مصورين TG انصحوني بكاميرا ديجيتال\فيديو

[Naif]

اريد اخذ كاميرا. محتار شو اخذ كاميرا فيديو ولا ديجيتال. اريد اصور فيها فيديوهات mainly، اذا كانت في كاميرا ديجيتال تاخذ الفيديوهات بوضوح حلو و فيها options كثيرة للتعديل و التصوير بيكون شي ممتاز.

سعرها، افضل يكون في حدود 1000 - 2000 درهم

انا نوب تقريبا فيما يخص تقنيات الكاميرات، كل حياتي تقريبا كنت اصور بكاميرات الموبايلات.

ما عندي شي في بالي حاليا+ما اعرف عن سوق الكاميرات، انصحوني.

 

[Nyx]

ما أدري وين محترفين تي جي في الإفنت الأخير , ماشفت إلا كاميرات من نوع مشي حالك مع إحترامي لها P:

 

[Colorization]

ما عندي خبرة كبيرة بهالشي لكن اعتقد itachi وخالد ممكن يفيدونك.

صورت لك مقالة من مجلة ويندوز الشرق الأوسط عن كاميرات الـSLR والتصوير، ممكن تفيدك:

http://unseencolors.com/upload/slrc-1.jpg
http://unseencolors.com/upload/slrc-2.jpg
http://unseencolors.com/upload/slrc-3.jpg
http://unseencolors.com/upload/slrc-4.jpg
http://unseencolors.com/upload/slrc-5.jpg

تحرير: لو ما خاب ظني فكاميرات الـSLR ما تصور فيديو، لكن المقالة overall حلوة حتى حق الكاميرات الأخرى.

 

[Khalid-S]

نايف على حسب .. تبي كاميرا تصور لك still picture ممتازه جدا (سكانات كولو) ولا تبي ديجتل كاميرا الي تصور صور ممتازه + فيديو (سوني، باناسونك، كاسيو والطقه)

ولا شي تصوير فيديو مره ممتاز .. مختص للفيديوز اكثر.

 

[Torpedo]

لا تفكر و لا تحتار غير كانون لا تختار ...

 

[BioMario]

نايف ما عندي خبرة كافية ..
لكن الـ Canon D40 قوية جداً و سعرها معقول بس اعتقد فوق الـ 2000 درهم وما تصور فيديو
بعدين الكميرا هذي للمحترفين و التدرب عليها يبيلة وقت .. لكن قوية وايد وايد ..

هذي الفروع يمكن يفيدونك .. في أبوظبي ..
وكيل Canon = محلات السلام
وكيل Nikon = المحلات الكبرى

ترى canon و nikon من اقوى او يمكن الأقوى في مجال التصوير ..
لكن الفيديو ما عندي اي خبرة .. اعتقد سوني و بناسونيك ممتازين

ومن ناحية تصوير الديجيتال اضمن لكن ان سوني و بناسونيك هم الأفضل وانا شايف قدام عيوني ^^
تصوير رهيب الصراحة و شكل انيق و سعر ممتاااااز ..

 

[itachi]

كاميرات ديجيتال عليك بالكانون بدون كلام حق تصوير أو الباناسونيك ...لكن إذا بقيت حق تصوير فيديو ..فتصوير الباناسونيك ما عليه كلام أغلب الشباب اللي شافو الفيديو أستغربو إنه اي من هذي الكاميرا ..غير كذا تصور فيدير بعذسه عريضه wide screen

أما إذا تبي تتجه لكاميرات الفيديو فهنيه عليك تحدد ...تبي بشريط ...أو ديفيدي ...أو هارديسك
أبو شريط عندك السوني
أبو هارديسك عندك ال jVC
أبو ديفيدي عندك الباناسونيك 🙂 هذي الماركات يتميزون في هذا المجال
-------
إذا تبيني أرويك مقطع فيديو من كاميرتي ..برفعه لك

 

[Khalid-S]

^ Canon EOS 40D مره للمحترفين. ما تنفع ابدا لنايف. اذا كان هاوي تصوير (هوايه) يبدا بشي خفيف.

