ممكن نتكلم شوية عن سهولة إلقاء تهمة العنصرية؟
- بادئ الموضوع سيفروس سنيب
- تاريخ البدء
- الحالة
Futrus
True Gamer
انتبه ترا يسبب السرطان
سيفروس سنيب
بروفيسور فنون الظلام
قرأت بوستك على حائط عبد الله ورديت عليك
لكن لا كلامك ماكان عنصري كان خاطئ في جزئية إنه لايمكن يفلحون في علم الفلك عشان مافلحوا في المطاعم
وكالعادة دارك انت ترول كبير وكالعادة خشبة يحب ينكت ويوسع صدره وكالعادة سيفروس ياخذ الأمور بجدية ويوم آخر في تي جي
التعديل الأخير:
てぇBのتيZンجي
阿保かな/あぼかな/阿保かな
في فترة شبابي يوم كنت بس احب أسولف صادقت ناس من كثير دول من مختلف القارات. ما عدا شرق آسيا. فرصتي أني ابني علاقة صداقة طيبة مع وايت سوبريميسست وأنا بكل ذا السواد أضعاف مضاعفة من أني ابني علاقة مع أي شخص شرق آسيوي. حتى في كأس آسيا يوم تابعتها في المنتدى الكروي هم كانوا الوحيدين الي ما يسولفوا مع أحد وبس يعلقوا لحالهم @_@ مدري الوضع عنصرية ولا توحد بس في شيء غريب فيهم. *للإنصاف الاندونيسيين كانوا الأكثر تفتح من الي شفته عندهم*
اتذكر يوم كنت تنتقد الاجبان ومنتجات الحليب بالأخص القشطوزه وما مر اسبوع الا وكارثة تسمم ٢٦ زبون ظهرت في الاعلام. والبلدية ماقصرت، قفلت كل الفروع.
هذا غير مطعم وهمي اللي حرمت اطلب منه.
Invader Zim
TG’s Discord Owner
ماك برضو
retha
遥か
ليه أتعّب نفسي وأكتب؟
ترا تعميمك مضروب.
Othmane
VoidSprinter
من حقك تطالب بأماكن خاصة فيك او الدولة تخصص لهم مكان يعيشون فيه مثل الي مسويته دولتنا مع لاجئين مالي والنيجر وما جاورهما... لكن كلامك تحت ماله داعي بصراحة.
هذي الاشياء ممكن تحصلها في اي شخص ومش محصورة على عرق معين. ايضا ما اشوف فيه مشكلة نتشارك نفس المرافق او الاماكن الترفيهية ما داموا يلتزمون بالقوانين.
Raulioo
Tarnished
انت مشاكلك معظمها مالها علاقة ب"عنصريتك" بقدر ما انك محتاج قوانين وانظمة تعالج الوضع اكثر...وبأمانة كثير منها حاجات صعب التحكم فيها لانه فيها تضارب ثقافات وفكر، بس مش الحل برفضه تماما بنفس الوقت لانه يفتح باب لاضرار اكبر.
نحن بفترة، الخليج والسعودية بالذات منفتحة على العالم وتحاول تغير الصورة النمطية بشكل اكبر ووراها كاس العالم....يعني اخر شي بتحتاجه وصف مشابه خاصة من صائدي الزلات، وايضا حظ موفق لك بتشوف الكوكب كامل بحارة بيتكم قريبا @@
نحن بفترة، الخليج والسعودية بالذات منفتحة على العالم وتحاول تغير الصورة النمطية بشكل اكبر ووراها كاس العالم....يعني اخر شي بتحتاجه وصف مشابه خاصة من صائدي الزلات، وايضا حظ موفق لك بتشوف الكوكب كامل بحارة بيتكم قريبا @@
Atlas
Gamer
من حيث كون الفصل بين سكان جغرافيا معينة عن غيرها ذميم سواء على المرجعية الأخلاقية الدينية، أو على المرجعية الأخلاقية البشرية الوضعية(المشهورة). عموما، الانتساب إلى الجغرافيا هو أفيون الشعوب الحقيقي، القومية والوطنية ونحوها، وليس الدين كما يزعم ماركس.
بالمناسبة، الطريف في اليابان، أنهم رغم تاريخهم الاستبدادي الجامح، الساموراي والشوغن وجرائم الحرب بالصينيين، إلا انهم في وقتنا الحالي أكثر الشعوب طاعة وإنصياغ ههههههههه، نظر في ذلك Noam Chomsky.
