معلومات جديدة لـ Resident Evil 5 من فاميتسو (اول صورة للشخصية الجديدة)

[squall leonhart]

وبعدين اذا على القصة ، تراها آخر شي ممكن المحرر او الناقد يهتم في في مراجعته لأي لعبة لأنه في النهاية هذه جيييييم وليست كتاب يعني شي interactive مش فقط مجرد تفرجة على مقاطع زي ميتال جير او فاينل فانتازي بالساعات وفي النهاية ولا وحدة منهم نفعتهم هذه القصص في التقييمات
يعني فاينل 12 حصلت على تقييمات عالية عشان الجيمبلاي مش القصة الضعيفة
وميتال جير سوليد 3 تقييمها كان منخفض في جيمسبوت عشان كان فيها عيوب في الجيمبلاي ولم ينظر للقصة الي كان ممكن تخليها تاخد تقييمات اعلى لو كانت هي الأساس

طبعا لازم يكون فيه قصة ممتازة لكن ما تكون الاولوية ابدافي عالم الالعاب التفاعلي

اوه جيم سبوت .. ما كنت اعتقد احد بيجيب سيرته بعد فضيحة TP ..

بعدين لووول ايش دخلنا بالنقاد و المراجعين بهذا النقاش .. و اذا كنت معتبر ميتل جير و FF مجرد عروض طويله فهذي مشكلتك انت

 

[Final Fantasy]

و الله القرية لحالها و الأتموسفير الي فيها تمسح مناطق الأجزاء الماضية عن أبوها

القصر !!

مركز الشرطة !!

حسين من جدك ؟؟

حرام عليك اذا كنت ما تمزح .....

على العموم ان شاءالله نشوف ألغاز و سيناريو محترم بالخامس .. لأن سيناريو RE4 بكل أمانه أغبى سيناريو مر علي بحياتي و لو كنت أبي أعمل سيناريو غبي بشكل متعمد ما كنت راح أقدر أخليه لهالدرجة من الغباء و السخافة و الركاكه و السذاجه و السطحية .. الخ من الصفات الي ماراح تعطي للسيناريو حقه من الغباء اللامتناهي .

 

[Emirates]

انا مع همام في انه رزيدنت ايفل اتغيرت شخصيا الرابع ما اعجبني في الوحوش .. ( اضرب راس الوحش يطلع لي راس ثاني ما اعرف شقايل ) والا هذيلاك اللي في القلعه يفرون لك المنجنيق .. اوريا شريب ما اعرف شو



اوكي يغيرون تصاميم الزومبز يخلونهم اكثر صعوبه واسرع بيقللون الملل اللي يشتكون منه الاعضاء .. على نفس كيمرا وجيم بلي الرابع .. ضربنا عصفورين بحجر


اما تروح لي اسبانيا ما اعرف المكسيك والحين في الصومال .. اضن الجزء السادس في الهند ؟! يجونك قوم كريكا وفيلتهم

انتقادي مب للعبه بقدر ما هو للوحوش

 

[Humam]

ايش الي اضحكك يا حسين ؟ انا ما علي بغيري انا علي برأي وليش انا افضل رزدنت ايفل القديمة على 4 , شي واضح وبديهي , خذ عمر كمثال, اتكلمت معاه كثييييييييير بخصوص اللعبة ( ولسة امس كنا نتكلم عنها ) وكلنا مشتركين في نفس النقاط.. محد انتقد الجيم بلاي والا بالقوة تبغى تطلعني اني انتقده ؟

من جدك همام ؟ لا لا أكيد تمزح ، يا شيخ و الله القرية لحالها و الأتموسفير الي فيها تمسح مناطق الأجزاء الماضية عن أبوها ، ما بدي أعدد مناطق تانية

يا سلااااااااااااام.. لالا من جد انت الي لا تضحكني بقوة اخاف اطيح من فوق الكرسي من كثر الضحك, أجل رزدنت ايفل من مدن ومختبرات بيولوجية و قصور تنقلب فجأة إلى جو gothic في غاية السقامة.. المشكلة البعض يحسبني انتقد الشيء لمظهره مش كتوجه, رزدنت ايفل 4 لعبة لها أتموسفير مميز جدا و الآرت ممتاز و.. الخ, بس يا جماعة الخير افهموا شوية وبلاش دفاع أعمى غير منطقي, هذا التوجه ما يناسب رزدنت اييييييييييييفل.. لين متى نعيد و نكرر.