نفس الشي Nikon D60 وغيرها. يعني نايف ما اعتقد يبحث عن SLR.

نايف يمكن انت تبي ديجتل كاميرا تصور صور عادية + فيديو .. والفيديو تبيه شي مره ممتاز. سعر ممتاز، تصميم جميل والاهم الاداء.

اذا كذا، انصحك بفئة PowerShot من Canon. الافضل في التصوير بدون اي تفكير.

اذا تبي شي رخيص واداء جيد عندك Canon PowerShot A570 IS (سعره مره ممتاز. $200 تقريباَ او اقل شوي)

هذا فيديو Sample تم تصويره منه. اضغط هنا


اذا تبي تدفع شوي اكثر، عندك Canon PowerShot SD850 IS Digital ELPH (همم سعرها تقريباَ 250$)

فيديو سامبل اضغط هنا

اذا حاب Lumix عندك Panasonic Lumix DMC-FZ8 (السعر تقريباَ $300)

ايضاَ سامبل عشان تفرق اضغط هنا


هذا اذا تبي شي ممتاز لالتقاط الصور العادية .. لكن اذا تبي فقط فيديو .. هذي مسئله ثانية.

 

[hussien-11]

أتفق مع خالد ، سلسلة باورشوت من كانون أشوفها الأفضل

في شوية معلومات أساسية عن الكاميرات نايف لازم تعرفها قبل ما تشتري كاميرا ، أهم الأشياء ، زي سرعة الغلق ( shutter speed ) و فتحة العدسة كم mm ( كل ما كانت اكبر كل ما كانت أغلى و أفضل ) وحساسية الكاميرا للضوء ( تساعدك على التصوير بمختلف الأوضاع الي تتراوح بين الإضاءة الحارة و الخافتة ) ، و الـoptical zoom ، و طبعا ريزوليوشن الصورة كم ميجا بيكسل ، هذي الأشياء تقارن على أساسها بين كاميرا و أخرى ، اذا تحب معلومات مفصلة اكثر ما عندي مشكلة
​

 

[Justice]

Canon EOS 40D

اممم انا عندي هالنوع صراحة ماكنت ادري يبغى لها شغلات عدسات وكلام راس
قالك عدسة مايكرو وعدسة مادري شنو كل عدسة اغلى من الثانية اقل سعر حصلته حق العدسات
كانت 1500ريال لووول وتصوير الكاميرا عندي صدقني تصويرها مثل الكانون الديجيتال او السوني ديجيتال
الا اذا ركبت عدسة تكون تصوير خارق زي الي تطلع بالمجلات الاضائة والزواية وهالخرابيط لووول

الزبدة والكلام كله لاتشتريها ابتعد لووول
انصحك بالسايبرشوت سوني ممتازة جداً تصوير نقي لوكنت تذكر الايفينت نفس الكاميرا
الي استخدمناها انا والعضو VAN

نفس هذي النوع
http://www.sonystyle.com/webapp/wcs...10151&langId=-1&productId=8198552921665199981

 

[Khalid-S]

جستس شكلك ملخبط 🙂

EOS 40D سعرها $1100 .. (دولار) ..

1100 US dollar
=
4.121 Saudi riyal

هذي الافضل حالياَ بالسوق ...

عموماَ حتى ولو .. ميزات الكاميرات هذي انك تضبط امور كثيره Manual. اذا انت منت هاوي او فاهم بالاشياء هذي ليش تشتري كاميرا سعرها فوق 4000 ريال وما تشتري .. سوني سايبر شوت ولا مدري ايش الي سعرها 600 ريال.


مع احترامي طبعاَ .. كل صور TG Event سيئه.

