مطارق موجعة (1) : ... عاشت مدارس بلادنا ... !!!!

[Isaac]

السلام عليكم

مطارق موجعة ... سلسلة نقدية ساخرة ابدأها معكم اليوم ...


أتطرق فيها لبعض المواقف أو الأحداث ... لا تخلو من النقد اللاذع أو المر ...

صراحة من زمان كان ودي ابدأ هالسلسلة ... اليوم استعرض لكم بعض الصور عن حال بعض المدارس في جنوب المملكة ....


كان الله في عونهم !!


ملاحظة : (تعليقات مطارق موجعة المذكورة ليست من تأليفي ... شلحتها من خويي اللي ما أدري من وين شلحها :yuck: شفتها حلوة ومعبرة فقلت مافي حاجة للتغير)

مدرسة نموذجية !!​

مدرسة ابتدائية نموذجية جداً ويلاحظ الأغنام وهذا من اهتمام الدولة بتغذية الطلاب
وايضاً تستخدم للشرح العملي في حصة العلوم .. ويلاحظ الرسومات التشكيلية التي قام بها طلاب التربية الفنية
وهنا يتضح التطبيق العملي !!​

:yuck:

ملعب تراثي ... وقدة حديد!!!​

هنا الملعب في احدى المدارس يتضح الباب .. يلعبون باب واحد وهي لعبة تراثية قديمة وهذا من باب احياء التراث
وهذا من الأساليب التعليمية الجديدة !!!​

جامعة المليوني طالب !!​

جامعة الجوف والتي تتسع لمليونين طالب (طبعا حسب ما قرأت في الصحف هذا المبنى حق التقديم للجامعة)​

 

[Ryu-Bounty Hunter]

والله حظهم المداري اللي بالجنوب
جاهزة الأغنام جدام الباب هعهعهع
ليش احنا ما عندنا كذا في السرقية خخخخ

 

[53]

لوووووووووووووووووووووووووووووووووووووووووووووووول خوش طلبه :yuck:

 

[Isaac]

لول بعد تدقيق اشوف انها ... معيز (لول أظنه الجمع الصحيح لكلمة ماعز) ... وليست أغنام :yuck:

 

[Solid Snake]

هذي المدارس والا بلاش .. كشخة وحركات p: ..

 

[الــخــــارق]

بس خل عنك الجو عندهم رهييييب 🙂
شف الغيوم والجبال 🙂
هذا يعوّض بعض الشيء ..

 

[Pichi]

بس خل عنك الجو عندهم رهييييب 🙂
شف الغيوم والجبال 🙂
هذا يعوّض بعض الشيء ..

من جد !!
....

 

[Van]

لول خوش مدارس, أفضل من اللي عندنا بألف مرة,,, الجامعة لمليونين و للا أربع ملايين , هذي مدينة بعمرها

 

[hyuga neji]

لووووووووووووووووووووووول

ذكرتني بهارفرد

 

[Khalid-S]

اخخخ بس .. قلبت المواجع يا حازم .. متى بس .. متى.

ما ابي اقلب الموضوع سياسي .. لكن من جد طفح الكيل .. هذا يسمى تعليم بالله عليكم ؟؟

 

[Khalid-S]

لووووووووووووووووووووووول

ذكرتني بهارفرد

ونزعل اذا طلع شعبنا غير مثقف او ما يفكر في شي اسمه علم وثقافه واخذ شهادات عليا .. زين اذا اخذ الثانويه. :slant:

 

[الــخــــارق]

خالد أنت تقارن واحدة من جامعات أمريكا الجيدة مع مدارس أحد القرى ..

يعني المدارس اللي في القرى ممكن الطلاب كلهم 15 ..
وكلهم في فصل واحد ..
يعني مستحيل تتخيل مدرسة راقية في 800 متر مربع وهم قليلين ..
غير العادات اللي هناك ..

 

[Isaac]

ونزعل اذا طلع شعبنا غير مثقف او ما يفكر في شي اسمه علم وثقافه واخذ شهادات عليا .. زين اذا اخذ الثانويه. :slant:

صدقت في ذي . :embarrassed:

 

[Khalid-S]

خارق .. صحيح ان الولاية هذي الي جبت منها الصور هي ارقى ولاية للدراسه .. لكن تراها ولاية صغيره في الحجم .. تقريباَ قد منتطقة الرياض فقط وشوي من اجزاء القصيم .. عموماَ ما ابي اكمل السالفه لان لو زادت شوي بنعطي الخطوط الحمراء.