اما تعملوا لي منها لعبة مو بالمستوى ؟

يا اخي اخاف انك داخلت في نقاش سابق مع ناس ثانيين ولسة معلق في دماغك هذا النقاش فمخليك تطابق كلامهم بكلامنا.. متى قلنا رزدنت ايفل 4 بدون مستوى ؟ بالله يجيب لي اقتباس لواحد قال اهذا الكلام في هذا الموضوع, رجاء بلا تأليف, رزدنت ايفل 4 ممتازة جدا كلعبة أكشن بحتة بدون قصة وبدون ألغاز و بدون شخصيات لها خلفيات معينة تدخل في القصة.. فقط لا غير.. هذي هي رزدنت ايفل 4.. غير كذة تخسي وتعقب اذا تتقارن برزدنت ايفل السابقة في ذي الجوانب, أصلا المقارنة مالها أي أساس, فرق السماء والأرض.

الله يخليلك الزومبيز همام

آمين يارب, على الأقل كانوا نجوم في سلسلة أسطورية هم والتايرنت والنمسيز و الهنتر, مو المتخلفين الي مقامهم لعبة أكشن بحتة بمجرد ما تنهي اللعبة ما تتذكر مين هم و كيف طلعوا وايش كانوا..

 

[Bounty]

لول للي يقولون ان 4 مسحت ابو الاجزاء الي طافت .. شكلكم ما تابعتو\انتظرتو صدور اجزاء رزدنت ايفل .. شكلكم لعبتوها كلها مره وحده ..

رزدنت ايفل 4 ما تسوى شي عند (كود فيرونيكا خاصه .. و الاجزاء الي قبلها عامه) غير الجيم بلاي ..


بس تبقى بالنسبه لي من 5 العاب بالجيل الي طاف (كل اللست العاب رزدنت ايفل لول ) ..
1-فيرونيكا
2-زيرو
3-ريميك
4-4
5-فاتل فريم 2 مع سايلنت هيل 2 << داشين عرض لول ..

اما هالجزء شكل قصته حلوه و متأمل فيه خير ..

 

[hussien-11]

مين الي لعب السلسلة كلها مرة وحدة ؟!! انا ماشي معاها جزء جزء من ريزدنت ايفل2

همام ، احنا متفقين على مستوى اللعبة و عيوبها إذن .. الاختلاف في باقي النقاط يظل عائد لوجهات نظر شخصية لا أكثر ، يعني أنا أشوف المناطق و الارت و التوجه الجديد أفضل و انت تشوف القديم أفضل ، بس .​

 

[Huda]

امممم الجزء الرابع كان مغامرات مو رعب عكس الأجزاء السابقه خصوصاً رزدينت ايفل ون القصر الموسيقى الزومبيز كلها دخلتنا بجو مرعب !
الجزء الرابع حلو ماعليه بس الكلام هنا ليش اغلب الشركات تغير اسلوبها ؟
تعودت على نمط معين لرزدينت ايفل
ماقدر اقول ان الرابع كان مو زين بالعكس زين لكن في لاعبين كثير من النوع الكلاسيكي مايحب ان تتغير اللعبه بشكل كبير وانا منهم :slant:

سؤال للأخ خالد
الحين مو راكون سيتي تفجرت برزدينت ايفل 3 على ماعتقد ؟
انا مادري عن اوت بريك مالعبتها بس اذا على كلامك فجروها فهي تفجرت برضو بالجزء 3 مو ؟​

 

[Solay]

للقرويين الأغبياء

هاها القرويين أغبى من الزومبي!! على الأقل القرويين يركضون يتجنبون الطلقه يرفعون السلم

مو زي الزومبي يالله يسحب رجلينه!!

