة من 2006
لليوم ما نزلت .. وهذا اخفاق وفشل .. حتى لو حاولنا نجمله

أخ Veeto، انت قاعد تقول كلام ماله أدنى أساس من الصحة، أولا ايش هي تيلز الي باعت أكثر من فف ؟! هالكلام عمره ما صار.

من السوق الياباني على اعتبار اخر تيلز للحين ما نزلت لكل الاسواق

01./00. [PS3] Tales of Xillia # <RPG> (Bandai Namco) {2011.09.08} (¥8.379) - 525.605 / NEW <87,12%>

01./00. [PS3] Final Fantasy XIII-2 # <RPG> (Square Enix) {2011.12.15} (¥7.980) - 524.217 / NEW <62,06%>

خخخخ صدق الفرق الف .. بس هذي اول مرة بحياتي انا اشوف سلسلة فاينل فانتاسي تبيع بهالسوء

و بعدين تعال نظام القتال في فف8 غبي ؟ انت ايش قاعد تخربط ؟؟؟

بامانة غبي وممل وبطيء .. ما يمنع ان اللعبة ممتعة .. لكن انك تضيع وقتك تسوي (( دراو )) للماجيك
او السامونز اللي ياخذ 10 دقائق .. ما اظن ان ليه تسمية ثانية غير غبي

في الصيف اعدت اللعبة .. لا زالت محتفظة بجماليتها .. لكن الكومبات سيستم قاتل للعبة
الفكرة المبنية حولها الكومبات سيستم كانت غلط

دراجون كويست أكثر لعبة اربيجي مبيعا في اليابان و أيضا ما ترتكز على القصة

اللي جربتها انا .. دراجون كويست 8 .. كانت قصتها ممتازة
انا اتكلم عن تجربتي انا .. انا عاشق لالعاب فاينل .. واعرف توجه فاينل فاانتاسي
لو كنت عاشق لالعاب دراجون كويست .. واعرف بدائية الكومبات سيستم
فما بنتقد لو تم تطوير القصة او الغائها .. انا بشتري لعبة شوتر مثلا
اشتريها علشان اشياء معينة فيها .. اتخيل يوم انت يصحى لك كوجيما ويقول لك والله انا اكتشفت
ان ميتال جير بالمقاطع اللي فيها .. تقتل (( انسيابية اللعبة )) فانا بخلي اللعبة بدون قصة !

اوكي الجيم بلاي حافظت عليه .. وطورته وحسنته .. بس مو هذي ميتال اللي انا اتابعها انا احبها
انا اشتريها انا ادعمها

عشاق دراجون كويست .. يحبون تقليدية دراجون كويست رايهم احترم فيه
مثل عشاق بوكيمون .. مثلي انا عاشق فاينل فانتاسي

و ايش الي يمنع انك تعتبر جرانديا3 من أحسن ألعاب الاربيجي ؟
هي فعلا من أعرق ألعاب هذا النوع من الألعاب لكنها طبعا ما تصف جنب فاينل نهائيا

يعني ويش (( من احسن )) .. من احسن 5 .. 10 .. 20 .. 50 .. 100 ؟
اانا عندي ولا تدش ضمن احسن 50 ..

و فيه شركات تحاول تضحك عليك و تلم فلوسك و بعدين تسوي الي انت تطالب فيه !

بامانة حسين .. مو هذا اللي سوتها سكوير مع فاينل 13
ضحكت على الناس اخذت فلوسهم .. ويش تفسيرك ان مبيعات اللعبة
فاينل 13 باعت مليونين .. في اول اسبوع .. وفاينل 13-2 باعت نص هالكمية في اول اسبوع
ما تحس ان الناس تعلمت الدرس وعلمت سكوير الدرس !

