مقال Forbes حول التوجه الجديد لCapcom ( مثير للاهتمام )

[Arsene Lupin]

مو مشكلة كابكوم انك ما تعرف ايش هو "الفن" .. الله يهديك اوكامي تعتبرها اي شي ؟؟ خخخ خلي التعصب على جنب اخوي ... اللعبة هذي كلها = فن.

ما ابي اعلق على نقطة نقطه من كلامك .. لكن بشكل عام .. كيلر مو من كلوفر .. اللونين هذي اخليها لجيرز وريزيستنس ... الاصوات الي تجيب الكئابه .. لوول مو مشكلة اقولك مره ثانيه لازم تعرف ايش هو الفن والمو فن .. اقصد Art هنا.

المشكلة انت قاعد تدافع عن ايش ؟؟ لوست بلانت ؟؟ ولا ديد رايزنق ؟؟ لا حول ولا قوة الا بالله .. شكلك ما لعبة العاب كابكوم القديمة ابداَ. ولعبك كان كله Doom, Unreal T.

الا على فكرة .. لوووول ردك دايما يلحقه رد ل Sir Korn .. اخوان انتم ؟؟ :laugh:

باختصار الي أدافع عنه هو الذوق الأمريكي... الي أصبح يعامل كأنه الشيطان الي يغزو عالم الفيديو قيمز

كل ما جت لعبة بطق و طقيق و أسلحة و دمان سمعنا موال يعععع ذوق أمريكي.. لعبة مكجولة..الخ. أجل لازم اللعبة تدخل آلهه في الموضوع عشان تصير فن؟ يا يروحون يذبحون الإله الي بيدمر العالم الي هي قصة ثلاث أرباع ألعاب الأربيجي الياباني.. أو واحد متحمس بزيادة و بيصير إله... أو خربوها في الأخير و يخلوني ألعب بكلب و يقولون خلاص اختصرنا عليك الموضوع هذاك صرت إله.

أما عن كيلر سفن.. ممكن تحط بدالها كلمة "فيوتيفول جو".. ما أعتقد أحتاج أغير شي ثاني في الرد :laugh: .. أعتذر عن الغلط.. و السبب ان كلهم من كابكوم و على الكيوب في فترة "الابتكار" المزعومة.. تصورتها من نفس الفريق التعيس كلوفر.

لا ما عليك.. عاصرت كل الكونسولز تقريبا.. و مريت على أكبر أسماء كابكوم مثل ستريت فايتر.. ريزيدنت ايفل.. ديفيل مي كراي.. و غيرهم.. و كلها ألعاب عظيمة و كلاسيك بالنسبة لي. لكن مع ذلك ألعاب مثل دووم و أنريل مثل حجم هذي الأسماء أو أعرق.

عموما ردودي في هالموضوع أدري انه مكتوب عليها كلمة تعصب.. لكن المغزى واضح:

الذوق الجيد عالمي ما له مكان.

تحياتي لك Matt Casamassina :laugh:

أما عن سير كورن.. ايه أحد أصحابي في الواقع.. و طبيعي يكون عندنا نفس الذوق

و ما أعتقد انه الوحيد الي يشاركني الرد... متأكد كثير من عشاق الذوق الأمريكي يوافقوني.. لكن يتجنبون مثل هالمواضيع.. أو يردون بدبلوماسية.. لأن الذوق الياباني متغلل بشدة في هالمنتدى ::

 

[Ginko]

انا اوافق ابو اسم رهيب (ارسن لوبن) في موضوع ان العالم صايره تقول ان وععع الذوق الامريكي تافه ومدري ايش، يعني معليش لكن اذا احد شافك تقول هالشيء بيختم عليك ختم "ما عنده سالفه".