 

[Gon freeces]

يعني فاينل 12 حصلت على تقييمات عالية عشان الجيمبلاي مش القصة الضعيفة

ما اتذكر اي موقع انتقد القصة........

 

[Final Fantasy]

الحين مو راكون سيتي تفجرت برزدينت ايفل 3 على ماعتقد ؟
انا مادري عن اوت بريك مالعبتها بس اذا على كلامك فجروها فهي تفجرت برضو بالجزء 3 مو ؟

أحداث آوتبريك 1 و 2 تجري بنفس فترة أحداث الثاني و الثالث .

يعني انفجار مدينة راكون سيتي شاهدناه مرة أخرى و لكن من وجهة نظر أبطال آوتبريك بعد ما شاهدناه سابقا من وجهة نظر جيل و كارلوس بالثالث .

 

[ASWD]

احلى شي اللي يقول رعب في الجزء الرابع..موتني ضحك ياشييييخ..تتكلم عن الرعب؟..تعال تكلم عنه بوقته مو بعد مايطوف..اول ماظهرت رزدنت مو كل واحد فيكم قال اووه والله رعب على اصوله شوف كيف هذ وشوف كيف ذاك وألخ ألخ..والحين تقول مافي شي يخوف بالزومبي حلوة حلووووووووووووووة..اما الرابع فالانتقاد اجاه بوقته *فرق بين الوقت الحالي والماضي* اللي مافيه قصة ولا سيناريوهات ولا الغاز ولا رعب..الحسنة الوحيدة اللي فيه هو الجيم بلي والامور التقنية *كاميرا ألخ*..اما الاعداء واللي مدري فيه ناس متونسة بيهم وكل شوي قالو قروين يركضون وحاملين اسلحة واذكياء.لما تواجههم تحس كانك جالس تلعب FPS جمعة من الاعداء يطلعو الك يالله قتلهم وامشي..ولا اللي يقول المناطق احلى من الاجزاء القديمة هذول والله احس انهم كانو يلعبو لعبة ثانية مو اجزاء رزدنت ايفل..القرية هذي ماتسوى اصغر منطقة ظهرت بالاجزاء القديمة..

 

[Khalid-S]

ستيف برون سايد مع ويسكر ... لكن هذي معلومه جديده لي ان اذا واحد محقون بفايروس .. بعدها يقدرون يستخرجون الفايروس هذا منه ... اذا على كذا ليش ويسكر يلحق ورى السامبل في الجزء الرابع وهو محقون بفايروس اليم ؟؟ كان استخرجه من نفسه وطوره بدل المشوار الي ضربه لاسبانيا.

لول في شباب يبون الشركة. القصر ....الخ .. اركتيك القصر اخذ منهم 7 سنوات لبنائه وهذا فقط من ابو ليزا تريفر .. وغير ان بعد ما دخله حصل اشياء كثير فجأه انحطت وانبنت .. خلينا على المستشفيات والشوارع .. وقتها كان في دمار حاصل ... وهجوم مخطط له من سنين طويله .. لان امبريلا كانت عظمى في وقتها .. لكن الحين ايش ؟؟ تبي ويسكر يرميها هو وكم واحد معه في مكان !!! صعبه بقوه. قاعد يجربها في اماكن بسيطه مثل قرى افريقيا لان عارف محد عندك هناك.

وانا قاعد اقرى المنشورات باللعبه (على الانترنت) شد انتباهي منشور مكتوب عليه (اكتشاف فايروس في افريقيا) وذكرو اسمه .. وراحو فريق من امبريلا يشوفون ايش السالفه .. ووقف تتمة المنشور هنا.