بالمقابل .. يوبي سوفت .. اساسين كريد صارت قيمة ثابتة في عالم الالعاب

انا ما لعبت ثيرد بيرثداي لكن من طريقة تفكيرك و ردودك
أختار اني ما أثق بانطباعاتك حول اللعبة، لأني شفت كثير ناس حبوها

اخوي حسين مو مشكلة اتمنى بعد تجربتك ليها تخبرني انطباعك عنها
بعيد انا انطباعي عنها .. على اساس لا تفكر اني داش افرض رايي

اللعبة كلعبة شوتنج فيها كم عنصر ار بي جي .. ممتازة وممتازة جدا
فيها عيب تكنيكي متعلق بالجهاز نفسه .. بالبي اس بي .. ويا الكاميرا
يمكن التجربة تتحسن مع الفيتا مع اني مااظن لان الكاميرا واجد ثقيلة

الشوتنج والكوفر وتنوع الاعداء ممتاز وممتاز جدا
معارك الزعماء بعضها ملحمية .. تخليك حابس انفاسك

لكن قصة .. انسى .. القصة شيء فاشل مقزز مؤلم مضحك مبكي
ما ادري ويش اقول ليك من مشاعر .. انا خاطري اسمع من اللي مدحوا اللعبة او اللي انت تعرفهم مدحوها
ابغيهم يقولون ليي ويش استفادوا من القصة وويش فهموا منها

القصة فيها سفر عبر الزمن .. بس مسوى بطريقة غبية وفاشلة
هذا تورويامو انا ما اعرفه قبل هاللعبة .. ولا عمري تابعته بس من سمعت الناس تتكلم عنه ويا فاينل 13-2
حمدت ربي اني ما عطيته فرصة الرجال ما يعرف يكتب قصص

كل منتديات الالعاب يقولون القصة فاشلة

انا اللي اعرفه كل قصة ليها بداية .. وسط .. حبكة .. نهاية
هالرجال ما يدري ويش يكتب لا يعرف البداية ولا يعرف شلون يسوي نهاية !

كول اوف ديوتي تسلم عليك ..

تراني ما العب لا شوتر ولا فايتنج .. والله يسلمها 😡

====

Sora Diersly


انتون فهمتوا كلامي خطأ .. واسستون لفكرة خطأ على اساسه
كلامي منبني حول هالجملة

أنا استمتعت جداً بالجزء الثاني - اللي يعتبره الكل نقلة نوعية - وأطمح لجُزء مُشابه.

ليش نقلة نوعية .. لانه المطور استمع لآراء جمهوره ونقدهم
انا في حياتي ما اتذكر سلسلة مرت بهالشيء .. ان الجزء الاول فلب بشكل مو طبيعي
والجزء الثاني كان نقلة نوعية لهالمستوى

بعطيك مثال من سكوير .. السامونز .. هالايام انا العب فاينل 9
فيه حركة حلوة مسويتنها سكوير يومها .. وهي السامونز وطول مقطع ما يطلعون
اول مرة تشوف المقطع كامل .. بعدين تشوف اخر حركة

واضح انهم يستمعون للنقد اللي صادهم من فاينل 8

انا ما عندي مشكلة مع فاينل وهي تخلق عالم جديد .. وتحاول تطبق افكارها
7-8-9 .. مختلفين كليا .. حتى 10 .. بعد مختلفة احترمت فيها تجربتهم
احترمت فيها كل شيء .. حتى احترمتهم في جزء 10-2 .. لان واجد طالبوا بهالجزء
وسكوير استمتعت لجمهورها وقدمت ليهم اللي يبونه

لكن 13 .. لا .. هالشيء ما صار .. اوكي انت قدمت رؤويتك كمطور في فكرتك للتطوير في هالفئة
بس انت تناسيتني انا .. انا اللي ادفع رواتبك :laugh:: .. صح ؟
انا جزء من هالعملية .. لما اقول لك ان هاللعبة انا ما احبها وما حبيتها
تروح تسوي ليي جزء ثاني .. فيه شيء غلط بالموضوع

وفوق هذا .. الجزء الثاني مبني .. على ان فيه جزء ثالث !