Avicenna
φιλόσοφος
تهمة العنصرية ترتفع عادةً مع ازدياد التنوع الثقافي والهجرة لأي دولة، لكن هذه التهم لا تأتي دائمًا من فراغ. في كثير من الأحيان، العنصرية تكون واقعًا موجودًا فعلاً، ومن الطبيعي أن يرى الناس أي شكل من أشكال التفرقة العرقية على أنه عنصري، ولا أظنهم مخطئين في ذلك.
صحيح أن بعض الافعال والصفات يمكن تعميمها على الثقافات، لكن معاملة الأفراد بناءً على هذا التعميم مشكلة كبيرة، لأنك بذلك تنكر حق الفرد وتمنح الحقوق لجماعة عرقية أو دينية أو مذهبية، وهذا في جوهره من أبسط أشكال العنصرية.
ولا تظن إن هذه المشكلة موجودة عندنا فقط، اليوم أوروبا تعاني من نفس الموضوع: الانحسار الثقافي بسبب تزايد عدد المهاجرين، وخصوصًا من العرب والمسلمين. المواطن الغربي يشعر أحيانًا أن ثقافته وعاداته تُهدد أو تُشوّه من قبل الوافدين الجدد، وهذا يؤدي إلى تطرف بعضهم كردة فعل بشرية. وغالبًا ما تكون هذه النظرة مصحوبة بنوع من الاحتقار أو الفوقية، لأن الهجرات تأتي عادة من دول أفقر إلى دول أكثر تقدمًا.
قبل أسبوع، التقيت شخصًا كان يشتكي من سائق حافلة باكستاني مسلم، ويقول إنه "قذر" لأنه وضع رجله فوق صنبور المياه. هو ما كان يعرف أن الرجل كان يتوضأ. في نظره، هذا التصرف غير مقبول. الثقافات تختلف، ومن المستحيل أن ترضى تمامًا عن ثقافة مهاجرة، لكن الحل لا يكون في العداء، بل في محاولة الموازنة بين ثقافة الوافد واحترام عادات المجتمع المضيف.
ويكون ذلك بسن قوانين واضحة مثل ما اقترح البعض. عند ذلك لن يتهمك احد بالعنصرية لانك انتقدت سلوك او فعل مهين وليس عرقاً لان نسبة كبيرة من ذلك العرق يقومون بذلك السلوك..
سيفروس سنيب
بروفيسور فنون الظلام
انا قلته من واقع تجربتي ووضحت إنه لاينطبق عالكل. انا وانت مو مختلفين في وجهة التظر إذن بأحقية الأماكن الخاصة.
فقط انت أسأت فهمي كتعميم على الكل.
شكرا لتفهمك نعم أنظمة وقوانين.
وآآهـ لاتعور القلب على سيرة كأس العالم
قبلها تماما أبخرج من البلد لين ينتهي الكابوس
ومواطنين كثير قالوها كمان.
أبقى ممنون أني أقدر أجري حوار في شي حساس
كذا وألاقي أحد يحاول يفهم (خذ رمز وردة)
ياخوي أطلس ماهموني اليابانيين ولا سألت فيهم
إنت تقول شيء مذموم ممكن توضح لي لم مذموم
هل تصرف المالك في ملكه كما يشاء مذموم؟
خاصة إذا وراءه أسباب؟
لو عندي سيارة وابغى اشاركها مع كل اخواني
إلا ذاك الأخ الزفت الي يجيب قسايم ويهربد السيارة
ليش هالتصرف مذموم؟
ولما تجي العائلة تتهمك بكراهية اخوك
ماتشوفها سطحية مستفزة؟
النسر الأسود
TG news editor
موضوع مفيد من حيث إذا في حد محتاج تعريف للعنصرية وممارساتها فبدلهم على موضوعك.
سيفروس سنيب
بروفيسور فنون الظلام
حياك الله أخوي النسر ... ردك مهو جديد علي وأتقبله بصدر رحب.
تم تحديث الموضوع بتصويت
بندول
True Gamer
أكثر جمهورين سوو جو رائع في البطولة السعودي والمكسيكي يوم طلعو منها صدق رحت الركن المظلم (&)
بإذن الله نحضر بطولة السعودية ونرد لهم الجميل
النسر الأسود
TG news editor
الأمثلة اللي طرحتها ما كانت موفقة، لكن بصراحة الفكرة الأساسية للموضوع صحيحة، وهي سهولة اتهام الناس بالعنصرية.