 

[Justice]

^
لووول مش ملخبط نفس الي عندي بضبط

 

[Khalid-S]

خخخخ طيب ليش شريتها وانت عارف ان هذي يبيلها اضافات؟ سعرها مره مرتفع .. وبما انك قارنت شي مثل هذا بسايبر شوت عادي اتوقع ان ما عندك خلفيه كبيره عن التصوير ولا؟

عموماَ ... الكاميرا بدون اضافات تسدح 10 سايبر شوت جنب بعض .. كاميرا مثل هذي ما ياخذونها الا ناس فاهمين بامور في التصوير (ناس محترفين).. فيها اعدادات ومواصفات ضخمه .. انصحك تبيعها او شي وتشتري لك شي ثاني لو مو قاعد تستخدمها .. الا لو جتك هديه او شي.

ودي اخذ وحده بعد ما اتعلم زياده .. حرام اخذها وانا معلوماتي محدوده حتى الآن.

 

[Alucard]

ليش ما تلقي نظرة على Sony Cyber-shot DSC-H9 الفيديو فيها عالي الوضوح مع تصوير عجيب .
تصوير الفيديو ممكن تستخدم فيه خاصية النايت مود وممكن تعرض الفيديوز بHD Quality على الLCD TV بعد ما توصلهم بكومبنينت كيبل .

وطبعا الصور ما عليها كلام 8 ميجا بيكسل و15X Optical Zoom والزوم هو أكثر شي يميز هذي الكاميرا. سعرها في حدود 2000 درهم بس اذا حبيت تاخذ وحدة ارخص ممكن تلقى نظرة على DSC-H6 نفس الخصائص بس الفارق عدم وجود النايت مود وحجم الLCD فيها أصغر وما تتحرك مثل ال H9 بس سعرها في حدود ال 1600 درهم .

اقرأ مراجعات عن الكاميرا وشوف اذا تعجبك.

 

[Khalid-S]

وممكن تعرض الفيديوز بHD Quality على الLCD TV

The Cyber-shot DSC-H9 has a nice movie mode, though I was disappointed to see that there was no high definition movie mode to take advantage of the camera's HD output capability. The MPEG Movie VX Fine mode records video at 640 x 480 (30 fps) with sound until either the memory card fills up, or the file size reaches 2GB (that takes about 25 minutes). Do note that this mode requires a Memory Stick Pro Duo card, and it won't work with the internal memory either.

تعرضها على شاشات HD. بس الكاميرا ما تصور HD ابدا. يعني الكاميرا ممتازة لكن كتصوير فيديو مو HD. يمكن افضل من السايبر شوتس العاديه لكن على سعرها اشوفها ما تستحق.

كنت اقرا عنها امس .. اول ما شفتك حطيتها قلت خليني اقول احد عيوبها.

 

[Naif]

اللي اريده شي جيد للاثنين (الصور الثابتة و الفيديوز). عجبتني Canon PowerShot SD850 IS Digital ELPH و مالت باناسونيك من اللي حطهن خالد.

Sony Cyber-shot DSC-H9 ممتازة مواصفاتها بعد.. و بتكون مناسبة لي (بقدر استخدم عليها بطاقات الـms Duo المتوفرة عندي)

احترت.. لو نتكلم عن الفيديو اي وحدة افضل من الثنتين؟ و بشكل عام؟

شكرا على الردود! حسين اذا تقدر تكمل يكون افضل. و شكرا كولور على السكانز.. ممكن تفيدني في المستقبل :roll:

 

[mar1]