 

[king zell]

المشكلة إن عندنا 200000 جامعة ما أحد يدري عنهم ولا وينهم,.. كل يوم نقرأ في الجريدة إنشاء 5 جامعات جديدة


و في الأخير الشركات حتى ما تعترف بجامعة سعود و عبدالعزيز الا باموت (واحد طالع من الأوائل) و الجامعة الوحيدة اللي تعتبر قوية البترول


ليش ما نلغي هذي الجامعات الكثيرة.. نصرف الفلوس كلها على 3 جامعات قوية (الشرقية ، الرياض ، الغربية) و باقي المصاريف تدفع لطلاب القرى عشان ننقلهم و نسكنهم و ندرسهم في الجامعات الكبيرة .. منها يحتكون بالعالم و غيره و ياخذون شهادات قوية تفيدهم

 

[Humam]

إنا لله.. بالله امسكوني من الرد في هذا الموضوع لأني لو رديت و أنا فايق راح أشعل نار تحرق الجميع.. تاكل الأخضر واليابس.. لحد يزعل إذا الغرب نعتنا بالمتخلفين لأنه احنا فعلا متخلفين.. تعليم, مواصلات, اتصالات وتكنولوجيا, رياضة, رعاية صحية.. كل المجالات دون استثناء..

أقسم بالله لو واحد فيكم حضر يوم تختيم القرءان في الحرم وشاف الهمجية الي صارت ما يصدق إنه في بلد من أغنى بلدان العالم..

مشكلتنا مشكلة فكر.. و مشكلة إعطاء الأمانة لغير مستحقيها.. سلب + نهب + اختلاسات + واسطات..

يا حازم المواضيع الي مثل هذا ما يبغالها مطارق, راح تتكسر في إيدي و إيدك, هذي يبغالها حفارات وتراكتورات من ذيك الي تهد الجبال..

 

[squall leonhart]

مشكلتنا مشكلة فكر.. و مشكلة إعطاء الأمانة لغير مستحقيها.. سلب + نهب + اختلاسات + واسطات..

و الله يا همام كنت سرقت الكلام من فمي .. فعلا الوضع عندنا مزري جدا في عديد من المجالات .. صيحيح عندنا ايجابيبات كثير لكن مقابل كل ايجابيه عندنا 10 سلبيات تقابلها ..

التعليم عندنا سيء سيء سيء يكفيك ان الطالب يدرس قران من اولى ابتدائي لين ثالث متوسط و بالاخير يالله يطلع حافظ الفاتحه و قل هو الله احد .. هذا فشل ذريع .. كمان التربيه الاسلاميه مالها اي تأثير على اخلاقياتيا للاسف ..

المواد العلميه حدث و لا حرج ... تخلف ما بعده تخلف مجرد احفظ و تعال سمع بالاختبار .. و لا تخلاوني اتكلم عن مدريس الانجايزيه الي هم يبغاله احد يدرسهم من اول و جديد .. ياخي حتى بالتربيه الرياضيه متخلفين ارمي الكروره و 50 طالب يجرون رواها هههههههه ...


انشاء الله بعد رجوع المبتعثين في الدفعات الجديده ممكن نشوف تغير كبير بالبلد لما يمسكوا مناصب للافضل ( خخخ شد حيلك يا خالد عشان تصير وزير التعليم و انا وزير الصحه )

 

[Lunar Poet]

حتى بالتربية الرياضية متخلفين ارمي الكروره و 50 طالب يجرون رواها هههههههه ...