واضح ان كابكوم مو قاعده ترسم جسر يتبع كل قصة جزء فجأه ... تخبص في الي تبي .. باين ان كل شي كان مخطط له من قبل (القصة)

اما الجيم بلاي في الجزء الرابع صحيح انها كانت تفتقد (عناصر) كثيره كانت تتميز فيها السلسله .. لكن بالنايه الرعب موجود في جميع الاجزاء .. الي اشوفه كان ناقص فقط هي الالغاز الكثيره ... ما اعتقد بنشوفها ايضاَ في افريقيا. لكن الرعب بنحط جنبه X 20

 

[Khalid-S]

لاحظت ان في ناس يخلطون حبهم للاجزاء القديمة بالزومبيز .. وخولهم مرعبين اكثر لسبب حبهم لنظام اللعبه القديم ويحاولون بشتى الطرق انهم يخلون الزومبيز ارعب فقط لان ما عجبهم نظام RE4 .. او مو ما عجبهم ... عجبهم بس كانو يبون القديم.

لول والله ابو المنشار في RE4 لحاله يخوفني اكثر من كل الزومبيز ... المشكله ايش المرعب في الزومبيز بالله ؟؟ يمشي ببطئ قدامك .. تسوي ريلود وتجهز نفسك ولسه ما وصلك .. اما صاحب المنشار تحصله شغله ويركض باتجاهك. ضربه وحده ويشيل راسك.

 

[Colorization]

المشكله ايش المرعب في الزومبيز بالله ؟؟ يمشي ببطئ قدامك .. تسوي ريلود وتجهز نفسك ولسه ما وصلك .. اما صاحب المنشار تحصله شغله ويركض باتجاهك. ضربه وحده ويشيل راسك.

آنا أخاف من الزومبيز! آنا أخاف من اي enemy باللعبة لول

مابي أدش بنقاش مع أحد لأنه عندي قناعة إنه كل شخص له ذوقه الخاص فيه، لكن بالنسبة لي أفضل جزء هو الثاني، كلهم ممتازين وما أحب أقارن بينهم لكن الثاني كان له طعم خاص.. 🙁

 

[Aoks]

لول والله ابو المنشار في RE4 لحاله يخوفني اكثر من كل الزومبيز ... المشكله ايش المرعب في الزومبيز بالله ؟؟ يمشي ببطئ قدامك .. تسوي ريلود وتجهز نفسك ولسه ما وصلك .. اما صاحب المنشار تحصله شغله ويركض باتجاهك. ضربه وحده ويشيل راسك.

شكلك ما لعبت ريزدنت ايفل 3 وكود فيرونيكا

على العموم كل واحد ينام على الجنب الي يريحه
​

 

[The Shark]

على العموم كل واحد ينام على الجنب الي يريحه

فعلا هالكلمة المفيدة الوحيدة بكل هالحوار الطويل و العريض ...
لي سنين في منتديات الجيمز لكن و لا مرة شفت حوار ينتهي باقناع أحد الطرفين الآخر ...​

 

[squall leonhart]

لول والله ابو المنشار في RE4 لحاله يخوفني اكثر من كل الزومبيز ... المشكله ايش المرعب في الزومبيز بالله ؟؟ يمشي ببطئ قدامك .. تسوي ريلود وتجهز نفسك ولسه ما وصلك .. اما صاحب المنشار تحصله شغله ويركض باتجاهك. ضربه وحده ويشيل راسك.

الهنتر حق الجزء الاول يمتلك جميع وحوش رزدنت ايفيل بما فيهم ابو منشار ( الي ما ينشاف باللعبه غير مرتين او 3 بالله هذا وحش لوول) احلى شي لما تكون بممر ضيق و يكون هو واقف بعد اللفه و انت منت شايفه تطلع له فجأه و طاخ تلقى راسك جمب جسمك مقطوع

على العموم كل واحد ينام على الجنب الي يريحه

طيب انا انام و وجهي على قدام .. وش اسوي اجل

 

[Colorization]

لي سنين في منتديات الجيمز لكن و لا مرة شفت حوار ينتهي باقناع أحد الطرفين الآخر ...

لأنه الأغلبية العظمى تظن إنه الإعتراف بالخطأ (وما شابه) عيب وفشلة (لول)
لحد ينقز لي مخترع، ما اقصد أحد، أتكلم in general

 

[squall leonhart]

لأنه الأغلبية العظمى تظن إنه الإعتراف بالخطأ (وما شابه) عيب وفشلة (لول)

woot??