انا لدي رحلة طويلة مع سوني سايبر شوت فاشتريت منها عدة موديلات سوف موخرا اشتريت عدة موديلات منهم وجربتهن عموما سوف اتكلم عن ال h9 وتجربتي السيئة معها ..الكاميرا مريحة للاستعمال و والعدسة الوايد فيها رائعة من حيث التقاط الصور ومزيا الكاميرا جيدة جدا ومنها كبر حجم الشاشة التي فيها و صورتها البراقة الفلاش جيد ولكن ليس جيد جدا عوما كل هذه المزيا يحطمها عيب قاتل وهو
جودة الصورة فيها سيئة جدا و الصور فيها تعاني من noise فضيع يعني عيب على كاميرا مثل هذه ان تكون صورها سيئة هكذا ..
عموما بعت الكاميرا h9 واخذت الان h3 ومرتاح منها فهي صغيرة الحجم فلاش قوي واهم شي جودة الصورة فيها جيدة جدا انصح بهذه الكاميرا

 

[itachi]

سالفة Noise ممكن تلاحظها على أغلب الكاميرات وهذا يعتمد بعد على المصور ...غالبا ما تطلع في الأماكن المظلمه لأن الكاميرا تحاول تعديل الإضائه وذلك بتعديل الISO (مدى حساسيه العدسه لألتقاط الضوء ) كل ما زادت كل ما كان تعديل الإضائه في الأماكن المظلمه أفضل...لكن كل هذا على حساب الNoise
بعض الكاميرات ما تلاحظ عليها هذا الشئ..مثل كاميرات كانون ..والكاميرات الأحترافيه

 

[Humam]

أنا قريب اشتريت Canon Powershot SD870 ( اسمها الأوروبي IXUS 860I )... الكاميرا روعة.. 8 ميجا بيكسل, عدسة عريضة ( 28 ملمتر.. تصور وايد سكرين ) مع مثبت صور و الISO ممكن يعطيك حتى 1600.. تصور فيديو بدقة VGA @ 30fps.. فيها خيارات تصوير كثيرة معالجة الألوان رهيبة, عاد غير كدة الماكرو فيها ممتاز.. والشاشة رهيبة 3 انشات LCD.

عيب الكاميرا قلة الخيارات اليدوية ( ما يمديك تتحكم في الshutter speed.. بس عادي لأنها أصلا point & shoot ) + حالها كحال أي كاميرا من كانون, في الlow light conditions الnoise يعتبر شيء طبيعي.. طبعا الISO فوق ال 800 راح تبدا تشوف الnoise شيئا فشيئا.. ال 1600 خااايس.

 

[itachi]

الباناسونيك صور وفيديو بعدسه وايد wide screen
848x480 wide screen ::

 

[Justice]

وبما انك قارنت شي مثل هذا بسايبر شوت عادي اتوقع ان ما عندك خلفيه كبيره عن التصوير ولا؟

اممم الكاميرا بدون العدسات الاضائه جدا ضعيفة تعطيك الوان غامقة >< والزوم جدا عادي لووول
وايضاً عندي خلفية حق التصوير لكني مش هاوي مع اني حاولت اهواها ودخلت كم دورة بس مالي خلق لووول
فالصراحة افكر ابيع الكاميرا الا اذا شريت عدسة جديدة لوووول

 

[ryo hazuki]

كانون و بس و طبعا ماتوصل لل 2000 ابدا

 

[Revolver]

لحد الحين قاعد اعالج الكلام المكتوب ...

 

[hussien-11]

نايف .. اول شي مرحبا بك في عالم التصوير ، عالم الصورة المثيرة ، الصورة الممتازة و المتقنة تغني عن عشرات الجمل و الكلمات ( كـ صورة محمد الدرة ) ، فهي ليست فقط تنقلك إلى قلب الحدث ، بل انها تصنع ذكرياتك و تسجل تاريخك ، الكاميرا ما هي إلا أداة اخترعها الانسان ، و الانسان هو من يتحكم بهذه الأداة وهو من يستطيع أن يخرج بها اللقطات الرائعة ، و بعد ذلك يأتي دور الكاميرا ( الآلة )