خخخخ من جد XD .. أذكر كان في مدرسة ابتدائية قريبة شوي ما عندهم ملعب للتربية الرياضية .. كانو يطلعوهم برا في ارض فاضية مقابلة للمدرسة ..
المصيبة الأعظم ان كان ما عندهم كورة P: .. خخخخ المدرس كان يعطيهم قوطي بيبسي فاضي يلعبون فيه XD .. لا و 50 طالب وراه XD خخخخ

 

[Isaac]

و في الأخير الشركات حتى ما تعترف بجامعة سعود و عبدالعزيز الا باموت (واحد طالع من الأوائل) و الجامعة الوحيدة اللي تعتبر قوية البترول


ليش ما نلغي هذي الجامعات الكثيرة.. نصرف الفلوس كلها على 3 جامعات قوية (الشرقية ، الرياض ، الغربية) و باقي المصاريف تدفع لطلاب القرى عشان ننقلهم و نسكنهم و ندرسهم في الجامعات الكبيرة .. منها يحتكون بالعالم و غيره و ياخذون شهادات قوية تفيدهم

بالعكس محمد ... ما ذبحنا غير المركزية ....


معظم السعوديين ودهم يسكنون بالرياض... ليش؟!

جميع الوزارات والدوائر الحكومية .. والخدمات والـ HQs للشركات الكبيرة موجودة في الرياض (سابك على سبيل المثال) ..


وهالشيء سبب توسع سكاني مهول في الرياض ... وازدحام خانق ... ووجود عالم ما يدرون وين الله حاطهم على عدة اصعدة .. مما يسبب استفشاء الجهل وعدم الانتظام .. البناء العشوائي وإلى آخره من المشاكل اللي مالها حصر ..

صراحة بأقولك شي .. السعودية تنقسم إلى 13 منطقة (مدري عن التقسيم الجديد) ... ليش ما نحط في كل منطقة جامعة بقوة جامعة البترول .. ؟! أو أفضل ؟! .... ما دام عندنا الإمكانيات والطاقات البشرية .. والقدرة المالية لاستقدام دكاترة محترمين يعلمون بإخلاص .






... والله صادق يا همام .. من الأمثلة الطريفة ... إن نظام الصرف الصحي موجود في الولايات المتحدة (على ما أذكر فيلادلفيا) .... قبل 100 سنة أو أكثر ... أي قبل تأسيس المملكة .. ولكن لازالت بعض أحياء العاصمة الرياض .. غارقة في بياراتها(أعزكم الله) !!





صحيح ان عندنا والله الحمد الكثير من الخدمات اللي واحد يحمد ربه عليها (شبكة الطرق على سبيل المثال) ... ولكن البلى بالبنية التحتية ... احنا نبني ونحفر نبني ونحفر نبني ونحفر ... والعالم تبني وتبني وتبني وتبني وتبني وتبني .... والله العالم إلى متى بنظل على هالحال !!

 

[king zell]

حازم أنا ودي و أي واحد يتمنى يكون في جامعة بقوة و أقوى من البترول في كل منطقة


لكن للأسف الواقع إن الدكاترة نادريين و في نقص كبير في الدكاترة السعوديين (هذا يفسر الإبتعاثات الزايدة للدكتوراه هاليومين)..

لذلك على الأقل خلنا نحاول نبني جامعات كبيرة 3 في المناطق الرئيسية و نبني لها اسم و بعدين نفكر بالتفرع

 

[Isaac]

مشكلتنا مشكلة فكر.. و مشكلة إعطاء الأمانة لغير مستحقيها.. سلب + نهب + اختلاسات + واسطات..

يا حازم المواضيع الي مثل هذا ما يبغالها مطارق, راح تتكسر في إيدي و إيدك, هذي يبغالها حفارات وتراكتورات من ذيك الي تهد الجبال..

فعلا همام ...

ياخي من جد متى بيتطور فكرنا !

{{ إن الله لا يغير مافي قوم حتى يغيروا ما في انفسهم }}

...


وبخصوص كلامك عن المطارق ....

صراحة !!




(في الصميم :sealed: )

 

[Kratos]

حنا مشكلتنا بكل بساطة ..
ناس أكل عليهم الدهر و شرب و لعب و نام و سوا كل شي ..
و لسا تلقاه ماسك منصب مهم .. و كل ما جاه خطر التقاعد .. طلع له تمديد
و أيضا القوانين الي مدري لها كم قرن ولا تغيرت

هذا غير شغل النهب و السرقات .. و أكبر مثال موجود بحياتي اليومية .. جدة و أمانة جدة ..
ياخي يجيك الأمين مسكين على قد حاله .. و يوم يخرج منها ماشاء الله ما يحتاج يشتغل أبدا

