اول شي مشكورين جميعاً و ما قصرتوا و الله, ما توقعت كل هالتجاوب @_@
أفضل شي تسويه, انزل الشارع وشوف لك شلة مشكلجية, سبهم و تحرش فيهم, و خلهم يلحقونك.
واذا دخلت بمضاربة الله يعينك.
الله يهديك بس هو انا بتاع مشاكل :cryy: ؟
وبعدها قول هذي غشمره وتعالوا بالسرداب اعلمكم فنون القتال
وتسوون نادي ويكثر الاقبال عليه وتبلشون تسوون عمليات تخريبيه؟ وتمزعون وجه الي يوقف ضدكم
ماشاء الله عليك مخيلتك واسعة
ترفيه + ترفيه + ترفيه وتروح تزيدها بترفيه
هذا هو سبب الملل !
و الله كلامك فيه جانب كبير من الصحة, ممكن هذا هو فعلاً سبب مللي اللي انا فيه, لازم ادخل في امور تكون فيها مسؤولية كبيرة و اشغل نفسي فيها حتى احققها و انجح, بحاول !
و بعدين دور لك بنت قيمر أو على الأقل أخوانها قيمرز عشان تتفهم هالهوس الي عندك.
لول, ما افكر في الزواج حالياً, بعد ما اتخرج و اشتغل ان شاء الله ..
لأ
افتح Blog في Multiply و يروح الملل على طول ..
البلوقات فكرتها ما دخلت مزاجي ابداً من اول ما سمعت عنها للأسف *_*
شكراً على ردك اللي اكثر من مفيد صراحة :yuck:
تزوج ! ، بالفعل ما في شي يسلي الرجل أكثر من الزواج .. ما تقدر حاليا ؟ اوكي
عموما أنت تبحث عن جديد ولا تحصل عليه ؟ طيب .. ويش رايك مممم تحاول تصنع هواية ، تجرب لك رياضة من الرياضات إذا كنت تقدر ، تقرأ قصص رهيبة ، أو كتب دينية ( والله العظيم هذا أكثر شيء مسلي ! )
عموما أنا ما أحس بالملل أبدا ، مع أني ما أقدر أحصل حتى 1% من الأشياء اللي اتمناها ! ، لكني ما أحس بملل .. والحمد لله وإذا حسيت بملل فأنا أوهم نفسي بأني أشعر به .. ببساطة انظر لكل شي نظرة حلوة وحاول أي شي تعمله يكون لوجه الله ووقتها مستحيل تحس بملل ..
مثل ما قلت الزواج ما افكر فيه حالياً, بالنسبة للقصص فأنا شريت مجموعة قصص من مدة و ناوي ابتدي فيها قريباً ان شاء الله, و نفس الشي مع الكتب الدينية, و بالنسبة لطريقتك فممكن تكون عملية و مناسبة بالنسبة لك لكن بالنسبة لي ما بيمشي الحال للأسف @_@ !
السلام عليكم ورحمة الله وبركاته:
أخوي أنا رح أنصحك بأمرين:
1- استمع لمحاضرات لأي من الدعاة الرائعين أو اللي أنت تفضلهم كعمرو خالد وعمر عبد الكافي وخالد الراشد وغيرهم كثر ، وتستطيع إيجاد تلك المحضارات بسهولة على الانترنت أو في الأسواق
2- جد لنفسك إهتمام حقيقي غير ترفيهمي وأقصد نوع من أنواع العلم النافع
طبعا أنا لا أقصد العلوم التطبيقية اللي والحمد لله متعبتنا في المدارس والجامعات كالفيزياء والكيمياء والرياضيات...الخ بل أقصد علوما أخرى كالشعر والأدب والفلسفة وعلوم الشرع وغيره كثير
مثلا أنا الآن أدرس هندسة الميكانيك لكني أحس بمتعة كبيرة عند قراءة مواضيع الدراسات العسكرية عن العصور المختلفة وهناك صديق لي كان يستمتع بعلوم الفلك وغير ذلك كثير
بالنسبة للاستماع للقرآن الكريم باللغة الانجليزية فقناة الشارقة تلبي الغرض ولكن لا أدري تواقيت التلاوات
و عليكم السلام و رحمة الله و بركاته ..
بالنسبة للنقطة الاولى, فالحمد لله سمعت تقريباً كل المحاضرات لدعاة و مشايخ كثار مثل الشيخ نبيل العوضي و الدكتور طارق السويدان و عمرو خالد و كثار غيرهم, و حالياً مش لاقي اشرطة ثانية تهمني او تجذب إنتباهي !
بالنسبة للنقطة الثانية, مممم ما فكرت فيها من قبل لكن اعتقد انها راح تمشي معاي, ببتدي اول شي ادور لي على الإهتمام هذا, و اعتقد انه بيكون له علاقة بالفلك او التاريخ @_@ فكرتك اعجبتني صراحة و ان شاء الله من بكرا ببتدي في البحث !
بالنسبة للتلاوات فممكن احصلها على النت مو مشكلة, و ان شاء الله قريباً كتاب التفسير بيكون عندي ..
تسلموا شباب و ما قصرتوا ابداً الله يعطيكم العافية