أنا شخص مغترب وعشت أغلب حياتي خارج بلدي، وخلال هالفترة شفت كثير من المواقف اللي يتم فيها اتهام الناس بالعنصرية في غير محلها. أحيانًا يتم تفسير أي تصرف عادي أو حتى شخصي على إنه عنصري، وهو بالحقيقة ما له أي علاقة بالعنصرية.
يعني مثلا، إذا مجموعة من الموظفين المواطنين قرروا يطلعون مع بعض بعد الدوام لمطعم وما دعوا زميلهم من جنسية ثانية، على طول يتم وصف هذا التصرف بأنه عنصري، بينما الواقع إنه ما في أي التزام اجتماعي يجبرهم يصيرون أصدقاء أو يدمجون الكل في حياتهم الخاصة.
العنصرية الحقيقية تكون لما يُحرم الإنسان من حقه، أو يُعامل بدون احترام، أو يُقصى بسبب جنسيته أو خلفيته. لكن نحتاج نميز بين التصرفات الشخصية وبين التمييز العنصري الفعلي، عشان ما نفقد المعنى الحقيقي للكلمة.
كان رد على الحبيب فوتروس في موضوع نينتندو
بس لإني تطرقت لنقاط كثيرة بعضها اجتماعي قررت أفتح موضوع
أي أحد يحب يدلو بدلوه يتفضل
حتكلم بشكل عام وأركز على الصورة الكبيرة فتحملني شوية!
ايش المشكلة .. وريني ليش هو غلط؟ .. ياليت فيه أماكن ترفيهية في السعودية مخصصة لأهل البلد فقط و لا أشوف أي هندي أو برماوي غصبا عن عيني
لهم ممارسات قذرة كثيرة بتقولون مو كل هندي وبرماوي بقولكم مو كلهم بس معظمهم ياجماعة والله استحمام مايستحمون
أدري بتقولون عنصري .. وهالشيء لاحظته كل ما كان الإنسان عنده شعور قوي بالهوية والمحافظة كل ماسهل على الآخرين يتهمونه بالعنصرية
من حقي أوفر أشياء لأهل بلدي بس .. ومايحق للغريب يطالب بنفس المعاملة أنا ماخلفتك ونسيتك إنت جاي في ركني إنت تتأقلم معي
إذا هم يبون مطعم ياكلون فيه لوحدهم ليش أحاشرهم فيه ويا تقبلوني يا إنتم عنصريين؟؟ شي غريب والله فيه مطاعم ثانية روح فيها
كوني غير مرحب بي مايعني إني مكروه
انت عارف قد ايش هم شعب عنده بروتوكولات ؟
تخيل يحطون هالبوسترات في القطار عشان يعلمون الهمج الأجانب لاترفع صوتك بزيادة.
الناس ترجع من العمل تعبانة تلقى ذاك الأجنبي الي رفيقه جنبه لكن الصوت يوصل لآخر مقطورة ..
طبعا تصوير المزعجين على هيئة قرود حركة مقصودة &
هذا من كتاب الابتدائي حقهم :
الشاهد هم شعب عنده بروتوكولات وياما ياما تململوا من كسر الأجانب لهالبروتوكولات.
لسى قريب يتكلمون عن الأضرار الي يلحقونها السياح بالمعالم الدينية عندهم.
وبرأيي البسيط ماعلى الضيف إلا الالتزام بالأدب وتخفيف العبء على المضيف.
ممكن بعدين أتوسع في أمثلة أكثر عن الأخطاء الي يرتكبونها الأجانب خاصة الصينيين
الصينين بالذات ماخلوا بلد مامارسوا الاحتكار فيها
يارجل في كل دولة في العالم فتحوا تشايناتاون ..
باقي بس يفتحونها في مكة
وتسمعون خبر تفجيرها في عملية إرهابية &
----------------------------
والآن بشكل عام هذي وجهة نظري:
عمري ماشفت بلد استماتت في الترحيب بالأجنبي وإرضاؤه إلا وأكلت بالجزمة على وجهها
وأمريكا خير مثال مع إنها مكب لكل حثالات الأرض لسى زعلانين ويبوها تعطيهم فوق الي أعطتهم
إذا على المستوى المحلي بين أبناء البلد الوحدة تشوف ملامح لظاهرة التضايق من الإثقال
اليوم عادي يجي حجازي أو شمالي يقول أهل الرياض عنصريين أهل الرياض مايبغونا
ياخي شفطتم وظايفهم وشققهم وعبيتم الشوارع لين صار أبسط مشوار ياخذ ساغة
يقولي طيب شنسوي؟ لقمة العيش هناك التطوير كله هناك ..