 

[bahamut]

بالنسبة لي وبكل بساطة

كل اجزاء فاينل فانتسي احبها من كل قلبي وكل جزء لعبته استمتعت فيه لاخر درجة

انا موعارف ليش الناس متحاملة على الجزء 12 والله انه حلو وعجبني فيه نظام القتال هو انك تحط اوامر القتال والشخصية تنفذ العملية فيها استراتيجيات حلوة ممكن تعملها

وحتى ال 13 صحيح في البداية ممل لكن من صج استمتعت بعد كذا والى اليوم العبها مع اني خاتمها من فترة

باختصار سكوير اينكس عندي من افضل واعرق الشركات وايش ماعملت بالذات في فاينل فانتسي ماراح انزل من قيمتها عندي ربع بالمية

لك كل التحية مني يا سكوير 😎:

 

[Veeto]

bahamut

كل اجزاء فاينل فانتسي احبها من كل قلبي وكل جزء لعبته استمتعت فيه لاخر درجة

تقريبا انا مثلك الى 13 .. اانا بدأت مع السلسلة من السابع
سكوير في بلاي ستيشن 1 .. كل لعبة تحمل شعار سكوير اشتريها

اخذت فاينل فانتاسي كامل .. 7-8-9 .. الاستراتيجية ما جربتهم ما ادري ليش ما دش بمزاجي
الستراتيجيك ار بي جي
اخذت زينو جيرز - السيدي االاول واحدة من اجمل اجمل تجارب الار بي جي على الاطلاق -
اخذت باراسايت ايف 1 + 2 .. الاثنين تجربة حلوة في الاكشن ار بي جي
اخذت كرونو كروس .. ما ادري ليش ما اتذكر منه شيء :wow:
اخذت فاجرانت ستوري .. اول لعبة من سكوير تاخذ 40 من فاميتسو

وحتى في البلاي 2 .. اخذت كولكشن كبير من العاب سكوير
كينجدوم هيرتس 1 + 2 .. فاينل 10 .. 10+ 2 .. 12
وغيرهم

بس سكوير في البلاي 3 .. خرفت .. السالفة مو امكانيات او ميزانية او او
السالفة فيه غلط كبير في اساس المشروع من البداية والفكرة الاساسية ليه
وما بني على باطل .. فهو باطل

هالايام العب فاينل 9 .. يا اخي من اول لحظة تحس ان اللعبة شيء غير
تحس باشياء واجد .. هذا وهي مو فاينل المفضلة عندي .. سابقا كنت اعتبرها بعيدة جدا عن الجزء الثامن
انا ترتيبي لفاينل 7 اول .. 8 .. 9 .. حاليا الثامن والتاسع بنفس المرحلة من الروعة والجودة

وين ذيك الايام عن هالايام

=====

hussien-11

شكلك من الناس الي يقروا كثير في نيوجاف و يصدقوا كلام المخبولين الي هناك و الي مفكرين نفسهم يفهموا بالجيمز لوول

انا عتبان عليك في هالشيء :annoyed: .. الحين انا زميلكم في المنتدى السابق
اظن انك نفس العضو اللي فيه اللي كنا نتناقش حول مفهوم (( التجربة وماريو 64 ))
يتسكر ذاك المنتدى من سنة ما ادري سنتين ولا تقولون ليي عن هالمنتدى
تخلون اروح للاجانب .. سحقوووون لكم :laugh::

 

[bahamut]

bahamut






بس سكوير في البلاي 3 .. خرفت .. السالفة مو امكانيات او ميزانية او او
السالفة فيه غلط كبير في اساس المشروع من البداية والفكرة الاساسية ليه
وما بني على باطل .. فهو باطل



اتوقع من اللي ماعجبهم فاينل 13 من نظام القتال الجديد
انا معاك ان الكل يحب النظام الكلاسيكي القديم وانا واحد من هالناس ودي يرجعونه
بس مانبي نظلم ال 13 احس ناس كثير ماخذه موقف منه
وعلى فكرة انا ختمت 8 حاليا وقاعد العب في 7 -10 وناوي اخلص 9 بعد وحتى 10-2 لان بصراحة هالاجزاء ماتمل منها