بالنسبة لفتحة العدسة ( Aperture ) ، فيرمز لها بالحرف F ، و هي تتراوح بين F1 - F64 ، أهمية فتحة العدسة تكمن في كمية الضوء التي ستتعرض لها الصورة ، كلما ضاقت فنحة العدسة كلما قلت كمية الضوء التي تتعرض لها الصورة ، مثال : كمية الضوء التي تمر من خلال عدسة فتحتها F2.8 أكبر من كمية الضوء التي تمر من عدسة فتحتها F8 ، و العدسة الضيقة تعطي تباين أكبر في الصورة ، كما انها تظهر أغلب أجسام الصورة بوضوح و عمق عالي ، اما العدسة الواسعة بالعادة تستخدم في الصور الشخصية

مقياس فتحة العدسة :

F1 - F1.4 - F2.8 - F4 - F5.6 - F8 - F11 - F16 - F22 - F32 - F45 - F64

اما سرعة الغالق ( Shutter Speed ) فأهميتها تكمن في تحديد الفترة التي ستتعرض بها الصورة للضوء ( Exposure ) ، ملاحظة : العلاقة بين فتحة العدسة و سرعة الغالق طردية ، عندما نريد أن نلتقط صورة لجسم متحرك ( لاعب يسدد كرة - سيارة تسير مسرعة ) فما هي سرعة الغالق في هذه الحالة ؟ يجب ان تكون سرعة الغالق هنا عالية جدا ، اذا كانت بطيئة فإننا لن نتمكن من تصوير الجسم و حتى اذا تمكنا من ذلك فستكون الصورة مشوشة تماما ، اذا كنا نصور في مكان ذو انارة خافتة ، فإننا نستخدم سرعة غالق بطيئة نسبيا لنتمكن من تعريض الصورة للضوء لفترة أطول ، و هكذا ..

مقياس سرعة الغالق :

1 -1 ثانية ، 1 - 2 ثانية ، 1 - 4 ثانية ، 1-8 ثانية ، 1-15 ثانية ، 1-30 ثانية ، 1-50 ثانية ، 1-125 ثانية ، 1--500 ثانية ، 1-1000 ثانية ، 1-2000 ثانية ، 1-4000 ثانية ، 1 - 8000 ثانية

( توضيح : 1000 لا تعني 1000 ثانية بل 1 / 1000 ثانية )

حساسية الكاميرا للضوء ( لها عدة مقاييس منها المقياس العالمي ISO ، و المقياس الأمريكي ASA ) ، و يأتي بالمقياس الآتي ( بناء على الآيزو )

80 - 100 - 200 - 400 - 800 - 1000 ، الفيلم المستخدم في الكاميرات اليدوية و المستخدم عادة من قبل الناس هو فيلم بحساسية 100 ، اما أوضاع التصوير الخاصة فتتطلب استخدام مختلف للآيزو ( او استخدام فيلم اخر في الكاميرات اليدوية ) ، مثال : لقطة لمشهد ذو انارة منخفضة ، نستعمل ISO 800 مثلا ، بينما لقطة لمشهد في ظل إضاءة قوية جدا ( شمس الظهيرة ) ، نستعمل ISO 80 .

هناك أمور أخرى مهمة جدا يجب ان تعرفها لاحقا عن الكاميرا الرقمية ، كـ موازنة اللون الأبيض white balance ( بديل الفلاتر في الكاميرات اليدوية ) ، و كيف تجعل من تكوين الصورة الذي تصنعه ناجحا و احترافيا ، و تأثير الضوء و الخطوط الظاهرة على الصورة و معاني هذه الخطوط و تأثيراتها على نفسية المشاهد .