مفهوم أعرف إنك اضطريت تروح عشان لقمة العيش
بس برضه لازم تتفهم إنه روحتك هناك ثقلت على أهل المنطقة وطبيعي يعبرون
وتعبيرهم ليس بعنصرية بتاتا
أوه انت ماحبيتني؟ انت عنصري
انت ماشلتني؟ انت عنصري
انت مافتحت لي مطعمك انت عنصري
يالله يالله جد أنا ماني فاهم العالم قد ايش صار يستغل تهمة العنصرية في تحقيق مآرب أخرى
أتمنى الصورة وضحت إن مو كل مايبدو كعنصرية هو عنصرية حقيقية
(بغضاء سببها العرق اللون الشكل أو كراهية لذات الشخص)
أحيانا السلوكيات أو التوابع الي تجي من القرب مع المختلف/ الغريب/ البعيد تكون هي السبب
أو يكون السبب ببساطة نزعة للمحافظة وأنا رأيي إن المحافظة ورسم الحدود هي الطريق الأسلم حتى بين أبناء البلد الواحد
مياعة الحدود وانعدام التجانس وذوبان الثقافة والاستبدال الفكري هي مشاكل يعاني منها كل مجتمع أسرف في التفتح على الآخر
وأدري بتقولون عنصري تراني متعود عالتهمة يالله ماعليه
في الرد اعلاه، بدأت كلامك بفكر عنصري تجاه الهنود والبرماويين.
قلت:
"من حقي أوفر أشياء لأهل بلدي بس .. ومايحق للغريب يطالب بنفس المعاملة أنا ماخلفتك ونسيتك إنت جاي في ركني إنت تتأقلم معي"
بعدها توسعت لتتطرق لصفات الشعب الياباني المعروف عالميا بالزينوفوبيا، لأسباب كثيرة منها انهم شعب متجانس عرقيا --هوموجينوس-- فاختلاطهم بالثقافات الاخرى اقل من شعوب اخرى.
تابعت خواطرك لتقوم بنعت الصينيين، لماذا؟ لأنهم "فتحوا تشايناتاون" بكل البلاد التي يقيمون بها.
طيب مش مشكلتك كانت ان "الهنود والبرماويين" دخلوا في "الاماكن الترفيهية المخصصة لأهل البلد في السعودية"؟
اليس الحل ان يتخارجوا من اماكن اهل البلد ليصنعوا اماكن خاصة بهم.. مثل...
تشايناتاون او هندي تاون او برماوي تاون؟
ولا متبيهم يطلعوا من البيت؟؟
يعني لست براض عن الهنود في الاماكن الترفيهية العامة ولست كذلك براض عن الصينيين في اماكنهم الترفيهية الخاصة.
***ربما فكرك معطوب؟؟؟؟؟***
ماعلينا.
دخلت في خط اخر بالحديث عن لتبرر عنصرية بعض اهل الرياض على السعوديين من خارج الرياض، بل قمت ايضا بتبرير بالبرود وعدم اكرام ضيوف اتوكم في منزلكم يوم العيد.
اعتقد المشكلة ماهي بالهنود والبرماويين، او الصينيين، او الحجازيين او حتى المساكين اللي جو عندك بالبيت يوم العيد..
اعتقد المشكلة فيك انت، عندك ميل لعنصرية فجة تبدأ من الغريب وتطال ابناء بلدك بل وحتى ضيوفك. تستطيع ان تكون انطوائي بدون ان تكون عنصري.
Raulioo
Tarnished
اكبر غلط انه ربط العادات الذميمة بالدول والاعراق، بحاجات كلها ممكن تحصل من افراد البلد والمنطقة نفسهم.
لازم نعرف ان زي ما نظن اننا نتحمل غيرنا لعادات وطبايع قد تكون ما تناسبنا (وبعضهم مضطرين لظروف قاهرة)، فغيرنا اللي متحملنا ايضا باماكن اخرى.
+ الغربة صعبة ومش رفاهية.
