مصورين TG انصحوني بكاميرا ديجيتال\فيديو

[NextGGamer]

اذا ناوي تستخدمها كثير طبعا وتستخدم مزاياها الخارقة، سوي مثل الي قاله حسين. قلل ISO (لول جرب اقل شي) ثبت الكاميرا في مكان معين (او صور بدون ما تهز يدك كثير)

جرب الـMetering Mode وايضاَ White Balance .. وكمان Picture Style .. هذي ما تعتبر تعديلات Manual كمان.

انا الي عندي SLR لكن هممم ما تقارن بالي عندك .. حقتي للمبتدئين شوي وفيها مزايا شخصياَ احتاجها ما احتاج شي كبير .. اخذت صور لا بئس بها بواسطتها .. كنت احلم التقط مثلها بكاميرا ديجتل عادية.

(في هذي الصوره الISO كان 100. اما الي فوق جميعها كانت ارقام عالية .. للاسف نسيت اعدلها لمن اخذت الصور)

لول طبعا الفوتوشوب ما لمس ولا صوره من هذي .. كامل الصور في بروفايلي،

http://www.flickr.com/photos/khalid_s/

هذي الصور كلها اخذتها بكانون ريبيل Xti .. ما تقارن قدام 40D.

خالد
تصوير روعة و صورة ماريو عجيبة

عندي سؤال بالامازون في نوعين من الكاميرا اللي عندك مع lens
و الثاني body only
شنو الفرق بينهم و شنو تأثر العدسة
ما عندي خبرة في كاميرات الSLR

 

[Torpedo]

ودي رايكم في هذا الكاميرا شباب .. ( هنا )

 

[Zero]

اذا حاب Lumix عندك Panasonic Lumix DMC-FZ8 (السعر تقريباَ $300)

خيار ممتاز ، لكن يتجه للجديدة أفضل ، اعتقد اسمها FZ18 والزووم بصري فيها ×18 مع أنها كاميرا رقمية ، الكاميرا هذه بصراحة جبارة فيما يتعلق بالإثنين ( الصور + الفيديو ) وفوق كل هذا فيها زووم ما تشوفه على كاميرات رقمية ولكنها أساسا من فئة كاميرا الـSuperzoom .

تعديل: وسعرها بلاش أيضا مقارنة بقوتها ، بحدود 1800 ريال/درهم .

 

[Torpedo]

تعديل : لول .. حسبت الرد الي فوق .. على ردي >.>

 

[Van]

نايف لو تبي تبدأ تصوير فوتوغرافي كهواية نصيحة لا تاخذ point & shoot , صحيح في البداية بتحس بلخبطة مع الـmanual mode بس بعد ما تتعود عليها بتحس انها ما تلبي كل رغباتك -هذي حالتي مع حقتي الحين , أتمنى لو كان فيها shutter periority and aperture periority modes أو على الأقل الshutter time يكون أطول من ثانية بس- أما لو كنت تبغيها لتصوير الذكريات و شي تحمله معاك كل مكان فلا تفكر في غير point & shoot (اللي هي نفسها الـcompact camera) ... صح قبل لا نحول الموضوع كلام عن كاميرات الديجيتال (أو بعد ما حولناه و خلصنا لول)

اريد اصور فيها فيديوهات mainly

اذا كان هذا هدفك الأساسي نصيحة تشتري كاميرا فيديو ديجيتال خيار أفضل بكثير من انك تعور راسك مع كاميرات الديجيتال , لأنه الحقيقة المرة انه ما تقدر تحصل الاثنين بمعناهم الحقيقي في كاميرا وحدة , بس الديجيتال تصور فيديو أي كلام و لو كان واضح يعبي لك الذاكرة بسرعة خارقة , الفيديو تصور فوتوغرافي بس لا تتوقع نفس درجة الصور و التحكم اللي بتلقاه في كاميرات الديجيتال

- كلام واحد بدأ هواية التصوير الفوتوغرافي من سنة و ناوي ياخذ كاميرا فيديو السنة هذي p=


جستس تبدل كاميرات p= ? أنا اليوم اللي استعملت فيه كاميرتك بغيت أستجن , مو بس تصويرها رهيب حتى سرعة الـfocus و الشعور الرهيب لما تضغط الـshutter يخليك تحس بمدى قوتها حتى لو كنت مب خبير في التصوير ... ترى لو تبغي نبدل العرض جدي D;

صورة رهيبة يا خالد D; , صراحة بصورك حمستني أفتح موضوع جديد للتصوير بس بعد ما تذكرت كيف اخر موضوع مات بدأت أتردد ... و على فكرة دفاعا عن الشباب اللي صوروا يوم الأيفنت (بما فيهم أنا p=) سووينا اللي نقدر عليه في ظروف الاضاءة الصعبة في الليل ><"

ما قدرت أقاوم أحط بعض الصور من عدستي المبتدئة

التقطها قدام البيت

اللي يعرف جامعتنا ما وده يصدق انه خذتها من هناك

كانت عشان موضوع في منتدى عنوانه "البنفسجي"

من الجسر المشهور اللي الشباب مشوه عشان يروحو لأبل بيز يوم الايفنت p=

لول طلعت برى الموضوع بقوة , نرجو المعذرة من نايف

 

[Saadawii]

أنا غير محترف للتصوير، رغم حبي الشديد له. عشان كذا ما أتصور أشتري كاميرا خصيصاً للتصوير. مكتفي بكاميرا الجوال الأقل من عادية، ومهتم كثير بالتصوير ومحاولة إستغلال إمكانياتها كاملة أكثر مما مهتم أشتري إمكانيات فوق مستواي. مع ذلك، حصلت فادة كبيرة هنا والشكر لله ثم لحسين على معلوماته الوافية وفهمت أمكانيات كاميرا جوالي أكثر.
شكرا حسين، وياليت نشوف شي من تصويرك.

 

[AMG]

شباب ممكن احد يعطيني رأيه في هاذي الكاميرا

http://www.amazon.com/Sony-Cybershot-DSCT300-Digital-Optical/dp/tech-data/B0011E4N66/ref=de_a_smtd

 

[general kane]

انا شاري lumix ب680 ريال وجودتها عالية مرة وكل خصائصها حلوة .

 

[MoShaKiS]

Canon PowerShot S5 IS في قائمتي الحاليه , طبعا مو احترافيه ( شبه احترافيه ) أنا كهاوي للتصوير الكانيرا هذي هي الخيار الأول وهذول كم صوره من تصويرها :

الصوره هذي على الأوتو والزوم آخر شي X12 بس مادري اذا صار عليها تعديل أو لا

الجميل فيها تضبط الاعدادات على كيفك مثل الصوره هذي

Shutter 1/60, f/5.0, focal 6mm at 80 ISO,

السعر بأمازون 322 يعني بالريال حوالي 1200

تعديل : http://www.amazon.com/Canon-PowerSh...1?ie=UTF8&s=electronics&qid=1215656655&sr=8-1

السعر عند الحارثي لمعدات التصوير 1650 ريال مع شنطة + كرت ذاكرة 2 قيقا