لكن اخالف ان اوكامي لعبه غير جيده، اللعبه الفاليو فيها خرافي والبرودكشن جبار، كل شيء مطبق بشكل كامل والكامل وجه الله. اللعبه يعني مستوى عالي وقويه. لكن للاسف ما باعت. كلوفر استوديو شخصيا اشوفه قادر على العاب جباره، لكن بالنهايه فكرة وهدف الاستوديو ما تدخل فلوس، فقرار كابكوم ممتاز بما انهم ما تخلصوا من نفس العاملين.

 

[AMOR]

فعلاً الذوق الجيد ماله مكان محدد ...

بالعكس حتى اذا نظرت للمبيعات الامريكية تشوف الذوق >>>>> اليابان, يكفيك ان الشعب ما يشتري زيلدا :/

بس في نفس الوقت موب معناها نروح ندمر اي شي له علاقة باليابان, كلوفر كان استوديو ممتاز جداً و العابه ماباعت حتى في اليابان :/, و اعتقد قليلين هنا حبوا العابه أصلاً...

 

[ryo hazuki]

يكفيك ان الشعب ما يشتري زيلدا :/

زيلدا باعت بشكل حلو في امريكا .. و تعتبر جيده جدا بمبيعات الجهاز
اذا عندك ارقام تناقض كلامي ممكن انك تحطها لو تسمح

في موضوع ان العالم صايره تقول ان وععع الذوق الامريكي تافه ومدري ايش،

لا مش العالم كله اللهم فقط قله قليله يلي هم بين الامريكي و الياباني
على قولتهم هذا عصر العولمه

 

[m7tram]

زيلدا باعت بشكل حلو في امريكا .. و تعتبر جيده جدا بمبيعات الجهاز
اذا عندك ارقام تناقض كلامي ممكن انك تحطها لو تسمح

AMOR يقصد اليابانين انهم الشعب الي ما يشترون زيلدا مو أمريكا .

 

[DeaDMaN]

اممم شباب المسألة اكبر من ذوق امريكي وذوق ياباني , عن نفسي أحب الالعاب الامريكيه واليابانية ,, لكن كابكوم عندها ألعاب يابانية من الطراز الأول واهمال الشركة لها هو المشكلة الحقيقية...

 

[JOE]

طالما هذا التوجه في صالح الشركة مالياً ..... للأمام كابكوم

آخر اعمال الشركة (لوست) تم فيها عمليه خلط الذوقين الامريكي و الياباني بكل إحترافية و إتقان .

الذوق الامريكي : للعبة شوتر + اسلوب الاكشن الساخن + الاسلحة
الذوق الياباني : الآليات + إحساس الالعاب الاولد سكول العريقة + الزعماء و إستراتيجياتهم .

هذا غير سلاسل الشركة إلي تتواصل (بايو + ديفل + اونيموشا + مونستر هنتر + فينكس رايت + ميجامان.....)

كابكوم إجمالا هي افضل مطور في النيكست جينريشن و بكل جدارة :cooool:

 

[dingo]

انا اشوف ان كابكوم ماشيه 10/10 بالنكست جين.......

والمسأله مو ذوق امريكي ولا ياباني .....الزين زين امريكي ولا ياباني

 

[Khalid-S]

لوبين او عبدالله او اي واحد يقول الذوق الامريكي "اوع" .... احد قال هذا الشي ؟؟ الي فهمته من الموضوع هو كابكوم بالثوب الجديد الامريكي .. مو الالعاب الامريكيه "اوع"

مستحيل اعيش بدون العاب امريكيه الي العبها في الفتره هذي اكثر من اليابانيه ... جيرز وكاونتر والعاب غيرها .. لكن ما اعرف ليش غيرتوا اتجاه الموضوع من كابكوم للالعاب الامريكية بالاجماع.

انا ما ابي كابكوم تصير Epic ... ابي كابكوم القديمة ... راحت كابكوم القديمة مو مشكلة راح معاها الفان بويز حقينها .. الى بالنهايه يتمنون الافضل للشركة من جميع النواحي.