Hugo
عابر سبيل
بلادكم قارة ما شاء الله ما راح تشعر فيهم
سيفروس سنيب
بروفيسور فنون الظلام
وضح موضع العنصرية. أنا أنكر عليهم جزئية النظافة والسلوكيات الهمجية وذكرت إنه مهو الكل ولكن تشيع فيهم.
زينوفوبيا هيموجينا ماحب هالملصقات الي تحط أشياء كثيرة معقدة تحت مظلة وحدة. هم شعب عنده بروتوكولات غرست فيهم من الصغر
ولها دور كبير في عدم تقبلهم للآخر .. لازم نفهم إن درجة عالية من الانضباط يتبعها تلقائيا درجة منخفضة من التفتح (باختصار مايبون النظام هذا ينعطب)
أنا أتعاطف معهم لأني أشعر فيهم ومريت بتجارب شبيهة.
وانت تعيد كلامي من دون ماتوضح إيش المشكلة ؟
كوني صاحب الأرض يحق لي أدخل من أشاء وأرفض من أشاء وين المشكلة؟
لأنها ليست بلادهم والكلام يمشي علي كمان يعني ماينفع أروح أمريكا وأفتح سعودي تاون
في استراليا كثرت المدن الصينية .. تظنها ظاهرة كويسة؟ الأجار للصيني أرخص بكثير ولهم مواقع خاصة يأجرون بعضهم البعض بشكل أرخص من غيرهم
هجرتهم بالأفواج تحدث تغيير ديموغرافي وخربت أسعار العقار كثير.
وضحت مواضع أخرى في نقدي مثل ذوبان الثقافة الي هو شي خطير ما أحد تقريبا يتطرق له
لا أريدهم يطلعون من بيت ماهو بيتي لكن إذا صاحب البيت قرر يطلعهم أتساءل لماذا يوصف بالعنصري؟
لقد أصبح عند العالم درجة مقرفة من الاستحقاقية
تخيل منزلك يجيه أحد ويصر على المكوث ويمارس تصرفات غثيثة ولم يضيق بك الصبر توصف بالعنصري؟
فكري وضحته قدر المستطاع بإمكانك ترد على النقاط بدل شغل الـlabels هذا
يمديني أرد بشكل أخشن بس لأني صاحب الموضوع حابب أفسح مجال وصدر رحب قدر الإمكان
نعم ولازلت عند كلامي أهل الرياض يعانون اليوم بسبب ظاهرة نزوح باقي المناطق
وإذا امتعضوا من الحاصل يتهمون بالعنصرية هذا واقع نعيشه اليوم وغلط ..
الموضوع يحتاج تخطيط أفضل كحل .. لكني استشهد به كمثل إنه ليس كل من يتململ من المشاكل التي يأتي بها الغريب هو قطعا عنصري
مافيه أسهل من اتهام الناس .. الصعب هو إنك تحاول تجد الحقيقة وتفهم
كيف توصلت إلى إني لم أكرم ضيفي؟
لأني ماضحكت معهم .. لأن هذا نفس المعيار المعطوب الذي استعمله ابن خالتي
كيف أضحك في مجلس مليان فيه الأمة العربية ، ذكرت إن والدي عنده أصدقاء كثر
أضف إن الناس مختلفين في الأطباع مهو كل من لم يعطيك المعاملة التي تريدها مباشرة عنصري
المشكلة إن الشخصيات الانطوائية المحافظة عرضه أكبر لتهم العنصرية
أتمنى وضحت الصورة
إذا ستتابع النقاش لاتعود علي بتوصيفات معطوب وغيرها عندك زر التصويت فوق.
أكيد مافيه أدفى من الدائرة القريبة الي تمون ويفهمونك بشكل أكبر
لكن شهادة حق بالنسبة لمكان على الإنترنت
ومكان ما أدخله إلا كم مرة في السنة
أنا راضي جدا عن مستوى التفهم والحوار
حتى الي مستائين مني ردودهم رحيبة
Dr3awy
The shattered
هههههههههههههه يعني انت جمعت ما يكفي من الشجاعة لتفتح الموضوع ويوم جا مربط الفرس و "التأصيل " السيفرساوي للعنصرية نخيت ؟
لا كمل معروفك وقسم الدنيا طبقات وأرشدنا أيهم غير قابل للإصلاح وليش طالما الموضوع ما أُغلق
لا تنسى نبغى ملاحظات للطبقات القابلة للإصلاح عشان يرتقوا للستاندرد
Raulioo
Tarnished
GTA؟
سِراج
True Gamer
مورتال كومبات.
- الحالة