امزح

 

[Kratos]

الهنتر حق الجزء الاول يمتلك جميع وحوش رزدنت ايفيل بما فيهم ابو منشار ( الي ما ينشاف باللعبه غير مرتين او 3 بالله هذا وحش لوول) احلى شي لما تكون بممر ضيق و يكون هو واقف بعد اللفه و انت منت شايفه تطلع له فجأه و طاخ تلقى راسك جمب جسمك مقطوع

من جد كان رهيب

 

[Khalid-S]

لول عبدالعزيز انا مالعبت هذي الاجزاء !! ... وجاي داخل في النقاش هذا ليش.

شباب الي حاب اوضحه هو ان القصة ما تخدم الي انتم تبونه ...

 

[ASWD]

الصور حقت فاميتسو..مخلينها على هيأة فيديو*سارقنهم من جاف*
http://gamers-creed.com/?p=65

البنت اللي قالو بتطلع بالعرض موجودة بالصور..من شعرها*اللي موباين واضح* باين انها شيري..لانه اذا ماكنت اتهيئ كان لونه اشقر...الاعداء مثل ماكانو بالجزء الرابع يجونك درزن وكل واحد منهم حامل فاس ولا منجل الخ ويالله ابدا في ابادتهم..خخخخخخ احلى لقطة يوم يجرون القرويين كريس من رجله كانه ذبيحة لول

 

[m7tram]

صووووووور :gasp: :gasp: :gasp: :

اممم شيري ؟ أو جيل :roll: ؟

هالفيديو حاطين فيه صوور :

http://www.gametrailers.com/umwatcher.php?id=85417


تعديل : يوسف انا تعبت نفسي وحملت الصور وانت بس حطيت الفيديو :cryy: i Hate u

 

[ASWD]

لوول مافي صور بالوصلة الصور موجودة بالفيديو فقط*ياريت كل مرة يسوو جذي فله*

ما اظن جيل فرق بالملامح شيري هي اقرب تخمين+جيل شعرها مو اشقر

 

[m7tram]

حتى انا اشوف انها شيري , لو شيري شي حلووو .. شيري + كريس = كلير :yuck:

بس ما تلاحظ ان البنت جنها محطوطه داخل مكان أختبارات ؟ حولينها ماي تقريباً نفس المكان الي كان فيه تايرنت + أليكسيا .

 

[ASWD]

ايه لاحظت..بس مو مبين هل هذ ماي ولا غبرة متطايرة..من ملبسها مومبين انها محطوطة في شي كانها جالسة تكلم احد او شي من هالقبيل

 

[Suzuki Yu]

لااااااااااااا الظاهر ماهي كلير 🙁 أم ام القهر

 

[sir KoRn]

كووووول الظاهر ماهي كلير :laugh: أم ام الفله

:cooool:

السود بيحقدون على كابكوم :yuck:

أهم شي لا ينسون Hunk

 

[Khalid-S]

كويس انها مو كلير .. الصور الجديدة خطيره مره وتبين ان الجيم بلاي هو نفسه .. الجرافيكس مره رهيب .. النيكست جين الحقيقي يبدا هنا 😛

البنت واضح انها شيري خلاص .. لو زوجة ويليام بيركن حية كان قلت هي بس مافي شخصية شقراء في السلسة الاساسية الا شيري تقريباَ .. اعتقد ان ويسكر مسكها بسهوله من فتره وسوا عليها اختبارات وخرابيط ... بس كبرت مره !!! براجع التاريخ وبجيب لكم كم سنه بالضبط مرت.

لكن اذا كابكوم ودهم يخبصونها ... يمكن تكون الشخصية ..

سيندي من آوت بريك ...

او اليسا من آوت بريك كمان طبعا ..

 

[m7tram]

لوول خالد ماعتقد كابكوم صارو أغبياء لهدرجه علشان يحطون هالشخصيات العبيطه .