بالنسبة للجامعات أفضل شي زي ما قال Isaac
المركزية قاتله .. كل شي لازم ترجع للإدارة المركزية
الآن التوجه العالمي الجديد هو عدد بسيط من الطبقات الإدارية و إعطاء صلاحيات كافية لكل إدارة لإتمام عملها

يعني الآن المدن الرئيسية .. الرياض "بشكل خاص" .. جدة .. الدمام هذي كلها راح تواجه مشاكل في عدد السكان المتفجر فيها .. ( جرائم زيادة .. تلوث زايد.. الخ)
لازم تصير فيه مدن ثانية فيها إستثمارات كبيرة .. جامعات و مستشفيات كبيرة و مصانع و إدارات شركات حتى تجذب السكان لها و تفك إختناقات المدن الرئيسية..

يعني أنا أشوف إن الملك عبدالله يبغى يصلح البلد هذي لكن فيه بعض العوائق .. يعني المدن الإقتصادية و الجامعات الجديدة .. و قبل كم يوم طلع قانون جديد للمناقصات على المشاريع و المشتريات الحكومية للحد من إسائة إستخدام المال العام

هذا هو الطريق الصحيح للإصلاح .. الله ييسر طريقه في إصلاح البلد إنشاء الله

و بالنسبة للدكاترة .. مهي مشكلة قلق عدد بقدر ماهي مشكلة مردود مالي .. ترا راتب الدكتور بالجامعه ما يوكل عيش .. الواحد كرف مدري كم سنة و تعب و سوا رسالة دكتوراه و بالأخير يطلع راتبه بسيط ؟؟ يروح يشتغل له أي وظيفه ثانية و يكسب منها أكثر

المفروض يرفعون رواتب الدكاتره .. و خلاص شغلة التعليم المجاني ذي ما تصير موجودة .. المفروض كل جامعه يصير عليها رسوم .. ما تكون مرتفعه لكن تساعد الجامعات على تحسين أدائها و تحسين سمعتها

طبعا المفروض يكون فيه إعفائات للطلاب الي يثبت بشكل قاطع إن حالتهم المادية تعبانه أو مافي معيل للإسرة غيرهم و بقية الناس الي ما راح يقدرون يدفعون المصاريف ذي على شكل منح دراسية ...

البقية يدفعون مثلا مبلغ 5000 في السنة ( لاحد ينقز علي و يقول 5000 كثير ذا بس إقتراح 😛)


و الجامعات الي عندنا إدارتها عندنا إدارة متخلفه ..
الجامعه الي أنا أدرس فيها حجمها ما يجي عشر حجم جامعة الملك عبد العزيز و مع كذا يدرس فيها أكثر من 15 الف طالب ..
و فيه جامعه ثانية بنفس المدينة حجمها أكبر بس ما تجي حتى ربع جامعه الملك عبد عبدالعزيز و يدرس فيها أعتقد 30 الف ..
كم عدد طلاب جامعه الملك عبد العزيز ؟؟!!

المفروض مع الرسوم يصير فيه تغير جذري لطريقة إدارة الجامعات عندنا و نشوف كيف باقي العالم الي متقدمين علينا بسنوات ضوئية بالعلم كيف يديرون جامعاتهم و نسوي زيهم


و بالنهاية الفلوس ما تعني شي .. ممكن تكون أغنى إنسان في العالم لكن لسا أجهل إنسان في العالم ..

 

[Bounty]

المشكله ان الموضوع جاء بطريقة ضحك على الناس .. طبعا ما اقصد بتجريحك همام بس فكر بشخص يدرس بهالجامعه و ما بيده حيله شنو يسوي يعني ؟

والله المشكله ان الكويت و السعوديه يصرفون على الدول الاخرى اكثر من صرفهم على نفسهم .. يعني اتكلم معاكم و انا كويتي .. اشوف ان الكويت ممكن تتطور اكثر من جذي (في بعض المناطق طبعا و ليس الاغلبيه ) و لازم تتعدل الشوارع .. و يفتحون جامعات خاصه اكثر و فيها جميع التخصصات عشان ما يروحون الشباب و يتغربون و يحسون بطعم الغربه المعفن (وانا واحد من هالشباب) ..

المشكله ان عندنا عضلات (الفلوس) بس ما عندنا الذكاء (التنفيذ) .. و هذا الغلط ..