شفت زجاج سيارتك الامامي .. ما تلاحظ لما ينزل المطر تتشكل عليه بقع ضبابية .. هذا يصير لما يتلامس البخار مع سطح ابرد ويتكثف .. هذا بالغلاف الجوي طال عمرك نفس الفكرة
اذا كان متكرر فهذا طبيعي .. بس محدثك عايش او عاش 40 سنة ما عمره طاح مطر عندنا في يونيو ما بالك يوليو !
بسال الوالد وكبار السن متى اخر مرة شافوا المطر في شهر 7 !
طيب اذا الغلاف الجوي صار حار اكثر ما بيتكثف اكثر ، ما يتكثف اكثر ما ينزل مطر اكثر
🙂
محدثك عاش ٣٠ سنة مب بعيد واجد عنك ، ونعم امطار صيفية صارت مش اول مرة
تدري ايش المشكلة؟ ان قياسنا محدود على ادراكنا وادراكنا محدود على نفوذنا ، يعني انت تعرف انه نزل مطر اذا نزل على منطقتك ولحقت ترصد الاثر
لكن لو نزل مطر في الخبر ما راح تدري الا لما انا اقولك
من ذا المنطلق كم مساحة ادراك البشر؟ على افضل تقدير هي في حدود القرى والمدن ، لكن بينها؟ ولا شي
لو نزل مطر ولا ما نزل بين الخبر والبحرين لمدة ١٠ دقايق وذا اللي نزل علينا امس اذا ما كان اقل بعد ، محد درا
ف كيف تعرف ان جميع النقاط العمياء الغير محصية ما كانت تنزل عليها نفس الامطار؟ ٧٠٪ من الكوكب بحر! تبي تقنعني ان من خلال حساب معدل التساقط على الارض يغني عن على البحر وتعممه كله على الكوكب
قول انت ما تقول كذا
قول ان القياس على مدينة وحدة خلال اخر ١٠٠ سنة وشافو ان حرارتها تزيد ، مثل خوينا اللي فوق ، طيب وش دراكم انه ما كان يزيد في النقاط العمياء ، وتدريجيا يتحرك ، وبكذا تتساوى الكفة
المنطقة العمياء زادت فيها الحرارة من ١-٥٠ سنة ،
المنطقة المأهولة زادت فيها الحرارة من ٥١-١٠٠ سنة ، المنطقة العمياء زادت الحرارة من ١٠١-١٥٠ سنة
وهكذا
وقبل لا يطب حبيبنا ابن سينا انا ما اقول كل شغلهم غلط وكبوه بالزبل ، لكن احتمالية كلامي قائمة وتجرح في صحة وجهة نظرهم ومن يتبناها على غير هدى