و سوري على الرد الطويل نايف ، بالنهاية أنصحك تاخذ كاميرا ديجيتال تقدر تتحكم فيها manual زي بعض كاميرات كانون باورشوت ، مو بس تقدر تطلع نتائج أفضل من الإعدادات التلقائية ، لكنك تقدر تفهم معنى كل خيار و استخدامه بشكل أفضل ، و تحترف التعامل مع الكاميرا بشكل أكبر ، و تهيء نفسك اكثر لاستخدام الكاميرات الاحترافية ( SLR ) .
​

 

[hussien-11]

اممم الكاميرا بدون العدسات الاضائه جدا ضعيفة تعطيك الوان غامقة >< والزوم جدا عادي لووول

الإضاءة ضعيفة جدا و الألوان غامقة ؟ ليش انت تفكر العدسات بتغير هالشي ؟ العدسات مالها دخل أبدا بالإضاءة ، باخصار : انت مو عارف تستخدم الكاميرا أبدا و لا عارف الإعدادات الي لازم تستخدمها ، أنصحك تقرأ ردي فوق ( و لا تبيع الكاميرا ، لأنها شي خرافي فوق ما تتصور ، الأحسن تتعلم كيف تستعملها ) .
​

 

[HAB]

ابي نصيحة منكم اشتري اي كاميرا

هذي

http://www.amazon.com/gp/product/B0...f=noref?ie=UTF8&s=photo&qid=1206006780&sr=1-3

او هذي

http://www.amazon.com/Panasonic-DMC...1?ie=UTF8&s=electronics&qid=1206019904&sr=8-1

اهم شي في الكاميرا الي ابيها تصور فيديو واضح واقدر انقل الصور والفيديو في جهازي وتكون صغيرة

 

[hussien-11]

http://www.amazon.com/Panasonic-DMC...1?ie=UTF8&s=electronics&qid=1206019904&sr=8-1

هاي احسن طبعا ، انت أصلا حاط كامرتين من نفس الفئة بس وحدة أحدث من التانية ، فأي راح تكون الأفضل ؟
​

 

[Justice]

وااااو حسين عندك خبره لابأس بها اجل ممكن تساعدني فيها
لان والله راميها في الدرج ولااستخدمها الا قلييييييييل بس ان شاء الله من خلال
هذا الموضوع ببتدي فيها بشكل قوي وشرحك صراحة ممتاز جداً بجرب فيهم
طيب انت عندك كاميرا احترافية؟

ملاحظة: يام قلت تغيير العدسات كنت اقصد الفلاتر >.> لول

 

[hussien-11]

ما عليك من الفلاتر حاليا ، جرب تعدل الآيزو و شوف الفرق كيف بالإضاءة 🙂 ، و بالأوضاع المختلفة للضوء لازم تستخدم خيارات الوايت بلنس ( تنجستن - فلورسنت - كلاودي داي الخ الخ ) ، الفلاتر ما تستعملها إلا بعد ما تصير محترف بجد ، و تعرف تأثير كل فلتر على الألوان و متى تستعمله .

انا ما عندي كاميرا SLR
​

 

[Khalid-S]

اذا ناوي تستخدمها كثير طبعا وتستخدم مزاياها الخارقة، سوي مثل الي قاله حسين. قلل ISO (لول جرب اقل شي) ثبت الكاميرا في مكان معين (او صور بدون ما تهز يدك كثير)

جرب الـMetering Mode وايضاَ White Balance .. وكمان Picture Style .. هذي ما تعتبر تعديلات Manual كمان.

انا الي عندي SLR لكن هممم ما تقارن بالي عندك .. حقتي للمبتدئين شوي وفيها مزايا شخصياَ احتاجها ما احتاج شي كبير .. اخذت صور لا بئس بها بواسطتها .. كنت احلم التقط مثلها بكاميرا ديجتل عادية.

(لول الشعار والمكان هذا بعيد جداَ ... لكن العدسه لقطته)

(في هذي الصوره الISO كان 100. اما الي فوق جميعها كانت ارقام عالية .. للاسف نسيت اعدلها لمن اخذت الصور)

لول طبعا الفوتوشوب ما لمس ولا صوره من هذي .. كامل الصور في بروفايلي،

http://www.flickr.com/photos/khalid_s/

هذي الصور كلها اخذتها بكانون ريبيل Xti .. ما تقارن قدام 40D.